 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : കേരള വനം വകുപ്പ് മന്ത്രി കെ. ബി. ഗണേഷ്‌ കുമാറിന് അബുദാബി മലയാളി സമാജം സ്വീകരണം നല്‍കുന്നു. ജൂലായ് 29 വെള്ളിയാഴ്ച വൈകുന്നേരം 8 മണിക്ക് മുസ്സഫ എമിറേറ്റ്‌സ് ഫ്യൂച്ചര്‍ ഇന്‍റര്‍നാഷണല്‍ സ്‌കൂളിലാണ് പരിപാടി.
സമാജം സമ്മര്‍ ക്യാമ്പ് ‘വേനല്‍ക്കൂടാരം’ സമാപന സമ്മേളനം മന്ത്രി ഉദ്ഘാടനം ചെയ്യും. സമാപന സമ്മേളന ത്തോട് അനുബന്ധിച്ച് വേനല്‍ക്കൂടാര ത്തില്‍ പങ്കെടുത്ത കുട്ടികളുടെ വിവിധ കലാപരിപാടി കള്‍ ഉണ്ടായിരിക്കും. വിശദ വിവരങ്ങള്‍ക്ക് സമാജം ഓഫീസുമായി ബന്ധപ്പെടുക : 02 55 37 600
- pma
വായിക്കുക: കേരള രാഷ്ട്രീയ നേതാക്കള്‍, മലയാളി സമാജം
അബുദാബി : മലയാളി സമാജം സംഘടിപ്പിക്കുന്ന അനുരാഗ് മെമ്മോറിയല്‍ സമ്മര്‍ ക്യാമ്പ് -വേനല്‍ കൂടാരം- സമാജം പ്രസിഡന്‍റ് മനോജ് പുഷ്‌കര്‍ ഉദ്ഘാടനം ചെയ്തു. സതീഷ് കുമാര്‍, യേശുശീലന്‍, ഷിബു വര്‍ഗീസ്, ജീബാ എം. സാഹിബാ, അമര്‍ സിംഗ് എന്നിവര്‍ സംസാരിച്ചു.
മുസ്സഫ മുഹമ്മദ് ബിന്‍ സായിദ് സിറ്റി യിലേക്ക് മാറിയതിനു ശേഷം സമാജം നടത്തുന്ന ആദ്യ സമ്മര്‍ ക്യാമ്പില്‍ മുന്‍കാലങ്ങളെ അപേക്ഷിച്ച് കുട്ടികളുടെ അഭൂത പൂര്‍വ്വമായ തിരക്ക് അനുഭവപ്പെട്ടു. അപേക്ഷിക്കുന്ന എല്ലാ കുട്ടികള്‍ക്കും പ്രവേശനം നല്‍കാന്‍ കഴിയാത്ത സാഹചര്യമാണ് ഇന്നുള്ളത്. അടുത്ത വര്‍ഷം മുതല്‍ കൂടുതല്‍ വിപുലമായ സൗകര്യങ്ങള്‍ ഏര്‍പ്പെടുത്തി വരുന്ന എല്ലാ കുട്ടികള്‍ക്കും പ്രവേശനം നല്കുമെന്ന് പ്രസിഡന്‍റ് അറിയിച്ചു.
16 ദിവസം നീളുന്ന ക്യാമ്പില്‍ വിവിധ വിഷയ ങ്ങള്‍ കൈകാര്യം ചെയ്യാന്‍ വിദഗ്ധരായ വ്യക്തികളെ യാണ് തീരുമാനിച്ചിരിക്കുന്നത്. കുട്ടികള്‍ക്ക് വേണ്ടി കുട്ടികള്‍ തന്നെ നടത്തുന്ന വ്യത്യസ്തമായ ഒരു സമ്മര്‍ക്യാമ്പാണ് ഇതെന്ന് അധികൃതര്‍ അറിയിച്ചു.
ജൂലായ് 29 ന് എമിറേറ്റ്‌സ് ഫ്യൂച്ചര്‍ ഇന്‍റര്‍നാഷണല്‍ സ്‌കൂളില്‍ നടക്കുന്ന സമാപന സമ്മേളന ത്തില്‍ കേരള വനം വകുപ്പ് മന്ത്രി കെ. ബി. ഗണേഷ്‌കുമാര്‍ മുഖ്യാതിഥി ആയിരിക്കും എന്നും സമാജം പത്രക്കുറിപ്പില്‍ പറയുന്നു.
- pma
വായിക്കുക: കുട്ടികള്‍, മലയാളി സമാജം
അബുദാബി : ജീവകാരുണ്യ രംഗത്ത് മികച്ച പ്രവര്‍ത്ത നങ്ങള്‍ നടത്തുന്ന അബുദാബി മലയാളി സമാജ ത്തിന്‍റെ കാരുണ്യ വര്‍ഷം ഇരു വൃക്കകളും തകരാറിലായ ലാലു ലമണന് ആശ്വാസമായി.
കാട്ടാക്കട സ്വദേശി ലാലു ലമണന്‍റെ വൃക്ക മാറ്റി വെക്കല്‍ ചികിത്സയ്ക്കായി സമാജം വെല്‍ഫെയര്‍ സെക്രട്ടറി അഷറഫ് പട്ടാമ്പിയുടെ നേതൃത്വ ത്തില്‍ സമാഹരിച്ച തുക, ലാലു ലമണന്‍റെ ബന്ധുവിന് മുസഫ ഫ്യൂച്ചര്‍ അക്കാദമി സ്‌കൂളില്‍ നടന്ന വിപുലമായ ചടങ്ങില്‍ കൈമാറി ക്കൊണ്ടാണ് ജീവകാരുണ്യ പ്രവര്‍ത്തന രംഗത്ത് മറ്റൊരു തിളക്കമാര്‍ന്ന പ്രവര്‍ത്തനം കാഴ്ചവെച്ചത്. സമാജം പ്രസിഡന്‍റ് മനോജ് പുഷ്‌കര്‍, ബി. യേശുശീലന്‍, സതീഷ് എന്നിവര്‍ ചടങ്ങില്‍ സംബന്ധിച്ചു.
ഇരു വൃക്ക കളുടെയും പ്രവര്‍ത്തനം നിലച്ച മണ്ണാര്‍ക്കാട് നാരങ്ങപ്പറ്റ യിലെ പാറോക്കോട്ടില്‍ മുഹമ്മദി ന്‍റെ അഭ്യര്‍ത്ഥനയെ മാനിച്ച് അദ്ദേഹ ത്തിന്‍റെ ചികിത്സയ്ക്ക് വേണ്ട തുക സമാഹരിക്കുന്ന തിരക്കിലാണ് സമാജം വെല്‍ഫെയര്‍ കമ്മിറ്റി. അടുത്തു തന്നെ സമാജ ത്തില്‍ നടക്കുന്ന പൊതു വേദിയില്‍ പ്രസ്തുത സഹായം നല്കുമെന്ന് ഭാരവാഹികള്‍ അറിയിച്ചു.
-അയച്ചു തന്നത് : സഫറുള്ള പാലപ്പെട്ടി.
- pma
വായിക്കുക: ജീവകാരുണ്യം, മലയാളി സമാജം
അബുദാബി : അബുദാബി മലയാളി സമാജം സാഹിത്യ വിഭാഗ ത്തിന്‍റെ ആഭിമുഖ്യ ത്തില്‍ വൈക്കം മുഹമ്മദ് ബഷീര്‍ അനുസ്മരണം നടന്നു.
സമാജം കലാവിഭാഗം സെക്രട്ടറി ബഷീര്‍ മോഡറേറ്ററായ പരിപാടി യില്‍ സമാജം പ്രസിഡന്‍റ് മനോജ് പുഷ്‌കര്‍ അദ്ധ്യക്ഷത വഹിച്ചു. ബഷീര്‍ സാഹിത്യ ത്തിന്‍റെ സമകാലിക പ്രസക്തിയെ ക്കുറിച്ച് സി. വി. സലാം മുഖ്യപ്രഭാഷണം നടത്തി.
കെ. എസ്. സി. സാഹിത്യവിഭാഗം സെക്രട്ടറി സുരേഷ് പാടൂര്‍, കവി അസ്‌മോ പുത്തന്‍ചിറ, യേശുശീലന്‍, ഫൈസല്‍ബാവ, അജി രാധാകൃഷ്ണന്‍, കൃഷ്ണകുമാര്‍, അഷറഫ് ചമ്പാട്, ഷുക്കൂര്‍ ചാവക്കാട്, ടി. പി. ഗംഗാധരന്‍, അമര്‍സിംഗ് തുടങ്ങിയവര്‍ പ്രസംഗിച്ചു.
എസ്. എ. ഖുദ്‌സി ബഷീറിന്‍റെ ‘നൂറു രൂപാ നോട്ട്’ എന്ന കഥ അവതരിപ്പിച്ചു. ബഷീര്‍ പുസ്തക ങ്ങളുടെയും കഥാപാത്ര ങ്ങളുടെയും ചിത്ര പ്രദര്‍ശനവും ഉണ്ടായിരുന്നു. ബഷീര്‍ സാഹിത്യ ക്വിസ്‌ മല്‍സര വിജയി കള്‍ക്ക്‌ ബഷീര്‍ പുസ്തകങ്ങള്‍ സമ്മാനമായി നല്‍കി. സാഹിത്യ വിഭാഗം സെക്രട്ടറി ഇര്‍ഷാദ്‌ സ്വാഗതവും സതീഷ് പട്ടാമ്പി നന്ദിയും പറഞ്ഞു. യോഗാന്തരം ബഷീര്‍ ദി മാന്‍ എന്ന ഡോക്യുമെന്‍ററി പ്രദര്‍ശിപ്പിച്ചു.
- pma
വായിക്കുക: മലയാളി സമാജം, സാഹിത്യം
അബുദാബി : മലയാളീ സമാജം സാഹിത്യ വിഭാഗം സംഘടിപ്പിക്കുന്ന ബഷീര്‍ അനുസ്മരണം ജൂലായ് 9 ശനിയാഴ്ച വൈകീട്ട് 8 മണിക്ക് മുസ്സഫ യിലെ സമാജം അങ്കണത്തില്‍ നടക്കും.
ബഷീര്‍ അനുസ്മരണ സമ്മേളനം, ബഷീര്‍ സാഹിത്യ ക്വിസ്‌ എന്നിവ ഉണ്ടാകും. സാഹിത്യ സാംസ്കാരിക രംഗങ്ങളിലെ പ്രമുഖര്‍ പങ്കെടുക്കും.
വിശദ വിവരങ്ങള്‍ക്ക് : 050 – 51 51 365 ഇര്‍ഷാദ്‌ (സാഹിത്യ വിഭാഗം സെക്രട്ടറി)
- pma
വായിക്കുക: മലയാളി സമാജം, സാഹിത്യം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
