ശൈഖ് മുഹമ്മദ് ബിന്‍ സായിദ് യു. എ. ഇ. പ്രസിഡണ്ട്

May 15th, 2022

uae-president-sheikh-muhammed-bin-zayed-al-nahyan-mbz-ePathram
അബുദാബി : യുണൈറ്റഡ് അറബ് എമിറേറ്റ്‌സിന്‍റെ പുതിയ പ്രസിഡണ്ട് ഹിസ് ഹൈനസ് ശൈഖ് മുഹമ്മദ് ബിന്‍ സായിദ് അല്‍ നഹ്യാന്‍ അധികാരമേറ്റു. ഏഴ് എമിറേറ്റുകളിലെ ഭരണാധികാരികള്‍ ചേർന്ന ഫെഡറൽ സുപ്രീം കൗൺസിൽ യോഗത്തിലാണ് പ്രസിഡണ്ടിനെ തെരഞ്ഞെടുത്തത്.

അബുദാബിയിലെ അൽ മുഷ്‌രിഫ് പാലസിൽ ചേര്‍ന്ന ഫെഡറൽ സുപ്രീം കൗൺസിൽ യോഗത്തിൽ വൈസ് പ്രസിഡണ്ടും പ്രധാന മന്ത്രിയും ദുബായ് ഭരണാധി കാരി യുമായ ശൈഖ് മുഹമ്മദ് ബിന്‍ റാഷിദ് അല്‍ മഖ്തൂം അദ്ധ്യക്ഷത വഹിച്ചു.

uae-rulers-federal-national-council-members-ePathram

പ്രസിഡണ്ട് ശൈഖ് മുഹമ്മദ് ബിന്‍ സായിദ് അല്‍ നഹ്യാനും സുപ്രിം കൗണ്‍സില്‍ അംഗങ്ങളായ വിവിധ എമിറേറ്റുകളിലെ ഭരണാധികാരികളും

ഭരണ ഘടനയുടെ ആർട്ടിക്കിൾ 51 അനുസരിച്ച്, അന്തരിച്ച പ്രസിഡണ്ട് ശൈഖ് ഖലീഫ ബിന്‍ സായിദ് അൽ നഹ്യാന്‍റെ പിൻ ഗാമിയായി ഹിസ് ഹൈനസ് ശൈഖ് മുഹമ്മദ് ബിന്‍ സായിദ് അല്‍ നഹ്യാനെ യു. എ. ഇ. പ്രസിഡണ്ടായി ഐകകണ്‌ഠേന തെരഞ്ഞെടുത്തു എന്ന് പ്രസിഡൻഷ്യൽ കാര്യ മന്ത്രാലയം പുറത്തിറക്കിയ പ്രസ്താവനയിൽ പറഞ്ഞു.

- pma

വായിക്കുക: , , , ,

അഭിപ്രായം എഴുതുക »

രണ്ട് ഗിന്നസ് റെക്കോർഡുകൾ സ്വന്തമാക്കി യു. എ. ഇ. നഴ്‌സുമാർ

May 13th, 2022

burjeel-vps-uae-nurses-set-two-guinness-records-ePathram
അബുദാബി : വി. പി. എസ്. ഹെൽത്ത് കെയറിലെ നഴ്‌സുമാർ ഗിന്നസ് ബുക്കിൽ ഇടം നേടി. അന്താരാഷ്ട്ര നഴ്‌സസ് ദിനത്തിൽ അബുദാബി ബുർജീൽ മെഡിക്കൽ സിറ്റിയിൽ ഒരുക്കിയ പ്രത്യേക വേദിയിലാണ് ഈ അപൂർവ്വ നേട്ടം കൈവരിക്കാൻ നഴ്‌സുമാർക്ക് അവസരം കിട്ടിയത്. കൊവിഡ് മഹാമാരിയിൽ മുന്നണിയിൽ പ്രവർത്തിച്ച നഴ്‌സുമാരെ ആദരിക്കാൻ വി. പി. എസ്. ഹെൽത്ത് കെയർ ഒരുക്കിയ സംഗമ വേദിയിലാണ് ഈ പുരസ്‌കാര നേട്ടം. രണ്ടു വിഭാഗങ്ങളിലായിട്ടാണ് ഗിന്നസ് റെക്കോർഡ് കരസ്ഥമാക്കിയത്.

vps-uae-nurses-set-two-guinness-world-records-ePathram

നഴ്സിംഗ് യൂണിഫോമിൽ 1600 പേർ ബുർജീൽ മെഡിക്കൽ സിറ്റിയിൽ ഒന്നിച്ചതിലൂടെ സൃഷ്ടിച്ചത് പുതിയ ലോക റെക്കോർഡ്. നഴ്‌സിംഗ് തൊഴിലിന്‍റെ ആദർശങ്ങൾ ഉയർത്തിപ്പിടിക്കുന്നതിനുള്ള’ഫ്ലോറൻസ് നൈറ്റിംഗേല്‍ പ്രതിജ്ഞ’യാണ് ബുർജീൽ മെഡിക്കൽ സിറ്റിയിലെ വേദിയിൽ പിറന്ന രണ്ടാമത്തെ ഗിന്നസ് റെക്കോർഡ്.

വിവിധ രാജ്യങ്ങളിൽ നിന്നുള്ള 1600 നഴ്‌സുമാർ ഒന്നിച്ച് ഈ പ്രതിജ്‌ഞ എടുത്തു. എറ്റവും കൂടുതൽ പേർ ഒരുമിച്ച് എടുക്കുന്ന പ്രതിജ്ഞ എന്ന ലോക റെക്കോർഡ് ആണിത്‌.

nurses-and-vps-staff-with-guinness-world-records-at-burjeel-ePathram

ഗിന്നസ് ഒഫീഷ്യലുകളുടെയും സ്വന്തന്ത്ര നിരീക്ഷകരുടെയും സാന്നിദ്ധ്യത്തിൽ ആയിരുന്നു റെക്കോർഡ് സംഗമം. ലോക നഴ്‌സിംഗ് ദിനത്തിൽ രാവിലെ ഒൻപത് മണിയോടെയാണ് നഴ്‌സുമാർ ഗിന്നസിൽ ഇടം സ്വന്തമാക്കിയത്. വി. പി. എസ് ഹെൽത്ത്‌ കെയറിന്‍റെ അബുദാബി, അൽ ഐൻ, ഷാർജ, ദുബായ് എന്നിവിട ങ്ങളിൽ നിന്നുള്ള നഴ്‌സുമാർ ഇതിനായി ഒത്തുചേർന്നു. മുൻപ് ഒരു വേദിയിൽ 691 നഴ്‌സുമാർ യൂണിഫോമിൽ ഒത്തു ചേർന്ന റെക്കോർഡാണ് 1600 പേരുടെ ഒത്തു ചേരലിലൂടെ തിരുത്തപ്പെട്ടത്.

മഹാമാരിക്ക് എതിരായ പോരാട്ട മുന്നണിയിൽ പ്രവർത്തിക്കുമ്പോൾ ജീവൻ നഷ്ടമായ ലെസ്‌ലി ഒറീൻ ഒക്കാമ്പോ എന്ന ബുർജീലിലെ നഴ്‌സിംഗ് സ്റ്റാഫിന് ആദരാഞ്ജലി അർപ്പിച്ചുള്ള പ്രാർത്ഥനയോടെയാണ് സംഗമം തുടങ്ങിയത്.

പുതിയ റെക്കോർഡ് പ്രഖ്യാപനത്തെ നഴ്‌സുമാർ കയ്യടികളോടെയും ആർപ്പു വിളികളോടെയുമാണ് വരവേറ്റത്. കരിയറിലെ ഏറ്റവും അവിസ്മരണീയമായ അന്താരാഷ്ട്ര നഴ്‌സസ് ദിന ആഘോഷങ്ങളിൽ ഒന്നാണിത് എന്ന് വി. പി. എസ്. ഹെൽത്ത്‌ കെയറിലെ ചീഫ് നഴ്‌സിംഗ് ഓഫീസർ റാണി എൽസ ഉമ്മൻ പറഞ്ഞു.

“22 വർഷത്തെ നഴ്‌സിംഗ് ജീവിതത്തിനിടെ നഴ്‌സുമാർക്ക് വേണ്ടിയുള്ള നിരവധി പരിപാടികളിൽ പങ്കെടുത്തിട്ടുണ്ട്. എന്നാൽ അന്താരാഷ്‌ട്ര നഴ്‌സസ് ദിനം പോലെയുള്ള ഒരു സുപ്രധാന ദിവസത്തിൽ ഒത്തൊരുമിച്ചു റെക്കോർഡ് നേട്ടം കൈവരിക്കാൻ ആയതിൽ ഏറെ സന്തോഷമുണ്ട്.”

നഴ്‌സുമാർ ലോകത്തിന് നൽകുന്ന അമൂല്യമായ സംഭാവനകൾക്കുള്ള ആദരമാണ് ഈ ചടങ്ങ് എന്ന് വി. പി. എസ്. ഹെൽത്ത് കെയർ ബിസിനസ്സ് ഡെവലപ്പ്മെന്‍റ് പ്രസിഡണ്ട് ഒമ്രാൻ അൽ ഖൂരി പറഞ്ഞു.

കൊവിഡ്-19 ന്ന് എതിരായ പോരാട്ടത്തിന്‍റെ മുന്നണിയിലുള്ള നഴ്‌സുമാരിൽ പലർക്കും രണ്ടു വർഷത്തെ ഇടവേളക്കു ശേഷം ഇത്രയും വലിയ സംഗമത്തിൽ പങ്കെടുത്തത് പുതിയ അനുഭവമായി.

“മഹാമാരി കാരണം ജോലിക്കിടെ ഏറെ വെല്ലു വിളികൾ നേരിട്ട സമയമാണ് കടന്നു പോകുന്നത്. ഈ പശ്ചാത്തല ത്തിൽ നിരവധി സഹ പ്രവർത്തകരെയും സഹ നഴ്സുമാരെയും ഒരു വേദിയിൽ കണ്ടത് സന്തോഷകരമായ ഒത്തു ചേരലായി. നഴ്‌സിംഗ് സേവനത്തിന്‍റെ ആദർശങ്ങൾ ഉയർത്തി പ്പിടിക്കുന്ന ഫ്ലോറൻസ് നൈറ്റിംഗേൽ പ്രതിജ്ഞ ഒറ്റക്കെട്ടായി ഏറ്റു ചൊല്ലിയത് പ്രത്യേക അനുഭൂതിയും,” ബുർജീൽ മെഡിക്കൽ സിറ്റിയിലെ ഇൻപേഷ്യന്‍റ് നഴ്‌സ് കെവിൻ ബയാൻ പറഞ്ഞു.

നഴ്‌സുമാരുടെ പ്രത്യേക ദിനത്തിൽ തന്നെ അവർ പുതിയ റെക്കോർഡ് എഴുതി ചേർത്തതിൽ ഏറെ സന്തോഷം എന്ന് റെക്കോർഡ് പ്രഖ്യാപിച്ചു കൊണ്ട് ഗിന്നസ് പ്രതിനിധി കൻസീ എൽ ഡെഫ്‌റാവി പറഞ്ഞു. നഴ്സുമാരുടെ നിസ്വാർത്ഥ സേവനങ്ങളെ സമൂഹം വ്യത്യസ്തമായി ആദരിക്കുന്നതിന് ഉദാഹരണമാണ് ഈ അംഗീകാരം എന്നും കൻസീ കൂട്ടിച്ചേർത്തു.

- pma

വായിക്കുക: , , ,

അഭിപ്രായം എഴുതുക »

ലുലുവിന്‍റെ ഓഹരി വിൽപ്പന 2023 ല്‍ : എം. എ. യൂസഫലി

May 4th, 2022

ma-yousufali-epathram
ദുബായ് : ലുലു ഗ്രൂപ്പിന്‍റെ ഓഹരി വില്‍പ്പന 2023 പകുതി യോടെ തുടങ്ങും. ജീവനക്കാര്‍ക്ക് ഗുണകരമായ രീതി യില്‍ ഓഹരി വില്‍പ്പനയുടെ മാനദണ്ഡം ഉണ്ടാക്കും എന്ന് എം. എ. യൂസഫലി. മാത്രമല്ല മലയാളികൾക്കും മുൻ ഗണന നല്‍കും മലയാളികളാണ് തന്നെ വളര്‍ത്തിയത്. ലുലു ഗ്രൂപ്പിലെ ഓഹരികളിൽ 20 ശതമാനം അബുദാബിയുടേതാണ്. 2024 ഡിസംബറില്‍ ലുലു ഹൈപ്പര്‍ മാര്‍ക്കറ്റിന്‍റെ എണ്ണം 300 തികക്കും എന്നും എം. എ. യൂസഫലി കൂട്ടിച്ചേര്‍ത്തു. ദുബായില്‍ മാധ്യമ പ്രവര്‍ത്തകരോട് സംവദിക്കുകയായിരുന്നു അദ്ദേഹം.

തനിക്ക് എതിരെയും ലുലുവിന് എതിരെയും പി. സി. ജോർജ്ജ് നടത്തിയ പരാമർശത്തിന് പരോക്ഷമായി അദ്ദേഹം മറുപടി പറഞ്ഞു. ‘നെഗറ്റീവ് വ്യക്തികളോട് പ്രതികരിക്കുന്നത് എത്രത്തോളം കുറക്കുന്നുവോ അത്രത്തോളം നല്ലത്’ ഇത് ശ്രീബുദ്ധന്‍റെ വാക്കുകളാണ്. മാധ്യമ പ്രവര്‍ത്തകരുടെ ചോദ്യങ്ങള്‍ക്ക് ശ്രീബുദ്ധന്‍റെ വാക്കുകള്‍ മറുപടിയായി നല്‍കി. ഈ വിഷയത്തിൽ കൂടുതൽ പ്രതികരിക്കുന്നില്ല എന്നും എം. എ. യൂസഫലി

എല്ലാ വിഭാഗത്തിലും ഉള്ള ആളുകളും ജോലി ചെയ്യുന്ന സ്ഥാപനമാണ് ലുലു. മലയാളികൾ സാംസ്കാരിക സമ്പന്നരും വിവരം ഉള്ളവരുമാണ്. ആര് എന്ത് പറഞ്ഞാലും എന്ത് വിശ്വസിക്കണം, വിശ്വസിക്കരുത് എന്ന് നമ്മുടെ ആളുകള്‍ക്ക് നന്നായി അറിയാം.

 

- pma

വായിക്കുക: , , , , , , ,

അഭിപ്രായം എഴുതുക »

അദീബ് അഹമ്മദ് ഐ. ഐ. സി. ഡയറക്ടർ ബോർഡ് മെമ്പർ

April 17th, 2022

adeeb-ahmed-ceo-of-lulu-exchange-ePathram
അബുദാബി : യു. എ. ഇ. ഇന്‍റർനാഷനൽ ഇൻവെസ്റ്റേഴ്‌സ് കൗൺസിൽ (യു. എ. ഇ. ഐ. ഐ. സി) ഡയറക്ടർ ബോർഡ് അംഗമായി വ്യവസായ പ്രമുഖനും ലുലു ഫിനാൻഷ്യൽ ഹോൾഡിംഗ്‌സ് എം. ഡി. യുമായ അദീബ് അഹമ്മദിനെ തെരഞ്ഞെടുത്തു. വിദേശ നിക്ഷേപകർക്കുള്ള എമിറേറ്റ്സ് ഡയറക്ടർ ബോർഡി ലേക്കുള്ള സ്വതന്ത്ര അംഗം എന്ന നിലയിലാണ് ഇത്. നിക്ഷേപകരും സർക്കാരും തമ്മിലുള്ള കണ്ണിയായി ധന മന്ത്രാലയത്തിന് കീഴിൽ പ്രവർത്തിക്കുന്ന യു. എ. ഇ. ഐ. ഐ. സി. 2009 ലാണ് സ്ഥാപിച്ചത്.

- pma

വായിക്കുക: , , , , , ,

അഭിപ്രായം എഴുതുക »

ഫോബ്‌സ് പട്ടിക യില്‍ ഡോക്ടര്‍. ഷംഷീര്‍ വയലില്‍ ഒന്നാമത്

April 11th, 2022

doctor-shamsheer-vayalil-vps-health-care-ePathram
അബുദാബി : മിഡില്‍ ഈസ്റ്റിലെ ഏറ്റവും വലുതും സ്വാധീനം ഉള്ളതുമായ ആരോഗ്യ സ്ഥാപനങ്ങള്‍ക്ക് നേതൃത്വം നല്‍കുന്ന ഇന്ത്യക്കാരില്‍ ഒന്നാമതായി വി. പി. എസ്. ഹെല്‍ത്ത്‌ കെയര്‍ ചെയര്‍മാനും മാനേജിംഗ് ഡയറക്ടറുമായ ഡോ. ഷംഷീര്‍ വയലില്‍. മേഖലയിലെ പ്രമുഖരായ 50 ആരോഗ്യ നേതാക്കളെ ഉള്‍പ്പെടുത്തി ഫോബ്സ് മിഡില്‍ ഈസ്റ്റ് പുറത്തു വിട്ട പട്ടികയിലാണ് ആദ്യ പത്ത് പേരില്‍ ഇടം നേടുന്ന ഏക ഇന്ത്യക്കാരന്‍ ആയി ഡോ. ഷംഷീര്‍ മാറിയത്.

കൊവിഡ് മഹാമാരിയില്‍ മിഡില്‍ ഈസ്റ്റിലെ ആരോഗ്യ മേഖലയില്‍ വി. പി. എസ്. ഗ്രൂപ്പ് നടത്തിയ നിര്‍ണ്ണായക ഇടപെടലുകളും ഡോ. ഷംഷീറിനെ മുന്‍ നിരയില്‍ എത്തിച്ചു. വി. പി. എസ്. ഹെല്‍ത്ത്‌ കെയര്‍ ആശുപത്രി കള്‍ 2 ദശ ലക്ഷത്തില്‍ അധികം പി. സി. ആര്‍. ടെസ്റ്റുകള്‍ നടത്തുകയും, 5 ലക്ഷത്തില്‍ അധികം പേര്‍ക്ക് വാക്‌സിനുകള്‍ നല്‍കുകയും ചെയ്തു.

2007 ല്‍ അബുദാബിയില്‍ സ്ഥാപിച്ച എല്‍. എല്‍. എച്ച്. ഹോസ്പിറ്റലാണ് ഡോ. ഷംഷീര്‍ തുടക്കമിട്ട ആദ്യ ആശുപത്രി. 2020 ല്‍ അബുദാബി മുഹമ്മദ് ബിന്‍ സായിദ് സിറ്റിയില്‍ പ്രവര്‍ത്തനം ആരംഭിച്ച ബുര്‍ജീല്‍ മെഡിക്കല്‍ സിറ്റി യു. എ. ഇ. യിലെ ഏറ്റവും വലിയ അര്‍ബുദ ചികിത്സാ കേന്ദ്രങ്ങളില്‍ ഒന്നാണ്.

കഴിഞ്ഞ ഒന്നര പതിറ്റാണ്ടായി മിഡില്‍ ഈസ്റ്റില്‍ മെഡിക്കല്‍ സൗകര്യങ്ങള്‍ വികസിപ്പിക്കുന്നതിലും ആരോഗ്യ സംരക്ഷണത്തിന്‍റെ ഗുണ നിലവാരം ഉയര്‍ത്തുന്നതിലും ഡോ. ഷംഷീര്‍ നിര്‍ണ്ണായ പങ്കാണ് വഹിച്ചത്.

അബുദാബി ആസ്ഥാനമായ വി. പി. എസ്. ഹെല്‍ത്ത്‌ കെയര്‍ ഗ്രൂപ്പിന് ഇപ്പോള്‍ മിഡില്‍ ഈസ്റ്റിലും ഇന്ത്യ യിലുമായി 15 ബ്രാന്‍ഡു കളും 24 പ്രവര്‍ത്തന ആശു പത്രികളും 125 ല്‍ അധികം ആരോഗ്യ കേന്ദ്രങ്ങളും ഉണ്ട്. പ്രമുഖ വിദ്യാഭ്യാസ നിക്ഷേപ സ്ഥാപനം അമാനത് ഹോള്‍ഡിംഗ്സിന്‍റെ വൈസ് ചെയര്‍മാന്‍ കൂടിയാണ് ഡോ. ഷംഷീര്‍ വയലില്‍.

- pma

വായിക്കുക: , , , , , , , , ,

അഭിപ്രായം എഴുതുക »

1 of 1111231020»|

« Previous « ഒറ്റത്തവണ ഉപയോഗിക്കുന്ന പ്ലാസ്റ്റിക് ബാഗുകൾക്ക് അബുദാബിയിലും നിയന്ത്രണം
Next Page » അദീബ് അഹമ്മദ് ഐ. ഐ. സി. ഡയറക്ടർ ബോർഡ് മെമ്പർ »



  • യു. എ. ഇ. യിൽ മങ്കി പോക്സ് സ്ഥിരീകരിച്ചു
  • അബുദാബി ബുക്ക് ഫെയറിനു തുടക്കമായി
  • വി. പി. എസ്. ഹെല്‍ത്ത് കെയറിന്‍റെ ബുര്‍ജീല്‍ ഹോള്‍ഡിംഗ്സ്
  • അര്‍ബുദ രോഗികളായ കുട്ടികള്‍ക്ക് ചികിത്സാ സഹായം പ്രഖ്യാപിച്ച് ഡോ. ഷംഷീര്‍ വയലില്‍
  • കെ. എസ്. സി. ഭരണ സമിതി 2022-23
  • മങ്കി പോക്സ് : ജാഗ്രതാ നിര്‍ദ്ദേശവുമായി ആരോഗ്യ വകുപ്പ്
  • എയര്‍ അറേബ്യ അബുദാബി സിറ്റിയില്‍ ചെക്ക്-ഇന്‍ സൗകര്യം ഒരുക്കി
  • ദുബായിൽ നിന്നും അബുദാബി യിലേക്ക് നേരിട്ടുള്ള ബസ്സ്
  • ശൈഖ് മുഹമ്മദ് ബിന്‍ സായിദ് യു. എ. ഇ. പ്രസിഡണ്ട്
  • അല്‍ ബത്തീന്‍ ഖബര്‍ സ്ഥാനില്‍ അന്ത്യ വിശ്രമം
  • ശൈഖ് ഖലീഫയുടെ നിര്യാണത്തില്‍ അനുശോചന പ്രവാഹം
  • ശൈഖ് ഖലീഫ ബിന്‍ സായിദ് അല്‍ നഹ്യാന്‍ അന്തരിച്ചു
  • രണ്ട് ഗിന്നസ് റെക്കോർഡുകൾ സ്വന്തമാക്കി യു. എ. ഇ. നഴ്‌സുമാർ
  • ഡി – കമ്പനി സൗഹൃദ സംഗമം സംഘടിപ്പിച്ചു
  • അന്താരാഷ്ട്ര പുസ്തകോത്സവം മെയ് 23 മുതൽ
  • ലുലുവിന്‍റെ ഓഹരി വിൽപ്പന 2023 ല്‍ : എം. എ. യൂസഫലി
  • അല്‍ ഹൊസ്ന്‍ ഗ്രീൻ പാസ്സ് : കാലാവധി 30 ദിവസത്തേക്ക് നീട്ടി
  • ഇന്ത്യൻ മീഡിയ അബുദാബി ഇഫ്താർ വിരുന്നും കുടുംബ സംഗമവും
  • ഇ- സ്കൂട്ടർ പെർമിറ്റുകൾ ഏപ്രില്‍ 28 മുതല്‍ ഓണ്‍ ലൈനിലൂടെ
  • ഇഫ്‌താർ സംഗമം സംഘടിപ്പിച്ചു



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine