ശ്രീശാന്തിന്റെ വിലക്ക് നീക്കില്ല

July 29th, 2015

sreesanth-epathram

മുംബൈ: ക്രിക്കറ്റ് കളിയിൽ കൃത്രിമം കാണിച്ചതിന്റെ പേരിൽ ആജീവനാന്ത വിലക്ക് നേരിടുന്ന ശ്രീശാന്തിന്റെ വിലക്ക് നീക്കില്ല എന്ന് ബി. സി. സി. ഐ. കഴിഞ്ഞ ദിവസം ഡെൽഹി കോടതി ശ്രീശാന്തിനെ കുറ്റവിമുക്തനാക്കിയിരുന്നു. ഇതിനെ തുടർന്ന് ശ്രീശാന്തിന്റെ വിലക്ക് നീക്കണം എന്ന് കേരള ക്രിക്കറ്റ് അസോസിയേഷൻ ബി. സി. സി. ഐ. യോട് ആവശ്യപ്പെടുകയായിരുന്നു. എന്നാൽ ക്രിക്കറ്റ്  കളിക്കാരായ ശ്രീശാന്തിനേയും അങ്കീത് ചവാനേയും വിലക്കിയത് ക്രിമിനൽ നടപടികളുടേയോ കോടതിയിലെ കേസിന്റേയോ പേരിലല്ല, മറിച്ച് അഴിമതി നിരോധന വകുപ്പിന്റെ റിപ്പോർട്ടിന്റെ അടിസ്ഥാനത്തിലും, കളിക്കാരുടെ അച്ചടക്ക രാഹിത്യത്തേയും മുൻ നിർത്തിയാണ്. അതിനാൽ ഇരുവർക്കും എതിരെയുള്ള വിലക്ക് തുടരുക തന്നെ ചെയ്യും എന്ന് ബി. സി. സി. ഐ. അറിയിച്ചു.

കേസിലെ 36 പ്രതികളിൽ ശ്രീശാന്ത്, അങ്കീത് ചവാൻ, അജിത് ചാണ്ടില എന്നിവർ ജയിൽ ശിക്ഷ അനുഭവിക്കുകയുണ്ടായി.

- ജെ.എസ്.

വായിക്കുക: , ,

Comments Off on ശ്രീശാന്തിന്റെ വിലക്ക് നീക്കില്ല

സ്പോര്‍ട്ട്സ് സമ്മര്‍ ക്യാമ്പ് ശ്രദ്ധേയമായി

July 19th, 2015

al-ethihad-sports-ePathram
അബുദാബി : അല്‍ ഇത്തിഹാദ് സ്പോര്‍ട്ട്സ് അക്കാദമി സ്കൂള്‍ കുട്ടികള്‍ക്കായി സംഘടിപ്പിച്ച സമ്മര്‍ ക്യാ മ്പില്‍ ഇരുനൂറോളം കുട്ടികള്‍ പങ്കെടുത്തു.

തലസ്ഥാന നഗരിയിലെ കായിക പ്രേമികളായ ഏഷ്യക്കാര്‍ക്കു വേണ്ടി, വിശിഷ്യാ ഇന്ത്യന്‍ വിദ്യാര്‍ത്ഥി കള്‍ക്കും യുവാക്കള്‍ക്കും ഫുട്ബോള്‍, ക്രിക്കറ്റ് എന്നിവ യില്‍ പരിശീലനം നല്‍കാനും അതിലൂടെ കായിക ലോക ത്തേക്ക് പുതിയ പ്രതിഭ കളെ സംഭാവന ചെയ്യുവാനുമായി തുടക്കം കുറിച്ച ‘അല്‍ ഇത്തിഹാദ് സ്‌പോര്‍ട്‌സ് അക്കാദമി’ തുടര്‍ച്ചയായി മൂന്നാം വര്‍ഷ മാണ്‌ കുട്ടി കള്‍ക്കായി സമ്മര്‍ ക്യാമ്പ് സംഘടിപ്പിക്കു ന്നത്.

അന്തര്‍ ദേശീയ തല ത്തില്‍ വിവിധ ക്ലബ്ബു കളില്‍ സേവനം അനുഷ്ടിച്ച വിദഗ്ദരായ കോച്ചുകൾ പരിശീലനം നല്കുന്ന സമ്മര്‍ ക്യാമ്പില്‍ ഫുട്ബോള്‍, ക്രിക്കറ്റ്, ബാസ്കറ്റ് ബോള്‍, ബാഡ് മിന്റൺ തുടങ്ങീ പത്തോളം ഇന ങ്ങളില്‍ പരിശീലനം നല്‍കി.

വിവിധ പ്രായക്കാരായ ഇരുനൂറോളം കുട്ടികള്‍ ക്യാമ്പില്‍ പങ്കെടുത്തു. കായിക വിഭാഗ ങ്ങളില്‍ കുട്ടികള്‍ക്ക് കൃത്യമായ പരിശീലനം നല്‍കുന്ന തിന്റെ ഭാഗമായി ട്ടാണ് ഇങ്ങിനെ ഒരു ക്യാമ്പ് ഒരുക്കിയത് എന്ന് അല്‍ ഇത്തിഹാദ് അക്കാദമി പ്രസിഡന്റും സി. ഇ. ഒ. യുമായ കമറുദ്ദീന്‍, ഹെഡ് കോച്ച് മിഖായേല്‍ സഖറിയാന്‍ എന്നിവര്‍ പറഞ്ഞു.

- കറസ്പോണ്ടന്റ്

വായിക്കുക: , ,

Comments Off on സ്പോര്‍ട്ട്സ് സമ്മര്‍ ക്യാമ്പ് ശ്രദ്ധേയമായി

അല്‍ ഇത്തിഹാദ് സ്‌പോര്‍ട്‌സ് അക്കാദമി വാര്‍ഷിക ആഘോഷ ങ്ങള്‍ ടി. സി. മാത്യു ഉത്ഘാടനം ചെയ്യും

June 11th, 2015

al-ethihad-sports-ePathram
അബുദാബി : യു. എ. ഇ. യിലെ സ്കൂളുകള്‍ കേന്ദ്രീകരിച്ച് ഫുട്ബോള്‍, ക്രിക്കറ്റ് എന്നിവയില്‍ അത്യാധുനിക രീതി യിലുള്ള പരിശീലനം നല്‍കി കായിക ലോകത്തേക്ക് പുതിയ പ്രതിഭ കളെ സംഭാവന ചെയ്യുന്ന അബുദാബി അല്‍ ഇത്തിഹാദ് സ്‌പോര്‍ട്‌സ് അക്കാദമി യുടെ വാര്‍ഷിക ആഘോഷ ങ്ങള്‍ ബി. സി. സി. ഐ. വൈസ് പ്രസിഡന്റ് ടി. സി. മാത്യു ഉത്ഘാടനം ചെയ്യും.

വ്യാഴം, വെള്ളി, ശനി എന്നീ മൂന്നു ദിവസ ങ്ങളിലായി അബുദാബി യില്‍ നടക്കുന്ന ഇത്തിഹാദ് പ്രീമിയര്‍ ക്രിക്കറ്റ് ലീഗില്‍ പ്രമുഖ ടീമുകള്‍ മാറ്റുരക്കും. അല്‍ ഇത്തിഹാദ് സ്പോര്‍ട്ട്സ് അക്കാദമി യില്‍ പരിശീലനം നല്‍കിയ ജേക്കബ് ജോണ്‍, സഹല്‍ അബ്ദുല്‍ സമദ് എന്നീ മലയാളീ വിദ്യാര്‍ത്ഥി കള്‍ ബാര്‍സലോണ ക്ലബ്ബില്‍ കളിക്കും എന്നും അക്കാദമി സ്ഥാപകനും പ്രസിഡണ്ടു മായ അറക്കല്‍ കമറുദ്ധീന്‍ വാര്‍ത്താ സമ്മേളന ത്തില്‍ അറിയിച്ചു.

ഈ അവധിക്കാലത്ത്‌ വിദ്യാര്‍ത്ഥി കള്‍ക്കായി ക്രിക്കറ്റ്, ഫുട്ബോള്‍, വോളിബോള്‍ എന്നിവ യില്‍ അല്‍ ഇത്തിഹാദ് സ്പോര്‍ട്ട്സ് അക്കാദമി യില്‍ വെക്കേഷന്‍ ക്ലാസ്സുകള്‍ ഒരുക്കുന്നു എന്നും വാര്‍ഷിക ആഘോഷ ങ്ങളുടെ ഭാഗമായി ഇന്റര്‍ സ്കൂള്‍ ഫുട്ബോള്‍ ടൂര്‍ണ്ണമെന്റ്  സംഘടിപ്പിക്കും ന്നും അറക്കല്‍ കമറുദ്ധീന്‍ കൂട്ടിച്ചേര്‍ത്തു.

ഗള്‍ഫിലെ കുട്ടികളില്‍ ക്രിക്കറ്റി നോടുള്ള താല്പര്യം മനസ്സിലാക്കി അന്താരാഷ്ട്ര തല ത്തിലുള്ള പരിശീലനം നല്‍കി സാധ്യമായ എല്ലാ സഹായ ങ്ങളും നല്‍കും എന്നും പ്രവാസികള്‍ ക്രിക്കറ്റില്‍ കാണിക്കുന്ന പ്രത്യേക താല്പര്യം മുന്‍ നിറുത്തി ഇവിടെ സംഘടി പ്പിക്കുന്ന കായിക മത്സര ങ്ങള്‍ക്ക് വേണ്ടതായ അനുകൂല സാഹചര്യങ്ങള്‍ ഒരുക്കി കൊടുക്കും എന്നും വാര്‍ത്താ സമ്മേളന ത്തില്‍ പങ്കെടുത്ത ബി. സി. സി. ഐ. വൈസ് പ്രസിഡന്റ് ടി. സി. മാത്യു പറഞ്ഞു.

അല്‍ ഇത്തിഹാദ് സ്‌പോര്‍ട്‌സ് അക്കാദമി ക്രിക്കറ്റ് കോര്‍ഡിനേറ്റര്‍ അബ്ദുല്‍ റഷീദ്, തുടങ്ങി യവരും വാര്‍ത്താ സമ്മേളന ത്തില്‍ സംബന്ധിച്ചു.

- കറസ്പോണ്ടന്റ്

വായിക്കുക: , ,

Comments Off on അല്‍ ഇത്തിഹാദ് സ്‌പോര്‍ട്‌സ് അക്കാദമി വാര്‍ഷിക ആഘോഷ ങ്ങള്‍ ടി. സി. മാത്യു ഉത്ഘാടനം ചെയ്യും

മുസ്ലിം സംഘടനകളുടെ എതിര്‍പ്പ്: യോഗാ ദിനാചരണത്തില്‍ നിന്നും സൂര്യ നമസ്കാരം ഒഴിവാക്കി

June 9th, 2015

sun-salutation-epathram

ന്യൂഡല്‍ഹി: മുസ്ലിം പേഴ്സണല്‍ ബോര്‍ഡ് ഉള്‍പ്പെടെ ഉള്ള സംഘടനകളുടെ എതിര്‍പ്പിനെ തുടര്‍ന്ന് പ്രഥമ യോഗ ദിനാചരണത്തില്‍ നിന്നും സൂര്യ നമസ്കാരം ഒഴിവാക്കുവാന്‍ തീരുമാനമായി. സൂര്യ നമസ്കാരം തങ്ങളുടെ മത വിശ്വാസത്തിന് എതിരാണെന്നാണ് അവരുടെ വാദം. അതിനിടെ, യോഗയെ എതിര്‍ക്കുന്നവര്‍ ഇന്ത്യ വിട്ടു പോകണമെന്ന ബി. ജെ. പി. എം. പി. യോഗി ആദിത്യനാഥിന്റെ പ്രസ്ഥാവന പുതിയ വിവാദങ്ങള്‍ക്ക് വഴി വെച്ചിട്ടുണ്ട്. സര്‍ക്കാര്‍ സ്കൂളുകളില്‍ യോഗ നിര്‍ബന്ധമാക്കുവാനുള്ള കേന്ദ്ര സര്‍ക്കാരിന്റെ നീക്കത്തിനെതിരെ മുസ്ലിം പേഴ്സണല്‍ ബോര്‍ഡ് ഉള്‍പ്പെടെ പല സംഘടനകളും രംഗത്തു വന്നിട്ടുണ്ട്. ഇതിനായി നിയമത്തിന്റെ വഴി തേടേണ്ടി വന്നാല്‍ അതിനും ധാരണയായി. യോഗ ഹിന്ദു മത ആചാരമാണെന്നും അത് പിന്തുടരണമെന്ന് നിര്‍ബന്ധിക്കുന്നത് ന്യൂനപക്ഷങ്ങളുടെ അവകാശങ്ങള്‍ക്ക് എതിരാണെന്നുമാണ് ഇവര്‍ പറയുന്നത്.

ജൂണ്‍ 21ലെ യോഗ ദിനാചരണം വന്‍ സംഭവമാക്കി മാറ്റുവാനാണ് കേന്ദ്ര സര്‍ക്കാര്‍ ഒരുങ്ങുന്നത്. ഡല്‍ഹിയിലെ രാജ് പഥില്‍ സംഘടിപ്പിക്കുന്ന യോഗാഭ്യാസങ്ങളില്‍ 40,000-ല്‍ പരം ആളുകളെ പങ്കെടുപ്പിക്കുവാനാണ് ആലോചന. പ്രധാനമന്ത്രി നരേന്ദ്ര മോദിയും യോഗ ദിനാചരണ പരിപാടികളില്‍ പങ്കെടുക്കും. ബോളിവുഡ് താരങ്ങളായ അമിതാഭ് ബച്ചന്‍, ശില്പ ഷെട്ടി, വിരാട് കോഹ്‌ലി തുടങ്ങിയ പ്രമുഖരും പങ്കെടുക്കും.

- എസ്. കുമാര്‍

വായിക്കുക: , , , ,

Comments Off on മുസ്ലിം സംഘടനകളുടെ എതിര്‍പ്പ്: യോഗാ ദിനാചരണത്തില്‍ നിന്നും സൂര്യ നമസ്കാരം ഒഴിവാക്കി

കരാട്ടെ ട്രെയിനിംഗ് ക്യാമ്പും പ്രദർശനവും സംഘടിപ്പിച്ചു

May 28th, 2015

winner-karate-camp-ePathram
അബുദാബി : മുസ്സഫ യിലെ വിന്നർ കരാട്ടെ ക്ലബ്‌ സംഘടിപ്പിച്ച യു. എ. ഇ. തല കരാട്ടെ ട്രെയിനിംഗ് ക്യാമ്പിൽ അന്തർ ദേശീയ താര ങ്ങൾ പങ്കെടുത്തു ആയോധന കലയുടെ പ്രത്യേകത കൾ വിശദീ കരിച്ചു കൊണ്ട് ക്ലാസ്സ് എടുത്തു.

ജപ്പാന്‍ ഷോട്ടോക്കാന്‍ കരാട്ടെ ഡോ – കന്നിന്‍ഞ്ചുക്കു ഓര്‍ഗനൈസേ ഷന്‍ സ്ഥാപകനും ഗ്രാൻഡ്‌ മാസ്റ്ററു മായ കൊയ്ചി യമാമുറ, സെൻസായ് കെന്ററോ യമാമുറ, ഷിഹാൻ പരംജിത് സിംഗ് എന്നിവര്‍ ക്ലാസു കൾക്ക് നേതൃത്വം നൽകി.

nazeer-pangod-in-winner-karate-camp-ePathram

മുസ്സഫ യിലെ എമിരേറ്റ്സ് ഫ്യുച്ചർ ആക്കാദമി യിൽ നടന്ന ക്യാമ്പി നു നാഷണല്‍ കോഡിനേറ്റര്‍ സെൻസായ് എം. സലിം അദ്ധ്യക്ഷത വഹിച്ചു.

തായ്ക്വാന്‍ഡോ കരാട്ടെ ഫെഡ റേഷന്‍ ഡയരക്ടര്‍ ക്യാപറ്റൻ മുഹമ്മദ്‌ അബ്ബാസ്‌ ഉല്‍ഘാടനം ചെയ്തു. സെൻസായ് പ്രിന്‍സ് ഹംസ, സെൻസായ് ഹകീം എന്നിവര്‍ സംബന്ധിച്ചു. തുടർന്ന് വിന്നർ ക്ലബ്ബിലെ വിദ്യാര്‍ത്ഥികളുടെ കരാട്ടെ പ്രദർശനവും നടന്നു.

- കറസ്പോണ്ടന്റ്

വായിക്കുക: , ,

Comments Off on കരാട്ടെ ട്രെയിനിംഗ് ക്യാമ്പും പ്രദർശനവും സംഘടിപ്പിച്ചു

Page 30 of 46« First...1020...2829303132...40...Last »

« Previous Page« Previous « ശക്‌തി സാംസ്‌കാരിക സമ്മേളനവും കലാ സന്ധ്യയും
Next »Next Page » യു. എ. ഇ. യുടെ നിലപാടുകള്‍ ലോക ത്തിനു മാതൃക : സയ്യിദ് ഖലീലുല്‍ ബുഖാരി »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...
മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha