വിഷുകൈനീട്ടം : റിയാദില്‍ വിഷു ആഘോഷം

May 5th, 2011

vishukkani-audiance-payyanur-s-vedhi-epathram
റിയാദ് : റിയാദിലെ പയ്യന്നൂര്‍ സൗഹൃദ വേദി വിഷുക്കണി യും വിഷുസദ്യ യും ഒരുക്കി വിഷുകൈനീട്ടം എന്ന പേരില്‍ വിഷു ആഘോഷിച്ചു. റിയാദില്‍ ആദ്യമായി സൌഹൃദ വേദി സംഘടിപ്പിച്ച ഈ വിഷു സംഗമ ത്തില്‍ കേരളീയ വസ്ത്രം ധരിച്ചാണ് വേദി അംഗങ്ങള്‍ പരിപാടി യില്‍ പങ്കെടുത്തത്.

വനിതാ പ്രവര്‍ത്തകര്‍ വിഷു കണി ഒരുക്കി. കെ. പി. അബ്ദുല്‍ മജീദ്, വല്‍സല തമ്പാന്‍ എന്നിവര്‍ ചേര്‍ന്ന് കിട്ടികള്‍ക്കും മുതിര്‍ന്ന വര്‍ക്കുമുള്ള കൈനീട്ടം നല്‍കി. ഉഷാ മധുസൂദനന്‍ വിഷു സന്ദേശം നല്‍കി. മാധ്യമ പ്രവര്‍ത്തകനും കഥാകൃത്തുമായ കെ. യു. ഇഖ്ബാല്‍ (ഗദ്ദാമ) പ്രഭാഷണം നടത്തി.

vishukkani-riyad-payyanur-s-vedhi-epathram

വിഷുകൈനീട്ടം

ഡോ. ഭരതന്‍, ഇസ്മായില്‍ കരോളം, അഡ്വക്കേറ്റ് സുരേഷ് എം. പി, സനൂപ് പയ്യന്നൂര്‍ തുടങ്ങിയവര്‍ സംസാരിച്ചു. തുടര്‍ന്ന് സൗഹൃദ വേദി അംഗങ്ങള്‍ ഒരുക്കിയ വിഷുസദ്യ ഇരുനൂറിലധികം കുടുംബാംഗങ്ങള്‍ ഒന്നിച്ചിരുന്ന് ഉണ്ടത് അവിസ്മരണീയമായ അനുഭവമായി. രമേശന്‍ കെ പി, ശിഹാബുദ്ധീന്‍, രജിത്, മഹേഷ് തുടങ്ങിയവര്‍ ഒരുക്കുന്നതിനും വിളമ്പി നല്‍കുന്നതിനും നേതൃത്വം നല്‍കി.

payyanur-s-vedhi-riyad-vishu-sadhya-epathram

വിഷു സദ്യ

തുടര്‍ന്ന് വൈകീട്ട് 6 മണി വരെ കുട്ടികളു ടെയും മുതിര്‍ന്ന വരുടെയും വിവിധ കലാ കായിക പരിപാടി കള്‍ നടന്നു. വിനോദ് വേങ്ങയില്‍, ശ്രീപ്രിയ തുടങ്ങിയവര്‍ ഗാനങ്ങള്‍ ആലപിച്ചു. സാരംഗ്, ഷഹാന, തമ്പാന്‍, നന്ദന, അമൃത, സൂര്യ നാരായണന്‍, തുടങ്ങിയവര്‍ കലാ പരിപാടികള്‍ അവതരിപ്പിച്ചു.

-അയച്ചു തന്നത് : ബ്രിജേഷ് സി. റിയാദ്‌

- pma

വായിക്കുക: ,

അഭിപ്രായം എഴുതുക »

പൊതുമാപ്പ് ലഭിച്ചവര്‍ക്ക് യാത്രാ നിരക്കില്‍ ഇളവ്

February 15th, 2011

air-india-epathram

സൗദി: സൗദിയില്‍ നിന്നു പൊതു മാപ്പ് ലഭിച്ചു നാട്ടില്‍ തിരിച്ചു പോകുന്നവര്‍ക്ക് എയര്‍ ഇന്ത്യ ടിക്കറ്റ് നിരക്കില്‍ ഇളവ് പ്രഖ്യാപിച്ചു. 50 റിയാലാണ് ഇളവ് ഏര്‍പ്പെടുത്തിയിരിക്കുന്നത്. റിയാദ് എംബസിയില്‍ എയര്‍ ഇന്ത്യ ഇതിനായി ടിക്കറ്റ് കൗണ്ടറും തുറന്നിട്ടുണ്ട്. ഹജ്ജ്, ഉമ്ര തീര്‍ഥാടനത്തിനു വന്നവര്‍ക്കുള്ള പൊതു മാപ്പ് അടുത്ത മാസം പതിനെട്ടോടെ അവസാനിക്കും.

