ദോഹ : ഈണം ദോഹയുടെ പിന്തുണയോടെ ഫ്രെയിം വണ്‍ മീഡിയ അവതരിപ്പിക്കുന്ന നാസിര്‍ അല്‍ ഹജ്റിസ് “അഹലന്‍ റമളാന്‍ – ലൈവ് പ്രോഗ്രാം” സെപ്തംബര്‍ 3ന് ഖത്തറിലെ ഐ. സി. സി. അശോക ഹാളില്‍ (അബൂഹമൂര്‍) രാത്രി 7:30ന് നടത്തപ്പെടുന്നു. ഈ പുണ്യമായ റമളാന്‍ മാസത്തില്‍ കൈരളി പീപ്പിള്‍ ടി. വി. യില്‍ 8 എപ്പിസോഡുകള്‍ അവതരിപ്പിച്ച “അഹലന്‍ റമളാന്‍” എന്ന പ്രോഗ്രാമിന്റെ ഒരു ലൈവ് പ്രോഗ്രാം ആണ് ഖത്തറിലെ സംഗീത പ്രേമികള്‍ക്കായി കൈരളി ടി. വി. ഒരുക്കിയിരിക്കുന്നത്. ഈണം ദോഹയുടെ പ്രശസ്ത ഗായകര്‍ക്കൊപ്പം റിയാസ്, ആഷിക് മാഹി, ഹമീദ് എന്നീ ഗായകരും ഈ സംഗീത വിരുന്നില്‍ പങ്കു ചേരുന്നു. ഒപ്പനയും, കോല്‍ക്കളിയും, സിനിമാറ്റിക് ഡാന്‍സും എല്ലാം ഒത്തു ചേര്‍ന്ന ഈ പരിപാടിയിലേക്ക് പ്രവേശനം സൌജന്യമാണ്.
(അയച്ചു തന്നത് : കെ. വി. അബ്ദുല്‍ അസീസ്‌ – ചാവക്കാട് – ദോഹ – ഖത്തര്‍)
