അബുദാബി : നഗരത്തിലെ പ്രമുഖ ഷോപ്പിംഗ് മാള്‍ മദീനാ സായിദ് ലുലു ഹൈപ്പര്‍ മാര്‍ക്കറ്റില്‍ ലുലു ഇന്റര്‍നാഷണല്‍ എക്സ്ചേഞ്ച് ശാഖ പ്രവര്‍ത്തനം ആരംഭിച്ചു. യു. എ. ഇ. യിലെ പതിനഞ്ചാമത്തെയും ആഗോള തലത്തിലെ നാല്പത്തി ഒന്നാമത്തെയും ശാഖ യാണിത്.
എം. കെ. ഗ്രൂപ്പ് മാനേജിംഗ് ഡയരക്ടര്‍ എം.എ. യൂസഫലി ഉദ്ഘാടനം ചെയ്തു. ലുലു എക്സ്ചേഞ്ച് സി. ഇ. ഓ. അദീബ് അഹമ്മദ്‌, നാരായണ്‍ പ്രധാന്‍, തുടങ്ങി നിരവധി പ്രമുഖര്‍ സന്നിഹിത രായിരുന്നു.
ഒരു ഷോപ്പിംഗ് മാളില്‍ എത്തിയാല്‍ എല്ലാം ലഭ്യമാവുന്ന ഈ കാലഘട്ടത്തില്‍ ഒരു ഉപഭോക്താവിന് ലുലു വില്‍ നിന്നും ഷോപ്പിംഗ് മാത്രമല്ല പണം അയക്കുന്നത് അടക്കം എല്ലാ സൌകര്യങ്ങളും കിട്ടാവുന്ന ഒരു അവസ്ഥ ഉണ്ടാക്കുക എന്ന താണ് തങ്ങളുടെ ലക്‌ഷ്യം എന്നും ഇതിന്റെ ഭാഗ മായാണ് പുതിയ ശാഖ തുടങ്ങിയത് എന്നും എക്സ്ചേഞ്ച് ഉല്‍ഘാടനം ചെയ്തു കൊണ്ട് എം.എ. യൂസഫലി പറഞ്ഞു.
ലുലു എക്സ്ചേഞ്ചിന് നൂറു ശാഖകള്‍ എന്ന ലക്ഷ്യ ത്തിലേക്ക് നീങ്ങുന്നു എന്നും അദ്ദേഹം പറഞ്ഞു.
ലുലു വിന് ജനങ്ങളില്‍ നിന്നും വിശിഷ്യാ മലയാളി സമൂഹ ത്തില്‍ നിന്നും ലഭിക്കുന്ന സഹകരണവും പിന്തുണയുമാണ് ഈ ലക്ഷ്യത്തില്‍ എത്താന്‍ സഹായിക്കുന്നത് എന്നും എം. എ. യൂസഫലി കൂട്ടിച്ചേര്‍ത്തു.
(ഫോട്ടോ : ഹഫ്സ്ല്‍ – ഇമ അബുദാബി)
- pma
അനുബന്ധ വാര്‍ത്തകള്‍
വായിക്കുക: യൂസഫലി, സാമ്പത്തികം