തൊഴില്‍ വിസയില്‍ വന്നവരടക്കം ആയിരങ്ങളാണ് മടക്ക യാത്ര പ്രതീക്ഷിച്ചു കഴിയുന്നത്. എന്നാല്‍ ആനുകൂല്യത്തിന് അര്‍ഹരായവര്‍ വളരെക്കുറച്ചു മാത്രമാണ് ഉള്ളത്. തൊഴില്‍ വിസയില്‍ വന്നവര്‍ക്ക് ആനുകൂല്യം ലഭിക്കാനുള്ള സാധ്യത കുറവാണ്. എങ്കിലും അവരും നാട്ടിലേക്കു മടങ്ങാമെന്ന പ്രതീക്ഷയിലാണ്.

-

വായിക്കുക: , ,

അഭിപ്രായം എഴുതുക »

സ്ത്രീകള്‍ ജോലി ചെയ്യുന്നതിനെതിരെ ഫത്വ

November 2nd, 2010

fatwa-against-women-epathram

റിയാദ്‌ : സ്ത്രീകള്‍ പൊതു സ്ഥലങ്ങളില്‍ ജോലി ചെയ്യുന്നതിനെതിരെ സൌദിയിലെ മത പുരോഹിതര്‍ ഫത്വ പുറപ്പെടുവിച്ചു. സ്ത്രീകള്‍ക്ക് തൊഴില്‍ സാദ്ധ്യതകള്‍ വര്‍ദ്ധിപ്പിച്ചു കൊണ്ടുള്ള സര്‍ക്കാര്‍ നയത്തിന് എതിരെയാണ് പ്രസ്തുത ഫത്വ. സ്ത്രീകള്‍ സൂപ്പര്‍ മാര്‍ക്കറ്റുകളിലും മറ്റും കാഷ്‌ കൌണ്ടറുകളില്‍ ജോലി ചെയ്യരുത്‌ എന്ന് ഫത്വ വ്യക്തമാക്കുന്നു. പുരുഷന്മാര്‍ ഒത്തു കൂടുന്ന ഇടങ്ങളില്‍ നിന്നും സ്ത്രീകള്‍ അകന്നു നില്‍ക്കണം. പുരുഷന്മാരുമായി സ്ത്രീകള്‍ ഇട കലരാന്‍ പാടില്ല. പുരുഷന്മാരെ ആകര്ഷിക്കാതെയും പുരുഷന്മാരാല്‍ ആകൃഷ്ടരാകാത്തെയും ജോലി ചെയ്യാന്‍ കഴിയുന്ന മാന്യമായ തൊഴില്‍ മാത്രമേ സ്ത്രീകള്‍ ചെയ്യാന്‍ പാടുള്ളൂ എന്നും ഫത്വയില്‍ വ്യക്തമാക്കുന്നുണ്ട്.

- ജെ.എസ്.

വായിക്കുക: , , , ,

12 അഭിപ്രായങ്ങള്‍ »

പെണ്ണെഴുത്തുകാര്‍ പടയണി ചേരണം : കുരീപ്പുഴ ശ്രീകുമാര്‍

October 18th, 2010

sabeena-m-sali-epathram
റിയാദ്‌: മലയാള കവിതയില്‍ പുരുഷാധിപത്യം ശക്തമാണെന്നും അതിനെതിരെ സ്ത്രീ മുന്നേറ്റത്തിന്‌ സ്ത്രീ കവികളുടെ പടയണി ഉണ്ടാവണമെന്നും പ്രശസ്ത കവി കുരീപ്പുഴ ശ്രീകുമാര്‍ പ്രസ്താവിച്ചു. പ്രവാസി എഴുത്തുകാരി സബീന എം. സാലിയുടെ ‘ബാഗ്ദാദിലെ പനിനീര്‍പ്പൂക്കള്‍’ എന്ന കവിതാ സമാഹാരത്തിന്റെ പ്രകാശനം നിര്‍വഹിച്ച്‌ സംസാരി ക്കുകയായിരുന്നു അദ്ദേഹം.

