സൗദി ഈജിപ്ത് നയതന്ത്ര ബന്ധം വഷളായി, കാര്യാലയങ്ങള്‍ അടച്ചു

April 30th, 2012

Flag-Pins-Saudi-Arabia-Egypt-epathram

ജിദ്ദ: സൗദി അറേബ്യ ഈജിപ്തിലെ നയതന്ത്ര കാര്യാലയങ്ങള്‍ അടച്ചു. ഈജിപ്തിലെ സൗദി സ്ഥാനപതിയെ തിരിച്ചു വിളിക്കാനും തീരുമാനിച്ചു. ഈജിപ്തില്‍ നയതന്ത്ര കാര്യാലയങ്ങള്‍ക്കു മുന്നിലുണ്ടാകുന്ന നിരന്തര പ്രതിഷേധങ്ങളെ ത്തുടര്‍ന്നാണ് ഈ തീരുമാനം. കയ്‌റോയിലെ എംബസിയും അലക്സാണ്ട്രിയയിലും സൂയസിലുമുള്ള കോണ്‍സുലേറ്റുകളുടെ പ്രവര്‍ത്തനവും നിര്‍ത്തിവെച്ചു.
സൗദി അറേബ്യയിലെ അബ്ദുള്ള രാജാവിനെ അപമാനിച്ചുവെന്ന ആരോപണത്തെ തുടര്‍ന്ന് മനുഷ്യാവകാശ പ്രവര്‍ത്തകനായ ഈജിപ്ത് അഭിഭാഷകന്‍ അഹ്മദ് അല്‍-ഗിസാമി സൗദിയില്‍ അറസ്റ്റ് ചെയ്തിരുന്നു. ഇതിനെ തുടര്‍ന്ന് കയ്‌റോയിലെ സൗദി സ്ഥാനപതി കാര്യാലത്തിന് മുമ്പില്‍ ശക്തമായ പ്രതിഷേധ പ്രകടനങ്ങള്‍ നടന്നു. ഇതോടെ ഇരു രാജ്യങ്ങളും തമ്മിലുള്ള നയതന്ത്രബന്ധം വഷളായിരുന്നു.

- ന്യൂസ് ഡെസ്ക്

വായിക്കുക: ,

Comments Off on സൗദി ഈജിപ്ത് നയതന്ത്ര ബന്ധം വഷളായി, കാര്യാലയങ്ങള്‍ അടച്ചു

സൌദിയിൽ വിവാഹത്തിന് പ്രായപരിധി വരാൻ സാദ്ധ്യത

April 20th, 2012

child-crying-epathram

ജെദ്ദ : സൌദിയില്‍ പെണ്‍കുട്ടികളുടെ വിവാഹത്തിന് കുറഞ്ഞ പ്രായ പരിധി നടപ്പിലാക്കാൻ ഉദ്ദേശിക്കുന്നതായി നീതിന്യായ വകുപ്പ് കഴിഞ്ഞ ദിവസം വെളിപ്പെടുത്തി. ശൈശവ വിവാഹം വ്യാപകമായ സാമൂഹിക പ്രശ്നങ്ങൾ സൃഷ്ടിക്കുന്നതുമായി ബന്ധപ്പെട്ട് ഏറെ അന്താരാഷ്ട്ര വിമർശനങ്ങൾ ഉയർന്ന സാഹചര്യത്തിലാണ് ഈ നീക്കം.

ഇത് സംബന്ധിച്ച് മന്ത്രാലയം വ്യക്തമായ നിലപാടുകൾ സ്വീകരിച്ചു കഴിഞ്ഞതായി നീതിന്യായ വകുപ്പിന്റെ കീഴിലുള്ള വിവാഹ കാര്യ വിഭാഗം തലവൻ അറിയിച്ചു. ഇത് നിയമമാക്കാനുള്ള ശ്രമമാണ് ഇപ്പോൾ നടക്കുന്നത്. പുതിയ നിയമങ്ങൾ കൊണ്ടു വരുന്നതിൽ ഭരണകൂടത്തിന് ഉപദേശം നൽകുന്ന ഷൂറാ കൌൺസിൽ വിവാഹത്തിന് കുറഞ്ഞ പ്രായപരിധി കൊണ്ടു വരണം എന്ന് നിർദ്ദേശിച്ചതായി കഴിഞ്ഞ വർഷം വാർത്താ മാദ്ധ്യമങ്ങൾ റിപ്പോർട്ട് ചെയ്തിരുന്നു. എന്നാൽ പിന്നീട് ഇതിൽ പുരോഗതിയൊന്നും ഉണ്ടായില്ല.

പെണ്‍കുട്ടിയുടെ സമ്മതം വിവാഹത്തിന് ആവശ്യമാണെങ്കിലും പലപ്പോഴും ഇത് ആരും പരിഗണിക്കാറില്ല. മനുഷ്യാവകാശ സംഘടനകള്‍ ഈ പ്രശ്നത്തിന് ഒരു പരിഹാരം കാണണം എന്ന് ഏറെ കാലമായി ആ‍വശ്യപ്പെടുന്നുണ്ട്.

സൌദിയിലെ യാഥാസ്ഥിതികര്‍ ഇത്തരം ഒരു നീക്കത്തിന് എതിരാണെങ്കിലും സര്‍ക്കാരില്‍ നിന്നു തന്നെ ഇത്തരം ഒരു പ്രായ പരിധി കൊണ്ടു വരുന്നതിന് അനുകൂലമായ നിലപാട് പ്രകടമായ സ്ഥിതിക്ക് പുതിയ നിയമ ഭേദഗതികള്‍ ഈ കാര്യത്തില്‍ വരും എന്ന് പ്രതീക്ഷിക്കപ്പെടുന്നു.

2009ൽ 8 വയസുള്ള ഒരു പെൺകുട്ടിയെ 50 വയസുള്ള ഒരാൾ വിവാഹം ചെയ്തത് അസാധുവാക്കണം എന്ന പെൺകുട്ടിയുടെ അമ്മയുടെ ആവശ്യം കോടതി തള്ളിയത് എറെ വിവാദമായിരുന്നു. പെണ്‍കുട്ടി പ്രായപൂര്‍ത്തി ആവുന്നത് വരെ കാത്തിരിക്കണം എന്നും പ്രായപൂര്‍ത്തി ആയതിനു ശേഷമേ പെണ്‍കുട്ടിക്ക് വിവാഹ മോചനത്തിന് ഉള്ള ഹരജി കോടതിയില്‍ സമര്‍പ്പിക്കാന്‍ ഉള്ള അവകാശം ഉള്ളൂ എന്ന കാരണം പറഞ്ഞാണ് കോടതി അപേക്ഷ തള്ളിയത്.

2010ൽ 12 വയസുള്ള ഒരു പെൺകുട്ടിയ്ക്ക് 80 വയസുള്ള ഭർത്താവിൽ നിന്നും വിവാഹ മോചനം ലഭിക്കുന്നതിനായി സൌദിയിലെ മനുഷ്യാവകാശ കമ്മീഷൻ തന്നെ നിയമ സഹായം നൽകിയത് പെൺകുട്ടികളുടെ വിവാഹത്തിന് കുറഞ്ഞ പ്രായപരിധി നിശ്ചയിക്കപ്പെടാനുള്ള പ്രതീക്ഷ ഉണർത്തിയിരുന്നു.

18 വയസിന് താഴെ പ്രായം ഉള്ളവരെ കുട്ടികളായി പരിഗണിക്കുന്ന ഐക്യ രാഷ്ട്ര സഭയുടെ അന്താരാഷ്ട്ര ഉടമ്പടിയിൽ സൌദി അറേബ്യയും ഒപ്പു വെച്ചിട്ടുണ്ട്.

- ജെ.എസ്.

വായിക്കുക: , , , ,

അഭിപ്രായം എഴുതുക »

സിറിയ : അറബ് ഉച്ചകോടിയില്‍ ചേരിതിരിവ്‌

March 29th, 2012

syria-map-epathram

ബാഗ്ദാദ് : ഇന്ന് നടക്കുന്ന അറബ് ഉച്ചകോടിയില്‍ സിറിയയെ സംബന്ധിച്ച ചര്‍ച്ചകളില്‍ അറബ് രാഷ്ട്രങ്ങളില്‍ വ്യത്യസ്ത നിലപാടുകള്‍ പുറത്തു വരും എന്ന് സൂചന. ഉച്ചകോടിയില്‍ സിറിയയോട് വെടിനിര്‍ത്തല്‍ നടപ്പിലാക്കാന്‍ ഏകകണ്ഠമായി ആവശ്യപ്പെട്ടേക്കും. എന്നാല്‍ ഒരു വര്‍ഷമായി തുടരുന്ന പ്രതിഷേധ സമരത്തെ അടിച്ചമര്‍ത്തുന്ന നടപടി പ്രസിഡണ്ട് ബഷാര്‍ അല്‍ അസ്സാദ്‌ നിര്‍ത്തി വെയ്ക്കും എന്ന് ആര്‍ക്കും പ്രതീക്ഷയില്ല.

എന്നാല്‍ സിറിയയില്‍ നടക്കുന്ന രക്തച്ചൊരിച്ചില്‍ തടയുന്നതിനായി എത്ര കര്‍ശനമായി ഇടപെടണം എന്ന കാര്യത്തില്‍ അറബ് രാഷ്ട്രങ്ങളില്‍ ചേരിതിരിവ്‌ വ്യക്തമാണ്.

സുന്നി നേതൃത്വമുള്ള സൗദി അറേബ്യ, ഖത്തര്‍ എന്നീ രാഷ്ട്രങ്ങള്‍ ഇറാന്റെ ഷിയാ സ്വാധീനത്തില്‍ നിന്നും സിറിയയെ വേര്‍പെടുത്താന്‍ ശ്രമിക്കുകയാണ്. ഇതിനായി പ്രതിഷേധക്കാര്‍ക്ക് ആയുധങ്ങള്‍ എത്തിച്ച് കൊടുത്ത് പ്രതിഷേധം ശക്തിപ്പെടുത്താന്‍ ഉള്ള ആശയത്തെ മറ്റ് അറബ് രാഷ്ട്രങ്ങള്‍ പിന്തുണയ്ക്കില്ല. അറബ് ഉച്ചകോടിക്ക് വേദി ഒരുക്കുന്ന ഇറാക്കിലെ ഷിയാ നേതൃത്വത്തിന് ഇറാനുമായി അടുത്ത ബന്ധമുള്ളതും പ്രശ്നം സങ്കീര്‍ണ്ണമാക്കുന്നു.

- ജെ.എസ്.

വായിക്കുക: , ,

അഭിപ്രായം എഴുതുക »

കെ എസ് രാജന്‍ പുരസ്കാര ദാനവും അനുമോദന സായാഹ്നവും സംഘടിപ്പിച്ചു

February 21st, 2012

psv-ks-rajan-award-ePathram
റിയാദ്‌ : മൂന്നര പതിറ്റാണ്ട് കാലം റിയാദിന്‍റെ സാമൂഹ്യ സാംസ്കാരിക ജീവ കാരുണ്യ ഭൂമിക യില്‍ സജീവ സാന്നിദ്ധ്യവും സൗദി അറേബ്യ യിലെ ആദ്യ കാല പ്രവാസി യുമായിരുന്ന കെ എസ് രാജന്‍റെ സ്മരണാര്‍ത്ഥം റിയാദിലെ പയ്യന്നൂര്‍ സൗഹൃദ വേദി ഏര്‍പ്പെടുത്തിയ പ്രഥമ കെ എസ് രാജന്‍ പുരസ്കാരം പ്രമുഖ പത്ര പ്രവര്‍ത്തകനും എഴുത്തു കാരനുമായ കെ യു ഇഖ്‌ബാലിനു സമ്മാനിച്ചു.

psv-riyad-ks-rajan-award-ePathram

പി എസ് വി മുഖ്യ രക്ഷാധികാരി ഡോക്ടര്‍ ഭരതനാണ് പ്രൌഡ ഗംഭീരമായ സദസ്സിനെ സാക്ഷിയാക്കി പുരസ്കാരം കെ യു ഇഖ്‌ബാലിനു സമ്മാനിച്ചത്. ഇഖ്‌ബാലിനെ അബൂബക്കര്‍ താമരശ്ശേരി പൊന്നാടയണിയിച്ച് ആദരിച്ചു. രാജേട്ടന്‍റെ പേരില്‍ ലഭിച്ച പുരസ്കാരം തനിക്ക്‌ ജീവിതത്തില്‍ ലഭിച്ച ഏറ്റവും വലിയ അംഗീകാര മാണെന്ന് പറഞ്ഞു കൊണ്ട് കെ യു ഇഖ്‌ബാല്‍ രാജേട്ടനും കുടുംബ വുമായുള്ള ഓര്‍മ്മകള്‍ പങ്കു വെച്ചു.

psv-riyad-ks-rajan-award-ceremony-ePathram

രാജേട്ടന്റെ വീട്ടില്‍ വാരാന്ത് യങ്ങളില്‍ നടന്നു വരാറു ണ്ടായിരുന്ന സംഗീത സദസ്സിനെ അനുസ്മരിച്ചു കൊണ്ട് പുരസ്കാര വിതരണ ത്തിനിടയിലെ ഓരോ ഇടവേള കളിലും പി എസ് വി യുടെ അംഗങ്ങള്‍ ഗാനങ്ങള്‍ അവതരിപ്പിച്ചു സദസ്സിനെ സംഗീത സാന്ദ്രമാക്കി. അനുഗ്രഹീത പാട്ടുകാരനായ പാകിസ്ഥാനില്‍ നിന്നുള്ള നദീമിന്റെ ഗാനങ്ങള്‍ സംഗീത ത്തിനു ദേശ വ്യതാസമില്ല എന്നു തെളിയിക്കുന്നതായി. വിനോദ് വേങ്ങയില്‍, സീമ മധു, അലീന സാജിദ്‌, പ്രവീണ്‍ തുടങ്ങിയവര്‍ ഗാനങ്ങള്‍ ആലപിച്ചു.

രാജേട്ടന്‍റെ സ്മരണകള്‍ തുടിക്കുന്ന സദസ്സില്‍ രാജേട്ടന്റെ പത്നി സതീ രാജന്‍ ദുബായില്‍ നിന്നും സംസാരിച്ചപ്പോള്‍ സദസ്സ് ശോക മൂകമായി. ആരോഗ്യ രംഗത്തെ മികച്ച സേവന ത്തിന്‌ അക്ഷയ ഗ്ലോബല്‍ പുരസ്കാരം ലഭിച്ച റിയാദിലെ ജനകീയ ഡോക്ടരും ജീവ കാരുണ്യ പ്രവര്‍ത്തകനും ഗാന്ധി യനുമായ ഡോക്ടര്‍ ഭരതനെ അനുമോദിച്ചു.റിയാദിലെ പൗരാവലിയുടെ ആദര സൂചകമായി റിയാദ്‌ ഇന്ത്യന്‍ മീഡിയ ഫോറത്തിന്റെ പ്രസിഡന്റ് ഷക്കീബ് കൊളക്കാടന്‍ ഡോക്ടര്‍ ഭരതന് മൊമേന്റോ നല്‍കി ആദരിച്ചു. പ്രമുഖ ജീവ കാരുണ്യ പ്രവര്‍ത്തകനും നോര്‍ക്ക കണ്‍സള്‍ട്ടെണ്ടുമായ ശിഹാബ് കൊട്ടുകാടിനെ ആദരിച്ചു.

പയ്യന്നൂരിനെ പരിചയ പ്പെടുത്തികൊണ്ട് അവതരിപ്പിച്ച ഡോകുമെന്ററി യോടെയാണ് പരിപാടി ആരംഭിച്ചത്. പി എസ് വി വനിതാ വേദി ചെയര്‍ പെഴ്സന്‍ ഉഷാ മധുസൂദനന് പരിപാടി യുടെ ആദ്യാവസാന അവതാരക യായിരുന്നു. സനൂപ്‌ കുമാര്‍, അഡ്വക്കേറ്റ്‌ സുരേഷ്, കെ പി അബ്ദുല്‍ മജീദ്‌, മധുസൂദനന്‍ പി കെ, വിനോദ്, ബാബു ഗോവിന്ദ്‌, മഹേഷ്‌, ജയപ്രകാശ്‌, കെ പി രമേശന്‍ , മുരളീധരന്‍ , ഗോപിനാഥ്, തമ്പാന്‍ , ഹരീന്ദ്രന്‍ , ഇസ്മയില്‍ കരോളം, ഭാസ്കരന്‍ എടാട്ട്, സാജിദ്‌ മുഹമ്മദ്‌, അരവിന്ദന്‍ തുടങ്ങിയവര്‍ പരിപാടിക്ക്‌ നേതൃത്വം നല്‍കി. റിയാദ്‌ മീഡിയ ഫോറം പ്രസിഡന്റ്‌ ഷക്കീബ് കൊളക്കാടന്‍ , നാസര്‍ കാരന്തൂര്‍ , ബാലചന്ദ്രന്‍ , ഷക്കീല ടീച്ചര്‍ , ഷംസുദ്ധീന്‍ , നിസാര്‍ , നവാസ്‌, അന്‍സാര്‍ തുടങ്ങിയവര്‍ സംസാരിച്ചു.

- pma

വായിക്കുക: , ,

അഭിപ്രായം എഴുതുക »

സൌദി അറേബ്യ യില്‍ അറസ്റ്റിലായ ഗായകന്‍ മാര്‍ക്കോസിനെ ജാമ്യത്തില്‍ വിട്ടു

February 12th, 2012

singer-kg-markose-ePathram
സൌദി അറേബ്യ : അധികൃതരുടെ അനുമതി ഇല്ലാതെയും പ്രവേശന ഫീസ് വെച്ചും സംഘടിപ്പിച്ച പൊതു പരിപാടി യില്‍ പങ്കെടുത്ത പ്രശസ്ത ഗായകന്‍ കെ. ജി. മാര്‍ക്കോസ് സൗദി അധികൃതരുടെ പിടിയിലായി. വെള്ളിയാഴ്ച രാത്രി യോടെ അറസ്റ്റിലായ മാര്‍ക്കോസിനെ ശനിയാഴ്ച തന്നെ ജാമ്യത്തില്‍ വിട്ടു.

വെള്ളിയാഴ്ച രാത്രി ഖത്തീഫ് അല്‍ നുസൈഫ് ഫാമില്‍ പരിപാടി തുടങ്ങാന്‍ ഇരിക്കെ യാണ് പൊലീസും മതകാര്യ വകുപ്പ് ഉദ്യോഗസ്ഥരും ഉള്‍പ്പെടുന്ന സംഘം ഇദ്ദേഹത്തെ പിടി കൂടിയത്.

ശനിയാഴ്ച രാവിലെ തന്നെ ഖത്തീഫ് സ്റ്റേഷനില്‍ എത്തിയ മലയാളി സാമൂഹിക പ്രവര്‍ത്തകരും സൗദിയില്‍ സന്ദര്‍ശനം നടത്തുന്ന പാര്‍ലമെന്റ് അംഗം കെ. സുധാകരനും ഇന്ത്യന്‍ എംബസി വഴി നടത്തിയ ഇടപെടലുകളാണ് മാര്‍ക്കോ സിനെ ജാമ്യത്തില്‍ ഇറക്കാന്‍ സഹായിച്ചത് എന്ന് അറിയുന്നു.

- pma

വായിക്കുക: , ,

അഭിപ്രായം എഴുതുക »

10 of 1691011»|

« Previous Page« Previous « ദൃശ്യാ ചലച്ചിത്രോത്സവവും പഴയകാല സിനിമാ പോസ്റ്റര്‍‍ പ്രദര്‍‍ശനവും – അബുദാബിയില്‍‍
Next »Next Page » ദൃശ്യാ ചലച്ചിത്രോത്സവം : ലോഗോ പ്രകാശനം ചെയ്തു »



  • ജിമ്മി ജോർജ്ജ് വോളി : ലൈഫ് ടൈം അച്ചീവ് മെന്റ് അവാർഡ് മാണി സി. കാപ്പന്
  • ജിമ്മി ജോർജ്ജ് സ്മാരക റമദാൻ വോളി : മാർച്ച് 27 ന് അബുദാബിയിൽ തുടക്കം
  • ദുബായ് സർക്കാരിന് പുതിയ ലോഗോ
  • ഇഖ്‌വ ഇഫ്‌താർ സംഗമം സംഘടിപ്പിച്ചു
  • ശൈഖ് മുഹമ്മദ് ബിൻ സായിദ് സമൂഹ ഇഫ്താറിൽ : വീഡിയോ വൈറൽ
  • മൂന്നാമത് ഇ. കെ. നായനാര്‍ സ്മാരക ഫുട് ബോൾ ടൂർണ്ണ മെന്റിന് വർണ്ണാഭമായ തുടക്കം
  • ഗാസയിലെ പരിക്കേറ്റവർക്ക് 2 ദശ ലക്ഷം ദിര്‍ഹത്തിൻ്റെ മെഡിക്കൽ സഹായം എത്തിച്ച് ബുര്‍ജീല്‍ ഹോൾഡിംഗ്സ്
  • ഇ. കെ. നായനാര്‍ സ്മാരക ഫുട് ബോൾ ടൂർണ്ണ മെൻ്റ് മാർച്ച് 16, 17 തിയ്യതികളിൽ
  • അൽ ഐൻ മലയാളി സമാജം പുതിയ കമ്മിറ്റി
  • ജിമ്മി ജോർജ്ജ് മെമ്മോറിയൽ വോളി ബോൾ ടൂർണ്ണ മെൻ്റ് മാർച്ച് 27 മുതൽ
  • മികച്ച നേട്ടം കൈവരിച്ച് ബുര്‍ജീല്‍ ഹോൾഡിംഗ്സ്
  • ബാ​പ്സ് ഹി​ന്ദു മ​ന്ദി​റി​ലേ​ക്ക് പു​തി​യ ബസ്സ് (203) സർവ്വീസ്
  • റമളാൻ ഹദിയ : ബ്രോഷർ പ്രകാശനം ചെയ്തു
  • അൽ ഐൻ ഓര്‍ത്തഡോക്‌സ് പള്ളിയില്‍ ഓർമ്മപ്പെരുന്നാളും പൊതു സമ്മേളനവും
  • വ്യക്തി കേന്ദ്രീകൃതമായ ചികിത്സയിലൂടെ അർബുദത്തെ നേരിടുന്നതിൽ വൻ മുന്നേറ്റം ഉണ്ടാക്കുവാൻ കഴിയും : പ്രൊഫ. ജെയിംസ് ആലിസൺ
  • സായിദ് എയർ പോർട്ടിൽ ആരോഗ്യ സേവനങ്ങൾക്കായി ബുർജീലിനെ തെരഞ്ഞെടുത്തു
  • മലപ്പുറം ജില്ലാ കെ. എം. സി. സി. യുടെ TASKCON പ്രഖ്യാപനം
  • ഫുഡ്‌ ഫെസ്റ്റ് സീസൺ-2 : വിജയികൾക്ക് സമ്മാനങ്ങൾ വിതരണം ചെയ്തു
  • ഗൂഗിള്‍ ക്രോം ഉപയോക്താക്കള്‍ക്ക് മുന്നറിയിപ്പ്
  • ഖുർആൻ പാരായണ മത്സരം



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine