 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : പാണക്കാട് സയ്യിദ് മുഹമ്മദലി ശിഹാബ് തങ്ങള്‍ ഓര്‍മ്മയായിട്ട് രണ്ടു വര്‍ഷം തികയുന്ന വേളയില്‍ അബുദാബി ഇന്ത്യന്‍ ഇസ്ലാമിക്‌ സെന്‍റര്‍ അനുസ്മരണ സമ്മേളനം നടത്തുന്നു.
ജൂലായ്‌ 29 വെള്ളിയാഴ്ച വൈകീട്ട് 7.30 ന് ഇസ്ലാമിക്‌ സെന്‍ററില്‍ നടക്കുന്ന പ്രാര്‍ത്ഥനാ സദസ്സിലും അനുസ്മരണ സമ്മേളന ത്തിലും മത – രാഷ്ട്രീയ – സാംസ്കാരിക രംഗത്തെ പ്രമുഖര്‍ പങ്കെടുക്കും.
- pma
വായിക്കുക: കെ.എം.സി.സി., കേരള രാഷ്ട്രീയ നേതാക്കള്‍, ചരമം
ദുബായ് : സീസണ്‍ വരുമ്പോള്‍ കൂടുതല്‍ വിമാന സര്‍വീസുകള്‍ ആരംഭിക്കുന്നതിനു പകരം അനിയന്ത്രിത മായി നിരക്ക് വര്‍ദ്ധിപ്പിച്ച് പ്രവാസി ഇന്ത്യാക്കാരെ വിമാന കമ്പനികള്‍ ചൂഷണം ചെയ്യുകയാണ് എന്ന് ദുബൈ കെ. എം. സി. സി. കാസര്‍കോഡ് മണ്ഡലം കമ്മിറ്റി കുറ്റപ്പെടുത്തി.
ചുരുങ്ങിയ ചിലവില്‍ വിമാന യാത്ര വാഗ്ദാനം നല്കി രംഗത്ത് വന്ന എയര്‍ ഇന്ത്യ എക്‌സ്പ്രസ് പോലും ഇരട്ടിയായി നിരക്ക് വര്‍ദ്ധിപ്പിച്ച് പ്രവാസി ഇന്ത്യക്കാരെ ചൂഷണം ചെയ്യുന്നതില്‍ മുന്‍ പന്തിയില്‍ ആണെന്നും വര്‍ഷ ങ്ങളായി ഗള്‍ഫില്‍ ജോലി ചെയ്ത് കോടി ക്കണക്കിന് രൂപയുടെ വിദേശ നാണ്യം നേടിക്കൊടുത്ത് രാജ്യത്തിന്‍റെ പുരോഗതി യിലും സമ്പദ്ഘടന യിലും മുഖ്യ പങ്ക് വഹിക്കുന്ന ഇന്ത്യക്കാരോട് വിമാന കമ്പനികള്‍ കാണിക്കുന്ന ക്രൂരത യ്‌ക്കെതിരെ കേരള സര്‍ക്കാരും കേരള ത്തില്‍ നിന്നുള്ള എം. പി. മാരും കേന്ദ്രത്തില്‍ സമ്മര്‍ദ്ദം ചെലുത്തി പ്രവാസി ഇന്ത്യക്കാരെ ചൂഷണം ചെയ്യു ന്നതില്‍ നിന്ന് വിമാന കമ്പനികളെ പിന്തിരിപ്പിക്കണം എന്നും ചെലവു കുറഞ്ഞ വിമാന യാത്ര യാഥാര്‍ത്ഥ്യം ആക്കണമെന്നും പ്രസിഡണ്ട് മഹ്മൂദ് കുളങ്ങര, ജനറല്‍ സെക്രട്ടറി സലാം കന്യാപ്പാടി എന്നിവര്‍ ആവശ്യപ്പെട്ടു.
ചെലവ് കുറഞ്ഞ എയര്‍ലെനായ യു. എ. ഇ. യുടെ ഫ്‌ളൈ ദുബൈയ്ക്കു കേരള ത്തിലേക്ക് സര്‍വ്വീസ് നടത്താനുള്ള താല്പര്യം യു. എ. ഇ. അംബാസിഡര്‍ മുഹമ്മദ് സുല്‍്ത്താന്‍ അബ്ദുല്ല അല്‍ ഉഖൈസ് മുഖ്യമന്ത്രി ഉമ്മന്‍ചാണ്ടിയെ സന്ദര്‍ശിച്ച് അറിയിച്ച സ്ഥിതിക്ക് ഇതിനു കേന്ദ്ര സര്‍ക്കാരിന്‍റെ അനുമതി ലഭിക്കുവാന്‍ കേരള സര്‍ക്കാര്‍ മുന്‍കൈ എടുക്കണം എന്നും അവര്‍ ആവശ്യപ്പെട്ടു.
- pma
വായിക്കുക: കെ.എം.സി.സി., പ്രതിഷേധം, പ്രവാസി
ദുബായ് : 38 വര്‍ഷത്തെ പ്രവാസ ജീവിതം മതിയാക്കി നാട്ടിലേക്ക് പോകുന്ന കെ. വി. അലി ഹാജി കേച്ചേരിക്ക് കെ. എം. സി. സി. തൃശൂര്‍ ജില്ലാ കമ്മിറ്റി യുടെ ആഭിമുഖ്യത്തില്‍ യാത്രയയപ്പു നല്കി.
കെ. എം. സി. സി. തൃശൂര്‍ ജില്ലാ ജനറല്‍ സെക്രട്ടറി, വൈസ് പ്രസിഡന്‍റ് എന്നീ നിലകളില്‍ പ്രവര്‍ത്തിച്ചിട്ടുണ്ട്.
തൃശൂര്‍ ജില്ല യിലെ ചൂണ്ടല്‍ – കേച്ചേരി തുവാനൂര്‍ കറപ്പം വീട്ടില്‍ കുഞ്ഞിമോന്‍ – കുഞ്ഞീമ ദമ്പതി കളുടെ മകനായ അലിഹാജി, ദുബായ് റാഷിദ് ഹോസ്പിറ്റലില്‍ സി. എസ്. എസ് ഡിപ്പാര്‍ട്ട്‌മെണ്ടില്‍ നിന്നും വിരമിച്ചാണ് പ്രവാസ ജീവിതത്തില്‍ നിന്നും വിട പറയുന്നത്.
ജമാല്‍ മനയത്തിന്‍റെ അദ്ധ്യക്ഷത യില്‍ ചേര്‍ന്ന യോഗത്തില്‍ അബ്ദുല്‍ ഹമീദ് വടക്കേകാട് പ്രാര്‍ത്ഥന നടത്തി. ഉബൈദ് ചേറ്റുവ ഉപഹാരം നല്കി. എന്‍. കെ. ജലീല്‍, അലി കാക്കശ്ശേരി, അശ്റഫ് കൊടുങ്ങല്ലൂര്‍, ഹംസ കണ്ണൂര്‍, അലി അകലാട്, എം. കെ. എ. കുഞ്ഞു മുഹമ്മദ്, ഉസ്മാന്‍ വാടാനപ്പിള്ളി, സി. വി. എം. മുസ്തഫ ഉമ്മര്‍ മണലാടി, സലാം ചിറനെല്ലുര്‍ എന്നിവര്‍ ആശംസകള്‍ നേര്‍ന്നു.
ആക്ടിംഗ് ജനറല്‍ സെക്രട്ടറി പി. എ. ഫാറൂക്ക് സ്വാഗതവും അഷ്റഫ് പിള്ളക്കാട് നന്ദിയും പറഞ്ഞു.
-വാര്‍ത്ത അയച്ചത് : അഷ്റഫ് കൊടുങ്ങല്ലൂര്‍
- pma
വായിക്കുക: കെ.എം.സി.സി.
അബുദാബി : യു. എ. ഇ. യിലെ പ്രവാസി മലയാളി കളുടെ സാമൂഹ്യ രാഷ്ട്രീയ മേഖല കളില്‍ ദീര്‍ഘ കാലം നേതൃത്വം നല്കി, വിട പറഞ്ഞു പോയ മഠത്തില്‍ മുസ്തഫ എന്ന പൊതു പ്രവര്‍ത്തകനെ സഹ പ്രവര്‍ത്തകര്‍ അനുസ്മരിക്കുന്നു.
ജൂലായ്‌ 7 വ്യാഴാഴ്ച വൈകീട്ട് 9 മണിക്ക് അബുദാബി ഇന്ത്യന്‍ ഇസ്ലാമിക്‌ സെന്‍ററില്‍ നടക്കുന്ന അനുസ്മരണ യോഗ ത്തില്‍ മൊയ്തു എടയൂര്‍, കെ. എച്ച്. എം. അഷ്റഫ് ( ഷാര്‍ജ), പി. പി. കെ. അബ്ദുള്ള, മൊയ്തു ഹാജി കടന്നപ്പള്ളി എന്നിവര്‍ പങ്കെടുക്കും.
