 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : ഈദുല്‍ ഫിത്വര്‍ (ചെറിയ പെരുന്നാൾ പ്രമാണിച്ച് റമദാന്‍ 29 (ഏപ്രില്‍- 20 വ്യാഴാഴ്ച) മുതൽ ശവ്വാൽ 3 വരെ യു. എ. ഇ. യിലെ സർക്കാർ – സ്വകാര്യ ജീവനക്കാർക്കും ശമ്പളത്തോടു കൂടിയ അവധി പ്രഖ്യാപിച്ചു.
റമദാൻ 30 പൂര്‍ത്തിയാക്കി ശവ്വാല്‍ മാസ പ്പിറവി കാണുന്നു എങ്കില്‍ ശനിയാഴ്ച ഈദ് ആഘോഷിക്കും. ഇതു പ്രകാരം സര്‍ക്കാര്‍ ജീവനക്കാർക്ക് ഏപ്രില്‍ 24 തിങ്കളാഴ്ചയും കൂടി അഞ്ച് ദിവസത്തെ അവധി ലഭിക്കും. MoHRE & WAM
- pma
അബുദാബി : പ്രവാസി കൂട്ടായ്മ അബുദാബി പലോത്ത് പറമ്പ് മഹൽ മുസാഅദ കമ്മിറ്റി യുടെ രൂപീകരണവും ഇഫ്താർ സംഗമവും ഇന്ത്യൻ ഇസ്ലാമിക് സെന്‍ററിൽ നടന്നു. 2023-2025 പ്രവര്‍ത്തന കാലയലവിലേക്ക് രൂപീകരിച്ച പുതിയ കമ്മിറ്റിയുടെ രൂപീകരണത്തിന് റിട്ടേണിംഗ് ഓഫീസർ ഷമീർ പുറത്തൂർ നേതൃത്വം നൽകി.
പ്രസിഡണ്ട് : ഇബ്രാഹിം ഉസ്താദ്, ജനറല്‍ സെക്രട്ടറി നൗഷാദ് വി. പി., ട്രഷറർ ബഷീർ ടി. പി. വൈസ് പ്രസിഡണ്ട് : നജീബ്, കുഞ്ഞു, സി. വി. മുഹമ്മദ് കുട്ടി, പി. നാസർ , ടി. അബ്ദു, താഹിർ പൂളക്കൽ. ജോയിന്‍റ് സെക്രട്ടറിമാർ : സി. വി. അഷ്റഫ്, സി. മുസ്തഫ, വി. പി. ഗഫൂർ, ഫഹദ്, ഹാഷിം. അഡ്വൈസറി മെമ്പേഴ്സ് : കെ. പി. ഹംസു, ഹുസൈൻ പുല്ലത്ത്, ബാബു, മുസ്തഫ, റഷീദ്, മുഹമ്മദ് കുട്ടി, റിഷാദ്.
നജീബ് അദ്ധ്യക്ഷത വഹിച്ചു. നൗഷാദ് വി. പി. റിപ്പോര്‍ട്ട് അവതരിപ്പിച്ചു ഇബ്രാഹിം ഉസ്താദ് പ്രാർത്ഥനക്കു നേതൃത്വം നൽകി.
- pma
വായിക്കുക: expat, nri, ജീവകാരുണ്യം, പ്രവാസി, മതം, സംഘടന, സാമൂഹ്യ സേവനം
അബുദാബി : ഇന്ത്യ സോഷ്യല്‍ സെന്റര് (ഐ. എസ്. സി.) ഔഖാഫ് മന്ത്രാലയവുമായി (മത കാര്യ വകുപ്പ്) സഹകരിച്ചു സംഘടിപ്പിക്കുന്ന ഏഴാമത് ഖുര്‍ആന്‍ പാരായണ മത്സരം 2023 ഏപ്രില്‍ 11 ചൊവ്വാഴ്ച മുതല്‍ നാലു ദിവസങ്ങളിലായി ഐ. എസ്. സി. യില്‍ വെച്ച് നടക്കും. വിധി കര്‍ത്താക്കളായി മത കാര്യ വകുപ്പ് അംഗീകരിച്ച ഖുര്‍ആന്‍ പണ്ഡിതര്‍ എത്തും.
യു. എ. ഇ. പൗരന്മാര്‍ക്കും താമസ വിസയുള്ള മറ്റു രാജ്യക്കാര്‍ക്കും മത്സരത്തില്‍ പങ്കെടുക്കാം. മത്സരത്തിന് മുന്നോടിയായി ചൊവ്വാഴ്ച രാത്രി ഒമ്പത് മണി മുതല്‍ തലീം-ഇസ്ലാമിക് ഫാമിലി ക്വിസ് മത്സരം സംഘടിപ്പിച്ചിട്ടുണ്ട്.
നാലു വിഭാഗങ്ങളില്‍ മത്സരം നടക്കും. ആദ്യ വിഭാഗം 25 വയസ്സു വരെ ഉള്ളവര്‍ക്ക്. പാരായണ ഭാഗം ഖുര്‍ആന്‍റെ 15 ഭാഗങ്ങളില്‍ നിന്നുള്ളതായിരിക്കും (ആദ്യത്തെ പതിനഞ്ച് ജുസ്ഹ്).
രണ്ടാം വിഭാഗം 20 വയസ്സു വരെ ഉള്ളവര്‍ക്ക്. ഖുര്‍ആന്‍റെ 10 ഭാഗങ്ങളില്‍ നിന്നുള്ളത് (പത്ത് ജുസ്ഹ്).
മൂന്നാം വിഭാഗ മത്സരത്തില്‍ 15 വയസ്സു വരെ ഉള്ളവര്‍ക്ക് പങ്കെടുക്കാം. ഖുര്‍ആന്‍റെ 5 ഭാഗങ്ങളില്‍ നിന്നുള്ള പാരായണം (അഞ്ച് ജുസ്ഹ്).
ഖുര്‍ ആന്‍ പാരായണം, തജ്വീദ് മത്സരമാണ് നാലാം വിഭാഗം. ഇത് എല്ലാ പ്രായക്കാര്‍ക്കും പങ്കെടുക്കാം. മത്സരത്തിലേക്ക് പ്രവേശനം സൗജന്യമാണ്.
ഓരോ വിഭാഗത്തിലെയും വിജയികള്‍ക്ക് മെമന്‍റൊ കളും ക്യാഷ് പ്രൈസുകളും സമ്മാനിക്കും. പങ്കെടുക്കുന്ന എല്ലാ മത്സരാര്‍ത്ഥികള്‍ക്കും സര്‍ട്ടിഫിക്കറ്റുകളും പ്രോത്സാഹന സമ്മാനങ്ങളും നല്‍കും. ഏപ്രില്‍ 15 ശനിയാഴ്ച രാത്രി 9.30 മുതല്‍ സമ്മാനങ്ങള്‍ വിതരണം ചെയ്യും.
സ്വദേശികളെയും പ്രവാസി സമൂഹത്തെയും വിശുദ്ധ ഖുര്‍ആന്‍ പാരായണം ചെയ്യുന്നതിനും അത് ഹൃദിസ്ഥം ആക്കുന്നതിനും മത്സരാധിഷ്ഠിതമായ അന്തരീക്ഷ ത്തില്‍ പാരായണം ചെയ്യാനും പ്രോത്സാഹിപ്പിക്കുക എന്നതാണ് ഈ പരിപാടിയുടെ ഉദ്ദേശ ലക്ഷ്യം.
രാഷ്ട്ര പിതാവ് ശൈഖ് സായിദിനെ അനുസ്മരിച്ചു കൊണ്ട്, സാമൂഹിക പ്രതി ബദ്ധതയുടെ ഭാഗമായി ഏഴാം വര്‍ഷവും ഐ. എസ്. സി. യില്‍ ഖുര്‍ആന്‍ പാരായണ മത്സരം സംഘടിപ്പിക്കുന്നത് എന്ന് പ്രസിഡണ്ട് ഡി. നടരാജനും ജനറല്‍ സെക്രട്ടറി പി. സത്യ ബാബുയും പറഞ്ഞു.
- pma
വായിക്കുക: അബുദാബി, ഇന്ത്യന്‍ സോഷ്യല്‍ സെന്റര്, പൂര്‍വ വിദ്യാര്‍ത്ഥി, പ്രവാസി, മതം, സംഘടന
അബുദാബി : മലപ്പുറം ജില്ലാ കെ. എം. സി. സി. റമദാൻ പതിനേഴിന് അബുദാബി ഇന്ത്യൻ ഇസ്ലാമിക് സെന്‍ററിൽ ഭാഷാ സമര അനുസ്മര ണവും ഇഫ്താർ സംഗമവും സംഘടി പ്പിച്ചു. അബുദാബി കെ. എം. സി. സി. പ്രസിഡണ്ട് ഷുക്കൂറലി കല്ലുങ്ങൽ ഭാഷാ സമര അനുസ്മരണ പ്രഭാഷണം നടത്തി. യു. അബ്ദുള്ള ഫാറൂഖി ഇഫ്താര്‍ സംഗമം ഉത്ഘാടനം ചെയ്തു.
ഭാഷാ സമര അനുസ്മരണ ഭാഗമായി മലപ്പുറം ജില്ലാ കെ. എം. സി. സി. പുറത്തിറക്കിയ മജീദ് – റഹ്മാൻ – കുഞ്ഞിപ്പ ഭാഷാ സമര ഡോക്യുമെന്‍ററിയുടെ പ്രദർശനവും നടന്നു.
