എമിറേറ്റ്സ് ലേബർ മാർക്കറ്റ് : ബുർജീൽ ഹോസ്പിറ്റൽ ഒന്നാം സ്ഥാനത്ത്

November 20th, 2026

first-place-at-emirates-labour-market-award-2026-for-burjeel-ePathram
അബുദാബി : യു എ ഇ യിലെ ഏറ്റവും വലിയ തൊഴിൽ മേഖലാ ബഹുമതിയായ എമിറേറ്റ്സ് ലേബർ മാർക്കറ്റ് അവാർഡിൽ ഒന്നാം സ്ഥാനം കരസ്ഥമാക്കി ബുർജീൽ ഹോൾഡിംഗ്സ്

പ്രസിഡൻഷ്യൽ കോർട്ട് ഡെവലപ്‌മെന്റ് ആൻഡ് ഫോളൻ ഹീറോസ് അഫയേഴ്‌സ് ഡെപ്യൂട്ടി ചെയർമാൻ ശൈഖ് തിയാബ് ബിൻ മുഹമ്മദ് ബിൻ സായിദ് അൽ നഹ്യാനിൽ നിന്നും ബുർജീൽ ഹോൾഡിംഗ്സ് ചെയർ മാനും സി. ഇ. ഒ. യുമായ ഡോ. ഷംഷീർ വയലിൽ അവാർഡ് സ്വീകരിച്ചു.

യു. എ. ഇ. മാനവ വിഭവശേഷി സ്വദേശി വൽക്കരണ മന്ത്രാലയം സംഘടിപ്പിച്ച നാലാമത് പുരസ്കാര ചടങ്ങിൽ ‘ടാലന്റ് എംപവർ മെന്റ് പയനിയേഴ്സ്’ വിഭാഗ ത്തിലാണ് ബുർജീൽ ഹോസ്പിറ്റൽ അബുദാബി ഈ ഉന്നത നേട്ടം സ്വന്തമാക്കിയത്.

യു. എ. ഇ. വൈസ് പ്രസിഡണ്ടും ഉപ പ്രധാനമന്ത്രിയും പ്രസിഡൻഷ്യൽ കോർട്ട് ചെയർമാനുമായ ശൈഖ് മൻസൂർ ബിൻ സായിദ് അൽ നഹ്യാന്റെ രക്ഷാ കർതൃത്വത്തിലാണ് പുരസ്കാര ദാന ചടങ്ങ് നടന്നത്. Burjeel Holdings

- pma

വായിക്കുക: , , , , , , , , ,

അഭിപ്രായം എഴുതുക »

വാദിയൻസ് വിദ്യാലയ ഓർമ്മകൾ ‘കിതാബിലെ കിസ്സകൾ’ പ്രകാശനം ചെയ്തു

November 17th, 2026

cover-kithabile-kissakal-collage-days-re-union-ePathram
അബുദാബി : ഒരുവട്ടം കൂടി കടന്നു ചെല്ലാൻ ആഗ്രഹിക്കുന്ന വിദ്യാലയ മുറ്റത്തെ ഓർമ്മകൾ സമാഹരിച്ച് തയ്യാറാക്കിയ ‘കിതാബിലെ കിസ്സകൾ’ എന്ന പുസ്തകം ഷാർജ ബുക്ക് ഫെയറിൽ പ്രകാശനം ചെയ്തു.

rashid-hameed-s-book-kithabile-kissa-vadiyans-memories-ePathram

കണ്ണൂർ പഴയങ്ങാടിയിലെ വാദി ഹുദ സ്കൂളിൽ 1980-89 കാലഘട്ടത്തിൽ പഠിച്ചിറങ്ങിയവരുടെ ഓർമ്മകളുടെ ശേഖരമായ ‘കിതാബിലെ കിസ്സകൾ’ വാദി ഹുദ മുൻ പ്രിൻസിപ്പൽ Dr. ശരീഫ് പൊവ്വൽ, ബഷീർ തിക്കോടി എന്നിവർ ചേർന്നാണ് പ്രകാശിപ്പിച്ചത്. പ്രസാധകർ കൈരളി ബുക്സ്

ഗ്രന്ഥകർത്താക്കളായ Dr. ഉമർ ഫാറൂഖ്, എസ്. എൽ. പി. സിദ്ദിക്ക് മാടായി, പുന്നക്കൻ മുഹമ്മദ്‌ അലി, ടി. പി. അബ്ബാസ് ഹാജി, എഡിറ്റർമാരായ റാഷിദ് ഹമീദ്, ഷിറാസ് കെ. പി., ഷബ്‌ന ഹാഫിസ് തുടങ്ങിയവർ സംബന്ധിച്ചു.

വിദ്യാലയത്തിന്റെ ചരിത്രവും അതിന് പിന്നിൽ പ്രവർത്തിച്ച മർഹൂം മൊയ്തു ഹാജി, ഹംസ അബ്ബാസ് ഹാജി എന്നിവരുടെ ജീവ ചരിത്രവും സ്കൂൾ സ്ഥിതി ചെയ്യുന്ന പ്രദേശത്തിന്റെ ചരിത്രവും കൂടാതെ പഠന കാലഘട്ടത്തെ കുറിച്ചുള്ള ഒരു വിവരണവും ഒക്കെ ഉൾപ്പെടുത്തിയ ഈ പുസ്തകത്തിൽ അന്നത്തെ അദ്ധ്യാപകരുടെയും ജീവനക്കാരുടെയും അനുഭവങ്ങളും ‘കിതാബിലെ കിസ്സകൾ’ പങ്കു വെക്കുന്നുണ്ട്.

- pma

വായിക്കുക: , , , , ,

അഭിപ്രായം എഴുതുക »

ഒന്നിച്ചില്ലെങ്കിൽ എന്താ… ഒന്നിച്ചൊരു പ്രണയ കാലം ആസ്വദിച്ചില്ലേ…?

November 17th, 2026

firoz-shah-book-onnichilla-enkil-enthaa-pranaya-kaalam-ePathram
ഷാർജ : നവാഗതരായ എഴുത്തുകാർക്ക് തങ്ങളുടെ കൃതികൾ വെളിച്ചം കാണാൻ ഏറെ പ്രോത്സാഹനം നൽകി വരുന്ന ഷാർജ അന്താരാഷ്ട്ര പുസ്തക മേളയിൽ വേറിട്ട ഒരു രചന പ്രകാശിതമായി.

mammutty-fans-firoz-shah-book-release-in-45-th-sharjah-book-fair-ePathram

ദുബായിൽ എഞ്ചിനീയറായ എറണാകുളം സ്വദേശി ഫിറോസ് ഷാ എഴുതിയ, അവതരണ രീതി കൊണ്ടും പേര് കൊണ്ടും വ്യത്യസ്തമായ ‘ഒന്നിച്ചില്ലെങ്കിൽ എന്താ… ഒന്നിച്ചൊരു പ്രണയകാലം ആസ്വദിച്ചില്ലേ…?’ എന്ന പുസ്തകം, മാധ്യമ പ്രവർത്തകരും എഴുത്തു കാരുമായ സാദിഖ് കാവിൽ, വനിതാ വിനോദ് എന്നിവർ ചേർന്ന് 45-ാമത് ഷാർജ അന്താരാഷ്ട്ര പുസ്തക മേളയിൽ വെച്ച് പ്രകാശിപ്പിച്ചു.

പ്രതാപ് തായാട്ട്, എം. എ. ഷഹ്നാസ്, ഗീതാ മോഹൻ, പ്രേമാ ശ്രീകുമാർ, ഷാനവാസ് തുടങ്ങി സാഹിത്യ സാംസ്കാരിക രംഗത്തെ പ്രമുഖർ സംബന്ധിച്ചു.

ജീവിതത്തിലെ ചില അനുഭവങ്ങളും മനസ്സിൽ സൂക്ഷിച്ചു വെച്ച ഓർമ്മകളും പറയാതെ പോയ ചില വാക്കുകളും അക്ഷരങ്ങളായി മാറിയതും അതെല്ലാം ഒരു പുസ്തകമായി തയ്യാറാക്കി ഷാർജ അന്താരാഷ്ട്ര പുസ്തക മേളയിൽ പ്രകാശിപ്പിക്കുക എന്നത് തന്നെ ജീവിതത്തിലെ മറക്കാനാവാത്ത അനുഭവമായി എന്ന് ചടങ്ങിൽ നന്ദി പ്രകാശിപ്പിച്ചു കൊണ്ട് രചയിതാവ് ഫിറോസ് ഷാ പറഞ്ഞു.  FB PAGE

- pma

വായിക്കുക: , , , , , , , ,

അഭിപ്രായം എഴുതുക »

വിദ്യാർത്ഥികൾക്കായി ഏകീകൃത ഡിജിറ്റൽ തിരിച്ചറിയൽ കാർഡ്

November 12th, 2026

dubai-rta-launch-dubai-student-card-ePathram
ദുബായ് : എമിറേറ്റിലെ വിദ്യാർത്ഥികൾക്കായി ‘ദുബായ് സ്റ്റുഡന്റ് കാർഡ്’ പുറത്തിറക്കി.ദുബായിലെ വിദ്യാർത്ഥികളുടെ ക്യാംപസ് ജീവിത നിലവാരം മെച്ചപ്പെടുത്തുവാനും യാത്രകൾ കൂടുതൽ സുഗമവും സാമ്പത്തിക നേട്ടം ഉള്ളതും ആക്കുവാനും ലക്ഷ്യമിട്ട് കൊണ്ടാണ് വിവിധ സാങ്കേതിക സംവിധാനങ്ങൾ ഒരുമിപ്പിച്ച് ‘ദുബായ് സ്റ്റുഡന്റ് കാർഡ്’ പുറത്തിറക്കിയത്.

വിദ്യാർത്ഥികളുടെ ഔദ്യോഗിക തിരിച്ചറിയൽ രേഖ, നോൽ പൊതു ഗതാഗത സേവനങ്ങൾ, ആഗോള തലത്തിലെ സവിശേഷ ഇളവുകൾ എന്നിവ ഒരൊറ്റ കാർഡിൽ സമന്വയിപ്പിച്ചിരിക്കുന്നു എന്നതാണ് ഇതിന്റെ സവിശേഷത.

കാമ്പസുകൾക്കുള്ളിലെ ഔദ്യോഗിക ഐഡന്റിറ്റി കാർഡായി ഇത് പ്രവർത്തിക്കും. അതോടൊപ്പം ദുബായ് ബസ്സ്, മെട്രോ, ട്രാം തുടങ്ങിയ പൊതു ഗതാഗത സംവിധാനങ്ങളിൽ 50 ശതമാനം വരെ ടിക്കറ്റ് നിരക്കിൽ ഇളവ് നേടി യാത്ര ചെയ്യാനും യു. എ. ഇ. യിൽ ഉടനീളമുള്ള വിവിധ സേവന ദാതാക്കളിൽ നിന്നും പ്രമുഖ വ്യാപാരികളിൽ നിന്നും പ്രതി ദിന ഓഫറുകൾ നേടാനും സഹായിക്കും.

മാത്രമല്ല ഈ കാർഡ് കൈവശമുള്ള വിദ്യാർത്ഥി കൾക്ക് വിദേശ യാത്രകളിലും ഭക്ഷണ-വിനോദ മേഖലകളിലും സവിശേഷ ആനുകൂല്യങ്ങൾ ലഭിക്കും.

നൂറ്റി മുപ്പതോളം രാജ്യങ്ങളിലായി ഒന്നര ലക്ഷത്തിൽ അധികം ആനുകൂല്യങ്ങൾ ‘ന്യൂ ദുബായ് സ്റ്റുഡന്റ് കാർഡ്’ ഹോൾഡേഴ്‌സിനെ കാത്തിരിക്കുന്നു എന്നും ദുബായിലെ ദൈനം ദിന ജീവിതത്തിലേക്ക് പൊതു ഗതാഗതത്തെ ഉൾക്കൊള്ളാൻ അടുത്ത തലമുറയെ പ്രചോദിപ്പിക്കുന്നതിനുള്ള ശ്രമങ്ങളെ ഈ സംരംഭം കൂടുതൽ ശക്തിപ്പെടുത്തും എന്നും സേവന ദാതാക്കളായ റോഡ്‌സ് ആൻഡ് ട്രാൻസ്‌പോർട്ട് അതോറിറ്റി അറിയിച്ചു.

ആർ. ടി. എ. യോടൊപ്പം നോളജ് ആൻഡ് ഹ്യൂമൻ ഡെവലപ്‌മെൻ്റ് അതോറിറ്റി, ദുബായ് ഇൻ്റർ നാഷണൽ അക്കാദമിക് സിറ്റി, ദുബായ് നോളജ് പാർക്ക്, ഇൻ്റർ നാഷണൽ സ്റ്റുഡൻ്റ് ഐഡൻ്റിറ്റി കാർഡ് അസോസി യേഷൻ എന്നിവയുമായി സഹകരിച്ച് കൊണ്ടാണ് ദുബായ് സ്റ്റുഡൻ്റ് കാർഡ് പുറത്തിറക്കിയത്. അന്താ രാഷ്ട്ര തലത്തിൽ പ്രഗല്‌ഭരായ പ്രതിഭകളെയും വിദ്യാർത്ഥികളെയും ആകർഷിക്കുന്ന ആഗോള വിദ്യാഭ്യാസ കേന്ദ്രമായി ദുബായിയെ നില നിർത്താൻ ഇത് സഹായിക്കും എന്നും പ്രതീക്ഷിക്കുന്നു.

Image Credit : Dubai R T A

- pma

വായിക്കുക: , , , , , , , , ,

അഭിപ്രായം എഴുതുക »

ഇസ്‌ലാമിക് സെന്ററിൽ ‘ഫാമിലി ഗെറ്റ് ടുഗെതർ-2026’

November 8th, 2026

year-of-family-getogether-in-islamic-center-ePathram

അബുദാബി : ഇന്ത്യൻ ഇസ്‌ലാമിക് സെന്ററിൽ നൂറോളം കലാകാരന്മാർ പങ്കെടുക്കുന്ന ഇൻഡോ-അറബ് കലാ സാംസ്കാരിക മഹോത്സവം അരങ്ങേറും. 2026 നവംബർ 8 ഞായറാഴ്ച വൈകുന്നേരം 6 മണി മുതൽ ‘ഫാമിലി ഗെറ്റ് ടുഗെതർ-2026’ എന്ന പേരിൽ അബു ദാബി പോലീസിന്റെ സഹകരണത്തോടെ ഒരുക്കുന്ന പരിപാടി, ഇന്ത്യ-അറബ് സംസ്കാര സമന്വയം ആയിരിക്കും എന്ന് സംഘാടകർ അവകാശപ്പെട്ടു.

യു. എ. ഇ. കുടുംബ വർഷ ആഘോഷത്തിന്റെ ഭാഗമായുള്ള ‘ഫാമിലി ഗെറ്റ് ടുഗെതർ-2026’  പ്രോഗ്രാമിൽ പോലീസ് ബാൻഡ്, കൾച്ചറൽ റാലി, അയ്യാല പെർഫോമൻസ്, സൂഫി ഡാൻസ്, മുട്ടിപ്പാട്ട്, കോൽക്കളി, ഒപ്പന, മാർഗം കളി, തിരുവാതിര, ഭാംഗ്ര തുടങ്ങി വിവിധ കലാ-സാംസ്കാരിക പരിപാടികൾ അരങ്ങേറും.

സാംസ്കാരിക വൈവിധ്യം പരിചയപ്പെടുത്തുന്ന കൾച്ചറൽ സ്റ്റാളുകളും പ്രദർശനങ്ങളും പരിപാടിയുടെ ഭാഗമായി ഒരുക്കും.

കുടുംബ മൂല്യങ്ങൾക്കും സാമൂഹിക ഐക്യത്തിനും സാംസ്കാരിക വിനിമയത്തിനും പ്രാധാന്യം നൽകുന്ന ഈ ആഘോഷം ഇന്ത്യൻ പ്രവാസി സമൂഹത്തിനും കലാ ആസ്വാദകർക്കും വേറിട്ട അനുഭമായിരിക്കും എന്നും സംഘാടകർ അറിയിച്ചു. FaceBook

- pma

വായിക്കുക: , , , , , , , , , , ,

അഭിപ്രായം എഴുതുക »

1 of 1431231020»|

« Previous « കടയ്ക്കൽ പ്രവാസി ഫോറം : പുതിയ ഭാരവാഹികൾ
Next Page » വിദ്യാർത്ഥികൾക്കായി ഏകീകൃത ഡിജിറ്റൽ തിരിച്ചറിയൽ കാർഡ് »



  • ഇ-ഇൻവോയ്സിംഗ് ബോധ വത്കരണ ക്ലാസ് നവംബർ 21ന്
  • എമിറേറ്റ്സ് ലേബർ മാർക്കറ്റ് : ബുർജീൽ ഹോസ്പിറ്റൽ ഒന്നാം സ്ഥാനത്ത്
  • കെ. എം. സി. സി. ലീഗൽ സെൽ-അദാലത് ഞായറാഴ്ച
  • ‘ഹാർവെസ്റ്റ് ഫെസ്റ്റിവൽ-2026’ ആഘോഷിച്ചു
  • മെഹ്ഫിൽ മെരെ സനം സീസൺ-5 നവംബർ 21 ന്
  • നസീർ രാമന്തളിയുടെ പുസ്തകം പ്രകാശനം ചെയ്തു
  • വാദിയൻസ് വിദ്യാലയ ഓർമ്മകൾ ‘കിതാബിലെ കിസ്സകൾ’ പ്രകാശനം ചെയ്തു
  • ഒന്നിച്ചില്ലെങ്കിൽ എന്താ… ഒന്നിച്ചൊരു പ്രണയ കാലം ആസ്വദിച്ചില്ലേ…?
  • സുല്‍ത്വാനിയ ‘ഹൃദയ വെളിച്ചം’ ആറാം ഭാഗം പ്രകാശിതമായി
  • ഈദ് അൽ ഇത്തിഹാദ് : പൊതുഅവധി പ്രഖ്യാപിച്ചു
  • സെന്റ് ജോർജ് ഓർത്തഡോക്സ് കത്തീഡ്രൽ കൊയ്ത്തുത്സവം ഞായറാഴ്ച
  • സി. എച്ച്. മുഹമ്മദ് കോയ : ഇതിഹാസത്തിന്റെ നാൾവഴികൾ
  • വിദ്യാർത്ഥികൾക്കായി ഏകീകൃത ഡിജിറ്റൽ തിരിച്ചറിയൽ കാർഡ്
  • ഇസ്‌ലാമിക് സെന്ററിൽ ‘ഫാമിലി ഗെറ്റ് ടുഗെതർ-2026’
  • കടയ്ക്കൽ പ്രവാസി ഫോറം : പുതിയ ഭാരവാഹികൾ
  • പെരുമ പയ്യോളി : പുതിയ കമ്മിറ്റി നിലവിൽ വന്നു
  • കെ. എം. സി. സി. നിയമ സെമിനാർ : നവംബർ 15 ന്
  • ഗ്ലോബൽ വില്ലേജിൽ ‘ദീപാവലി മേള’ അരങ്ങേറും
  • അല്‍ മദീന ‘വിന്‍റര്‍ ഡ്രൈവ്’ സീസണ്‍-15 : ലോഗോ പ്രകാശനം ചെയ്തു
  • ഗ്ലോബൽ വില്ലേജ് : ‘എ മോർ വണ്ടർഫുൾ വേൾഡ്’ എന്ന പ്രമേയത്തിൽ 31-ാമത് പതിപ്പ്



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine