 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : യുവ കലാ സാഹിതി അബുദാബി സമ്മേളനം ഫെബ്രുവരി 11 വെള്ളിയാഴ്ച രാവിലെ 10 മണിക്ക് കേരളാ സോഷ്യല്‍ സെന്‍ററില്‍ ചേരുന്നു. സംസ്ഥാന പ്ലാന്റെഷന്‍ കോര്‍പ്പറേഷന്‍ ചെയര്‍മാനും നിയമസഭ – ലോക്സഭ മുന്‍ മെമ്പറും ആയ ടി. ജെ. ആഞ്ചലോസ് സമ്മേളനം ഉദ്ഘാടനം ചെയ്യും. കഴിഞ്ഞ ഒരു വര്‍ഷത്തെ പ്രവര്‍ത്തന ങ്ങള്‍ വിലയിരുത്തുന്ന സമ്മേളനം, ഭാവി പ്രവര്‍ത്തന രേഖ ചര്‍ച്ച ചെയ്യും. സമ്മേളന ത്തോട് അനുബന്ധിച്ച് കുടുംബ സംഗമം, കലാ പരിപാടികള്‍ എന്നിവയും ഉണ്ടാകും എന്ന് ഭാരവാഹികള്‍ അറിയിച്ചു.
- pma
വായിക്കുക: യുവകലാസാഹിതി
അബുദാബി : കേരളാ സോഷ്യല്‍ സെന്‍ററില്‍ യുവ കലാ സാഹിതി ഒരുക്കിയ ‘ഖയാല്‍’ എന്ന ഗസല്‍ സംഗീത പരിപാടി വന്‍ ജന പങ്കാളിത്തം കൊണ്ടും ആലാപന മാധുര്യം കൊണ്ടും ഏറെ ശ്രദ്ധേയമായി. യൂനുസ് ബാവ, അബ്ദുല്‍ റസാഖ് എന്നീ യുവ ഗായകര്‍ ആയിരുന്നു ഗാനങ്ങള്‍ ആലപിച്ചത്.
തുടക്കം മുതല്‍ ഒടുക്കം വരെ പരിപാടി ആസ്വദിച്ച സംഗീത പ്രേമി കളുടെ ആവേശവും ഇടപെടലുകളും ഗസല്‍ സംഗീത ത്തിന് അബുദാബി യില്‍ ഏറെ ആരാധകര്‍ ഉണ്ടെന്നു വ്യക്തമാക്കി.
അന്തരിച്ച പ്രശസ്ത സംഗീതജ്ഞന്‍ ഭീംസെന്‍ ജോഷി ക്ക് ആദരാഞ്ജലികള്‍ അര്‍പ്പിച്ച് ആരംഭിച്ച ഖയാല്‍, അദ്ദേഹ ത്തിന്‍റെ പ്രശസ്ത മായ ഗാനം ‘മിലേ സുര്‍ മേരാ തുമാരാ…’ അവതരിപ്പിച്ച പ്പോള്‍ കാണികളും കൂടെ ചേര്‍ന്ന് പാടിയത് വ്യത്യസ്തമായ അനുഭവമായി.
പ്രശസ്തമായ ഹിന്ദി ഗസലു കളോടൊപ്പം, മലയാള ഗസല്‍ ഗാന ശാഖ യ്ക്ക് അമൂല്യ മായ സംഭാവന കള്‍ നല്‍കിയ ഉമ്പായി, ഷഹബാസ് അമന്‍ എന്നിവ രുടെ ഗസല്‍ ഗീതങ്ങളും ഖയാലില്‍ അവതരിപ്പിച്ചു. മുജീബ്‌ റഹ്മാന്‍, സലീല്‍ മലപ്പുറവും സംഘവും കൈകാര്യം ചെയ്തിരുന്ന വാദ്യ സംഗീതം ഖയാല്‍ ഗസല്‍ സന്ധ്യയെ കൂടുതല്‍ ആകര്‍ഷക മാക്കി.
മലയാള ത്തിലെ എക്കാല ത്തെയും മികച്ച ഗാന ങ്ങളായ പ്രാണ സഖീ ഞാന്‍ വെറുമൊരു പാമരനാം പാട്ടുകാരന്‍…, ഒരു പുഷ്പം മാത്രമെന്‍…, താമസമെന്തേ വരുവാന്‍…, എന്നീ ഗാനങ്ങള്‍ കാണികള്‍ ഏറ്റെടുത്തു. സംഗീത ലോകത്തെ അമരന്‍മാരായ ബാബുരാജ്, പി. ഭാസ്‌കരന്‍ എന്നിവര്‍ക്കുള്ള അര്‍പ്പണം ആയിരുന്നു ഈ ഗാനങ്ങള്‍.
കെ. എസ്. സി. വൈസ് പ്രസിഡന്‍റ് ബാബു വടകര, ഖയാല്‍ ഉദ്ഘാടനം ചെയ്തു. യുവ കലാ സാഹിതി അബുദാബി പ്രസിഡന്‍റ് കെ. വി. പ്രേംലാല്‍ അദ്ധ്യക്ഷത വഹിച്ചു. സെക്രട്ടറി എം. സുനീര്‍ സ്വാഗത വും കലാവിഭാഗം സെക്രട്ടറി അബൂബക്കര്‍ നന്ദിയും പറഞ്ഞു.
- pma
വായിക്കുക: കേരള സോഷ്യല്‍ സെന്റര്, യുവകലാസാഹിതി, സംഗീതം
അബുദാബി : യുവ കലാ സാഹിതി അബുദാബി ഒരുക്കുന്ന ഗസല്‍ സന്ധ്യ ‘ഖയാല്‍’ കേരള സോഷ്യല്‍ സെന്‍ററില്‍ ജനുവരി 28 വെള്ളിയാഴ്ച വൈകുന്നേരം 8.30 ന് അവതരിപ്പിക്കുന്നു. ഗാനാലാപന ത്തില്‍ വേറിട്ട ഒരു ശൈലി യുമായി പ്രവാസ ലോകത്തെ ഗായകര്‍ ക്കിടയില്‍ ശ്രദ്ധേയനായ യൂനുസ് ബാവ, പ്രശസ്ത ഗായകരായ ഉമ്പായി, ഷഹബാസ് അമന്‍ എന്നിവരോടൊപ്പം ഗസല്‍ അവതരിപ്പിച്ചിട്ടുള്ള യുവ ഗായകന്‍ അബ്ദുല്‍ റസാഖ്, എന്നിവര്‍ ഖയാല്‍ സന്ധ്യക്ക് നേതൃത്വം നല്‍കുന്നു. അനുഗ്രഹീതരായ ഈ കലാകാരന്മാര്‍ക്കൊപ്പം വാദ്യ സംഗീത വുമായി ഫ്രെഡ്ഡി മാസ്റ്ററും സംഘവും.
പ്രണയവും വിരഹവും ഗൃഹാതുരതയും നിറഞ്ഞ ഈ ഗസല്‍ സന്ധ്യ, സംഗീതാ സ്വാദകര്‍ക്ക് എന്നും ഓര്‍ത്തു വെക്കാവുന്ന ഒരു അനുഭവമായിരിക്കും എന്ന് യുവ കലാ സാഹിതി ഭാരവാഹികള്‍ അറിയിച്ചു.
- pma
വായിക്കുക: കേരള സോഷ്യല്‍ സെന്റര്, യുവകലാസാഹിതി, സംഗീതം
അബുദാബി : അബുദാബി കേരള സോഷ്യല്‍ സെന്റര് സംഘടിപ്പിച്ച നാടകോത്സവ ത്തില്‍ ഏഴാം ദിവസ മായ ബുധനാഴ്ച (ഡിസംബര്‍ 22 ) രാത്രി 8.30 ന്, അബുദാബി യുവ കലാസാഹിതി അവതരിപ്പിക്കുന്ന ‘സ്വര്‍ണ്ണ ചൂണ്ടയും മത്സ്യ കന്യകയും’ എന്ന നാടകം അവതരിപ്പിക്കും.
വി. ജി. ജ്യോതിഷ് രചനയും സംവിധാനവും നിര്‍വ്വഹിക്കുന്ന നാടക ത്തിന്‍റെ പ്രഥമ രംഗ വേദിയാണ് കെ. എസ്. സി. നാടകോത്സവം.
- pma
വായിക്കുക: നാടകം, യുവകലാസാഹിതി
അബുദാബി : പത്മശ്രീ. ഓ. എന്‍. വി. യുടെ ജ്ഞാനപീഠ ലബ്ധിയില്‍, അദ്ദേഹത്തിനു പ്രണാമ മായി അര്‍പ്പിച്ചു കൊണ്ട് ഓ. എന്‍. വി. യുടെ കവിതകളും ചലച്ചിത്ര ഗാനങ്ങളും കോര്‍ത്തിണക്കി യുവകലാ സാഹിതി കേരളാ സോഷ്യല്‍ സെന്‍ററില്‍ ഒരുക്കിയ ‘ഇന്ദ്രനീലിമ’ മലയാളത്തിന്‍റെ പ്രിയ കവിക്കുള്ള മറുനാടിന്‍റെ സ്‌നേഹാഞ്ജലിയായി.
മലയാള ഭാഷയോടും സാഹിത്യത്തോടും എക്കാലവും ആദരവും സ്‌നേഹവും പ്രകടിപ്പിക്കുന്ന ജന സമൂഹ മാണ് പ്രവാസികള്‍ എന്നും അത് പലപ്പോഴും നേരിട്ട് അനുഭവിക്കാന്‍ ഭാഗ്യം ലഭിച്ചവനാണ് താനെന്നും ‘ഇന്ദ്രനീലിമ’ ക്ക് നല്‍കിയ ടെലിഫോണ്‍ സന്ദേശത്തില്‍ ഒ. എന്‍. വി. പറഞ്ഞു. തന്‍റെ കവിതകളും ഗാനങ്ങളും മലയാളി കളുടെ ഹൃദയ ത്തില്‍ ചെന്ന് ലയിച്ചതിന്‍റെ ഉദാഹരണ മായാണ് അവ കോര്‍ത്തിണക്കി തയ്യാറാക്കി യിരിക്കുന്ന ‘ഇന്ദ്രനീലിമ’ യെ കാണുന്നത് എന്നും അദ്ദേഹം പറഞ്ഞു.
ഒ. എന്‍. വി. ക്ക് ആശംസകള്‍ അര്‍പ്പിച്ച് കൊണ്ട് ഇ. ആര്‍. ജോഷി രചിച്ച് ഫ്രെഡ്ഡി മാസ്റ്റര്‍ സംഗീതം നല്‍കി യുവകലാ സാഹിതി ഗായക സംഘം അവതരിപ്പിച്ച ‘ഉണരുവാന്‍ ഉയരുവാന്‍ അടരാടുവാന്‍’ എന്ന സംഘഗാന ത്തോടെ യാണ് ‘ഇന്ദ്രനീലിമ’ തുടങ്ങിയത്. കൃഷ്ണ പക്ഷത്തിലെ പാട്ട്, ഗോതമ്പു മണികള്‍, കുഞ്ഞേടത്തി, ഭൂമിക്കൊരു ചരമ ഗീതം, പാഥേയം എന്നീ ഓ. എന്‍. വി. കവിത കളുടെ അവതരണമായ “കാവ്യയാനം” എന്ന പരിപാടിയില്‍ രാജി ഉദയശങ്കര്‍, വികാസ്‌, ജോഷി, അനന്ത ലക്ഷ്മി, ഷാഹിധനി വാസു, അപര്‍ണ സുരേഷ്, സിന്ധു ഗോവിന്ദന്‍ എന്നിവര്‍ പങ്കെടുത്തു.
ഒ. എന്‍. വി. യുടെ നാടക-ചലച്ചിത്ര ഗാനങ്ങള്‍ കോര്‍ത്തിണക്കി ഒരുക്കിയ ഗാനമേള യില്‍ ഷാജി സിംഫണി, അപര്‍ണ സുരേഷ്, യൂനുസ്, രഘുനാഥ്, സുരേഷ്, നിഷ ഷിജില്‍, അശ്വതി, ജയ്‌സി തോമസ്, ഷാഹിധനി വാസു, സിന്ധു ഗോവിന്ദന്‍, റോണി, ലിതിന്‍ എന്നിവര്‍ ഗാനങ്ങള്‍ ആലപിച്ചു.
‘പൊന്നരിവാളമ്പിളിയില്‍’ എന്ന് തുടങ്ങുന്ന നാടക ഗാനത്തിന്‍റെ നൃത്തശില്‍പം ദേവി അനില്‍ ചിട്ടപ്പെടുത്തി ബാലസാഹിതി അംഗങ്ങള്‍ അവതരിപ്പിച്ചു. കലാപരിപാടി കള്‍ക്ക് ഗൗരി നേതൃത്വം നല്‍കി. ‘ഇന്ദ്രനീലിമ’യിലെ സാംസ്‌കാരിക സമ്മേളനം കെ. എസ്. സി. പ്രസിഡന്‍റ് കെ. ബി. മുരളി ഉദ്ഘാടനം ചെയ്തു. യുവകലാ സാഹിതി പ്രസിഡന്‍റ് കെ. വി. പ്രേംലാല്‍ അദ്ധ്യക്ഷത വഹിച്ചു. യുവകലാ സാഹിതി വൈസ് പ്രസിഡന്‍റ് ഇ. ആര്‍. ജോഷി സ്വാഗതവും ട്രഷറര്‍ ആസിഫ് സലാം നന്ദിയും പറഞ്ഞു.
- pma
വായിക്കുക: യുവകലാസാഹിതി
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