kureepuzha-audience

മറ്റെല്ലാ മേഖലയിലുമെന്ന പോലെ തന്നെ വല്ലാത്തൊരു പുരുഷ മേധാവിത്വമാണ്‌ കവിതയിലും. എന്നാല്‍ സ്ത്രീ സ്വരം ശക്തമായി കേട്ടു തുടങ്ങിയ കാലമാണിത്‌. തമിഴിലെ അവ്വയാര്‍ എന്ന കവിയത്രിയെ പോലൊരു സ്ത്രീ ശബ്ദം നേരത്തെ അത്ര ശക്തമായി, പുരുഷനൊപ്പം നില്‍ക്കും വിധം മലയാളത്തിലുണ്ടായില്ല. ബാലാമണിയമ്മ, സുഗത കുമാരി, വിജയ ലക്ഷ്മി, ലളിതാ ലെനിന്‍, മ്യൂസ്‌ മേരി, റോസ്‌ മേരി എന്നിവരില്‍ തുടങ്ങി സ്കൂള്‍ വിദ്യാര്‍ഥിനിയായ അഭിരാമിയിലൂടെ ഒരു ശക്തമായ സ്ത്രീ സാന്നിദ്ധ്യത്തിന്റെ തുടര്‍ച്ചയ്ക്കുള്ള ശ്രമം നടക്കുന്നുണ്ട്‌. എങ്കിലും പുരുഷ മേല്‍ക്കോയ്മയെ തകര്‍ക്കാന്‍ സംവരണത്തിന്റെ ഈ കാലത്തും കഴിഞ്ഞിട്ടില്ല എന്നത്‌ വസ്തുതയാണ്‌. സാഹിത്യത്തിലും സ്ത്രീക്ക്‌ ഇടം വേണം. അതു കൊണ്ടു തന്നെ പെണ്ണെഴുത്തു വേണം. ദളിത്‌ സാഹിത്യം എന്ന പോലെ പെണ്ണഴുത്തു പ്രത്യേക വിഭാഗമായി തന്നെ ശക്തിപ്പെടണം. താന്‍ ദളിതയായ പുരുഷ മേല്‍ക്കോയ്മക്കെതിരെ കവിതയില്‍ സ്ത്രീകളുടെ മുന്നേറ്റമുണ്ടാവണം. അതിന്‌ പടയണി ചേരണം. മലയാളത്തിലെ ആദ്യത്തെ താരാട്ടു പാട്ടുണ്ടാക്കിയത്‌ നാമൊക്കെ പഠിച്ചു വെച്ചിരിക്കുന്നതു പോലെ ഇരയിമ്മന്‍ തമ്പിയല്ല. ഏതെങ്കിലും ഒരു കര്‍ഷക തൊഴിലാളി അമ്മയായിരിക്കും അത്‌. അവരുടെ കുട്ടിയെ ഉറക്കാന്‍ പാടിയുണ്ടാക്കി യതായിരിക്കുമത്‌. ‘വാവോ…വാവോ…’ എന്ന്‌ തുടങ്ങുന്ന അത്തരമൊരു താരാട്ട്‌ പാട്ടു കേട്ട ഓര്‍മ്മയുണ്ട്‌.

അധിനിവേശ ശക്തികള്‍ക്കെ തിരെയുള്ള ഏറ്റവും വലിയ വാക്കായുധമാണ്‌ ‘ബാഗ്ദാദ്‌’ എന്ന്‌ സബീനയുടെ കവിതാ സമാഹാരത്തിന്റെ പേര്‌ സൂചിപ്പിച്ചു കൊണ്ട്‌ അദ്ദേഹം പറഞ്ഞു. ബാഗ്ദാദ്‌ എന്ന വാക്ക്‌ ഇന്ന്‌ അധിനിവേശ ത്തിനെതിരെയുള്ള രോഷമാണ്‌. മഹത്തായ ഒരു സംസ്കാരത്തിന്റെ കേന്ദ്രം എന്ന നിലയില്‍ നാം കേട്ട്‌ പഠിച്ച ആ വാക്ക്‌ ഇന്ന്‌ അധിനിവേശ ശക്തികള്‍ക്കെതിരെ നമുക്ക്‌ ഉപയോഗിക്കാന്‍ കഴിയുന്ന ഏറ്റവും തീ പാറുന്ന ആയുധമാണ്‌ – കവി പറഞ്ഞു.

ന്യൂ ഏജ്‌ ഇന്ത്യ സാംസ്കാരിക വേദിയുടെ ആഭിമുഖ്യത്തില്‍ ബഥയിലെ ശിഫ അല്‍ ജസീറ ഓഡിറ്റോറിയത്തില്‍ നടന്ന ചടങ്ങില്‍ സക്കീര്‍ വടക്കുംതല അധ്യക്ഷത വഹിച്ചു. പത്രപ്രവര്‍ത്തകന്‍ നജിം കൊച്ചുകലുങ്കിന്‌ പുസ്തകത്തിന്റെ ആദ്യ പ്രതി നല്‍കി കവി കുരീപ്പുഴ ശ്രീകുമാര്‍ പുസ്തക പ്രകാശനം നിര്‍വഹിച്ചു. എ. പി. അഹമ്മദ്‌, ജോസഫ്‌ അതിരുങ്കല്‍, റഫീഖ്‌ പന്നിയങ്കര, ഇഖ്ബാല്‍ കൊടുങ്ങല്ലൂര്‍, രഘുനാഥ്‌ ഷോര്‍ണൂര്‍, മൊയ്തീന്‍ കോയ, സിദ്ധാര്‍ഥനാശാന്‍, അബൂബക്കര്‍ പൊന്നാനി തുടങ്ങിയവര്‍ ആശംസകള്‍ നേര്‍ന്നു. കവിതയിലൂടെ മലയാളത്തിലേക്ക്‌ വീണ്ടും ജ്ഞാനപീഠ പുരസ്കാരം എത്തിച്ച ഒ. എന്‍. വി. കുറുപ്പിനെ അഭിനന്ദിച്ചു കൊണ്ടുള്ള പ്രമേയം സമീര്‍ അവതരിപ്പിച്ചു. ചിലിയിലെ ഖനി ദുരന്തം സംബന്ധിച്ച പ്രമേയം ഷാനവാസ്‌ അവതരിപ്പിച്ചു. ഒ. എന്‍. വി. യെ അഭിനന്ദിച്ചു കൊണ്ട്‌ എഴുതിയ സ്വന്തം കവിത ഷൈജു ചെമ്പൂര്‌ ആലപിച്ചു. കുരീപ്പുഴ ശ്രീകുമാറിന്റെ ‘അമ്മ’ എന്ന കവിത ബിലാല്‍ എം. സാലിയും, സബീനയുടെ ‘ബാഗ്ദാദിലെ പനീനീര്‍പ്പൂക്കള്‍’ ഫാത്തിമ സക്കീറും അവതരിപ്പിച്ചു. കവി കുരീപ്പുഴ ശ്രീകുമാറിനെ സുബാഷ്‌, ഷാജിബ സക്കീര്‍, കൃപ കൃഷ്ണകുമാര്‍ എന്നിവര്‍ പൂച്ചെണ്ട്‌ നല്‍കിയും ഷാള്‍ അണിയിച്ചും വേദിയിലേക്ക്‌ സ്വീകരിച്ചു.

- ജെ.എസ്.

വായിക്കുക: , , ,

അഭിപ്രായം എഴുതുക »

ഓണം അന്നും ഇന്നും

September 22nd, 2010

റിയാദ്‌: റിയാദ്‌ ഇന്ത്യന്‍ കലാ സാംസ്കാരിക വേദി (റിക്സ്‌) പ്രവാസി മലയാളി കള്‍ക്കായി ‘ഓണം അന്നും ഇന്നും’ എന്ന വിഷയത്തില്‍ നടത്തിയ ലേഖന മല്‍സരത്തില്‍ എഴുകോണ്‍ ജോയ്‌ പ്രസാദ്‌ (റിയാദ്‌) ഒന്നാം സമ്മാനവും കെ. കെ. സുബൈദ (അല്‍ ഖര്‍ജ്‌) രണ്ടാം സമ്മാനവും നേടി.

riks-winners-1-epathram

ഇതേ വിഷയത്തില്‍ റിക്സ്‌ അംഗങ്ങ ള്‍ക്കിടയില്‍ നടത്തിയ മല്‍സരത്തില്‍ നാന്‍സി വര്‍ഗീസ്‌ ഒന്നാം സമ്മാനവും ബശീര്‍ വള്ളികുന്നം രണ്ടാം സ്ഥാനവും നേടി. പത്ര പ്രവര്‍ത്തകന്‍ നജിം കൊച്ചുകലുങ്കിന്റെ നേതൃത്വത്തിലുള്ള ജഡ്ജിങ്‌ പാനലാണ്‌ വിജയികളെ നിര്‍ണയിച്ചതെന്ന്‌ സംഘാടകര്‍ വാര്‍ത്താ കുറിപ്പില്‍ പറഞ്ഞു.

riks-essay-contest-winners-epathram

ആദ്യ വിഭാഗത്തില്‍ 28 രചനകളും രണ്ടാമത്തെ വിഭാഗത്തില്‍ ഒമ്പത്‌ രചനകളും ലഭിച്ചിരുന്നു. വിജയികള്‍ക്കുള്ള സമ്മാനങ്ങള്‍ സെപ്തംബര്‍ 17ന്‌ റിയാദില്‍ നടക്കുന്ന ‘റിക്സ്‌ ഈദ് ‌- പൊന്നോണം – 2010’ എന്ന പരിപാടിയില്‍ വിതരണം ചെയ്യുമെന്നും വാര്‍ത്താ കുറിപ്പില്‍ പറഞ്ഞു

- ജെ.എസ്.

വായിക്കുക: , , ,

അഭിപ്രായം എഴുതുക »

10 of 1291011»|

« Previous Page« Previous « ഇസ്ലാഹി മദ്റസകളില്‍ ക്ലാസുകള്‍ ആരംഭിച്ചു
Next »Next Page » ഗള്‍ഫ്‌ ഓര്‍ത്തഡോക്സ്‌ യുവജന സമ്മേളനം »



  • ആരാധനാലയങ്ങൾ തുറന്നു : വിശ്വാസികൾ പ്രാർത്ഥനക്ക് എത്തി
  • തിരികെ വരുന്നവര്‍ കൊവിഡ് നെഗറ്റീവ് സര്‍ട്ടിഫിക്കറ്റ് കരുതണം
  • അബുദാബി യിൽ പ്രവേശിക്കുവാന്‍ കൊവിഡ് പരിശോധനാ ഫലം നിര്‍ബ്ബന്ധം
  • പാര്‍ക്കിംഗ് ഫീസ് (മവാഖിഫ്) ജൂലായ് ഒന്നു മുതല്‍ പുനരാരംഭിക്കും
  • അണു നശീകരണ യജ്ഞം കൂടുതല്‍ മേഖല കളിലേക്ക്
  • നിർബ്ബന്ധിത ഉച്ച വിശ്രമ നിയമം ജൂൺ 15 മുതൽ
  • യാത്രാ നിയന്ത്രണം : അത്യാവശ്യ യാത്ര ക്കാര്‍ മുന്‍കൂര്‍ അനുമതി വാങ്ങണം
  • മാസ്കും ഗ്ലൗസ്സും അലക്ഷ്യമായി ഇട്ടാല്‍ 1000 ദിര്‍ഹം പിഴ
  • അബുദാബി എമിറേറ്റില്‍ ഒരാഴ്ച യാത്രാ നിയന്ത്രണം
  • ഔദ്യോഗിക വാര്‍ത്ത ‘വാം’ ഇനി മലയാള ഭാഷ യിലും വായിക്കാം.
  • എം. പി. വീരേന്ദ്ര കുമാറിന്റെ നിര്യാണത്തില്‍ അനുശോചിച്ചു
  • അണു നശീകരണ സമയം പുനഃ ക്രമീകരിച്ചു
  • കടുത്ത നിയന്ത്രണ ങ്ങളോടെ സൗദി യിലെ പള്ളികൾ തുറക്കും
  • നാടക ഗാന മത്സരം ‘മധുരിക്കും ഓര്‍മ്മകളെ’
  • കെ. എം. സി. സി. അഭിനന്ദിച്ചു
  • സ്റ്റെം സെല്‍ ചികിത്സ : കൊവിഡ്-19 ന് എതിരെ യു. എ. ഇ. യുടെ മുന്നേറ്റം
  • പ്രവാസികളെ തിരിച്ചു കൊണ്ടു പോകുവാന്‍ ഇന്ത്യന്‍ അധികൃതര്‍ രജിസ്‌ട്രേഷന്‍ ആരംഭിച്ചു
  • വിസകളുടെ കാലാവധി ഡിസംബര്‍ വരെ നീട്ടി
  • തിരിച്ചു പോകുവാന്‍ ആഗ്രഹിക്കുന്ന വരെ കൊണ്ടു പോകാത്ത രാജ്യ ങ്ങൾക്ക് എതിരെ കര്‍ശ്ശന നടപടി
  • ക്വാറന്റൈന്‍ ലംഘനം : യു. എ. ഇ. യില്‍ 129 പേർക്ക് എതിരെ നിയമ നടപടി



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine