 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : പ്രമുഖ സാംസ്കാരിക കൂട്ടായ്മ യായ സ്വരുമ ദുബായ് യുടെ എട്ടാം വാര്ഷിക ത്തിന്റെ ഭാഗ മായി രചനാ മല്സരം സംഘടിപ്പിക്കുന്നു. സൗഹൃദം എന്ന വിഷയ ത്തെ ആസ്പദമാക്കി ചെറുകഥാ രചന യും പ്രകൃതി എന്ന വിഷയ ത്തില് കവിതാ രചന യും കൂടാതെ മാപ്പിളപ്പാട്ട് രചന യുമാണ് നടക്കുക. മലയാള ത്തിലുള്ള രചനകള് മാര്ച്ച് 25 നു മുന്പായി swarumadubai at gmail dot com എന്ന ഇ – മെയില് വിലാസ ത്തില് അയക്കുക. വിശദ വിവരങ്ങള്ക്ക് വിളിക്കുക: പ്രവീണ് 055 64 74 658
- pma
വായിക്കുക: സംഘടന, സാഹിത്യം, സ്വരുമ ദുബായ്
ദുബായ് : പ്രവാസികള്ക്ക് വോട്ടവകാശം രേഖപ്പെടുത്താന് അപേക്ഷകള് അയക്കാനുള്ള സഹായ പ്രവര്ത്തനങ്ങളുമായി ദുബായ് കെ. എം. സി. സി. രംഗത്ത്. ആവശ്യക്കാര്ക്ക് അപേക്ഷകള് ഡൗണ്ലോഡ് ചെയ്യല്, പൂരിപ്പിച്ചു നല്കല്, കൊറിയര് വഴി അയച്ചു കൊടുക്കല് എന്നിവയാണ് കെ. എം. സി. സി. നിര്വഹിച്ചു കൊടുക്കുകയെന്നും ഈ സേവനങ്ങള് ആവശ്യമുള്ളവര് സമീപിക്കണമെന്നും സംസ്ഥാന പ്രസിഡണ്ട് ഇബ്രാഹിം എളേറ്റില് അറിയിച്ചു.
ഫോറം നമ്പര് ആറ്-എ പൂരിപ്പിച്ച് സ്വയം സാക്ഷ്യപ്പെടുത്തിയ അപേക്ഷകള് സമര്പ്പിക്കാമെന്നാണ് നേരത്തെ പ്രവാസി കാര്യ മന്ത്രി വയലാര് രവി
പ്രസ്താവിച്ചിരുന്നത്. ഇക്കാര്യം വിശദീകരിച്ച് പ്രത്യേക വിജ്ഞാപനം ഇറക്കുമെന്നും അദ്ദേഹം പറഞ്ഞിരുന്നെങ്കിലും അങ്ങനെയുണ്ടായില്ല. അപേക്ഷകള് എംബസിയില് നിന്നോ കോണ്സുലേറ്റില് നിന്നോ സാക്ഷ്യപ്പെടു ത്തണമെന്നതാണ് പുതിയ വിവരം. എന്നാല്, പ്രവാസികളെ സംബന്ധിച്ചിടത്തോളം സ്വയം സാക്ഷ്യപ്പെടുത്തല് തന്നെയാണ് ഏറെ ഉപകാര പ്രദമെന്നും ആ നിലക്കുള്ള നടപടി ക്രമങ്ങള് പാലിക്കാന് അവസരം നല്കണമെന്നും അദ്ദേഹം ബന്ധപ്പെട്ട അധികൃതരോട് അഭ്യര്ത്ഥിച്ചു.
ഏപ്രില് 14ന് നടക്കുന്ന നിയമ സഭാ തെരഞ്ഞെടുപ്പില് വോട്ടു രേഖപ്പെടുത്താന് പ്രവാസികളെ അനുവദിച്ച് ദുബായിലെ ഇന്ത്യന് കോണ്സുലേറ്റ്
കഴിഞ്ഞ ദിവസം വിജ്ഞാപനം ഇറക്കിയിരുന്നു. 2011 ജനുവരി 1ന് 18 വയസ്സ് തികഞ്ഞ, വോട്ട് രേഖപ്പെടുത്താന് ആഗ്രഹിക്കുന്ന മുഴുവന് പ്രവാസികളും
വോട്ടര് പട്ടികയില് പേരു ചേര്ക്കണം. ഇതിനായി തെരഞ്ഞെടുപ്പ് കമമിഷന്റെ വെബ്സൈറ്റില് ഓവര്സീസ് ഫോറം നമ്പര് ആറ്-എ പൂരിപ്പിച്ച് അയക്കുകയാണ് വേണ്ടത്. നാട്ടിലുള്ളവര് നേരിട്ടും, അല്ലാത്തവര് തപാലിലും അതാത് നിയമ സഭാ മണ്ഡലങ്ങളുമായി ബന്ധപ്പെട്ട രജിസ്ട്രാര്മാര്ക്ക് അപേക്ഷ സമര്പ്പിക്കണം. തഹസില്ദാറാണ് രജിസ്ട്രേഷര് ഓഫീസര്.
പൂരിപ്പിച്ച അപേക്ഷയോടൊപ്പം പാസ്പോര്ട്ടിലെ ഫോട്ടോ പതിച്ച മേല്വിലാസമുള്ള പേജിന്റെ പകര്പ്പ്, വിസാ പേജിന്റെ പകര്പ്പ് എന്നിവ
വെയ്ക്കണം. നേരിട്ട് അപേക്ഷ സമര്പ്പിക്കുന്നവര് ഒറിജിനല് പാസ്പോര്ട്ടുമായാണ് ഹാജരാകേണ്ടത്. വെരിഫിക്കേഷന് ശേഷം പാസ്പോര്ട്ട്
ഉടന് തിരിച്ച് നല്കും.
എന്. ആര്. ഐ. വിഭാഗത്തിലുള്ളവര് തിരിച്ചറിയല് രേഖയായി പോളിംഗ് ഉദ്യോഗസ്ഥന് പാസ്പോര്ട്ട് കാണിക്കല് നിര്ബന്ധമാണ്. വിശദ വിവരങ്ങള്
തെരഞ്ഞെടുപ്പ് കമ്മീഷന്റെ http://ecinic.in എന്ന വെബ്സൈറ്റില് ലഭ്യമാണ്.
- ജെ.എസ്.
വായിക്കുക: കെ.എം.സി.സി., പ്രവാസി
അബുദാബി : മൂന്നര പതിറ്റാണ്ടു കാലത്തെ പ്രവാസ ജീവിത ത്തിനു വിരാമം ഇട്ടു കൊണ്ട് നാട്ടിലേക്ക് യാത്രയാവുന്ന സാമൂഹിക പ്രവര്ത്തകന് കെ. എം. സെയ്ത് മുഹമ്മദിന് കേരളാ സോഷ്യല് സെന്ററും ശക്തി തിയ്യറ്റെഴ്സും ചേര്ന്ന് യാത്രയയപ്പ് നല്കി.
കെ. എസ്. സി. യുടെയും ശക്തി യുടെയും ജീവ കാരുണ്യ പ്രവര്ത്തന ങ്ങളില് മുന്പന്തി യില് നില്ക്കുന്ന സെയ്ത് മുഹമ്മദ്, കലാ കായിക പ്രവര്ത്തന ങ്ങളിലും സജീവമാണ്. കെ. എസ്.സി. ലൈബ്രേറിയന് ആയി സേവന മനുഷ്ടിച്ചിട്ടുണ്ട്.
കെ. എസ്. സി. പ്രസിഡന്റ് കെ. ബി. മുരളി യുടെ അദ്ധ്യക്ഷത യില് ചേര്ന്ന യാത്രയയപ്പ് യോഗത്തില് ശക്തിയുടെ ഉപഹാരം പ്രസിഡന്റ് റഹീം കൊട്ടുകാട് സമ്മാനിച്ചു. സെന്ററിന്റെ ഉപഹാരം ജനറല് സെക്രട്ടറി ബക്കര് കണ്ണപുരം സമ്മാനിച്ചു. ഗോവിന്ദന് നമ്പൂതിരി സ്വാഗതവും എ. എല്. സിയാദ് നന്ദി യും പറഞ്ഞു.
അയച്ചു തന്നത് സഫറുള്ള പാലപ്പെട്ടി.
- pma
വായിക്കുക: കേരള സോഷ്യല് സെന്റര്, സാമൂഹ്യ സേവനം
അബുദാബി : മാര്സ് ഇന്റര്നാഷണല് സ്പെല്ലിംഗ് ബീ യുടെ ആഭിമുഖ്യ ത്തില് നടത്തിയ എമിറേറ്റ്സ് തല ‘സ്പെല്ലിംഗ് ബീ’ മല്സര ത്തില് അബുദാബി ഭാരതീയ വിദ്യാഭവന് സ്കൂളിലെ നാലാം ക്ലാസ്സ് വിദ്യാര്ത്ഥിനി മനാല് ഷംസുദ്ധീന് ഒന്നാം സ്ഥാനം നേടി.
അല് നദാ ഗേള്സ് സ്കൂളില് വെച്ചു നടത്തിയ ദേശീയ തല ‘സ്പെല്ലിംഗ് ബീ’ മല്സര ത്തില് മനാല് രണ്ടാം സ്ഥാനം നേടി യിരുന്നു. ഇതിലൂടെ അന്തര് ദേശീയ തല ത്തില് രണ്ടാം തവണയും മത്സരി ക്കാന് മനാല് ഷംസുദ്ധീന് അവസരം ലഭിച്ചു.
അയച്ചു തന്നത് : ഹനീഷ് കെ.
- pma
വായിക്കുക: കുട്ടികള്, ബഹുമതി, വിദ്യാഭ്യാസം
കുവൈറ്റ്: കുവൈത്ത് കേരള ഇസ് ലാഹി സെന്ററിന്റെ 1432 ഹിജ്റ വര്ഷത്തെ (2011) പുതിയ കമ്മിറ്റി നിലവില് വന്നു. ഖുര്ത്വുബ ജംഇയ്യത്തു ഇഹ് യാഇത്തുറാസില് ഇസ് ലാമി ഓഡിറ്റോറിയത്തില് ചേര്ന്ന പുതിയ ജനറല് കൌണ്സിലാണ് പി. എന്. അബ്ദുല് ലത്തീഫ് മദനി പ്രസിഡന്റും ടി. പി. മുഹമ്മദ് അബ്ദുല് അസീസ് ജനറല് സെക്രട്ടറിയും ഇസ്മായില് ഹൈദ്രോസ് തൃശ്ശൂര് വൈസ് പ്രസിഡന്റും സാദത്തലി കണ്ണൂര് ഫൈനാന്സ് സെക്രട്ടറിയും എന്. കെ. അബ്ദുസ്സലാം ജോയന്റ് സെക്രട്ടറി യുമായി പുതിയ കമ്മിറ്റിയെ തെരഞ്ഞെടുത്തത്.
നേരത്തെ ചേര്ന്ന ജനറല് കൌണ്സില് സമാപന യോഗത്തില് ജോയന്റ് സിക്രട്ടറി 1431 ഹിജ്റ വര്ഷത്തെ (2010) പ്രവര്ത്തന റിപ്പോര്ട്ട് അവതരിപ്പിച്ചു. കൂടാതെ ദഅവ, ഓര്ഗനൈസിംഗ്, വിദ്യാഭ്യാസം, സോഷ്യല് വെല്ഫയര്, പബ്ലിക് റിലേഷന്, ക്രിയേറ്റിവിറ്റി, ഖുര്ആന് ഹദീസ് പഠന വിഭാഗം, പബ്ലിക്കേഷന്, ഓഡിയോ വിഷ്വല്, ലൈബ്രറി, ഹജ്ജ് ഉംറ എന്നീ വിഭാഗങ്ങളുടെ വിശദമായ റിപ്പോര്ട്ട് വകുപ്പ് സെക്രട്ടറിമാര് അവതരിപ്പിച്ചു. കഴിഞ്ഞ വര്ഷത്തെ ഓഡിറ്റ് ചെയ്ത സാമ്പത്തിക റിപ്പോര്ട്ട് ഫൈനാന്സ് സിക്രട്ടറി സാദത്തലി അവതരിപ്പിച്ചു.
“ഇസ് ലാം മാനവരുടെ നേര് വഴി” എന്ന പ്രമേയത്തില് നടത്തിയ രണ്ടാം ഇസ് ലാമിക് സെമിനാര്, വിഷന് 2010 എക്സിബിഷന്, മെഡിക്കല് ക്യാമ്പ്, “മതം ഗുണകാംക്ഷയാണ്” എന്ന ദ്വൈമാസ കാമ്പെയിന്, റമദാനില് അബ്ബാസിയ ടൂറിസ്റ്റിക് പാര്ക്കില് നടത്തിയ “ഇഫ്ത്വാര് വിരുന്നും റമദാന് പ്രഭാഷണവും” തുടങ്ങിയവ കഴിഞ്ഞ വര്ഷത്തെ ഏറ്റവും ശ്രദ്ധേയമായ പരിപാടികളായിരുന്നു. കൂടാതെ ദഅവ വകുപ്പിന് കീഴില് പഠന ക്യാമ്പുകള്, തര്ബിയത് ക്ലാസുകള്, വാരാന്ത ക്ലാസുകള്, ജുമുഅ ഖുത്ബകള്, ഈദ് ഗാഹുകള്, ലഘു ലേഖ വിതരണം, അഹ് ലന് വ സഹ് ലന് യാ റമദാന് തുടങ്ങിയവ സംഘടിപ്പിച്ചു. ഹജ്ജ് ഉംറ വകുപ്പിന് കീഴില് ഹജ്ജ് സംഘത്തെയും 10 ഉംറ സംഘങ്ങളെയും അയച്ചു. പബ്ലിക് റിലേഷന് വിഭാഗം ഒരു സോവനീറും മൂന്നു ബുള്ളറ്റിനുകള്, റമദാന് കലണ്ടര്, വാര്ഷിക കലണ്ടര് എന്നിവയും പ്രസിദ്ധീകരിച്ചു. സ്ത്രീകള്ക്കും പുരുഷന്മാര്ക്കുമായി ആഴ്ച തോറും 48 ഖുര്ആന് പഠന കേന്ദ്രങ്ങളും ഒരു ഓണ്ലൈന് തജ് വീദ് ക്ലാസും സംഘടിപ്പിച്ച് വരുന്ന ക്യൂ. എച്ച്. എല്. സി. വിഭാഗം കഴിഞ്ഞ വര്ഷം രണ്ട് ഖുര്ആന് വിജ്ഞാന പരീക്ഷകളും ഒരു ഹിഫ്ദ് മത്സരവും സംഘടിപ്പിച്ചു. അബ്ബാസിയ, സാല്മിയ, ഫഹാഹീല്, ഫര്വാനനിയ എന്നിവിടങ്ങളിലായി നടന്നു വരുന്ന നാല് മദ്റസകളിലെ വിദ്യാര്ത്ഥി കള്ക്കായി വിദ്യാഭ്യാസ വകുപ്പിന് കീഴില് പിക്നിക്, കളിചങ്ങാടം, മദ്റസ ഡേ, വെക്കേഷന് ക്ലാസ് എന്നിവ സംഘടിപ്പിച്ചു.
സോഷ്യല് വെല്ഫയര് വിഭാഗത്തിന്റെ കീഴില് സകാത് സെല്, സാന്ത്വനം റിലീഫ്, സ്കൂള് കിറ്റ്, പെരുന്നാള് പുതുവസ്ത്ര വിതരണം, നോമ്പുതുറ കിറ്റ്, സ്പെഷ്യല് റിലീഫ് തുടങ്ങി വിവിധ പദ്ധതികളിലൂടെ 78 ലക്ഷത്തില്പരം രൂപയുടെ സാമൂഹ്യക്ഷേമ ജീവ കാരുണ്യ പ്രവര്ത്തനങ്ങള് നടപ്പാക്കി. സ്വയം തൊഴില് പദ്ധതി, ചികിത്സ, സ്കോളര്ഷിപ്പ്, ഭവന നിര്മാണം, കടാശ്വാസം തുടങ്ങിയവക്കാണ് സകാത് വിതരണത്തില് മുന്ഗണന നല്കിയത്. കഴിഞ്ഞ വര്ഷം 37 പേര്ക്ക് സ്വയം തൊഴില് സഹായവും 44 നിര്ദ്ധന വിദ്യാര്ത്ഥികള്ക്ക് സ്കോളര്ഷിപ്പും നല്കി . പുറമേ ഫിത്വര് സകാത് ഇനത്തില് 3883 ദീനാറിന്റെ ഭക്ഷ്യ വസ്തുക്കള് കുവൈത്തില് തന്നെ വിതരണം ചെയ്തു. കൂടാതെ കുവൈത്തിലും കേരളത്തിലും സംഘടിത ബലി മാംസ വിതരണവും ഏര്പ്പെടുത്തി.
ക്രിയേറ്റിവിറ്റി വിഭാഗത്തിന്റെ കീഴില് സാഹിത്യ സമാജങ്ങള്, കലാ കായിക മത്സരങ്ങള്, ഫര്ഹ പിക്നിക് തുടങ്ങിയവ സംഘടിപ്പിച്ചു. പബ്ളിക്കേഷന് വിഭാഗത്തിന് കീഴില് ഖുര്ആന് പരിഭാഷയുടെയും ഇസ്ലാമിക സാഹിത്യങ്ങള്, ആനുകാലികങ്ങള് തുടങ്ങിയവയുടെ വിതരണവും, ലൈബ്രറി വിഭാഗത്തിന് കീഴില് കുവൈത്തിലെ വിവിധ പള്ളികള് കേന്ദ്രീകരിച്ച് ലൈബ്രറികളുടെ പ്രവര്ത്തനവും കൂടുതല് വിപുലമായ രീതിയില് നടപ്പാക്കി. ഓഡിയോ വിഷ്വല് വിഭാഗത്തിനു കീഴില് ഇസ്ലാമിക പ്രഭാഷണങ്ങളുടെ മുപ്പത്തയ്യായിരം സിഡികളും പതിനൊന്നായിരം ഡിവിഡികളും വിതരണം ചെയ്തു. സെന്ററിന്റെ വനിതാ വിഭാഗമായ കിസ് വയുടെ കീഴില് വനിതാ സംഗമങ്ങള് സംഘടിപ്പിക്കുകയുണ്ടായി.
പുതിയ വര്ഷത്തേക്കുള്ള ഭാരവാഹികളുടെ തെരഞ്ഞെടുപ്പ് റിട്ടേണിംഗ് ഓഫീസര്മാരായ മുദാര് കണ്ണ്, നാസര് ഇഖ്ബാല്, മുജീബു റഹ് മാന് സ്വലാഹി എന്നിവര് നിയന്ത്രിച്ചു.
പുതുതായി തെരഞ്ഞെടുക്കപ്പെട്ട വിവിധ വകുപ്പ് സെക്രട്ടറിമാരും അസിസ്റ്റന്റ് സെക്രട്ടറിമാരും : സുനാഷ് ശുക്കൂര്, സി. പി. അബ്ദുല് അസീസ് നെല്ലിക്കാ പ്പറമ്പ് (ഓര്ഗനൈസിംഗ്), റഫീഖ് മൂസ മുണ്ടേങ്ങര, സി. വി. അബ്ദുള്ള സുല്ലമി ചെറുവാടി (ദഅവ), ഫൈസല് ഒളവണ്ണ, ഉമര് ബിന് അബ്ദുല് അസീസ് കോഴിക്കോട് (ക്യൂ. എച്ച്. എല്. സി.), ഷബീര് നന്തി, അബ്ദുറഹിമാന് അടക്കാനി (പബ്ലിക്കേഷന്), അബ്ദുല് ഹമീദ് കൊടുവള്ളി, അബ്ദുസ്സമദ് കോഴിക്കോട് (സോഷ്യല് വെല്ഫയര്), മുഹമ്മദ് അസ് ലം കാപ്പാട്, മുഹമ്മദ് നജീബ് കെ. സി. എരമംഗലം (പബ്ലിക്ക് റിലേഷന്സ്), ടി. ടി. കാസിം കാട്ടിലപ്പീടിക, ഷാജു പൊന്നാനി (ഓഡിയോ വിഷ്വല്), മഖ്ബൂല് എരഞ്ഞിക്കല്, മുദാര് കണ്ണ് കൊല്ലം (ക്രിയേറ്റിവിറ്റി), മുഹമ്മദ് അഷ്റഫ് മദനി എകരൂല്, കെ. സി. അബ്ദുല്ലത്തീഫ് പാനൂര് (വിദ്യാഭ്യാസം), ഹബീബ് ഫറോക്ക്, മുഹമ്മദ് അബ്ദുള്ള കാഞ്ഞങ്ങാട് (ലൈബ്രറി), സക്കീര് കൊയിലാണ്ടി, അന്വര് കാളികാവ് (ഹജ്ജ് – ഉംറ), അബൂബക്കര് കോയ കാട്ടിലപ്പീടിക (ഫൈനാന്സ് അസി. സെക്രട്ടറി).
അയച്ചു തന്നത് : മുഹമ്മദ് അസ്ലം കാപ്പാട്
- ജെ.എസ്.
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
