 |
 |
 |
 |
 |
 |
 |
 |
 |
 |
 |
 |
 |
 |
ഷാര്‍ജ : ഷാര്‍ജ ഇന്ത്യന്‍ അസോസിയേഷന്റെ പുതിയ ഭാരവാഹികള്‍ ചുമതലയേറ്റു. ലേബര്‍ കൊണ്സല്‍ ഫ്രാന്‍സിസ്‌ കാക്ക ചൊല്ലിക്കൊടുത്ത സത്യവാചകം ഏറ്റു ചൊല്ലി പ്രസിഡണ്ടായി കെ. ബാലകൃഷ്ണന്‍, ജനറല്‍ സെക്രട്ടറിയായി നിസാര്‍ തളങ്കര, ട്രഷററായി പി. പി. ദിലീപ്‌ എന്നിവരും, മറ്റു ഭാരവാഹികളും, മാനേജിംഗ് കമ്മിറ്റി അംഗങ്ങളും സ്ഥാനമേറ്റു.
ഫോട്ടോ : കെ. വി. എ. ഷുക്കൂര്‍
-
വായിക്കുക: സംഘടന
അബുദാബി : യു. എ. ഇ. യിലെ നാടക പ്രേമികള്‍ക്ക്‌ വീണ്ടും ഒരു അസുലഭാവസരം ഒരുക്കി കൊണ്ട് കേരള സോഷ്യല്‍ സെന്റര് നാടകോത്സവം സംഘടിപ്പിക്കുന്നു. ഡിസംബര്‍ 10 ന് തുടക്കം കുറിക്കുന്ന ‘നാടകോത്സവം 2010’ പ്രശസ്ത നടനും സംഗീത നാടക അക്കാദമി ചെയര്‍മാനുമായ മുകേഷ് ഉദ്ഘാടനം ചെയ്യും. മുഖ്യാതിഥി യായി അക്കാദമി സെക്രട്ടറി രാവുണ്ണി യും പങ്കെടുക്കും. ഇതിന്‍റെ ഔദ്യോഗിക പ്രഖ്യാപനം പ്രശസ്ത നാടക – സിനിമാ പ്രവര്‍ത്തകന്‍ പ്രകാശ് ബാരെ നിര്‍വ്വഹിച്ചു.
ഡിസംബര്‍ 10 മുതല്‍ 24 വരെ നടക്കുന്ന നാടകോത്സവ ത്തില്‍ ഒമ്പതു നാടക ങ്ങളാണു മത്സരിക്കുക. രാത്രി 8 മണിക്ക് കെ. എസ്. സി. അങ്കണ ത്തിലാണ് നാടകങ്ങള്‍ അരങ്ങേറുക. ലോകോത്തര നിലവാരമുള്ളതും, ദേശീയ തലത്തില്‍ ശ്രദ്ധിക്കപ്പെട്ടതും, സംസ്ഥാന തലത്തില്‍ നിരവധി അംഗീകാരങ്ങള്‍ നേടിയതുമായ നാടക ങ്ങളും ഇവിടത്തെ നാടകാസ്വാദകര്‍ക്ക് മുന്നില്‍ അവതരിപ്പിക്കപ്പെടും. മാത്രമല്ല കേരള സംഗീത നാടക അക്കാദമി യുടെ യു. എ. ഇ. യിലെ എക്സ്റ്റന്‍ഷന്‍ സെന്റര് ആയി കെ. എസ്. സി. യെ അംഗീകരിച്ചതിന്‍റെ ഔദ്യോഗിക പ്രഖ്യാപനവും ‘നാടകോത്സവ’ത്തില്‍ ഉണ്ടാവും.
ആദ്യ ദിവസമായ ഡിസംബര്‍ 10 വെള്ളിയാഴ്ച, രാത്രി 8 മണിക്ക് സാമുവല്‍ ബക്കറ്റിന്‍റെ ‘ഗോദോയെക്കാത്ത്’ സതീഷ്‌ മുല്ലക്കല്‍ സംവിധാനം ചെയ്ത്, ദുബായ് കൂത്തമ്പലം അവതരിപ്പിക്കുന്നു.
രണ്ടാമതു നാടകം ഡിസംബര്‍ 14 ചൊവ്വാഴ്ച, ഗിരീഷ്‌ ഗ്രാമിക യുടെ ‘ആത്മാവിന്‍റെ ഇടനാഴി’ അശോകന്‍ കതിരൂര്‍ സംവിധാനം ചെയ്തു കല അബുദാബി അവതരിപ്പിക്കും.
ഡിസംബര്‍ 16 വ്യാഴം, എന്‍. ശശീധരനും ഇ. പി. രാജഗോപാലും ചേര്ന്ന് എഴുതിയ ‘കേളു’ എന്ന നാടകം, മഞ്ജുളന്‍ സംവിധാനം ചെയ്ത് ശക്തി തിയ്യറ്റേഴ്സ് അവതരിപ്പിക്കും.
ഡിസംബര്‍ 17 വെള്ളിയാഴ്ച, ജോര്‍ജ്ജ് ബുച്നറുടെ ‘വൊയ്‌സെക്’ ഓ. ടി. ഷാജഹാന്‍റെ സംവിധാന ത്തില്‍ തിയ്യേറ്റര്‍ ദുബായ് അവതരിപ്പിക്കും.
ഡിസംബര്‍ 18 ശനിയാഴ്ച, ഹെന്‍റിക് ഇബ്സന്‍ രചിച്ച ‘ദി ഗോസ്റ്റ്‌’ എന്ന നാടകം, ഇസ്കന്ദര്‍ മിര്‍സ യുടെ സംവിധാനത്തില്‍ അബുദാബി നാടകസൗഹൃദം അവതരിപ്പിക്കും.
ഡിസംബര്‍ 20 തിങ്കളാഴ്ച, വിനോദ് കുമാര്‍ രചനയും സംവിധാനവും നിര്‍വ്വഹിച്ച ‘യക്ഷിക്കഥകളും നാട്ടു വര്‍ത്തമാനങ്ങളും’ എന്ന നാടകം, അല്‍ ഐന്‍ ഐ. എസ്. സി. അവതരിപ്പിക്കും.
ഡിസംബര്‍ 22 ബുധന്‍, ജ്യോതിഷ് എഴുതി സംവിധാനം ചെയ്യുന്ന ‘സ്വര്‍ണച്ചൂണ്ടയും മത്സ്യകന്യകയും’ യുവ കലാസാഹിതി അബുദാബി അവതരിപ്പിക്കും.
ഡിസംബര്‍ 23 വ്യാഴം, മണികണ്‍ഠദാസ്‌ എഴുതി ബാബു കുരുവിള സംവിധാനം ചെയ്ത ‘ദ മിറര്‍’ എന്ന നാടകം, പ്ലാറ്റ്‌ഫോം ദുബായ് അവതരിപ്പിക്കും.
ഡിസംബര്‍ 24 വെള്ളി, മുഹമ്മദ്‌ പറശ്ശിനിക്കടവ് എഴുതി പി. പി. അഷ്‌റഫ്‌ – മോഹന്‍ മൊറാഴ എന്നിവര്‍ ചേര്ന്ന് സംവിധാനം ചെയ്ത ‘വിഷജ്വരം’ എന്ന നാടകം, ദല ദുബായ് അവതരിപ്പിക്കും.
യു. എ. ഇ. യിലെ വിവിധ ഭാഗങ്ങളില്‍ നിന്നുള്ള നാടക പ്രവര്‍ത്തകരെയും നാടക സംഘങ്ങളെയും ഒരു വേദി യില്‍ കൊണ്ടു വരികയും , ആരോഗ്യകരമായ മത്സര ബുദ്ധിയോടെ രംഗാവിഷ്‌കാരങ്ങള്‍ അവതരിപ്പിക്ക പ്പെടുകയും വഴി നല്ല നാടകങ്ങള്‍ കാണാനും ആസ്വദിക്കാനും വ്യത്യസ്തങ്ങളായ അവതരണ രീതികള്‍ പരിചയ പ്പെടാനും പരിശീലിക്കാനും ഉള്ള അവസരം ആണ് ഈ നാടകോത്സവ ത്തിലൂടെ ലക്ഷ്യമിടുന്നത് എന്ന് സംഘാടകര്‍ പറഞ്ഞു.
ഡിസംബര്‍ 25 ശനിയാഴ്ച മത്സരത്തിന്‍റെ ഫലപ്രഖ്യാപനവും സമ്മാന വിതരണവും നടക്കും. ഇതോടനു ബന്ധിച്ച് കെ. എസ്. സി. കലാ വിഭാഗം അവതരിപ്പിക്കുന്ന ‘ഉസ്മാന്‍റെ ഉമ്മ’ എന്ന ലഘുനാടകം അരങ്ങേറുന്ന തായിരിക്കും.
വാര്‍ത്താ സമ്മേളന ത്തില്‍ വിശിഷ്ടാതിഥി പ്രകാശ് ബാരെ, കെ. എസ്. സി. വൈസ് പ്രസിഡന്‍റ് ബാബു വടകര, ജനറല്‍ സെക്രട്ടറി ബക്കര്‍ കണ്ണപുരം, കലാവിഭാഗം സെക്രട്ടറി ടി. കെ. ജലീല്‍, കലാവിഭാഗം അസ്സി. സെക്രട്ടറി റജീദ്‌, മീഡിയാ കോഡിനേറ്റര്‍ സഫറുള്ള പാലപ്പെട്ടി എന്നിവര്‍ പങ്കെടുത്തു.
- pma
വായിക്കുക: ഉത്സവം, കേരള സോഷ്യല്‍ സെന്റര്, നാടകം
അബുദാബി : പാലക്കാട് എന്‍. എസ്. എസ്. എന്‍ജിനീയറിംഗ് കോളജ്‌ പൂര്‍വ വിദ്യാര്‍ത്ഥി കളുടെ സംഘടനയുടെ യു. എ. ഇ. ചാപ്റ്റര്‍ വാര്‍ഷിക കുടുംബ സംഗമം “നൊസ്റ്റാള്‍ജിയ 2010” അബുദാബി ഇന്ത്യന്‍ സോഷ്യല്‍ ആന്‍ഡ്‌ കള്‍ച്ചറല്‍ സെന്ററില് നടന്നു. മാതൃ സംഘടനയുടെ പ്രസിഡണ്ടും പ്രശസ്ത സിനിമാ നിര്‍മ്മാതാവും അഭിനേതാവുമായ പ്രകാശ് ബാരെ മുഖ്യ അതിഥിയായിരുന്നു.
പ്രകാശ് ബാരെ
സംഗമത്തോടനുബന്ധിച്ചു നടന്ന ജനറല്‍ ബോഡി യോഗത്തില്‍ പ്രകാശ് ബാരെ മുഖ്യ പ്രഭാഷണം നടത്തി. മതങ്ങളുടെ പേരില്‍ അങ്കം വെട്ടാനൊരുങ്ങുന്ന സാമൂഹിക അന്തരീക്ഷത്തിലും നമ്മുടെ ഉള്ളില്‍ നിറഞ്ഞു നില്‍ക്കുന്ന സംസ്ക്കാരത്തിന്റെ പൊതു ധാര യുടെ നേര്‍ക്ക്‌ വെളിച്ചം വീശുന്ന “സൂഫി പറഞ്ഞ കഥ” എന്ന ഏറെ കാലിക പ്രാധാന്യമുള്ള സിനിമ നിര്‍മ്മിച്ചതിലൂടെ മലയാള സിനിമ പ്രതിസന്ധിയില്‍ ആയതിനാലാണ് നല്ല സിനിമകള്‍ പിറക്കാത്തത് എന്ന് വിലപിക്കുന്നവര്‍ക്ക്‌ വെല്ലുവിളി ഉയര്‍ത്തിയ പ്രകാശ് ബാരെ തന്റെ കലാലയ ജീവിതത്തിലെ അനുഭവങ്ങള്‍ സദസ്സുമായി പങ്കു വെച്ചു.
രാവിലെ പത്ത് മണിക്ക് ആശാ സോണി, റീജ രമേഷ്, സപ്ന ബാബു എന്നിവര്‍ അവതരിപ്പിച്ച രംഗ പൂജയോടെയാണ് പരിപാടികള്‍ ആരംഭിച്ചത്‌. സ്മൃതി സോണി, ശില്പ നീലകണ്ഠന്‍, ആഖീല ഷെരീഫ്‌, സാന്ദ്ര മധു, ഐശ്വര്യാ രാമരാജ്, റാനിയ ആസാദ്‌ മേഖ മനോജ്‌ എന്നിവര്‍ ഓംകാരം എന്ന നാടോടി നൃത്തം അവതരിപ്പിച്ചു. ബിന്ദുവും സംഘവും ‘ഡാന്‍സസ് ഓഫ് ഇന്ത്യ’ എന്ന സംഘ നൃത്തവും, ശ്രീ ലക്ഷ്മി രമേഷ്, സ്നിഗ്ദ്ധ മനോജ്‌, നവമി ബാബു, രേവതി രവി, നുഴ നദീം, എമ പുന്നൂസ്‌, നന്ദിനി അജോയ്, നിഹാല ആസാദ്‌ എന്നിവര്‍ ‘മുകുന്ദാ മുകുന്ദാ’ എന്ന അര്‍ദ്ധ ശാസ്ത്രീയ നൃത്തവും അവന്തിക മുരളി, ഹൃതിക മുരളി, സ്നിഗ്ദ്ധ മനോജ്‌, ശ്രേയ നീലകണ്ഠന്‍, അബിയ അബ്ദുല്‍ വഹാബ്, ലഖിയ ഷെരീഫ്‌, ഗോപിക രവി, അമന്‍ അബ്ദുല്‍ വഹാബ്, ഗൌതം അജോയ്, മാത്യു പുന്നൂസ്‌, ജിതിന്‍ കൃഷ്ണ, ജെയ്ജിത് കൃഷ്ണ എന്നിവര്‍ സിനിമാറ്റിക് ഡാന്‍സ്‌ എന്നിവ അവതരിപ്പിച്ചു.
മോഹിനിയാട്ടം - ബിന്ദു മോഹന്‍, സപ്ന അനുരൂപ്
കുഞ്ഞബ്ദുള്ള, ആസാദ്‌, വില്‍ഫി, മുതലിഫ്‌, ഹസീന്‍, സന്ദീപ്‌, അനീഷ്‌, ഗഫൂര്‍, സജിത് കുമാര്‍, സുനില്‍ കുമാര്‍ എന്നിവര്‍ കോല്‍ക്കളി, ഷീജ ജയപ്രകാശ്‌, രംഗനായകി ആനന്ദ്‌, വിദ്യ ദിനേഷ്, ചിത്ര രാജേഷ്‌, പ്രിയ ജയദീപ്, രേഖ സുരേഷ്, ദേവിക സന്തോഷ്‌, പ്രീത രാജീവ്‌, സപ്ന അനുരൂപ്, ബിന്ദു മോഹന്‍ എന്നിവര്‍ തിരുവാതിരക്കളി, ശാലിന്‍ ഷേര്‍ഷ, ഷെറിന്‍ ഷേര്‍ഷ, ഐശ്വര്യാ കിഷോര്‍, ശ്രുതി സുരേഷ്, കാതറിന്‍ ആന്റോ, നിതിന്‍ പ്രമോദ്‌, അനിത് മധു, പ്രണവ്‌ രാജീവ്‌, സിദ്ധാര്‍ഥ് ജയപ്രകാശ്‌, ശ്രീകാന്ത്‌ മോഹന്‍ എന്നിവര്‍ സിനിമാറ്റിക് ഡാന്‍സ്‌ എന്നിവ രാവിലത്തെ സെഷനില്‍ അവതരിപ്പിച്ചു.
തുടര്‍ന്ന് നടന്ന ജനറല്‍ ബോഡി യോഗത്തിന് ശേഷം കാര്‍ത്തിക്‌ സുബോധ്, ഐശ്വര്യാ രാമരാജ്, നിക്ക് സാജു, ശില്പ നീലകണ്ഠന്‍, ഹേസല്‍ ജോര്‍ജ്‌, ദിയ സന്തോഷ്‌, സിന്ധു രവി, മേഘന, ബാബു എന്നിവര്‍ ഗാനങ്ങള്‍ ആലപിച്ചു. സിന്ധു രവി, ജ്യോതി, രശ്മി, ഷമീന, ബൈജു, സതീഷ്‌ എന്നിവര്‍ ചേര്ന്ന് സംഘഗാനം ആലപിച്ചു.
ഓസ്കാര്‍ നേടിയതിലൂടെ ഇന്ത്യയുടെ യശസ്സ് വാനോളം ഉയര്‍ത്തിയ നമ്മുടെ കാലഘട്ടത്തിലെ അതുല്യ സംഗീത മാന്ത്രികന്‍ എ. ആര്‍. റഹ്മാന്‍ 1993 ല്‍ ബോംബെ എന്ന സിനിമയ്ക്ക് വേണ്ടി രൂപപ്പെടുത്തിയ “ബോംബെ തീം” എന്ന ഇന്സ്ട്രുമെന്ടല്‍ ഓര്‍ക്കെസ്ട്ര പീസ്‌ അവതരിപ്പിച്ചു പാലക്കാട് എന്‍. എസ്. എസ്. എന്‍ജിനീയറിംഗ് കോളജിലെ പൂര്‍വ വിദ്യാര്‍ത്ഥികളുടെ സംഗീത കൂട്ടായ്മ യു.എ.ഇ. യിലെ സംഗീത പ്രേമികള്‍ക്ക്‌ മറ്റൊരു അപൂര്‍വ സംഗീത വിരുന്നിനു വേദിയൊരുക്കി. അന്താരാഷ്‌ട്ര പ്രശസ്തി നേടിയ ഈ തീം നിരവധി പ്രശസ്ത സംഗീത ട്രൂപ്പുകള്‍ തങ്ങളുടെ ആല്‍ബങ്ങളില്‍ ഉള്‍പ്പെടുത്തി റഹ്മാനെ ആദരിക്കുകയുണ്ടായി.
ഇന്ത്യന്‍ സിനിമയിലെ ഒരു വഴിത്തിരിവായ മൂന്നാം പിറ എന്ന സിനിമയിലെ പ്രശസ്തമായ “കണ്ണൈ കലൈമാനേ” എന്ന അതീവ ചാരുതയാര്‍ന്ന താരാട്ട് പാട്ട്, 1995ല്‍ ഇറങ്ങിയ ഏറെ ജനപ്രിയമായ “ബര്‍സാത്” എന്ന സിനിമയിലെ “ഹംകോ സിര്‍ഫ് തുംസെ പ്യാര്‍ ഹൈ” എന്ന ഹിറ്റ്‌ ഹിന്ദി ഗാനം എന്നിവയും ഇവര്‍ അവതരിപ്പിച്ചു.
വയലിനില്‍ സപ്ന അനുരൂപ്, ലീഡ്‌ ഗിറ്റാര്‍ – സന്തോഷ്‌ കുമാര്‍, ഡ്രംസ് – രഞ്ജിത്ത്, ഓടക്കുഴല്‍ – ജിഷി സാമുവല്‍, കീബോര്‍ഡ്‌ – ആനന്ദ്‌ പ്രീത്‌ എന്നിവരാണ് സംഘത്തില്‍ ഉള്ളത്. ഓര്‍ക്കസ്ട്രേഷന്‍ ഒരുക്കിയ യു.എ.ഇ. യിലെ പ്രമുഖ സംഗീത അദ്ധ്യാപകന്‍ ശ്രീ വിനീത് കുമാര്‍ പ്രത്യേക അഭ്യര്‍ത്ഥന സ്വീകരിച്ചു കീബോര്‍ഡ്‌ ലീഡ്‌ ചെയ്തു.
ജനറല്‍ ബോഡി യോഗത്തില്‍ പുതിയ ഭാരവാഹികളെ തെരഞ്ഞെടുത്തു. പ്രസിഡണ്ട് രാജീവ്‌ ടി. പി., വൈസ് പ്രസിഡണ്ട് വില്‍ഫി ടി. സാബു, സെക്രട്ടറി ദിപുകുമാര്‍ പി. ശശിധരന്‍, ജോയന്റ് സെക്രട്ടറി സന്ദീപ്‌ കെ. എസ്., ട്രഷറര്‍ വിനോദ് എം. പി., സ്പോര്‍ട്ട്സ് സെക്രട്ടറി മനു രവീന്ദ്രന്‍, ആര്‍ട്ട്സ് സെക്രട്ടറി ഷമീന, വനിതാ പ്രതിനിധിമാരായി സിന്ധു രവി, അരുണ എന്നിവരാണ് പുതിയ ഭാരവാഹികള്‍.
എന്‍. എസ്. എസ്. എന്‍ജിനീയറിംഗ് കോളജ്‌ പൂര്‍വ വിദ്യാര്‍ത്ഥി സംഘടനയുടെ യു. എ. ഇ. ചാപ്റ്റര്‍ പ്രസിഡണ്ട് കാളിദാസ് അദ്ധ്യക്ഷനായിരുന്നു. വൈസ് പ്രസിഡണ്ട് ശ്രീജിത്ത് സ്വാഗതം പറഞ്ഞു. ജനറല്‍ സെക്രട്ടറി രമേഷ് വാര്‍ഷിക റിപ്പോര്‍ട്ട് അവതരിപ്പിച്ചു.
പരിപാടിയുടെ ടൈറ്റില്‍ സ്പോണ്സര്‍ ബാംഗ്ലൂരിലെ ഡയമണ്ട് ബില്‍ഡേഴ്സിന്റെ യു.എ.ഇ. സെയില്‍സ്‌ മാനേജര്‍ ഷീല വേണുഗോപാല്‍, മുഖ്യ സ്പോണ്സര്‍ മത്താര്‍ എന്‍ജിനീയറിംഗ് കണ്‍സ്ട്രക്ഷന്‍ മാനേജിംഗ് ഡയറക്ടര്‍ മോഹന്‍ വി. ജി. എന്നിവര്‍ സംസാരിച്ചു.
–
- pma
വായിക്കുക: പൂര്‍വ വിദ്യാര്‍ത്ഥി, സംഗീതം, സംഘടന
അബുദാബി : യു. എ. ഇ. യുടെ ദേശീയ ദിനാഘോഷത്തില്‍ മുസ്സഫ യിലെ ഫോക്കസ് കരാട്ടേ & കുങ്ങ്ഫു സെന്റര് വിദ്യാര്‍ത്ഥികളും പങ്കാളികളായി. വ്യാഴാഴ്ച വൈകിട്ട് 4 മണിക്ക് ഫോക്കസ് കരാട്ടേ സെന്‍ററിനു മുന്നില്‍ നിന്നും ആരംഭിച്ച ഘോഷയാത്ര ക്ക് സെന്‍സായ് എം. എ. ഹക്കീം നേതൃത്വം നല്‍കി. മുസ്സഫ ട്രാഫിക് പോലീസ് മേധാവി അഹ്മദ് ബുഹായ് അല്‍ ഹാമിലി ദേശീയ പതാക കൈമാറി.
മുസ്സഫ ശാബിയ10 ലെ പ്രധാന വീഥിയില്‍ ദേശീയ പതാക യും വര്‍ണ്ണാഭമായ തോരണങ്ങളുമേന്തി വിദ്യാര്‍ത്ഥികളും അദ്ധ്യാപകരും രക്ഷിതാക്കളും അണിനിരന്ന ഘോഷയാത്ര യില്‍ സെമ്പായ് മൊയ്തീന്‍ഷാ, സെന്‍സായ് പോള്‍ നിന്‍റെഡം, സെമ്പായ് റബീഉല്‍ അവ്വല്‍ എന്നിവര്‍ മുന്നണിയില്‍ ഉണ്ടായിരുന്നു.
മുസ്സഫ ഷാബിയ യില്‍ 5 വര്‍ഷ മായി പ്രവര്‍ത്തിച്ചു വരുന്ന ഫോക്കസ് കരാട്ടേ & കുങ്ങ്ഫു സെന്ററില് കരാട്ടേ, കുങ്ങ്ഫു, യോഗ, സെല്‍ഫ് ഡിഫന്‍സ്, ബോഡി ഫിറ്റ്‌നസ്, തുടങ്ങിയ വിവിധ ഇനങ്ങളിലായി 150 ല്‍പരം വിദ്യാര്‍ത്ഥികള്‍ ഉണ്ട്. മൂന്ന് പതിറ്റാണ്ടായി അദ്ധ്യാപന രംഗത്തുള്ള ഷിഹാന്‍ ഇബ്രാഹിം ചാലിയത്തിന്‍റെ മുഖ്യ കാര്‍മ്മിക ത്വത്തില്‍ വിവിധ ആയോധന കലകളില്‍ കഴിവു തെളിയിച്ചിട്ടുള്ള സെന്‍സായ് എം. എ. ഹക്കീം, സെമ്പായ് മൊയ്തീന്‍ ഷാ, സെന്‍സായ് പോള്‍ നിന്‍റെഡം തുടങ്ങിയ അദ്ധ്യാപകര്‍ ഫോക്കസ് കരാട്ടേ & കുങ്ങ്ഫു സെന്ററില് പരിശീലനം നല്‍കി വരുന്നു.
- pma
വായിക്കുക: ആഘോഷം, കുട്ടികള്‍
അബുദാബി : പാലക്കാട് എന്‍. എസ്. എസ് എന്‍ജിനീയറിംഗ് കോളേജിലെ യു. എ. ഇ. യിലുള്ള പൂര്‍വ്വ വിദ്യാര്‍ത്ഥി കളുടെ വാര്‍ഷിക കുടുംബ സംഗമം ഡിസംബര്‍ 3 വെള്ളിയാഴ്ച രാവിലെ 10 മുതല്‍ അബുദാബി ഇന്ത്യന്‍ സോഷ്യല്‍ സെന്ററില് നടക്കും.
‘നൊസ്റ്റാള്‍ജിയ 2010’ എന്ന പേരിലുള്ള ആഘോഷ പരിപാടി കളില്‍ മാതൃസംഘടന യുടെ പ്രസിഡണ്ടും പ്രമുഖ ചലച്ചിത്ര നിര്‍മ്മാതാവും ‘സൂഫി പറഞ്ഞ കഥ’ യിലെ നായകനു മായ പ്രകാശ് ബാരെ മുഖ്യാതിഥി ആയിരിക്കും.
വൈകിട്ട് അഞ്ചുമണി വരെ നീണ്ടു നില്‍ക്കുന്ന ‘നൊസ്റ്റാള്‍ജിയ 2010’ ല്‍ വിവിധ കലാപരിപാടി കള്‍ അരങ്ങേറുമെന്ന് പ്രസിഡന്‍റ് കാളിദാസ് മേനോന്‍, ജനറല്‍ സെക്രട്ടറി ആര്‍. രമേശ് എന്നിവര്‍ അറിയിച്ചു. കൂടുതല്‍ വിവരങ്ങള്‍ക്ക് വിളിക്കുക: 050 44 61 912 – 050 661 26 84
- pma
വായിക്കുക: പൂര്‍വ വിദ്യാര്‍ത്ഥി
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
