കുവൈത്ത് : ശൈഖ് ജാബിര്‍ അല്‍ മുബാറക് അല്‍ ഹമദ് അല്‍ സബ കുവൈത്ത് പ്രധാന മന്ത്രിയായി വീണ്ടും നിയമിത നായി. പുതിയ മന്ത്രി സഭ രൂപീകരി ക്കാന്‍ അമീര്‍ ശൈഖ് സബ അല്‍ അഹമ്മദ് അല്‍ ജാബിര്‍ അല്‍ സബഹ നിര്‍ദ്ദേശിച്ചിട്ടുണ്ട്. പാര്‍ലമെന്റ് തിരഞ്ഞെടുപ്പു കഴിഞ്ഞ പശ്ചാത്തല ത്തില്‍ ശൈഖ് ജാബിര്‍ അല്‍ മുബാറക് അല്‍ സബയുടെ നേതൃത്വ ത്തിലുള്ള മന്ത്രി സഭ രാജി വെച്ചിരുന്നു. രാജി സ്വീകരിച്ചതിനു ശേഷമാണ് അമീര്‍ ശൈഖ് ജാബിറി നോട് വീണ്ടും പ്രധാനമന്ത്രി പദം അലങ്കരിക്കാന്‍ ആവശ്യ പ്പെട്ടിരിക്കുന്നത്.

കുവൈത്ത് : പുതിയ മന്ത്രി സഭാ രൂപീകരണ ത്തിന്റെ മുന്നോടി യായി പ്രധാന മന്ത്രി ശൈഖ് ജാബിര്‍ അല്‍ മുബാറക് അല്‍ ഹമദ് അല്‍ സബ യുടെ നേതൃത്വ ത്തിലുള്ള കുവൈത്ത് മന്ത്രിസഭ രാജി വെച്ചു. അമീര്‍ ശൈഖ് സബ അല്‍ അഹമ്മദ് അല്‍ ജാബര്‍ അല്‍ സബ യുടെ കൊട്ടാര ത്തില്‍ എത്തിയാണ് പ്രധാനമന്ത്രി രാജി അമീറിന് കൈമാറിയത്.

മുന്‍ പ്രധാനമന്ത്രി ശൈഖ് നാസര്‍ അല്‍ മുഹമ്മദ് അല്‍ അഹ്മദ് അല്‍ സബ പാര്‍ലമെന്‍റില്‍ പ്രതിപക്ഷാംഗങ്ങള്‍ ഉന്നയിച്ച കുറ്റാരോപണത്തെ ത്തുടര്‍ന്ന് രാജി വെക്കുക യായിരുന്നു. മന്ത്രിസഭ പിരിച്ചു വിട്ട ശേഷം 2011 നവംബര്‍ 30ന് അമീര്‍ ശൈഖ് സബ അല്‍ അഹ്മദ് അല്‍ ജാബിര്‍ അല്‍ സബ പുതിയ പ്രധാന മന്ത്രി യായി അന്നത്തെ ഉപ പ്രധാന മന്ത്രിയും പ്രതിരോധ വകുപ്പ് മന്ത്രി യുമായ ഷേഖ് ജാബര്‍ അല്‍ മുബാറക് അല്‍ ഹാമദ് അല്‍ സബയെ നിയമിക്കുക യായിരുന്നു.

കുവൈറ്റ്‌ : കുവൈറ്റ്‌ തെരഞ്ഞെടുപ്പില്‍ ഇസ്ലാമിക കക്ഷികള്‍ നയിക്കുന്ന പ്രതിപക്ഷത്തിന് വിജയം. വെള്ളിയാഴ്ചയാണ് തെരഞ്ഞെടുപ്പ്‌ ഫലം പ്രഖ്യാപിച്ചത്. ഏറെ നാളായി തുടര്‍ന്നു വരുന്ന രാഷ്ട്രീയ അസ്വസ്ഥതകളെ തുടര്‍ന്ന് ഡിസംബറിലാണ് കുവൈറ്റ്‌ ഭരണാധികാരി ഷെയ്ഖ്‌ സബാ അല അഹമദ്‌ അല്‍ സബ കുവൈറ്റില്‍ തെരഞ്ഞെടുപ്പ്‌ പ്രഖ്യാപിച്ചത്‌. എന്നാല്‍ തെരഞ്ഞെടുപ്പ്‌ വിജയം ഇസ്ലാമിക കക്ഷികളെ ഭരണഘടനാ പരിഷ്കരണങ്ങള്‍ക്ക് പ്രേരിപ്പിക്കും എന്ന് സൂചനയുണ്ട്. ഇത് കുവൈറ്റിലെ രാഷ്ട്രീയ അന്തരീക്ഷം കൂടുതല്‍ കലുഷമാക്കും എന്നും രാഷ്ട്രീയ നിരീക്ഷകര്‍ ഭയപ്പെടുന്നു.