ദുബായ് : വടകര എന്‍ ആര്‍ ഐ ഫോറം അബുദാബി പത്താം വാര്‍ഷിക ത്തോട് അനുബന്ധിച്ച് നടത്തുന്ന രണ്ടാമത് പരിപാടിയായ സ്റ്റേജ് ഷോ മെയ് 4 വെള്ളിയാഴ്ച അബുദാബി ഇന്ത്യന്‍ സോഷ്യല്‍ സെന്ററില്‍ നടത്തും.
വൈകിട്ട് 6ന് തുടങ്ങുന്ന പരിപാടി യില്‍ വടക്കന്‍ പാട്ടിലെ ഇതിഹാസമായ ‘കുഞ്ഞിത്താലു’ അവതരിപ്പിക്കുന്നത് പ്രമുഖ വടക്കന്‍ പാട്ടു രചയിതാവും ഗായകനുമായ ഒഞ്ചിയം പ്രഭാകരനും സംഘവുമാണ്.
പ്രമുഖ ഗായകരായ കൈതപ്രം ദീപാങ്കുരന്‍, ഐഡിയ സ്റ്റാര്‍ സിംഗര്‍ ഫെയിം സായി ബാലന്‍, അഭിരാമി തുടങ്ങി ഒട്ടേറെ ഗായകര്‍ പങ്കെടുക്കുന്ന ഗാനമേള, പഞ്ചാരിമേളം, ശിങ്കാരി മേളം, തെയ്യം, നൃത്ത – നൃത്ത്യങ്ങള്‍ എന്നിവയും വാര്‍ഷിക ആഘോഷങ്ങളുടെ ഭാഗമായി ഒരുക്കിയിട്ടുണ്ട് എന്നും പ്രവേശനം സൗജന്യം ആയിരിക്കും എന്നും ഭാരവാഹികള്‍ അറിയിച്ചു.
കൂടുതല്‍ വിവരങ്ങള്‍ക്ക് 050 – 32 99 359.
- pma
