അജ്മാന്‍ മുനിസിപ്പാലിറ്റി പൊതുസ്ഥലത്ത് പുകവലി നിരോധിച്ചു. ജനവാസ സ്ഥലങ്ങളിലെ കോഫി ഷോപ്പുകളിലും പുകയില ഉല്‍പ്പന്നങ്ങള്‍ വില്‍ക്കുന്നതും നിരോധിച്ചിട്ടുണ്ട്. യുഎഇ പ്രസിഡന്‍റിന്‍റെ പുകയില ഉപയോഗം നിയന്ത്രിക്കാനുള്ള നയത്തിന്‍റെ ഭാഗമായാണ് അജ്മാന്‍ മുനിസിപ്പാലിറ്റിയുടെ തീരുമാനം. പുകവലി നിയന്ത്രിക്കാനുള്ള നടപടികളും അധികൃതര്‍ എടുക്കുന്നുണ്ട്.

ലോകത്തിലെ ഏറ്റവും അപകടം നിറഞ്ഞ ഹൈവെ കുവൈത്തിലേതാണെന്ന് പഠനങ്ങള്‍ സൂചിപ്പിക്കുന്നു, പ്രതിവര്‍ഷം 200 സ്വദേശികള്‍ ഉള്‍പ്പടെ നിരവധി പേര്‍ കുവൈത്ത് ഹൈവേകളില്‍ മരിക്കുന്നുണ്ട്. 6000 അധികം പേര്‍ക്ക് ഗുരുതരമായ പരിക്കുകളും പറ്റുന്നുണ്ട്. കുവൈത്ത് ട്രാഫിക്ക് വിഭാഗം പുറത്തുവിട്ട പഠനത്തിലാണ് കണക്കുകള്‍ .

അടുത്ത പത്ത് വര്‍ഷത്തിനുള്ളില്‍ ട്രാഫിക്ക് അപകടങ്ങളിലൂടെ 28 ബില്യന്‍ കുവൈത്തി ദിനാറിന്‍റെ നഷ്ടം രാജ്യത്തിന് ഉണ്ടാകുമെന്നാണ് കണക്കുകള്‍ സൂചിപ്പിക്കുന്നത്. പ്രതിവര്‍ഷം രാജ്യത്ത് ഉപയോഗിക്കുന്ന പണത്തിന്‍റെ 6 ശതമാനം റോഡ് അപകടങ്ങളുമായി ബന്ധപ്പെട്ട വിഷയങ്ങള്‍ക്കായാണ് ചിലവഴിക്കുന്നത്.

തൊഴില് നഷ്ടപ്പെട്ട് നാട്ടിലേക്ക് മടങ്ങുന്ന പ്രവാസികളുടെ പുനരധിവാസത്തിന് എസ്.ബി.ടി സ്വാഗതം എന്ന പുദ്ധതി തുടങ്ങി. എസ്.ബി.ടി പ്രതിനിധികള് റിയാദില് വാര്‍ത്താസമ്മേളനത്തില് അറിയിച്ചതാണ് ഇക്കാര്യം. പ്രവാസികള്‍ക്കായി ഏര്‍പ്പെടുത്തിയ ക്ഷേമനിധിയിലേക്കുള്ള രജിസ്ട്രേഷനും പ്രീമിയം സ്വീകരിക്കാന് എസ്.ബി.ടിക്കാണ് ചുമതല. സൗദിയില് എന്.ആര്.ഐ ഉപഭോക്താക്കള്‍ക്ക് സ്ഥിര സംവിധാനം ഒരുക്കുമെന്നും എന്.ആര്.ഐ ചീഫ് മാനേജര് അറിയിച്ചു. വാര്‍ത്താസമ്മേളനത്തില് ഇന്‍റര്‍നാഷണല് ബാങ്കിംഗ് ചീഫ് മാനേജര് ജോണ്‍സണ് ജോസഫ്, എന്.ആര്.ഐ ചീഫ് മാനേജര്‍പി.പി.ജയപ്രകാശ് എന്നിവര് വാര്‍ത്താസമ്മേളനത്തില് പങ്കെടുത്തു.