 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : കേരള സോഷ്യല്‍ സെന്റര് ഒരുക്കുന്ന ഭരത് മുരളി സ്മാരക നാടക മത്സര ത്തില്‍ രണ്ടാം ദിവസമായ ഡിസംബര്‍ 18 ഞായറാഴ്ച രാത്രി 8.30 ന് അബുദാബി യുവ കലാ സാഹിതി അവതരിപ്പി ക്കുന്ന ബെഹ്തോള്‍ഡ് ബ്രഹ്തിന്‍റെ ‘ത്രീ പെനി ഓപ്പറ’ അരങ്ങിലെത്തും. സംവിധാനം ചെയ്യുന്നത് തിരുവനന്തപുരം അഭിനയ യിലെ നാടക പ്രവര്‍ത്തകനായ സാം ജോര്‍ജ്ജ്.
- pma
വായിക്കുക: നാടകം, യുവകലാസാഹിതി
ദുബായ് : ദുബായ് വായനക്കൂട്ടം (കേരള റീഡേഴ്‌സ് ആന്‍റ് റൈറ്റേഴ്‌സ് അസോസിയേഷന്‍) പുതിയ ഭാരവാഹികളെ തെരഞ്ഞടുത്തു. പ്രസിഡന്‍റ് അഡ്വ : ജയരാജ് തോമസ്. ജനറല്‍ സെക്രട്ടറി ഒ. എസ്. എ. റഷീദ്.
- pma
അബുദാബി : കേരള സോഷ്യല്‍ സെന്റര് സംഘടിപ്പിക്കുന്ന ഭരത് മുരളി നാടകോത്സവ ത്തിന് സമാരംഭം കുറിച്ചു. ആദ്യ ദിവസം അബുദാബി നാടക സൗഹൃദം അവതരിപ്പിച്ച സുവീരന്‍റെ ‘ആയുസ്സിന്‍റെ പുസ്തകം’ അരങ്ങിലെത്തി.
ഉദ്ഘാടന ദിവസം തന്നെ കെ. എസ്. സി. അങ്കണത്തില്‍ തിങ്ങി നിറഞ്ഞ ജനങ്ങള്‍ നാടകത്തെ ഹര്‍ഷാരവ ത്തോടെയാണ് വരവേറ്റത്‌. നാടകത്തിന്‍റെ ഏറ്റവും പുതിയ രീതിയില്‍ രൂപ പ്പെടുത്തിയ ഈ കലാ സൃഷ്ടി യു. എ. ഇ. യിലെ നാടക പ്രേമികള്‍ക്ക് ആവേശം കൊള്ളിക്കുന്ന തായിരുന്നു.
ബൈബിളിന്‍റെ പശ്ചാത്തല ത്തില്‍ എഴുതപ്പെട്ട ഈ നോവല്‍ ഏറെ ചര്‍ച്ച ചെയ്തതാണ്. നോവലിന്‍റെ സത്ത ചോര്‍ന്നു പോകാതെ മികച്ച ദൃശ്യഭംഗി ഒരുക്കി തയ്യാറാക്കിയ നാടക ത്തിലെ ഓരോ കഥാപാത്ര ങ്ങളും ഒന്നിനൊന്നു മെച്ചമായി.
തോമ, യാക്കോബ് എന്നീ രണ്ടു കഥാപാത്രങ്ങളെ അവതരിപ്പിച്ച ഒ. റ്റി. ഷാജഹാന്‍, വല്ല്യപ്പനായി വന്ന ചന്ദ്രഭാനു, യോഹന്നാന്‍റെ കുട്ടിക്കാലം അവതരിപ്പിച്ച ടി. പി. ഹരികൃഷ്ണ, യോഹന്നാന്‍റെ യുവത്വം അവതരിപ്പിച്ച സജ്ജാദ്, റാഹേലിന്‍റെ കുട്ടിക്കാലം അവതരിപ്പിച്ച ഐശര്യ ഗൌരി നാരായണന്‍, റാഹേലിന്‍റെ യുവത്വം അവതരിപ്പിച്ച മാനസ സുധാകര്‍, ആനി, സാറ എന്നീ രണ്ടു കഥാപാത്രങ്ങള്‍ക്ക് വേഷം നല്‍കിയ സ്മിത ബാബു, മറ്റു പ്രധാന വേഷങ്ങള്‍ ചെയ്ത അനുഷ്മ ബാലകൃഷ്ണന്‍, ഷാബു, ഷാബിര്‍ ഖാന്‍ ചാവക്കാട്‌, പ്രവീണ്‍ റൈസ്‌ലാന്‍റ്, അനൂപ്‌ എന്നിവരുടെ മികച്ച പ്രകടനം നാടകത്തെ കൂടുതല്‍ മികവുറ്റതാക്കി.
അതോടൊപ്പം തന്നെ രംഗപടം ഒരുക്കിയ രാജീവ്‌ മുളക്കുഴ, ബൈജു കൊയിലാണ്ടി, ദീപവിതാനം ചെയ്ത ശ്രീനിവാസ പ്രഭു, ശബ്ദ വിന്യാനം നിര്‍വ്വഹിച്ച ജിതിന്‍ നാഥ്‌, ആഷിക് അബ്ദുള്ള, മറ്റു അണിയറ പ്രവര്‍ത്ത കരായ അന്‍വര്‍ ബാബു, റാംഷിദ്, നൗഷാദ് കുറ്റിപ്പുറം, അന്‍വര്‍, ഷഫീഖ്‌ എന്നിവരുടെ കൂട്ടായ പ്രവര്‍ത്തന ങ്ങളിലൂടെ ഈ നാടകത്തിന്‍റെ ദൃശ്യ ഭംഗി കാണികള്‍ക്ക് എത്തിക്കുവാന്‍ സഹായകമായി.
നാടകം കാണുവാന്‍ യു. എ. ഇ. യിലെ വിവിധ എമിറേറ്റുകളില്‍ നിന്നായി നൂറുകണക്കിന്‌ നാടകാ സ്വാദകരാണ് എത്തിയത്‌. അബുദാബി യുടെ ചരിത്രത്തില്‍ തന്നെ ഏറ്റവും വലിയ നാടക സദസ്സായിരുന്നു ഇത്. കെ. എസ്. സി. അങ്കണം നിറഞ്ഞു കവിഞ്ഞതിനാല്‍ നിരവധി പേര്‍ക്ക് നാടകം കാണുവാന്‍ കഴിയാതെ പോയി.
ഇന്ത്യന്‍ നാടക വേദിയില്‍ ഏറെ ചര്‍ച്ച ചെയ്യപ്പെടുകയും ലോകത്തിന്‍റെ വിവിധ ഇടങ്ങളില്‍ തന്‍റെ നാടകങ്ങള്‍ അവതരിപ്പിക്കുകയും ചെയ്തിട്ടുള്ള, മൂന്നു തവണ കേരള സംഗീത നാടക അക്കാദമി അവാര്‍ഡ് നേടിയ സുവീരന്‍, സി. വി. ബാലകൃഷ്ണന്‍റെ ആയുസ്സിന്‍റെ പുസ്തകം എന്ന മാസ്റ്റര്‍ പീസ്‌ നോവലിന് നാടകാവിഷ്കാരം നല്‍കി അവതരിപ്പിച്ചപ്പോള്‍ ഇവിടുത്തെ നാടക പ്രേമികള്‍ക്ക് അതൊരു പുത്തന്‍ അനുഭവമായി. (ചിത്രങ്ങള്‍ : റാഫി അയൂബ്, അബുദാബി)
- pma
വായിക്കുക: കേരള സോഷ്യല്‍ സെന്റര്, നാടകം
ദുബായ് : യു. എ. ഇ. യില്‍ നാല്പതു വര്‍ഷം പിന്നിട്ട ഒന്‍പതു പേര്‍ ഒരേ വേദി യില്‍ ഒത്തു ചേര്‍ന്ന് അനുഭങ്ങള്‍ പങ്കുവെച്ചപ്പോള്‍ സദസ്സിനൊരു പുത്തന്‍ ഉണര്‍വ്വ്. യു. എ. ഇ. നാല്പതാം ദേശീയ ദിനാഘോഷ ത്തിന്‍റെ ഭാഗമായി സ്വരുമ ദുബായ് സംഘടിപ്പിച്ച ചടങ്ങില്‍ വര്‍ക്കല സത്യന്‍, ദാവൂദ്‌ വലിയ പറമ്പില്‍, കൃഷ്ണന്‍ കോടഞ്ചേരി, എം. പി. സേതുമാധവന്‍, യഹിയ സെയ്തു മുഹമ്മദ്, ടി. വി. മദനന്‍, എം. എ. ഖാദര്‍, ഇസ്മായില്‍ പുനത്തില്‍, മുസ്തഫ തൈക്കണ്ടി എന്നിവരെ ആദരിച്ചു.
കെ. എ. ജബ്ബാരി, ചന്ദ്രന്‍ ആയഞ്ചേരി, ശുക്കൂര്‍ ഉടുമ്പന്തല, നാസര്‍ പരദേശി, ഇസ്മായില്‍ ഏറാമല, കമല്‍ റഫീഖ്‌, ഇ. കെ. ദിനേശന്‍, റഫീഖ്‌ മേമുണ്ട, രാജന്‍, ഇബ്രാഹിം എന്നിവര്‍ ആശംസാ പ്രസംഗങ്ങള്‍ നടത്തി.
മാധ്യമ പ്രവര്‍ത്തകന്‍ ഷാബു കിളിത്തട്ടില്‍ ഉദ്ഘാടനം ചെയ്തു. ബഷീര്‍ തിക്കോടി അതിഥികളെ പരിചയ പ്പെടുത്തി. ഹുസൈനാര്‍ പി. എടാച്ചകൈ അദ്ധ്യക്ഷത വഹിച്ചു. സുബൈര്‍ വെള്ളിയോട് സ്വാഗതവും റീന സലിം നന്ദിയും പറഞ്ഞു. തുടര്‍ന്ന് വിവിധ കലാപരിപാടികളും അരങ്ങേറി.
- pma
വായിക്കുക: പ്രവാസി, സ്വരുമ ദുബായ്
ദുബായ് : പഴശ്ശിരാജ സ്മാരക ട്രസ്റ്റ് വീരകേരളവര്‍മ പഴശ്ശിരാജയുടെ പേരില്‍ ഏര്‍പ്പെടുത്തിയ പഴശ്ശിരാജ പുരസ്കാരങ്ങള്‍ പ്രഖ്യാപിച്ചു. പ്രവാസി രത്ന പുരസ്കാരം ദുബായിലെ വ്യവസായ പ്രമുഖനായ കെ. പി. ജിജി കുമാറിനാണ് ലഭിച്ചത്. ചുരുങ്ങിയ മുതല്‍ മുടക്കില്‍ വ്യാപാരം ആരംഭിച്ച് ഇന്ന് യു.എ.ഇ. യിലെ കെട്ടിട നിര്‍മ്മാണ രംഗത്ത്‌ എയര്‍ കണ്ടീഷനിംഗ് രംഗത്ത്‌ ഏറ്റവും അധികം അറിയപ്പെടുന്ന നാമമായി മാറിയ ദുബായ് എയര്‍ കണ്ടീഷനിംഗ് എന്ന സ്ഥാപനത്തിന്റെ സ്ഥാപകനാണ് ജിജി കുമാര്‍. ഊര്‍ജ്ജ സംരക്ഷണത്തില്‍ ഊന്നിയ, ഏറ്റവും നൂതന സാങ്കേതിക വിദ്യകളില്‍ അധിഷ്ടിതമായ, സാങ്കേതിക മികവുറ്റ രൂപകല്പ്പനകളിലൂടെ എയര്‍കണ്ടീഷന്‍ രംഗത്ത്‌ വിപ്ലവകരമായ മാറ്റങ്ങള്‍ വരുത്തുവാന്‍ അദ്ദേഹത്തിന്റെ സ്ഥാപനത്തിന് കഴിഞ്ഞിട്ടുണ്ട്. യു.എ.ഇ. യിലെ പ്ലാറ്റിനം റേറ്റിംഗ് ലഭിച്ച ആദ്യത്തെ ഗ്രീന്‍ ബില്‍ഡിംഗിന് പുറകില്‍ പ്രവര്‍ത്തിച്ചത്‌ ഇദ്ദേഹത്തിന്റെ സ്ഥാപനമാണ്. തൃശൂര്‍ സ്വദേശിയായ ഇദ്ദേഹം ഒട്ടേറെ ജീവകാരുണ്യ പ്രവര്‍ത്തനങ്ങളിലും ഏര്‍പ്പെടുന്നു.
വീര പഴശ്ശിരാജയുടെ ഇരുന്നൂറ്റി ആറാം വീരാഹൂതി ദിനത്തോടനുബന്ധിച്ച് കോഴിക്കോട് നടന്ന ചടങ്ങിലാണ് പുരസ്കാരങ്ങള്‍ പ്രഖ്യാപിച്ചത്‌.
മറ്റു പുരസ്കാരങ്ങള്‍ : ധര്‍മഖഡ്ഗം പുരസ്കാരം – നിളാഭട്ട്, ആചാര്യ ശ്രേഷ്ഠ പുരസ്കാരം – മന്ത്രി ആര്യാടന്‍ മുഹമ്മദ്, വ്യവസായ പ്രതിഭ പുരസ്കാരം – മുകേഷ് അംബാനി, സര്‍ഗ പ്രതിഭ പുരസ്കാരം – അഡ്വ. പി. എസ്. ശ്രീധരന്‍ പിള്ള, ആചാര്യ രത്ന പുരസ്കാരം – വെട്ടിക്കോട്ട് പരമേശ്വരന്‍ നമ്പൂതിരിപ്പാട്, സംഗീത രത്ന പുരസ്കാരം – എസ്. പി. ബാലസുബ്രഹ്മണ്യം, അഭിനയ കലാ രത്നം – ചിരഞ്ജീവി, വൈദ്യഭൂഷണ്‍ പുരസ്കാരം – ഡോ. പി. വി. ഗംഗാധരന്‍.
ജനുവരിയില്‍ നടക്കുന്ന ചടങ്ങില്‍ പുരസ്കാരങ്ങള്‍ നല്‍കും.
കൂടുതല്‍ വിവരങ്ങള്‍ക്ക് 00971 50 7861269 എന്ന നമ്പറില്‍ ബന്ധപ്പെടുക.
- ജെ.എസ്.
വായിക്കുക: expat, nri, personalities, ജീവകാരുണ്യം, പ്രവാസി, ബഹുമതി
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
