 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : ഗ്രാന്‍ഡ് മീലാദ് സില്‍വര്‍ ജൂബിലി ആഘോഷങ്ങളുടെ ഭാഗമായി ഏര്‍പ്പെടുത്തിയ ഗ്രാന്‍ഡ് ടോളറന്‍സ് അവാര്‍ഡ് കാന്തപുരം എ. പി. അബൂ ബക്കര്‍ മുസ്‌ലിയാര്‍ക്ക് സമ്മാനിക്കും.
2025 ഒക്ടോബര്‍ നാലിന് ദുബായ് ഹോര്‍ അല്‍ അന്‍സ് ഓപ്പണ്‍ ഗ്രൗണ്ടില്‍ നടക്കുന്ന ഗ്രാന്‍ഡ് ടോളറന്‍സ് കോണ്‍ഫറന്‍സിൽ വെച്ചാണ് അവാർഡ് സമ്മാനിക്കുക.
ഏഴ് പതിറ്റാണ്ടിലേറെ മത വിദ്യാഭ്യാസ ജീവ കാരുണ്യ മേഖലകളിലെ നിസ്തുല സേവനം പരിഗണിച്ചാണ് കാന്തപുരത്തെ തെരഞ്ഞെടുത്തത്.
- pma
വായിക്കുക: rsc-icf, ദുബായ്, പ്രവാസി, ബഹുമതി, മതം, സാമൂഹ്യ സേവനം, സാംസ്കാരികം
അബുദാബി : മാധ്യമ പ്രവർത്തകരുടെ കൂട്ടായ്മ ഇന്ത്യന്‍ മീഡിയ അബുദാബി (ഇമ) എല്‍. എല്‍. എച്ച്.- ലൈഫ് കെയര്‍ ഹോസ്പിറ്റലുമായി സഹകരിച്ച് ‘ഓണം മൂഡ് 2025’ എന്ന പേരിൽ ഓണാഘോഷവും കുടുംബ സംഗമവും സംഘടിപ്പിച്ചു. മുസ്സഫയിലെ ലൈഫ് കെയര്‍ ഹോസ്പിറ്റല്‍ പാര്‍ട്ടി ഹാളിലായിരുന്നു ആഘോഷം.
അത്തപ്പൂക്കളം, മാവേലി എഴുന്നെള്ളത്ത്, വിവിധ മത്സരങ്ങൾ, സംഗീത വിരുന്നും നൃത്ത നൃത്യങ്ങളും ഒപ്പം വിഭവ സമൃ ദ്ധമായ ഓണ സദ്യയും ‘ഓണം മൂഡ് 2025’ പേരിനെ അർത്ഥവത്താക്കി.
പ്രധാന പ്രായോജകരായ ബുര്‍ജില്‍ ഹോൾഡിംഗ്‌സ് റീജ്യണൽ ബിസിനസ് ഡവലപ്‌മെന്റ് മാനേജര്‍ നിവിന്‍ വര്‍ഗീസ്, വിന്‍സ്‌മേര ജ്വലേഴ്‌സ് യു. എ. ഇ. റീട്ടെയില്‍ ഹെഡ് അരുണ്‍ നായര്‍, എ. ബി. സി. കാര്‍ഗോ അബു ദാബി ബ്രാഞ്ച് മാനേജര്‍ സോനു സൈമണ്‍, എല്‍. എല്‍. എച്. & ലൈഫ് കെയര്‍ ഹോസ്പിറ്റല്‍സ് അസി. മാർക്കറ്റിങ് മാനേജര്‍ ഷിഹാബ് എന്നിവര്‍ അതിഥികൾ ആയിരുന്നു.
ഗായകരായ റഷീദ് കൊടുങ്ങല്ലൂർ, സൽക്ക മുഹമ്മദ് സഹൽ, ഇമ ജോയിന്റ് സെക്രട്ടറി നിസാമുദ്ധീന്‍, അംഗങ്ങളായ എൻ. എ. ജാഫർ, പി. എം. അബ്ദുൽ റഹിമാൻ, മാവേലിയായി വേഷമിട്ട ഷംസു തിരുവത്ര, കുട്ടികൾ അടക്കമുള്ള കുടുംബാംഗങ്ങളും അതിഥി കളും ഗാനങ്ങൾ ആലപിക്കുകയും വിവിധ കലാ പരിപാടികളിലും മത്സരങ്ങളിലും ഭാഗമാവുകയും ചെയ്തു.
പരിപാടികളിൽ പങ്കെടുത്ത കുട്ടികളെ സമ്മാനങ്ങൾ നൽകി ആദരിച്ചു. മത്സരങ്ങളും വിനോദങ്ങളും ആഘോഷത്തിന് പുതുമയേകി. വിഷ്ണു നാട്ടായിക്കൽ അവതാരകൻ ആയിരുന്നു.
ഇമ പ്രസിഡണ്ട് സമീര്‍ കല്ലറ അദ്ധ്യക്ഷത വഹിച്ചു. സെക്രട്ടറി റാഷിദ് പൂമാടം സ്വാഗതവും ട്രഷറര്‍ ഷിജിന കണ്ണന്‍ ദാസ് നന്ദിയും പറഞ്ഞു. IMA FB PAGE
- pma
വായിക്കുക: indian-media-abudhabi, onam, social-media, ആഘോഷം, നൃത്തം, പ്രവാസി, ബഹുമതി, മാധ്യമങ്ങള്‍, സംഗീതം
അബുദാബി : മലയാളി സമാജത്തിന്റെ മുപ്പത്തി ഒന്‍പതാമത് സാഹിത്യ പുരസ്കാരം പ്രശസ്ത കവിയും കഥാകൃത്തും ഗ്രന്ഥകാരനും കേരള സാംസ്‌കാരിക രംഗത്തെ ശ്രദ്ധേയ സാന്നിദ്ധ്യവുമായ ആലങ്കോട് ലീലാകൃഷ്ണനു സമ്മാനിക്കും. പ്രൊഫസ്സര്‍ വി. മധു സുദനന്‍ നായര്‍ ജൂറി ചെയര്‍ മാനും മുന്‍ ചീഫ് സെക്രട്ടറി ഡോ. വി. പി. ജോയ്, കേരള കലാമണ്ഡലം ഡീന്‍ ഡോ. പി. വേണു ഗോപാലന്‍ എന്നിവര്‍ അംഗ ങ്ങളുമായ കമ്മിറ്റിയാണ് പുരസ്‌കാര ജേതാവിനെ തെരഞ്ഞെടുത്തത്. 50,000 രൂപയും പ്രശസ്തി പത്രവും അടങ്ങുന്നതാണ് സമാജം സാഹിത്യ പുരസ്കാരം.
മലയാള കാവ്യ പാരമ്പര്യവും കേരളീയ പൈതൃകവും മാനുഷിക മൂല്യങ്ങളും കാലാനുകൂലം നവീകരിച്ച് നില നിര്‍ത്തുന്നതില്‍ ആലങ്കോട് ലീലാ കൃഷ്ണന്‍ നടത്തുന്ന പ്രയത്‌നങ്ങളെ ആദരിച്ചു കൊണ്ടാണ് പുരസ്കാരം നിര്‍ണ്ണയിച്ചത് എന്ന് വിധി കര്‍ത്താക്കാള്‍ പറഞ്ഞു. സെപ്റ്റംബറില്‍ അബുദാബിയില്‍ നടക്കുന്ന ചടങ്ങില്‍ പുരസ്കാരം സമ്മാനിക്കും.
അബുദാബി മലയാളി സമാജം സാഹിത്യ പുരസ്കാരം 1982 മുതല്‍ നല്‍കി വരുന്നു. വൈക്കം മുഹമ്മദ് ബഷീര്‍, സുകുമാര്‍ അഴിക്കോട്, കടമ്മനിട്ട, എം. ടി. വാസുദേവന്‍ നായര്‍, ഒ. എന്‍. വി., ടി. പത്മ നാഭന്‍, പ്രൊഫസര്‍ എം. എൻ. കാരശ്ശേരി, റഫീക്ക് അഹമ്മദ്, എസ്. വി. വേണു ഗോപന്‍ നായര്‍ തുടങ്ങി പ്രശസ്തരായ എഴുത്തുകാര്‍ സമാജം സാഹിത്യ പുരസ്കാരം കരസ്ഥമാക്കിയിട്ടുണ്ട്.
- pma
വായിക്കുക: ബഹുമതി, മലയാളി സമാജം, സംഘടന, സാഹിത്യം
അബുദാബി : ട്രാവല്‍ ആന്‍ഡ് ടൂറിസം പ്ലാറ്റുഫോമായ ട്രിപ്പ് അഡ്‌വൈസർ 2025 ലെ ആഗോള റിപ്പോര്‍ട്ടില്‍ അബുദാബി ശൈഖ് സായിദ് ഗ്രാന്‍ഡ് മസ്ജിദിനു എട്ടാം സ്ഥാനം ലഭിച്ചു. ടോപ്പ് ആട്രാക്ഷന്‍സ് വിഭാഗത്തി ലാണ് 25 വിശിഷ്ട ലാൻഡ് മാർക്കുകളില്‍ ആഗോള തലത്തില്‍ ശൈഖ് സായിദ് മസ്ജിദ് എട്ടാം സ്ഥാനത്തു വന്നത്.
എന്നാൽ ഈ വിഭാഗത്തില്‍ മിഡില്‍ ഈസ്റ്റിലെ ഒന്നാം നമ്പര്‍ ആകര്‍ഷണം എന്ന സ്ഥാനം ഗ്രാൻഡ് മസ്ജിദ് നില നിര്‍ത്തി. മേഖലയിലെ ഏറ്റവും മികച്ച 10 സൈറ്റു കളുടെ പട്ടികയില്‍ അബുദാബി ശൈഖ് സായിദ് ഗ്രാന്‍ഡ് മസ്ജിദ് ഒന്നാം സ്ഥാനത്തു തുടരുന്നു.
- pma
വായിക്കുക: masjid, sheikh-zayed-festival, social-media, അബുദാബി, ആഘോഷം, ബഹുമതി, മതം, യു.എ.ഇ.
ദുബായ് : അധികൃതരുടെ നിർദ്ദേശങ്ങളും ട്രാഫിക് നിയമങ്ങളും പാലിക്കുന്നതിൽ മികവ് പുലർത്തിയ ദുബായിലെ 2172 ടാക്സി ഡ്രൈവർമാരെ ദുബായ് റോഡ്‌സ് & ട്രാന്‍സ്‌ പോര്‍ട്ട് അതോറിറ്റി (ആര്‍. ടി. എ.) ആദരിച്ചു. എല്ലാ ഗതാഗത നിയമങ്ങളും ചട്ടങ്ങളും പാലിക്കുകയും അതോടൊപ്പം വ്യക്തിഗത, വാഹന ശുചിത്വത്തില്‍ ഉയര്‍ന്ന നിലവാരം പുലര്‍ത്തുകയും നഷ്ടപ്പെട്ട വസ്തുക്കള്‍ അവയുടെ ഉടമകള്‍ക്ക് തിരികെ നല്‍കുകയും ചെയ്ത 2,172 ഡ്രൈവര്‍മാരെയാണ് ‘റോഡ് അംബാസഡര്‍മാര്‍’ എന്ന പ്രോഗ്രാമിന്റെ ഭാഗമായി പൊതു ചടങ്ങില്‍ വെച്ച് ആര്‍. ടി. എ. ആദരിച്ചത്.
കഴിഞ്ഞ ഒന്നര വർഷത്തെ പ്രവർത്തന കാലയളവിലെ വിലയിരുത്തലിലാണ് ഇവരെ തെരഞ്ഞെടുത്തത്. ആരോഗ്യകരമായ മത്സര മനോഭാവം ഡ്രൈവര്‍ മാര്‍ക്ക് ഇടയില്‍ വളര്‍ത്തിയെടുക്കാന്‍ ഇത്തരം ചടങ്ങുകൾ ഉപയോഗപ്പെടും എന്നും ഇതിലൂടെ ഉപഭോക്തൃ സംതൃപ്തി കൂടുതല്‍ മെച്ചപ്പെടുത്താന്‍ സാധിക്കും എന്നും RTA അധികൃതർ അറിയിച്ചു.
* rta
- pma
വായിക്കുക: dubai-road-transport, social-media, taxi, ഗതാഗതം, ദുബായ്, ബഹുമതി, സാമൂഹ്യ സേവനം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
