അബുദാബി : മലയാളി സമാജം വനിതാ വിഭാഗം, ബാലവേദി എന്നിവയുടെ ഈ വര്‍ഷത്തെ പ്രവര്‍ത്തനോദ്ഘാടനം ജൂലായ് 1 വെള്ളിയാഴ്ച മുസ്സഫ എമിറേറ്റ്‌സ് ഇന്‍റര്‍നാഷണല്‍ ഫ്യൂച്ചര്‍ അക്കാദമി യില്‍ നടക്കും.

പ്രമുഖ മാധ്യമ പ്രവര്‍ത്തകയും മികച്ച ഡോക്യുമെന്‍ററി ചിത്രത്തിനുള്ള ഈ വര്‍ഷത്തെ കേരള സംസ്ഥാന അവാര്‍ഡ് ജേതാവുമായ മീനാദാസ് നാരായണന്‍ മുഖ്യാതിഥി ആയിരിക്കും.

സാംസ്കാരിക രംഗത്തെ പ്രമുഖരും വിവിധ വനിതാ സംഘടന കളുടെ പ്രതിനിധികളും ചടങ്ങില്‍ പങ്കെടുക്കും. തുടര്‍ന്ന് ആകര്‍ഷകങ്ങളായ കലാപരിപാടികളും ഉണ്ടാകും എന്ന്‍ സമാജം ജനറല്‍ സെക്രട്ടറി താഹിര്‍ അറിയിച്ചു.

അബുദാബി : കഴിഞ്ഞ നാലു പതിറ്റാണ്ടായി അബുദാബി യിലെ പ്രവാസി മലയാളി സമൂഹ ത്തിന്‍റെ സാംസ്‌കാരിക പ്രവര്‍ത്തന ങ്ങളില്‍ മുന്‍ നിരയില്‍ നില്‍ക്കുന്ന അബുദാബി മലയാളി സമാജം അബുദാബി ഖാലിദിയ യില്‍ നിന്നും മാറി മുസ്സഫ യില്‍ പ്രവര്‍ത്തനം ആരംഭിച്ചു. മലയാളി സമാജ ത്തിനുവേണ്ടി വിശാലമായ ഓപ്പണ്‍ ഗ്രൗണ്ട് സൗകര്യ ത്തോടെ ഇരുനില കെട്ടിടം വാടകയ്‌ക്ക് എടുത്തി രിക്കുകയാണ്. പുതിയ പ്രവര്‍ത്തന വര്‍ഷ ത്തേക്കുള്ള കമ്മിറ്റി യെ ഐക്യകണേ്ഠ്യന തിരഞ്ഞെടു ത്തിരുന്നു. പ്രസിഡന്‍റ് : മനോജ് പുഷ്‌കര്‍. ജനറല്‍ സെക്രട്ടറി : കെ. എച്ച്. താഹിര്‍. വൈസ്‌ പ്രസിഡന്‍റ് : യേശുശീലന്‍. ട്രഷറര്‍ : അമര്‍സിംഗ് വലപ്പാട്.

എക്‌സിക്യൂട്ടീവ് കമ്മിറ്റി അംഗങ്ങളായി അബൂബക്കര്‍, വി. അനില്‍ കുമാര്‍. അരുണ്‍ കുമാര്‍, അഷറഫ് പട്ടാമ്പി, കുമാര്‍ വേലായുധന്‍, എം. യു. ഇര്‍ഷാദ്, ടി. എം. നിസാര്‍, പി. ടി. റഫീഖ്, സതീഷ്‌ കുമാര്‍, ഷിബു വര്‍ഗീസ്, കബീര്‍ എന്നിവരും തിരഞ്ഞെടുക്കപ്പെട്ടു.

അബുദാബി : മുസ്സഫ വ്യവസായ നഗര ത്തിലേക്ക് പ്രവര്‍ത്തനം മാറ്റിയ അബുദാബി മലയാളി സമാജം പ്രവര്‍ത്തന ഉദ്ഘാടനം പ്രമുഖ കോണ്‍ഗ്രസ് നേതാക്കളും ജനപ്രതിനിധി കളുമായ വി. ഡി. സതീശനും ടി. എന്‍. പ്രതാപനും ചേര്‍ന്നു നിര്‍വ്വഹിച്ചു.  എമിറേറ്റ്സ് നാഷണല്‍ ഫ്യൂച്ചര്‍ അക്കാദമി സ്‌കൂളില്‍ നടന്ന ചടങ്ങില്‍ സമാജം പ്രസിഡന്‍റ് മനോജ് പുഷ്‌കര്‍ അദ്ധ്യക്ഷത വഹിച്ചു. 
 
 
ചടങ്ങില്‍ വിവിധ സഹോദര സംഘടനകളെ പ്രതിനിധീകരിച്ച് പി. ബാവാ ഹാജി (ഇസ്ലാമിക്‌ സെന്‍റര്‍),  രമേഷ് പണിക്കര്‍ ( ഐ. എസ്. സി.),  കെ. ബി.  മുരളി (കെ. എസ്. സി.),  മറ്റു സാംസ്കാരിക സംഘടനാ പ്രതിനിധികളും  വ്യവസായ സ്ഥാപനങ്ങളെ പ്രതിനിധീകരിച്ച് കെ. കെ. മൊയ്തീന്‍കോയ (യു. എ. ഇ. എക്‌സ്‌ചേഞ്ച്), വി. എസ്. തമ്പി (അഹല്യ എക്‌സ്‌ചേഞ്ച്),  കെ. മുരളീധരന്‍ ( എസ്. എഫ്. സി.),  എന്നിവരും പങ്കെടുത്തു. സമാജം ജനറല്‍ സെക്രട്ടറി കെ. എച്ച്.  താഹിര്‍ സ്വാഗതവും ട്രഷറര്‍ അമര്‍ സിംഗ് വലപ്പാട്‌  നന്ദിയും പറഞ്ഞു.  തുടര്‍ന്ന് വൈവിധ്യ മാര്‍ന്ന കലാ പരിപാടി കളും അരങ്ങേറി.