അബുദാബി : മലയാളി സമാജം ഈദ് ആഘോഷ പരിപാടികള് സംഘടിപ്പിച്ചു. എമിറേറ്റ്സ് ഫ്യൂച്ചര് ഇന്റര് നാഷണല് അക്കാദമി യില് നടന്ന പരിപാടി യില് സമാജം പ്രസിഡന്റ് മനോജ് പുഷ്കര് അദ്ധ്യക്ഷത വഹിച്ചു. ജനറല് സെക്രട്ടറി കെ. എച്ച്. താഹിര് സ്വാഗതം പറഞ്ഞു. സമാജം മുന് പ്രസിഡന്റ് ഇടവാ സൈഫ് പരിപാടി ഉദ്ഘാടനം ചെയ്തു.
ഹംസ മൗലവി മണ്ണാര്ക്കാട് ഈദ് സന്ദേശം നല്കി. ബി. യേശുശീലന്, അമര് സിംഗ് എന്നിവര് സംസാരിച്ചു. വനിതാ കണ്വീനര് ജീബ എം. സാഹിബ നന്ദി പറഞ്ഞു. തുടര്ന്ന് നടന്ന കലാപരിപാടി കള്ക്ക് അസിസ്റ്റന്റ് കലാ വിഭാഗം സെക്രട്ടറി കുമാര് വേലായുധന്, റഫീക്ക്, അഷറഫ് പട്ടാമ്പി, സതീശന് എന്നിവര് നേതൃത്വം നല്കി.
നവംബര് 11ന് സമാജം അങ്കണ ത്തില് നടന്ന ഇന്ഡോര് സ്പോര്ട്സില് സ്പോര്ട്സ് സെക്രട്ടറി റഫീക്ക് നേതൃത്വം നല്കി. ഇരുനൂറോളം അംഗങ്ങള് പങ്കെടുത്ത കായിക മത്സര ങ്ങളില് സ്ത്രീകളു ടെയും കുട്ടികളു ടെയും പങ്കാളിത്തം ഉയര്ന്നതായിരുന്നു.
അബുദാബി : കേരളപ്പിറവി ദിനത്തോട് അനുബന്ധിച്ച് അബുദാബി മലയാളി സമാജം, തിരുവന്തപുരം ആര്. സി. സി. ശിശുക്ഷേമ ഫണ്ടിലേക്ക് ഒരു ലക്ഷം രൂപ സംഭാവന നല്കുന്നു. 
