അബുദാബി : പ്രശസ്ത പിന്നണി ഗായിക ശ്രേയാ ഘോഷാല്‍ അവതരിപ്പിക്കുന്ന ‘സ്റ്റേജ് ഷോ’ അബുദാബി നാഷണല്‍ തിയ്യേറ്ററില്‍ അരങ്ങേറുന്നു.
ഏപ്രില്‍ 13 വെള്ളിയാഴ്ച വൈകീട്ട് 7.30നു ആരംഭിക്കുന്ന മൂന്നുമണിക്കൂര്‍ ദൈര്‍ഘ്യമുള്ള പരിപാടി യില്‍ ഹിന്ദി, മലയാളം, തമിഴ്‌, തെലുങ്ക്, കന്നഡ പാട്ടുകളും ബോളി വുഡിലെ പ്രശസ്തരായ നര്‍ത്ത കരുടെ നൃത്തങ്ങളും ഉണ്ടായി രിക്കും എന്ന് അബുദാബി യില്‍ വിളിച്ചു ചേര്‍ത്ത വാര്‍ത്താ സമ്മേളന ത്തില്‍ അറിയിച്ചു.
അന്തര്‍ദ്ദേശീയ തലത്തില്‍ ശ്രദ്ധേയരായ നിരവധി കലാകാരന്‍മാര്‍ ശ്രേയാ ഘോഷാലിനോപ്പം പങ്കെടുക്കും. പരിപാടിയുടെ ടിക്കറ്റുകള്‍ ഇന്ത്യാ സോഷ്യല്‍ സെന്റര്‍, മലയാളീ സമാജം, കേരളാ സോഷ്യല്‍ സെന്റര്‍, അല്‍ വഹ്ദ മാള്‍, മദീന സായിദ്‌ ഷോപ്പിംഗ് സെന്റര്‍ ലുലു ഹൈപ്പര്‍മാര്‍ക്കറ്റ് എന്നിവിടങ്ങളില്‍ ലഭിക്കും.
മൈലേജ് ടയേഴ്‌സ് അവതരിപ്പിക്കുന്ന പരിപാടി യുടെ മുഖ്യ പ്രായോജകര്‍ Peugeot Car വിതരണ ക്കാരായ ഉമൈര്‍ ബിന്‍ യൂസഫ് ഗ്രൂപ്പ്. റാമി പ്രൊഡക്ഷന്‍സ് ഒരുക്കുന്ന സംഗീത നിശ യുടെ സംവിധായകന്‍ റഹീം ആതവനാട്. അഷറഫ് പട്ടാമ്പി, ജമാല്‍ സഹല്‍, ആദില്‍ ഖാന്‍, സിഫത് ഖാന്‍, മനോജ് പുഷ്കര്‍, ബാബു എന്നിവര്‍ വാര്‍ത്താ സമ്മേളന ത്തില്‍ പങ്കെടുത്തു.
കൂടുതല്‍ വിവരങ്ങള്‍ക്ക് : 050 59 30 768, 055 420 60 30, 055 48 75 519
- pma
