 |
 |
 |
 |
 |
 |
 |
 |
 |
 |
 |
 |
 |
 |
| |
|
|
|
|
|
|
| |
|
|
|
|
|
|
അബുദാബി : സാമൂഹിക -സാംസ്കാരിക- ജീവ കാരുണ്യ രംഗങ്ങളിലെ നിറ സാന്നിദ്ധ്യമായിരുന്ന അന്തരിച്ച എം. എം. നാസറിന്‍റെ ഓര്‍മ്മ പുതുക്കി സാംസ്കാരിക കൂട്ടായ്മ ഫ്രണ്ട്സ് എ. ഡി. എം. എസ്. അബുദാബി കേരളാ സോഷ്യല്‍ സെന്‍ററില്‍ ഒത്തു ചേര്‍ന്നു. രണ്ടാമതു ചരമ വാര്‍ഷിക ദിനത്തില്‍ എം. എം. നാസറിന്‍റെ സ്മരണാർത്ഥം ഏർപ്പെടുത്തിയ പുരസ്കാരങ്ങള്‍ സാമൂഹിക പ്രവർത്തകര്‍ അമീർ കല്ലമ്പലം, എ. കെ. കബീർ, ഉബൈദ് കൊച്ചന്നൂര്‍ എന്നിവർക്ക് സമ്മാനിച്ചു.
അബുദാബി മലയാളി സമാജം പ്രസിഡണ്ട് റഫീഖ് കയനയിൽ അദ്ധ്യക്ഷത വഹിച്ചു. സമാജം മുന്‍ ജനറല്‍ സെക്രട്ടറി സലീം ചിറക്കൽ അനുസ്മരണ പ്രഭാഷണം നടത്തി. അബുദാബിയിലെ സംഘടനാ സാരഥികളും സാമൂഹിക സാംസ്കാരിക രംഗങ്ങളിലെ പ്രമുഖരും പങ്കെടുത്തു.
ഫ്രണ്ട്സ് എ. ഡി. എം. എസ്. ജനറൽ സെക്രട്ടറി ഫസൽ കുന്ദംകുളം സ്വാഗതവും വർക്കിംഗ് പ്രസിഡണ്ട് പുന്നൂസ് ചാക്കോ നന്ദി പ്രകാശിപ്പിച്ചു.
ന്യൂഡല്ഹി : കൊവിഡ്-19 വാക്സിൻ എടുത്തതു കൊണ്ട് യുവാക്കൾക്ക് ഇടയിൽ പെട്ടെന്നുള്ള മരണ സാദ്ധ്യത ഉണ്ടാക്കുന്നില്ല എന്ന് ഇന്ത്യൻ കൗൺസിൽ ഓഫ് മെഡിക്കൽ റിസർച്ച് (ഐ. സി. എം. ആർ.) പഠന റിപ്പോർട്ട്.
18 നും 45 നും ഇടയില് പ്രായമുള്ളവരില് പെട്ടെന്ന് മരണം സംഭവിക്കുന്നു എന്നുള്ള റിപ്പോര്ട്ടുകളുടെ പശ്ചാത്തലത്തിലാണ് ഐ. സി. എം. ആർ. ഇതു സംബന്ധിച്ച വിശദമായ പഠനം നടത്തിയത്. എന്നാല് കൊവിഡ് ഗുരുതരമായി ബാധിച്ചതും മദ്യപാനം അടക്കമുള്ള ജീവിത ശൈലിയും യുവാക്കളുടെ പെട്ടെന്നുള്ള മരണത്തിലേക്ക് എത്തിക്കുന്നത് എന്നും പഠനത്തിൽ കണ്ടെത്തി.
2021 ഒക്ടോബര് ഒന്നു മുതല് 2023 മാര്ച്ച് 31 വരെയുള്ള കാലയളവിൽ പ്രത്യേക കാരണങ്ങള് ഒന്നും ഇല്ലാതെ പെട്ടെന്നു മരണപ്പെട്ട 18 നും 45നും ഇടയിൽ പ്രായ ക്കാരായ 729 പേരുടെ വിവരങ്ങളാണ് ഗവേഷകർ പഠന വിധേയം ആക്കിയത്.
