അബുദാബി: ഇന്ദിരാ ഗാന്ധി വീക്ഷണം ഫോറം വനിതാ വിഭാഗം അബുദാബി യൂണിറ്റ് സംഘടിപ്പിക്കുന്ന ആയിരം കൈകളില് മൈലാഞ്ചി അണിയിക്കല് പരിപാടി യായ ‘മൈലാഞ്ചി മൊഞ്ച്2010’ ഒക്ടോബര് 22ന് വെള്ളിയാഴ്ച വൈകീട്ട് കേരള സോഷ്യല് സെന്ററില് പ്രശസ്ത നടി കവിയൂര് പൊന്നമ്മ ഉദ്ഘാടനം ചെയ്യും. ഇന്ദിരാ ഗാന്ധി വീക്ഷണം ഫോറം വനിതാ വിഭാഗം ഏര്പ്പെടുത്തിയ പ്രഥമ അമ്മ അവാര്ഡ് ജേതാവ് കൂടിയാണ് കവിയൂര് പൊന്നമ്മ. ഇതോടൊപ്പം തന്നെ മൈലാഞ്ചി ചാര്ത്തല് മത്സരവും പായസ പാചക മത്സരവും മാപ്പിളപ്പാട്ട് മത്സരവും സംഘടിപ്പിച്ചിട്ടുണ്ട്. ഏറ്റവും നന്നായി മൈലാഞ്ചി അണിയിക്കുന്ന കൈകള്ക്ക് സ്വര്ണ്ണവള സമ്മാനമായി നല്കുമെന്ന് സംഘാടകര് അറിയിച്ചു.
ഇന്ത്യന് പത്ര ലോകത്തെ കുലപതി യും മലയാള മനോരമ മുഖ്യ പത്രാധിപരു മായ കെ. എം. മാത്യു വിന്റെ നിര്യാണത്തില് അബുദാബി മലയാളി സമാജം അനുശോചനം രേഖപ്പെടുത്തി. പ്രസിഡന്റ് മനോജ് പുഷ്കര് അദ്ധ്യക്ഷത വഹിച്ചു. ജനറല് സിക്രട്ടറി ബി. യേശു ശീലന്, ട്രഷറര് ജയ പ്രകാശ്, ചീഫ് കോഡിനേറ്റര് അബ്ദുല് കരീം, ആര്ട്സ് സിക്രട്ടറി ബിജു കിഴക്കനേല, ടി. എം. നിസാര്, കെ. കെ. അനില് കുമാര്, കെ. ഷക്കീര്, കെ. കെ. അബ്ദുല് റഹിമാന്, അഷ്റഫ് പട്ടാമ്പി, കെ. കെ. ഹുസൈന് എന്നിവരും അനുശോചന യോഗത്തില് പങ്കെടുത്തു അദ്ദേഹത്തിന് ആദരാഞ്ജലികള് അര്പ്പിച്ചു.
അബുദാബി മലയാളി സമാജം സംഘടിപ്പിച്ച സമ്മര് ക്യാമ്പിന്റെ ഭാഗമായി, പുതുമ യുള്ള ഒരു നാടക അവതരണ വുമായി പ്രശസ്ത നാടക പ്രവര്ത്ത കരായ അമല് രാജ്, പത്നി ലക്ഷ്മി രാജ് എന്നിവര് കൊച്ചു കുട്ടികള് അടക്കമുള്ള പ്രേക്ഷക രുടെ കൈയടി നേടി. 
