അബുദാബി : ജപ്പാനിൽ നടക്കുന്ന അന്തർ ദേശീയ കരാട്ടെ സെമിനാർ, കരാട്ടെ ചാമ്പ്യൻ ഷിപ്പ്, ഗ്രാൻഡ് ബ്ലാക്ക് ബെൽറ്റ് എക്സാമിനേഷൻ എന്നിവയിൽ പങ്കെടുക്കുന്നതിനായി അബുദാബിയിലെ വിന്നർ കരാട്ടെ ടീം അംഗങ്ങൾ നവംബർ 26 ന് ജപ്പാനിലേക്ക് പുറപ്പെടും എന്ന് സംഘാടകർ വാർത്താ സമ്മേളന ത്തിൽ അറിയിച്ചു.
ക്യോഷി എം. എ. ഹക്കീം, ഷിഹാൻ അരുൺ കൃഷ്ണൻ എന്നിവരുടെ നേതൃത്വത്തിലുള്ള 15 അംഗ സംഘമാണ് ജപ്പാനിലേക്ക് പുറപ്പെടുന്നത്.
2025 നവംബർ 28, 29, 30 തീയതികളിൽ ജപ്പാൻ ഹൊക്കൈഡോ പ്രവിശ്യയിലെ ഒറ്റാരോ സിറ്റി ജിംനേഷ്യം ഹാളിലാണ് അന്തർ ദേശീയ കരാട്ടെ സെമിനാറും ചാമ്പ്യൻഷിപ്പും.
അതോടൊപ്പം ജപ്പാൻ ഷോട്ടോൻ കരാട്ടെ-ഡോ-കന്നിൻഞ്ചുക്കു ഓർഗനൈസേഷൻ ഹെഡ് ക്വാർട്ടേഴ്സിൽ വെച്ച് ഗ്രാൻഡ് ബ്ലാക്ക് ബെൽറ്റ് എക്സാമിനേഷനും നടക്കും. സെൻസായി ഗോപ കുമാർ, ജാഫർ പനക്കൽ, സെമ്പായ് രോഹിത് ദീപു, നവർ സമീർ, അബൂബക്കർ അമ്പലത് വീട്ടിൽ, ആരതി ദീപു, ബിജിത് കുമാർ, സിമ്രാ അയൂബ്, അവനിക അരുൺ, ബോബി ബിജിത്, ദീപു ദാമോദരൻ, റിൻസി തോമസ്, സുമയ്യ സമീർ എന്നിവരാണ് സംഘത്തിൽ ഉള്ളവർ.
പ്രവാസികളിലെ ജീവിത ശൈലി രോഗങ്ങളെ തടയുക, ആരോഗ്യ സംരക്ഷണം എന്നിങ്ങനെയുള്ള ബോധ വൽക്കരണ പരിപാടികളുടെ ഭാഗമായി വിന്നർ കരാട്ടെ ടീം നേതൃത്വം നൽകുന്ന ചാമ്പ്യൻ ഷിപ്പ് മത്സരങ്ങൾ നവംബർ 23 ഞായറാഴ്ച മുസഫയിലെ ഡെൽമ മാളിൽ സംഘടിപ്പിക്കും എന്നും സംഘാടകർ അറിയിച്ചു.
എം. എ. ഹക്കീം, അരുൺ കൃഷ്ണൻ, ഗോപ കുമാർ, ജാഫർ, ബിജിത്ത്, അബൂബക്കർ എന്നിവർ വാർത്താ സമ്മേളനത്തിൽ സംബന്ധിച്ചു. Insta
- pma
അനുബന്ധ വാര്‍ത്തകള്‍
വായിക്കുക: karate, കായികം, കുട്ടികള്‍
