ദോഹ : വൈവിധ്യമാര്‍ന്ന പരിപാടികള്‍ അവതരിപ്പിച്ച് ദോഹ യിലെ സംഗീത പ്രേമികള്‍ക്ക് ഏറെ സുപരിചിതനായ ‘ദോഹ വേവ്സി’ന്റെ മുഹമ്മദ് തൊയ്യിബ് അവതരിപ്പിക്കുന്ന നാല്‍പ്പത്തി ആറാമത് ഉപഹാരം ‘ഇശല്‍ നിലാവ് 2012’ ജൂലായ്‌ 6 ന് വെള്ളിയാഴ്ച രാത്രി 8 : 30 ന് ദോഹ സിനിമ യില്‍ അരങ്ങേറും.
മാപ്പിളപ്പാട്ട് രംഗത്ത് പുത്തന്‍ പ്രതീക്ഷകള്‍ സമ്മാനിച്ച പട്ടുറുമാലിന്റെയും മൈലാഞ്ചിയുടെയും വേദികളില്‍ നിന്നും ഗാനസ്വാദകര്‍ക്ക് ലഭിച്ച ഇശലിന്റെ കൂട്ടുകാര്‍ ഒന്നിക്കുന്ന ഈ അപൂര്‍വ്വ സംഗമത്തില്‍ ആസിഫ് കാപ്പാട്, അനസ് ആലപ്പുഴ, ഗിരീഷ്‌, എം. എ. ഗഫൂര്‍, താജുദ്ധീന്, കൊല്ലം ഷാഫി, സജിലി സലിം, ഫാസില ബാനു, ശിബ്നാസ് നാസ്സര്‍ എന്നിവര്‍ക്കൊപ്പം ദോഹ യില്‍ നിന്നുള്ള മുഹമ്മദ് തൊയ്യിബും സലിം പാവറട്ടിയും ഗാനങ്ങള്‍ ആലപിക്കുന്നു.
ടെലിവിഷന്‍ പ്രേക്ഷകര്‍ക്ക്‌ ഏറെ പ്രിയങ്കരര്‍ ആയി മാറിയ യുവ ഗായകര്‍ക്ക് കൂടെ പ്രശസ്ത റേഡിയോ -ടി. വി. അവതാരകന്‍ റെജി മണ്ണേലും അല്‍ ജസീറ യിലെ ആസഫ്‌ അലിയും എത്തുന്നു.
പ്രവേശനം പാസ്സ് മൂലം നിയന്ത്രിക്കും. നിരക്കുകള്‍ :ഖത്തര്‍ റിയാല്‍ 80-60
(ടിക്കറ്റുകള്‍ ദോഹ സിനിമ യുടെ കൌണ്ടറില്‍ നിന്നും ലഭിക്കും )
വിശദ വിവരങ്ങള്‍ക്ക് : 66 55 82 48, 77 11 44 88, 77 09 86 66
അയച്ചു തന്നത് : അബ്ദുല്‍ അസീസ്‌ ചാവക്കാട്, ദോഹ -ഖത്തര്‍
അബുദാബി : കര്‍ണ്ണാടക സംഗീത ലോകത്തെ ഇതിഹാസവും പ്രമുഖ സംഗീത സംവിധായകനുമായ വി. ദക്ഷിണാ മൂര്‍ത്തിയെ അബുദാബി ശക്തി തിയ്യറ്റേഴ്‌സും ഇന്ത്യാ സോഷ്യല്‍ സെന്റററും ചേര്‍ന്ന് ആദരിക്കുന്നു.
