ഷാര്‍ജ : ഗള്‍ഫ്‌ ഏഷ്യന്‍ ഇംഗ്ലിഷ് സ്കൂള്‍ സംഘടിപ്പിക്കുന്ന ഇന്റര്‍ ക്വിസ്‌ 2010 ഒക്ടോബര്‍ 30ന് സ്കൂള്‍ ഓഡിറ്റോറിയത്തില്‍ നടക്കും. യു.എ.ഇ. യിലെ വിവിധ എമിറേറ്റ്സ് സ്കൂളുകളില്‍ നിന്ന് മുപ്പതോളം ടീമുകള്‍ മല്‍സരത്തില്‍ പങ്കെടുക്കും. വിജയികള്‍ക്ക്‌ എയര്‍ ഇന്ത്യ രണ്ടു റിട്ടേണ്‍ ടിക്കറ്റുകള്‍ നല്‍കും. ഷാര്‍ജ ഇന്റര്‍നാഷനല്‍ എയര്‍പോര്‍ട്ട് അതോറിറ്റി (SATA), ഐക്യൂ ദുബായ്, ടാന്‍ഡം ദുബായ് എന്നിവരാണ് പരിപാടി സ്പോണ്സര്‍ ചെയ്തിരിക്കുന്നത്. ഒന്നാം സ്ഥാനം നേടുന്ന ടീം അംഗങ്ങള്‍ക്ക്‌ ഇന്ത്യയുടെ ഏതു ഭാഗത്തേയ്ക്കും യാത്ര ചെയ്യുന്നതിനും എയര്‍ ടിക്കറ്റ്‌ സ്പോണ്സര്‍ ചെയ്തിരിക്കുന്നത് എയര്‍ ഇന്ത്യയാണ്.
ഹെറിയോട്ട് വാട്ട് യൂണിവേഴ്സിറ്റി, എവര്‍ഗ്രീന്‍ പബ്ലിക്കേഷന്‍, ഇംപ്രിന്റ് പ്രസ്‌, ബ്ലോസം ടൈലെഴ്സ്, അല്‍ മുന്ന ബുക്ക് ഷോപ്പ്, ബിര്‍ള ഇന്‍സ്റ്റിറ്റ്യൂട്ട് ഓഫ് ടെക്നോളജി, മാജിക്‌ ടച്, ടെക്നോ ടൈംസ് എന്നിവരാണ് സഹ പ്രായോജകര്‍.
കുവൈറ്റ് : കേരള ഇസ്ലാഹി സെന്റര് ആസന്നമായ ബലി പെരുന്നാള്‍ പിറ്റേന്ന് ‘’ഫര്‍ഹ ഈദ് പിക്നിക്’’ സംഘടിപ്പിക്കുമെന്ന് സെന്റര് ഭാരവാഹികള്‍ പത്രക്കുറിപ്പില്‍ അറിയിച്ചു. പരിപാടിയുടെ വിജയത്തിനായി അബ്ദുസ്സമദ് കോഴിക്കോട് ചെയര്‍മാനും ടി. പി. മുഹമ്മദ് അബ്ദുല്‍ അസീസ് ജനറല്‍ കണ്‍വീനറും അബ്ദു അടക്കാനി ജോയന്‍റ് കണ്‍വീനറുമായി സ്വാഗത സംഘം രൂപീകരിച്ചു. കൂടാതെ വിവിധ വകുപ്പുകളുടെ ഭാരവാഹികളെയും തിരഞ്ഞെടുത്തു. പ്രോഗ്രാം – എന്‍. കെ. അബ്ദുസ്സലാം (ചെയര്‍മാന്‍), അബൂബക്കര്‍ കോയ വെങ്ങളം (കണ്‍വീനര്‍), രജിസ്ട്രേഷന്‍ – ഉമര്‍ ബിന്‍ അബ്ദുല്‍ അസീസ് കോഴിക്കോട് (ചെയര്‍മാന്‍), അബ്ദുല്‍ ലത്തീഫ് ഫര്‍വാനിയ (കണ്‍വീനര്‍), ട്രാന്‍സ്പോര്‍ട്ട് – സുനാഷ് ശുക്കൂര്‍ (ചെയര്‍മാന്‍), മെഹബൂബ് കാപ്പാട് (കണ്‍വീനര്‍), പബ്ലിസിറ്റി – ഷബീര്‍ നന്തി (ചെയര്‍മാന്‍), ഷാജു പൊന്നാനി (കണ്‍വീനര്‍), വെന്യു – മുഹമ്മദ് അസ്ലം കാപ്പാട് (ചെയര്‍മാന്‍), അബ്ദുസ്സലാം സ്വലാഹി കോട്ടയം (കണ്‍വീനര്‍), പര്‍ച്ചൈസിംഗ് – മഖ്ബൂല്‍ എരഞ്ഞിക്കല്‍ (ചെയര്‍മാന്‍) അബ്ദുല്‍ മജീദ് ഫര്‍ വാനിയ (കണ്‍ വീനര്‍)
ദുബായ് : പ്രമുഖ കഥാകാരന്‍ തോമസ്‌ ചെറിയാന്റെ “നിലവിളികള്‍ക്ക് കാതോര്‍ക്കാം” എന്ന കഥാ സമാഹാരം ദുബായില്‍ പ്രകാശനം ചെയ്യുന്നു. ഒക്ടോബര്‍ 29 വെള്ളിയാഴ്ച വൈകീട്ട് 05:30 മുതല്‍ 09:00 മണി വരെ ഖിസൈസ്‌ റോയല്‍ പാലസ് ഹോട്ടലിലാണ് പരിപാടി. കവി സുറാബ് മികച്ച വൈജ്ഞാനിക ഗ്രന്ഥത്തിനുള്ള ഈ വര്‍ഷത്തെ കേരള ഭാഷാ ഇന്‍സ്റിറ്റ്യൂട്ട് പുരസ്കാര ജേതാവായ പി. മണികണ്ഠനു പുസ്തകം നല്‍കി കൊണ്ട് പ്രകാശന കര്‍മ്മം നിര്‍വഹിക്കും. സുറാബ് പുസ്തക അവലോകനം നടത്തും. പി. മണികണ്ഠന്‍ മുഖ്യ പ്രഭാഷണം നടത്തും.
