 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : എഴോം വെല്‍ഫെയര്‍ അസോസിയേഷന്‍ വാര്‍ഷിക ജനറല്‍ ബോഡി മീറ്റിങ്ങും കുടുംബ സംഗമവും നവംബര്‍ 05 വെള്ളിയാഴ്ച വൈകുന്നേരം അഞ്ചു മണിക്ക് ദേര ദുബായ് മലബാര്‍ റെസ്റ്റോറന്റ് ഹാളില്‍ നടക്കും. കൂടുതല്‍ വിവരങ്ങള്ക്ക് : 055 6587078, 055 7670569 എന്നീ നമ്പരുകളില്‍ ബന്ധപ്പെടുക.
- ജെ.എസ്.
വായിക്കുക: സംഘടന
കുവൈറ്റ്‌ : കേരള ഇസ് ലാഹി സെന്റര്‍ സാമൂഹ്യ ക്ഷേമ വിഭാഗത്തിന്റെ ആഭിമുഖ്യത്തില്‍ ബലി പെരുന്നാളിനോ ടനുബന്ധിച്ച് കുവൈറ്റിന്റെ വിവിധ ഭാഗങ്ങളിലും കേരളത്തിലും ഉദ്ഹിയത് സംഘടിപ്പിക്കുമെന്ന് സെന്റര്‍ സോഷ്യല്‍ വെല്‍ ഫെയര്‍ സിക്രട്ടറി ഇസ്മായില്‍ ഹൈദ്രോസ് പത്രക്കുറിപ്പില്‍ അറിയിച്ചു. ഈ കര്മത്തിന്റെ നടത്തിപ്പിന്നായി ശബീര്‍ നന്തി ജനറല്‍ കണ്‍വീനറും സക്കീര്‍ കൊയിലാണ്ടി, സുനില്‍ ഹംസ എടക്കര ജോയന്റ് കണ്‍വീനര്‍ മാരുമായി ഒരു കമ്മിറ്റി രൂപീകരിച്ച് പ്രവര്ത്തിച്ചു വരുന്നു. ഒരു ഉരുവിന് 45 ദീനാറാണ് വില കണക്കാക്കി യിട്ടുള്ളത്. ഇത് കൂടാതെ കേരളത്തിലെ തിരഞ്ഞെടുത്ത ചില പ്രദേശങ്ങളിലും നടപ്പാക്കുന്നുണ്ട്. നാട്ടിലേക്കുള്ള ഒരു ഷെയറിന് 15 ദീനാറാണ് കണക്കാക്കിയിട്ടുള്ളത്.
ഈ സത്കര്മത്തില്‍ പങ്കെടുക്കാന്‍ താല്പര്യമുള്ളവര്‍ ഇസ് ലാഹി സെന്റര്‍ യൂനിറ്റ് ഭാരവാഹികളെയോ, ഇസ് ലാഹി സെന്ററിന് കീഴില്‍ മലയാളത്തില്‍ ജുമുഅ ഖുത് ബ നടക്കുന്ന പള്ളികളിലെ കൌണ്ടറുകളിലോ ഇസ് ലാഹി സെന്ററിന്റെ സിറ്റിയിലുള്ള കേന്ദ്ര ഓഫീസിലോ, അബ്ബാസിയ, ഹസാവിയ, ഫര്‍ വാനിയ, ഫഹാഹീല്‍ യൂനിറ്റ് ഓഫീസുകളിലോ പേര് രജിസ്ററര്‍ ചെയ്യേണ്ടതാണ്. വിശദ വിവരങ്ങള്ക്ക് 22432079, 99455200, 97810760, 99816810 എന്നീ നമ്പറുകളിലോ ബന്ധപ്പെടേണ്ടതാണ്.
- ജെ.എസ്.
ഷാര്‍ജ : ദൃശ്യ ശ്രവ്യ മാധ്യമങ്ങളുടെ ധാരാളിത്തം വായന നിഷ്പ്രഭമാക്കാന്‍ ശ്രമിച്ചു കൊണ്ടിരിക്കുന്ന ഈ കാലത്ത് വായന തിരിച്ചു പിടിക്കുക എന്ന സന്ദേശം ഉയര്‍ത്തിപ്പിടിക്കു ന്നതിന്റെ ഭാഗമായി മാസ് ഷാര്‍ജയുടെ ആഭിമുഖ്യത്തില്‍ നവംബര്‍ 4, 5 തീയ്യതികളില്‍ ചെറുകഥാ ശില്പ ശാല സംഘടിപ്പിക്കുന്നു. മലയാള കഥാ സാഹിത്യ രംഗത്തെ പ്രമുഖരായ വൈശാഖനും സന്തോഷ്‌ എച്ചിക്കാനവും ക്യാമ്പിനു നേതൃത്വം നല്‍കും.
4/11/2010 വ്യാഴാഴ്ച രാത്രി 8 മണിക്ക് നടക്കുന്ന പൊതു പരിപാടിയില്‍ കഥാകാരന്മാരായ വൈശാഖനും സന്തോഷ്‌ എച്ചിക്കാനവുമായി “അനുഭവവും ആഖ്യാനവും” എന്ന വിഷയത്തില്‍ നടക്കുന്ന മുഖാമുഖത്തോടെ ശില്പ ശാലക്ക് തുടക്കം കുറിക്കും .
വെള്ളിയാഴ്ച രാവിലെ 9 മണിക്ക് ആരംഭിക്കുന്ന ശില്പ ശാല, കാഥികന്റെ പണിപ്പുര, വായനയുടെ ലോകം എന്നീ രണ്ടു സെഷനുകളിലായി കഥാ സാഹിത്യത്തിലെ നൂതന പ്രവണതകളെ കുറിച്ചും, ആദ്യ കാല കഥകളുടെ ശില്പ ഭംഗിയെ കുറിച്ചും ചര്‍ച്ച ചെയ്യും. തിരഞ്ഞെടുക്കപ്പെട്ട കഥകളെ ആധാരമാക്കി വായനാനുഭവവും വിശകലനങ്ങളും നടക്കും.
5/11/2010 വൈകുന്നേരം 5 മണിക്ക് നടക്കുന്ന സമാപന യോഗത്തില്‍ ഓ. എന്‍. വി. കുറുപ്പ് മുഖ്യാതിഥി ആയിരിക്കും. മാസ് നടത്തിയ കഥാ മല്‍സരത്തിലെ വിജയികള്‍ക്കുള്ള സമ്മാന ദാനവും നടക്കും. സന്തോഷ്‌ എച്ചിക്കാനത്തിന്റെ പന്തിഭോജനം എന്ന കഥയെ ആധാരമാക്കി ബാല കെ. മേനോന്‍ തയാറാക്കിയ ടെലി ഫിലിം പ്രദര്ശനത്തോടെ ശില്പ ശാല അവസാനിക്കും.
എല്ലാ സഹൃദയരെയും സാഹിത്യ കുതുകികളെയും ശില്പ ശാലയിലേക്ക് സന്തോഷ പൂര്‍വ്വം സ്വാഗതം ചെയ്യുന്നു. നേരത്തെ പേര് നല്‍കി രജിസ്റ്റര്‍ ചെയ്യാന്‍ ആഗ്രഹിക്കുന്നവര്‍ സാഹിത്യ വിഭാഗം കണ്‍വീനറുമായി (050 6884952) ബന്ധപ്പെടുവാന്‍ അഭ്യര്‍ത്ഥിക്കുന്നു.
- ജെ.എസ്.
വായിക്കുക: കേരള സാംസ്കാരിക വ്യക്തിത്വം, ഷാര്‍ജ, സംഘടന, സാഹിത്യം
ഷാര്‍ജ : യു.എ.ഇ. യുടെ ചരിത്രത്തില്‍ ആദ്യമായി മലയാളികള്‍ക്ക്‌ മാത്രമായി ഈദ്‌ ഗാഹ് ഒരുങ്ങുന്നു. ഷാര്‍ജ ഓഖാഫ്‌ വകുപ്പാണ് അനുമതി നല്‍കിയത്‌. ഏതാനും വര്‍ഷങ്ങളായി ഷാര്‍ജ ഇന്ത്യന്‍ ഇസ്ലാഹി സെന്റര്‍ നടത്തുന്ന നിരന്തര പരിശ്രമത്തിന്റെ ഫലമായാണ് ഈദ്‌ ഗാഹ് നടത്താനുള്ള അനുമതി ലഭിച്ചത് എന്ന് ഷാര്‍ജ ഇന്ത്യന്‍ ഇസ്ലാഹി സെന്റര്‍ ജോ. സെക്രട്ടറി സി. എ. മുഹമ്മദ്‌ അസ്ലം അറിയിച്ചു. ഷാര്‍ജ അന്താരാഷ്‌ട്ര ക്രിക്കറ്റ്‌ സ്റ്റേഡിയത്തിനോട് ചേര്‍ന്നുള്ള ഫുട്ബോള്‍ ക്ലബ്ബിന്റെ വിശാലമായ മൈതാനത്തിലാണ് ആദ്യ ഈദ്‌ ഗാഹ് സംഘടിപ്പിക്കുന്നത്. പതിനായിരത്തോളം പേര്‍ക്ക് നമസ്കരിക്കുവാനുള്ള സൗകര്യം ഇവിടെയുണ്ടാവും. കൂടുതല്‍ വിവരങ്ങള്ക്ക് 06 5635120, 050 4546998, 050 4974230, 050 6799279 എന്നീ നമ്പരുകളില്‍ ബന്ധപ്പെടാവുന്നതാണ്.
- ജെ.എസ്.
ദുബായ് : കേരളപ്പിറവി ദിനത്തോടനുബന്ധിച്ച് ലോക മലയാള ദിനാഘോഷം സ്വതന്ത്ര ജേണല്‍ സലഫി ടൈംസ് വായനക്കൂട്ടത്തിന്റെ ആഭിമുഖ്യത്തില്‍ ദുബായ് അല ഖിസൈസില്‍ വിജയകരമായി നടന്നു.
എ.കെ.എ. റഹിമാന്‍
ഷാര്‍ജ ലോക പുസ്തകോത്സവത്തില്‍ സംബന്ധിക്കാനും ഗള്‍ഫ്‌ സുഹൃദ്‌ സന്ദര്‍ശനത്തിനും എത്തിയ കേരള റീഡേഴ്സ് ആന്‍ഡ്‌ റൈറ്റേഴ്സ് സര്‍ക്കിള്‍ (വായനക്കൂട്ടം) സംസ്ഥാന പ്രസിഡണ്ട് എ. കെ. എ. റഹിമാന്‍ പ്രസ്തുത സംഗമം ഉദ്ഘാടനം ചെയ്തു. ദേശീയോദ്ഗ്രഥനം മലയാള മാസിക ചീഫ്‌ എഡിറ്ററും ഇരുന്നൂറോളം പ്രസിദ്ധീകരിക്കപ്പെട്ട വിശിഷ്ട കൃതികളുടെ ഗ്രന്ഥ കര്‍ത്താവും കൂടിയാണ് എ. കെ. എ. റഹിമാന്‍. മലയാള ഭാഷയെയും സംസ്കാരത്തെയും യഥാര്‍ഹം നെഞ്ചിലേറ്റി ആദരിക്കുകയും ഉള്‍ക്കൊള്ളുകയും ചെയ്യുന്ന ഈ പ്രവാസി സമൂഹം പൊതുവായി അത് സ്വാംശീകരിക്കുന്ന വ്യക്തികളും കൂട്ടായ്മകളും ഇവിടത്തെ പ്രത്യേക തൊഴില്‍ സാഹചര്യത്തിലും സജീവ പ്രവര്‍ത്തനങ്ങളില്‍ വ്യാപൃതരാവുകയും നിരന്തരം ഈദൃശ കൈരളി സേവന പ്രവര്‍ത്തനങ്ങള്‍ തുടര്‍ പ്രക്രിയയായി അനുഷ്ഠിച്ചു വരുന്നതായി മനസ്സിലാക്കിയ നിറ ചാരിതാര്‍ത്ഥ്യത്തിലാണ് ഞങ്ങള്‍ എന്നും ഉല്‍ഘാടന പ്രസംഗ മദ്ധ്യേ അദ്ദേഹം പറഞ്ഞു.
സംഗമത്തില്‍ ബഷീര്‍ തിക്കോടി അദ്ധ്യക്ഷനായിരുന്നു. ഹ്രസ്വ സന്ദര്‍ശനത്തിന് എത്തിയ ആലപ്പുഴ അഹമ്മദ്‌ കാസിം, ദുബായ് വായനക്കൂട്ടം ജനറല്‍ സെക്രട്ടറി അഡ്വ. ജയരാജ്‌ തോമസ്‌, മൊഹമ്മദ്‌ വെട്ടുകാട്‌, നിസാര്‍ സെയ്ദ്‌ കായംകുളം, പി. യു. ഫൈസു, റൈബിന്‍ ബൈറോണ്‍, പാനായിക്കുളം നിസാര്‍, ഷമി ബഷീര്‍, സുനിത നിസാര്‍ തുടങ്ങിയവരും ചര്‍ച്ചയില്‍ പങ്കെടുത്തു.
- ജെ.എസ്.
വായിക്കുക: സംഘടന, സാംസ്കാരികം, സാഹിത്യം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
