 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : അന്വേഷി പ്രസിഡണ്ടും പ്രമുഖ ആക്ടിവിസ്റ്റുമായ കെ. അജിതയ്ക്കും സഹ പ്രവര്ത്തകര് ക്കുമെതിരായി ലീഗ് പ്രവര്ത്തകര് നടത്തിയ ആക്രമണത്തില് ദല ശക്തിയായി പ്രതിഷേധിച്ചു. അഭിപ്രായ പ്രകടനത്തെ ഭയപ്പെടുന്ന മാഫിയാ സംഘത്തിന്റെ ചെയ്തികള് ഇവരുടെ സ്ത്രീ വിരുദ്ധ നിലപാടുകളെ അടയാളപ്പെടുത്തുന്നു. ഇത്തരം കിരാത ശക്തികള് അധികാരത്തില് ഏറിയാല് ഉണ്ടാകുന്ന ഭീഷണമായ സ്ഥിതി വിശേഷത്തിന്റെ സൂചനയായി ഈ ആക്രമണത്തെ കാണേണ്ടി വരുമെന്ന് ഇത് സംബന്ധിച്ച് ദലയുടെ പ്രസ്താവനയില് പറഞ്ഞു.
(അയച്ചു തന്നത് : സജീവന് കെ. വി.)
- ജെ.എസ്.
വായിക്കുക: കുറ്റകൃത്യം, ദല, പ്രതിഷേധം, സ്ത്രീ വിമോചനം
ദുബായ് : പൊതു പ്രവര്ത്തന രംഗത്തെ മികവിനുള്ള അംഗീകാരമായി യു. എ. ഇ. യിലെ സാംസ്കാരിക പ്രവര്ത്തകന് പുന്നക്കന് മുഹമ്മദലി യെ കോഴിക്കോട് സഹൃദയ വേദി പൊന്നാട അണിയിച്ച് ആദരിച്ചു. കോഴിക്കോട് സഹൃദയ വേദി യുടെ മൂന്നാം വാര്ഷിക ത്തോട് അനുബന്ധിച്ച് ദുബായില് നടന്ന കുടുംബ സംഗമത്തിലാണ് പ്രമുഖ വ്യവസായി സബാ ജോസഫ് പുന്നക്കന് മുഹമ്മദലി യെ പൊന്നാട അണിയിച്ച് ആദരിച്ചത്.
കുടുംബ സംഗമം സബാ ജോസഫ് ഉദ്ഘാടനം ചെയ്തു. നാസര് പരദേശി അദ്ധ്യക്ഷത വഹിച്ചു.
പ്രവസികളുടെ സാമ്പത്തിക പുരോഗതിക്ക് ഉതകുന്ന നൂതന മാര്ഗ്ഗ ങ്ങളെ കുറിച്ച് പ്രവാസി ബന്ധു വെല്ഫയര് ട്രസ്റ്റ് ചെയര്മാന് കെ. വി. ഷംസദ്ദീന് പ്രഭാഷണം നടത്തി.
കണ്വീനര് സി. എ. ഹബിബ്, പുന്നക്കന് മുഹമ്മദലി, ബഷീര് തിക്കോടി, ഷീല പോള്, സലാം പപ്പിനിശ്ശേരി, അബ്ദള്ളകുട്ടി ചേറ്റുവ, ഷംസുദ്ദീന് നാട്ടിക, ബള്കീസ് മുഹമ്മദലി, സുബൈര് വെള്ളിയോടന്, സി. എ. റിയാസ്, സി. പി. ജലീല്, ശബ്നം സലാം എന്നിവര് സംസാരിച്ചു.
- pma
വായിക്കുക: prominent-nris, പ്രവാസി, ബഹുമതി
ഷാര്ജ : മലയാളത്തിലെ യുവ കവികളില് ഏറ്റവും ശ്രദ്ധേയനായ പ്രവാസി കവിയും റേഡിയോ വാര്ത്താ അവതാരകനുമായ കുഴൂര് വിത്സന്റെ സ്വകാര്യ വെബ് സൈറ്റ് ആയ poe t ree ഏപ്രില് 15ന് പ്രവര്ത്തനം ആരംഭിക്കും. രാത്രി 9ന് ഷാര്ജ ഇന്ത്യന് അസോസിയേഷന് ഹാളില് നടക്കുന്ന ചടങ്ങില് കവി കുരീപ്പുഴ ശ്രീകുമാര് വെബ് സൈറ്റ് ഉദ്ഘാടനം ചെയ്യും എന്ന് കുഴൂര് വില്സന് അറിയിച്ചു. www.kuzhur.com എന്നതാണ് പുതിയ വെബ് സൈറ്റിന്റെ വിലാസം.
- ഡെസ്ക്
വായിക്കുക: കവിത
ദുബായ് : മെയ് മാസത്തില് ലോകം അവസാനിക്കുമെന്ന സന്ദേശവുമായി അമേരിക്കന് ക്രിസ്ത്യന് ദമ്പതികള് സ്ഥാപിച്ച പരസ്യ ബോര്ഡുകള് ദുബായ് സര്ക്കാര് നീക്കം ചെയ്തു.
മെയ് 21 ആണ് ബൈബിളില് പറഞ്ഞിരിക്കുന്ന അന്ത്യ വിധി ദിനം എന്ന് പ്രഖ്യാപിക്കുന്ന ബോര്ഡുകള് ദുബായില് ഉടനീളം സ്ഥാപിച്ചത്. വളരെയധികം ചെലവേറിയ ഒരു സംരംഭം ആയിരുന്നു ഇത്. ഫാമിലി റേഡിയോ എന്ന ഒരു മത കാര്യ റേഡിയോയ്ക്ക് വേണ്ടി പ്രവര്ത്തിക്കുന്നവരാണ് ഈ ദമ്പതികള്. എന്നാല് ഈ ബോര്ഡ് പൊതുജനങ്ങളില് ഭയമുണര്ത്തുന്ന സന്ദേശങ്ങളാണ് നല്കിയത്. ഏറ്റവും ഭീകരമായ ആ ദിനത്തെ അതിജീവിക്കാന് ആര്ക്ക് കഴിയും എന്ന രീതിയില് ആയിരുന്നു ഇതിലെ സന്ദേശം. ദുബായ് മുനിസിപാലിറ്റിയില് നിന്നും അനുവാദം ലഭിച്ചിട്ടാണ് ബോര്ഡ് സ്ഥാപിച്ചത്. എന്നാല് പിന്നീട് പോലീസിന് അവ നീക്കം ചെയ്യുകയാണ് ഉണ്ടായത്.
ഇസ്ലാം മതത്തിനെതിരായ സന്ദേശമാണിത് എന്നത് അധികൃതരിലും പൊതു ജനങ്ങളിലും അതൃപ്തി ഉളവാക്കിയിരുന്നു. പൊതുജനങ്ങളില് ആശങ്ക ഉയര്ത്തുന്ന ഇത്തരം സന്ദേശങ്ങള്, അവ ഏതു മത വിശ്വാസം അനുസരിച്ച് ഉള്ളവ ആയാലും, പ്രചരിപ്പിക്കുന്നത് നല്ലതല്ല എന്ന് ദുബായില് ഒരു മുസ്ലിം മത പണ്ഡിതന് അഭിപ്രായപ്പെട്ടു.
- ലിജി അരുണ്
വായിക്കുക: ദുബായ്, മതം, മാധ്യമങ്ങള്
അബുദാബി : പ്രവാസി യായ രാജേഷ് ചിത്തിര യുടെ ‘ഇക്കോ സിസ്റ്റത്തിലെ പ്രാപ്പിടിയന്മാര്’ മികച്ച കവിത ക്കുള്ള സൗഹൃദം ഡോട്ട് കോം അവാര്ഡ് നേടി.
മലയാള ത്തിലെ പ്രമുഖ സോഷ്യല് നെറ്റ് വര്ക്കായ സൗഹൃദം ഡോട്ട് കോം ഓണ് ലൈനിലൂടെ നടത്തിയ സാഹിത്യ മത്സര ത്തിലാണ് കവിതാ പുരസ്കാര ത്തിന് ‘ഇക്കോ സിസ്റ്റത്തിലെ പ്രാപ്പിടിയന്മാര്’ തിരഞ്ഞെടുത്തത്. അബുദാബി യില് ജോലി ചെയ്യുന്ന രാജേഷ് ചിത്തിര, പത്തനംതിട്ട സ്വദേശി യാണ്.
ദിനഷ് വര്മ തിരുവനന്തപുരം എഴുതിയ ഫേസ്ബുക്ക്, ഇരിങ്ങാലക്കുട സ്വദേശിയും പ്രവാസി യുമായ മുരളീധരന് എഴുതിയ ‘മുരുഭൂമിയിലെ വീട്’ എന്നിവ പ്രോല്സാഹന സമ്മാന ത്തിന് തിരഞ്ഞെടുക്കപ്പെട്ടു.
അടുത്ത മാസം തിരുവനന്തപുരത്ത് സംഘടിപ്പിക്കുന്ന ചടങ്ങില് പുരസ്കാര ദാനവും പ്രോല്സാഹന സമ്മാന വിതരണവും നടക്കും.
കുരീപ്പുഴ ശ്രീകുമാര്, ഡോ. ഡൊമനിക് കാട്ടൂര്, ഡോ. ടി. കെ. സന്തോഷ് കുമാര്, ശാന്തന്, ഉഷ കൊടുങ്ങല്ലൂര് എന്നിവര് അടങ്ങിയ ജഡ്ജിംഗ് കമ്മിറ്റി യാണ് പുരസ്കാര ത്തിനായി അര്ഹമായ കവിത കള് തെരഞ്ഞടുത്തത്.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
