അബുദാബി : ബ്ലൂ സ്റ്റാര്‍ ഫാമിലി സ്പോര്ട്സ് മീറ്റ് അല്‍ ഐന്‍ യൂണി വേഴ്‌സിറ്റി സ്റ്റേഡിയ ത്തില്‍ നടന്നു. ഉല്‍ഘാടന ചടങ്ങില്‍ പ്രമുഖ കായിക താരങ്ങള്‍ സംബന്ധിച്ചു.
ഒളിംപ്യന്‍ ഷൈനി വില്‍സണ്‍, ഡ്വാര്‍ഫ് ഒളിംപിക് സ്വര്‍ണ മെഡല്‍ ജേതാവ് ജോബി മാത്യു, അന്താ രാഷ്ട്ര മുന്‍ നീന്തല്‍താരം വില്‍സണ്‍ ചെറിയാന്‍ എന്നിവര്‍ മുഖ്യാതിഥി കളായി പങ്കെടുത്ത അല്‍ ഐന്‍ ബ്ലൂ സ്റ്റാര്‍ ഫാമിലി സ്പോര്ട്സ് മീറ്റില്‍ ഇന്ത്യന്‍ എംബസ്സി ചീഫ് ഓഫ് മിഷന്‍ നമൃതാ കുമാര്‍, പത്മശ്രീ ജെ. ആര്‍. ഗംഗാ രമണി, യു. എ. ഇ. കമ്മ്യൂണിറ്റി പോലീസ് മേധാവി കളും പൌര പ്രമുഖരും സംബന്ധിച്ചു.
യു. എ. ഇ. യുടെ വിവിധ പ്രവിശ്യ കളില്‍ നിന്നുള്ള നിരവധി ഇന്ത്യന്‍ സ്‌കൂളുകളും ക്ലബ്ബുകളും കായിക താരങ്ങളും പങ്കെടുത്ത മാര്‍ച്ച് പാസ്റ്റോടെ ആരംഭിച്ച ഫാമിലി സ്പോര്ട്സ് മീറ്റില്‍ ഒളിംപ്യന്‍ ഷൈനി വില്‍സണ്‍ ദീപശിഖ തെളിയിച്ചു.