ഇവരുടെ മെഡിക്കൽ ചരിത്രം, പുകവലി, മദ്യപാനം, തീവ്രമായ ശാരീരിക പ്രവർത്തനങ്ങൾ തുടങ്ങിയ പെരു മാറ്റങ്ങൾ, കൊവിഡ് കാരണം ആശുപത്രിയിൽ പ്രവേശിപ്പിക്കപ്പെട്ടിരുന്നോ, എന്തെങ്കിലും വാക്സിൻ ഡോസ് എടുത്തിട്ടുണ്ടോ തുടങ്ങിയ കാര്യങ്ങൾ വിശദമായി പരിശോധിച്ചതായി ഗവേഷകർ പറയുന്നു.
അതേ സമയം, കൊവിഡ് വാക്സിനുകൾ ഇത്തര ത്തിലുള്ള അപകട സാദ്ധ്യത കുറക്കുകയാണ് ചെയ്തത് എന്നും പഠന റിപ്പോര്ട്ടില് പറയുന്നു. കൊവിഡ് ബാധിച്ചവര് അടുത്ത രണ്ട് വർഷം കഠിനമായ ജോലികൾ ചെയ്യരുത് എന്നും പഠനത്തിൽ ചൂണ്ടിക്കാട്ടുന്നു. ICMR : Twitter
അബുദാബി : ചെറിയ വാഹന അപകടങ്ങള് ഉണ്ടായാല് നടു റോഡിൽ വാഹനം നിര്ത്തി ഇടുന്നവര്ക്ക് 1000 ദിർഹവും ഡ്രൈവിംഗ് ലൈസന്സില് ആറു ബ്ലാക്ക് പോയന്റു കളും പിഴ ചുമത്തും എന്ന് അബുദാബി പോലീസ് വീണ്ടും മുന്നറിയിപ്പു നല്കി.
ഓടിക്കൊണ്ടിരിക്കുമ്പോള് വാഹനങ്ങൾക്ക് സാങ്കേതിക തകരാറുകൾ സംഭവിക്കുക, ടയറുകൾ പൊട്ടുക തുടങ്ങിയ അനിഷ്ട സംഭവങ്ങള് ഉണ്ടായാൽ തന്നെ ഗതാഗത തടസ്സം ഉണ്ടാകാതെ വാഹനം റോഡിൽ നിന്നും സുരക്ഷിത സ്ഥാനത്തേക്ക് മാറ്റി ഇടണം.
ചെറിയ വാഹന അപകടങ്ങളിലെ കുറ്റക്കാരെ കണ്ടെത്താൻ എളുപ്പമാണ്. അതു കൊണ്ടു തന്നെ പോലീസ് എത്തുന്നതു വരെ അപകട സ്ഥലത്ത് വാഹനം അതേപടി നിര്ത്തി ഇടേണ്ടതില്ല. അബുദാബി പോലീസ് കമാൻഡ് ആൻഡ് കൺട്രോൾ സെന്ററിൽ വിളിച്ച് സഹായം ആവശ്യപ്പെടാം.
അബുദാബി : ഗസ്സയിൽ ഇസ്രായേൽ ആക്രമണത്തിൽ പരിക്കേറ്റ് ചികിത്സക്കായി യു. എ. ഇ. യില് എത്തിച്ച് അബുദാബി ബുർജീൽ മെഡിക്കൽ സിറ്റിയിൽ ചികിത്സയിൽ കഴിയുന്ന ഫലസ്തീൻ കുട്ടികളേയും അവരുടെ കുടുംബാംഗങ്ങളേയും ശൈഖ് ദിയാബ് ബിന് മുഹമ്മദ് ബിന് സായിദ് അല് നഹ്യാന് സന്ദര്ശിച്ചു.
ആയിരം ഫലസ്തീൻ കുട്ടികളെ ചികിത്സിക്കുവാന് യു. എ. ഇ. പ്രസിഡണ്ട് ശൈഖ് മുഹമ്മദ് ബിൻ സായിദ് അൽ നഹ്യാന്റെ നിർദ്ദേശ പ്രകാരം എത്തിച്ചവരെയാണ് അദ്ദേഹം സന്ദർശിച്ചത്.
ബുർജീൽ മെഡിക്കൽ സിറ്റിയിൽ ചെയർമാൻ ഡോ. ഷംഷീർ വയലിലും ഡിപ്പാർട്ട്മെന്റ് ഓഫ് ഹെൽത്ത് ഉന്നത ഉദ്യോഗസ്ഥരും ശൈഖ് ദിയാബ് ബിന് മുഹമ്മദ് ബിന് സായിദ് അല് നഹ്യാനെ സ്വീകരിച്ചു.
പരിക്കേറ്റ കുട്ടികളുടെ ആരോഗ്യ നില ചോദിച്ചറിഞ്ഞ അദ്ദേഹം മെഡിക്കൽ സംഘവുമായി ആശയ വിനിമയം നടത്തി. വേഗത്തിൽ സുഖം പ്രാപിക്കാനുള്ള ആശംസകൾ ചികിത്സയിലുള്ളവരെ അറിയിച്ചാണ് അദ്ദേഹം മടങ്ങിയത്.
അബുദാബി : കുട്ടികളും മുതിര്ന്നവരും ഉള്പ്പെടെ ഗാസയിൽ ഗുരുതരമായി പരിക്കേറ്റവർക്ക് അടിയന്തര ചികിത്സ നല്കാന് യു. എ. ഇ. പ്രസിഡണ്ട് ശൈഖ് മുഹമ്മദ് ബിൻ സായിദ് അൽ നഹ്യാന്റെ ഇടപെടൽ അന്താരാഷ്ട്ര ശ്രദ്ധ നേടുമ്പോൾ പ്രവാസികൾക്ക് അഭിമാനമായി മലയാളികളുടെ നേതൃത്വത്തിലുള്ള ആരോഗ്യ സ്ഥാപനങ്ങളുടെയും ആരോഗ്യ പ്രവർത്തകരുടെയും മുൻ നിര പങ്കാളിത്തം.
ഡോ. ഷംഷീർ വയലിൽ ചെയർമാനായ ബുർജീൽ ഹോൾഡിംഗ്സ്, റെസ്പോൺസ് പ്ലസ് ഹോൾഡിംഗും (ആർ. പി. എം.) സർക്കാര് ഏജന്സികള്ക്ക് കൂടെ ചേര്ന്ന് ദൗത്യത്തില് സുപ്രധാന പങ്കു വഹിക്കുന്നത്.
ബുർജീൽ മെഡിക്കൽ സിറ്റിയിൽ പീഡിയാട്രിക് ഹെമറ്റോളജിസ്റ്റായ മലയാളി ഡോക്ടർ സൈനുൽ ആബിദീൻ നേതൃത്വം നല്കിയ ബുര്ജീല് സംഘ ത്തില് ഇരുപതോളം ആരോഗ്യ പ്രവർത്തകര്‍ ഗാസ അതിർത്തിയിലെ അൽ അരിഷിലേക്ക് പോയി. ശൈഖ് ഖലീഫ മെഡിക്കൽ സിറ്റി, എൻ. എം. സി. റോയൽ ഹോസ്പിറ്റൽ എന്നീ ആശുപത്രികളിൽ നിന്നുള്ള ആരോഗ്യ പ്രവർത്തകരും സംഘത്തിൽ ഉണ്ടായി രുന്നു.
പരിക്കേറ്റരുടെ ആരോഗ്യ നില പരിശോധിച്ച് പ്രാഥമിക പരിചരണം ഉറപ്പാക്കുവാന് വേണ്ടിയാണ് ഈജിപ്ത് അതിർത്തിയിലെ അൽ അരിഷ് എയര്‍ പോര്ട്ടില് മെഡിക്കൽ സംഘത്തിന്റെ ശ്രമം.
ഇത് പൂർത്തിയാക്കിയ ശേഷം പരിക്കേറ്റവരെ പ്രത്യേക വിമാനത്തിൽ അബുദാബിയില് എത്തിച്ചു. ബുർജീൽ മെഡിക്കൽ സിറ്റി അടക്കമുള്ള ആശുപത്രികളിൽ ഇവർക്ക് അടിയന്തര പരിചരണവും തുടർ ചികിത്സയും ആരംഭിച്ചു.
നിർണ്ണായക മാനുഷിക ദൗത്യത്തിലൂടെ ചികിത്സയും പിന്തുണയും നൽകിയ യു. എ. ഇ. നേതൃത്വത്തിന് ഗാസയിൽ നിന്നും എത്തിയവര് നന്ദി അറിയിച്ചു. വരും ദിവസങ്ങളിൽ കൂടുതൽ പേർ ചികിത്സക്കു വേണ്ടി അബുദാബിയിൽ എത്തും എന്നും പ്രതീക്ഷിക്കുന്നു.
ദുബായ് : പെരുമ പയ്യോളി യു. എ. ഇ. കമ്മിറ്റിയുടെ നേതൃത്വത്തിൽ നടത്തിയ പ്രഥമ പെരുമ & ടി. എം. ജി. കപ്പ് സെവൻസ് ഫുട് ബോള് ടൂര്ണ്ണ മെന്റില് ഓർമ്മ ദുബായ് ജേതാക്കളായി. ഖിസൈസ് അമിറ്റി സ്കൂൾ ഗ്രൗണ്ടിൽ നടന്ന വാശിയേറിയ മത്സരത്തിൽ 18 ടീമുകള് കളത്തിലിറങ്ങി.
ഫിഫ റഫറി യും യു. എ. ഇ. മുൻ ഫുട് ബോളറും ആയിരുന്ന അഹമ്മദ് മുഹമ്മദ് ടൂര്ണ്ണ മെന്റ് ഉദ്ഘാടനം ചെയ്തു. ഗ്രീസ് ഫുട് ബോള് ടീം ടെക്നിക്കൽ ഡയറക്ടർ കോൺസ്റ്റന്റിനോസ് ടൗസാനിസ്, ബ്രസീൽ ഫുട് ബോള് കോച്ച് മാർസിലോ ട്രോയിസി എന്നിവർ വിശിഷ്ട അതിഥികൾ ആയിരുന്നു.
അതിഥികൾ ടീം അംഗങ്ങളെ പരിചയപ്പെട്ടു. തമീം പുറക്കാട്, സമാൻ എന്നിവർ ജേതാക്കൾക്ക് ട്രോഫികൾ സമ്മാനിച്ചു. ചടങ്ങിൽ പെരുമ പ്രസിഡണ്ട് സാജിദ് പുറത്തൂട്ട് അദ്ധ്യക്ഷത വഹിച്ചു.
അസീസ് പയ്യോളി, ബിജു പണ്ടാര പറമ്പിൽ, നസീർ കേളോത്ത്, സതീഷ് പള്ളിക്കര, നൗഷർ, ഷാമിൽ മൊയ്തീൻ, കനകൻ, വേണു, സുരേഷ് പള്ളിക്കര, റയീസ് പയ്യോളി, നജീബ്, ഷാജി ഇരിങ്ങൽ, അഡ്വ. മുഹമ്മദ് സാജിദ്, കുഞ്ഞമ്മദ് പേരാമ്പ്ര, ഫൈസൽ മേലടി, സത്യൻ പള്ളിക്കര, ബഷീർ നടമ്മൽ എന്നിവർ ആശംസകൾ നേർന്നു. ആക്ടിംഗ് സെക്രട്ടറി റമീസ് പയ്യോളി സ്വാഗതവും ട്രഷറർ മൊയ്തീൻ പട്ടായി നന്ദിയും പറഞ്ഞു. REELS in FB
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
