ദുബായ് : ലോക മലയാളി കൌണ്സില് ദുബായ് പ്രവിശ്യയുടെ ഏഴാമത് വാര്ഷിക ആഘോഷങ്ങളും കുടുംബ സംഗമവും ദുബായില് നടന്നു. ജൂണ് 25ന് ദുബായ് ദൈറയിലെ മാര്ക്കോ പോളോ ഹോട്ടലില് വെച്ച് നടന്ന സമ്മേളനം ലോക മലയാളി കൌണ്സില് ആഗോള ചെയര്മാന് സോമന് ബേബി ഉദ്ഘാടനം ചെയ്തു.
ദുബായ് പ്രൊവിന്സ് പ്രസിഡണ്ട് തോമസ് കൊരത്ത് അദ്ധ്യക്ഷത വഹിച്ചു. കേരളത്തിലും ഗള്ഫിലും ആരോഗ്യ മേഖലയിലും, സാമൂഹിക പ്രവര്ത്തനത്തിലും തനതായ സംഭാവനകള് നല്കി ശ്രദ്ധേയനായ ഡോ. ആസാദ് മൂപ്പനെ തദവസരത്തില് ആദരിച്ചു. മിഡില് ഈസ്റ്റ് ജനറല് സെക്രട്ടറി സാം മാത്യു (റിയാദ്) മുഖ്യ സന്ദേശം നല്കി.
മുകളിലെ ചിത്രത്തില് ക്ലിക്ക് ചെയ്താല് കൂടുതല് ചിത്രങ്ങള് കാണാം
ലോക മലയാളി കൌണ്സില് നടപ്പിലാക്കുന്ന ഒട്ടേറെ സാമൂഹിക സേവന പദ്ധതികളുടെ ഉദ്ഘാടനം സമ്മേളനത്തില് വെച്ച് നടന്നു. കേരളത്തിലെ 14 ജില്ലകളിലെയും തെരഞ്ഞെടുക്കപ്പെട്ട ഗ്രാമങ്ങളില് നിര്ധന വിദ്യാര്ത്ഥികളുടെ വിദ്യാഭ്യാസത്തിനും, സ്ത്രീകള്ക്ക് സ്വയം തൊഴില് കണ്ടെത്തുന്നതിനും, ഗ്രാമോദ്ധാരണ പ്രവര്ത്തനങ്ങള്ക്കും ഊന്നല് നല്കി ആരംഭിക്കുന്ന “നവകേരള” പദ്ധതിയുടെ ഭാഗമായി കേരളത്തിലെ 1000 നിര്ധന വിദ്യാര്ത്ഥികള്ക്ക് ഈ വര്ഷം കൌണ്സില് വിദ്യാഭ്യാസ സഹായം ചെയ്യും.
ലോകത്തില് ഏറ്റവും അധികം മലയാളികള് പ്രവാസികളായി പാര്ക്കുന്ന യു. എ. ഇ. യും കേരളവും തമ്മിലുള്ള ബന്ധം മെച്ചപ്പെടുത്തുന്നതിന്റെ ഭാഗമായി നടത്തുന്ന “ഡിസ്കവര് കേരള” എന്ന നൂതന പദ്ധതിയിലൂടെ യു. എ. ഇ. യിലെ വിവിധ മേഖലകളിലെ പ്രമുഖരായ 20 സ്വദേശികളെ തെരഞ്ഞെടുത്ത് കേരളത്തിന്റെ പ്രകൃതി സൌന്ദര്യം ആസ്വദിക്കുന്നതിനും, കായല് ടൂറിസം, എക്കോ ടൂറിസം, വന്യ മൃഗ സംരക്ഷണം എന്നിവ പരിചയപ്പെടുത്തുന്നതിനും, കേരളത്തിന്റെ സംസ്കാരത്തെയും, തനത് കലകളെയും, ആയുര്വേദ ചികില്സയുടെ അനന്ത സാദ്ധ്യതകളെ കുറിച്ച് മനസിലാക്കുന്നതിനുമായി ദുബായ് പ്രവിശ്യയുടെ സ്പോണ്സര്ഷിപ്പില് കേരളത്തിലേക്ക് കൊണ്ട് പോകും.
കേരള പ്രവിശ്യയുടെ ആഭിമുഖ്യത്തില് തിരുവനന്തപുരം മുതല് മഞ്ചേശ്വരം വരെയുള്ള 44 നദികളുടെ സാമ്പിളുകള് ശേഖരിച്ച് പരിശോധിക്കുകയും, റിപ്പോര്ട്ട് തയ്യാറാക്കി നദീജല മലിനീകരണ ത്തിനെതിരെ നടത്തുന്ന ബോധവല്ക്കരണ പര്യടന പരിപാടിക്കും ദുബായ് പ്രൊവിന്സ് സഹായം ചെയ്യും.
യു.എ.ഇ. യുടെ വിവിധ പ്രദേശങ്ങളില് ദുരിതം അനുഭവിക്കുന്നവര്ക്ക് നല്കുന്ന സഹായ പദ്ധതികളുടെ ഉദ്ഘാടനം സമ്മേളനത്തില് വെച്ച് നിയാസ് അലി നിര്വഹിച്ചു. ചെയര്മാന് വര്ഗ്ഗീസ് ഫിലിപ് മുക്കാട്ട് വിശിഷ്ടാതിഥികള്ക്ക് ഉപഹാരങ്ങള് നല്കി.
ജൂലൈ 28 മുതല് ദോഹയില് നടക്കുന്ന ലോക മലയാളി സമ്മേളനത്തില് ദുബായ് പ്രോവിന്സില് നിന്ന് 20 പ്രതിനിധികള് പങ്കെടുക്കും.
സമ്മേളനത്തോടനുബന്ധിച്ചു ഒട്ടേറെ കലാ സാംസ്കാരിക പരിപാടികളും അരങ്ങേറി.
അബുദാബി : അബുദാബി ശക്തി തിയേറ്റേഴ്സ് അവര് ഇന്റര്നാഷനല് അബുദാബിയുടെ സഹകരണത്തോട് കൂടി നടത്തുന്ന ചോദ്യോത്തര മല്സരം “എന്റെ കേരളം” ജൂലൈ 2 വെള്ളിയാഴ്ച കേരള സോഷ്യല് സെന്ററില് 4 മണി മുതല് 9 മണി വരെ നടക്കും. ചരിത്രം, കല, പൈതൃകം, സാഹിത്യം, ഭൂമിശാസ്ത്രം, കേരള സംസ്കാരം എന്നീ വിഷയങ്ങളെ കേന്ദ്രീകരിച്ചായിരിക്കും ചോദ്യങ്ങള് ചോദിക്കുക.
ദുബായ് : കേരള എക്കണോമിക് ഫോറത്തിന്റെ കീഴില് “കേരളത്തിലെ നിക്ഷേപ അവസരങ്ങള്” എന്ന വിഷയത്തില് സെമിനാര് സംഘടിപ്പിച്ചു. ദുബായ് ഫ്ലോറ ഗ്രാന്ഡ് ഹോട്ടലില് നടന്ന സെമിനാറില് കേരളത്തില് വളരെയധികം നിക്ഷേപ സാദ്ധ്യതകള് ഉണ്ടെന്നും മലയാളികള്, പ്രത്യേകിച്ചും വിദേശ മലയാളികള് വേണ്ട വിധം അവസരങ്ങള് ഉപയോഗിക്കുന്നില്ലെന്നും, കേരളത്തിലെ അസംസ്കൃത സാധനങ്ങള് വിദേശത്ത് കൊണ്ട് പോയി മൂല്യ വര്ദ്ധിത ഉല്പ്പന്നങ്ങളായി മലയാളികള്ക്ക് തന്നെ വില്ക്കുന്നു. 
ദുബായ് : പാലക്കാട് എന്. എസ്. എസ്. എന്ജിനിയറിംഗ് കോളജ് പൂര്വ വിദ്യാര്ത്ഥികളുടെ സംഘടനയുടെ ആഭിമുഖ്യത്തില് ദുബായില് മ്യൂസിക് ആന്ഡ് ഡാന്സ് മസ്തി എന്ന പേരില് നൃത്ത സംഗീത സന്ധ്യ സംഘടിപ്പിച്ചു. ദുബായ് ദൈറയിലെ ബെന്റ ഹോട്ടല് അപ്പാര്ട്ട്മെന്റ്സില് നടന്ന പരിപാടിയില് സംഘടനാ അംഗങ്ങളും കുടുംബാംഗങ്ങളും നൃത്ത സംഗീത പരിപാടികള് അവതരിപ്പിച്ചു. നേരത്തെ ദുബായില് അരങ്ങേറി, ഏറെ ശ്രദ്ധിക്കപ്പെട്ട ഹൌ ടു നെയിം ഇറ്റ് – എ മ്യൂസിക്കല് സാഗ എന്ന ഇളയരാജ ഫ്യൂഷ്യന് ഉപകരണ സംഗീത പരിപാടി പ്രത്യേക ആവശ്യപ്രകാരം വീണ്ടും അവതരിപ്പി ക്കുകയുണ്ടായി.
അബുദാബി : കല അബുദാബിയുടെ ഈ വര്ഷത്തെ പ്രവര്ത്താനോ ല്ഘാടനത്തോട് അനുബന്ധിച്ച് അവതരിപ്പിച്ച കഥകളി ‘ലവണാസുര വധം’ അബുദാബി ഇന്ത്യാ സോഷ്യല് സെന്റര് ഓഡിറ്റോറിയ ത്തില് അരങ്ങേറി. കേരളീയം 2010 എന്ന പേരില് അവതരിപ്പിച്ച കല പ്രവര്ത്ത നോല്ഘാടന ത്തില് കലാ നിലയം ഗോപി ആശാനും സംഘവും ഒരുക്കിയ കഥകളി കൂടാതെ കേളി, തായമ്പക, വിവിധ നൃത്യ നൃത്ത്യങ്ങള് എന്നിവയും അരങ്ങേറി.