– അയച്ചു തന്നത് : ശറഫുദ്ധീന്‍ മംഗലാട്
- pma
വായിക്കുക: കെ.എം.സി.സി.
ഷാര്‍ജ : കേരള ത്തിലെ മുസ്ലിംകളുടെ സാംസ്കാരികവും വിദ്യാഭ്യാസ പരവുമായ ഉത്ഥാന ത്തിനു സീതി സാഹിബ് നടത്തിയ പ്രവര്‍ത്തനങ്ങള്‍ എന്നും സ്മരിക്കപ്പെടെണ്ടതും പുതു തലമുറക്ക്‌ വഴി കാട്ടിയാണെന്നും സ്വാതന്ത്ര്യ സമര ത്തിനു ശേഷം സാമൂഹ്യ പിന്നോക്ക അവസ്ഥ യിലായ ഇന്ത്യന്‍ മുസ്ലിംകളില്‍ വിശിഷ്യാ കേരള മുസ്ലിംകളെ നവോത്ഥാന ത്തിലേക്ക് നയിക്കാന്‍ ജീവത്യാഗം ചെയ്ത അദ്ദേഹത്തോട് മുസ്‌ലിം സമൂഹം കടപ്പെട്ടിരിക്കുന്നു എന്നും പാണക്കാട് സയ്യിദ് ബഷീര്‍ അലി ശിഹാബ് തങ്ങള്‍ പറഞ്ഞു.
സീതി സാഹിബിന്‍റെ ജന്മനാടായ കൊടുങ്ങല്ലൂരില്‍ നടക്കുന്ന അന്താരാഷ്ട്ര സീതി സാഹിബ് അനുസ്മരണ, സ്മരണിക പ്രകാശന സമ്മേളന ത്തിന്‍റെ യു. എ. ഇ. തല പ്രചാര സമ്മേളനം ഷാര്‍ജ യില്‍ ഉദ്ഘാടനം ചെയ്തു സംസാരിക്കുക യായിരുന്നു അദ്ദേഹം.
രാഷ്ട്രീയ, മത സൌഹാര്‍ദ്ദ രംഗത്ത് മാതൃകാ പരമായ വ്യക്തിത്വ മായിരുന്നു സീതി സാഹിബ് എന്നും അദ്ദേഹം കൂട്ടിച്ചേര്‍ത്തു.
ഷാര്‍ജ ഇന്ത്യന്‍ അസോസിയേഷന്‍ ജനറല്‍ സെക്രട്ടറി നിസാര്‍ തളങ്കരക്ക് നല്‍കിക്കൊണ്ട് ബഷീര്‍ അലി ശിഹാബ് തങ്ങള്‍ സ്മരണിക ബ്രോഷര്‍ പ്രകാശനം ചെയ്തു.
വി. പി. അഹമദ് കുട്ടി മദനി പരിപാടി കളെ കുറിച്ച് വിശദീകരണം നടത്തി. ഷാര്‍ജ കെ. എം. സി. സി. പ്രസിഡന്‍റ് പി. കെ. അലികുഞ്ഞി, അജ്മാന്‍ കെ. എം. സി. സി. പ്രസിഡന്‍റ് സൂപ്പി പാതിരിപറ്റ, ഷാര്‍ജ കെ. എം. സി. സി. ജനറല്‍ സെക്രട്ടറി സഅദ് പുറക്കാട്, കുട്ടി കൂടല്ലൂര്‍, ബാവ തോട്ടത്തില്‍, അബ്ദുല്‍ ഹമീദ് വടക്കേകാട്, ഇര്‍ഷാദ് ഓച്ചിറ തുടങ്ങിയവര്‍ ആശംസകള്‍ നേര്‍ന്നു.
സീതി സാഹിബ് വിചാര വേദി നടത്തിയ പ്രസംഗ മത്സര ത്തില്‍ ഒന്നും രണ്ടും സ്ഥാനങ്ങള്‍ നേടിയ മുഹമ്മദ് റഫീക്ക് പേരാമ്പ്ര, റഹീം കട്ടിപ്പാറ എന്നിവര്‍ക്ക് സമ്മാനങ്ങള്‍ നല്കി.
പ്രസിഡന്‍റ് കെ. എച്. എം. അശ്റഫ് അദ്ധ്യക്ഷത വഹിച്ചു. അശ്റഫ് കൊടുങ്ങല്ലൂര്‍ സ്വാഗതവും, ഹനീഫ് കല്‍മട്ട നന്ദിയും പറഞ്ഞു.
- pma
വായിക്കുക: കെ.എം.സി.സി., ഷാര്‍ജ, സംഘടന
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