ജില്ലാ കമ്മിറ്റി പ്രിസിഡണ്ട് അസീസ് കാളിയാടൻ അദ്ധ്യക്ഷത വഹിച്ചു. ജനറൽ സെക്രട്ടറി ഹംസക്കോയ സ്വാഗതവും ട്രഷറർ അഷ്‌റഫലി നന്ദിയും പറഞ്ഞു. അബ്ദുള്ള ഫൈസി പ്രാർത്ഥനക്കു നേതൃത്വം നല്‍കി.
ജില്ലാ കമ്മിറ്റി ഭാരവാഹികളായ കുഞ്ഞിപ്പ മോങ്ങം, സി. കെ. ഹുസ്സൈൻ, ബഷീർ വറ്റല്ലൂർ, നൗഷാദ് തൃപ്പങ്ങോട്, ഷാഹിദ്, സിറാജ് ആതവനാട്, ഹസ്സൻ, ശംസുദ്ധീൻ പെരിന്തൽമണ്ണ, സമീർ പുറത്തൂർ, മുനീർ എടയൂർ, എന്‍. പി. നാസർ, സാൽമി പാട്ടശ്ശേരി, എ. വി. ഷാഹിർ, സൈയ്തു മുഹമ്മദ് വട്ടപ്പാറ എന്നിവർ നേതൃത്വം നൽകി. FB Page
- pma
വായിക്കുക: remembering, കെ.എം.സി.സി., പ്രവാസി, മതം
അബുദാബി : യു. എ. ഇ. ഗവണ്മെന്‍റ് സംഘടിപ്പിക്കുന്ന ഇൻവെസ്റ്റ്‌മെന്‍റ് മീറ്റിൽ പങ്കെടുക്കുവാൻ മെയ് ആദ്യ വാരം അബുദാബിയില്‍ എത്തുന്ന കേരള മുഖ്യമന്ത്രി പിണറായി വിജയന് അബുദാബിയിൽ പൗര സ്വീകരണം നൽകും.
മുഖ്യമന്ത്രി ആയതിനു ശേഷം ആദ്യമായാണ് പിണറായി വിജയൻ അബുദാബിയിൽ പൊതുജന സ്വീകരണം ഏറ്റു വാങ്ങുന്നത്.
അബുദാബി നാഷണൽ തീയ്യേറ്ററിൽ വെച്ച് 2023 മെയ് 7 ഞായറാഴ്ച വൈകുന്നേരം 7 മണിക്ക് നടക്കുന്ന പൊതു യോഗത്തിൽ, രണ്ടാം ഇടതു മുന്നണി സർക്കാറിൻെറ രണ്ടാം വാർഷികത്തോട് അനുബന്ധിച്ച് നടത്തുന്ന വികസന പ്രവർത്തനങ്ങളും ഭാവി പദ്ധതികളും വിശദീകരിച്ചു കൊണ്ട് പൊതു ജനങ്ങളെ അഭിസംബോധന ചെയ്യും.
സ്വീകരണ പരിപാടി വിജയിപ്പിക്കുന്നതിനു വേണ്ടി ലുലു ഗ്രൂപ്പ് ചെയര്‍മാന്‍ ഡോ. എം. എ. യൂസഫലി മുഖ്യ രക്ഷാധികാരിയായി 151 അംഗ സംഘാടക സമിതി രൂപീകരിച്ചു.
മറ്റു രക്ഷാധികാരികൾ : ഒ. വി. മുസ്തഫ (ഡയറക്ടർ, നോർക്ക), വി. നന്ദ കുമാർ (ഡയറക്ടർ മാർക്കറ്റിംഗ് & കമ്മ്യൂണി ക്കേഷൻ – ലുലു ഗ്രൂപ്പ്), കെ. മുരളീ ധരൻ, (എസ്. എഫ്. സി ഗ്രൂപ്പ്), പി. ബാവ ഹാജി (ഇസ്ലാമിക് സെന്റര് പ്രസിഡണ്ട്), ഡി. നടരാജൻ, (ഐ. എസ്. സി. പ്രസിഡണ്ട്, റഫീക്ക് കയനയിൽ, (മലയാളി സമാജം പ്രസിഡണ്ട്), മുബാറക് മുസ്തഫ (അൽ ഐൻ ഐ. എസ്. സി. പ്രസിഡണ്ട്), പി. പത്മ നാഭൻ, ബാബു വടകര, ബി. യേശു ശീലൻ, ഗണേഷ് ബാബു, രാജൻ അമ്പലത്തറ, കുഞ്ഞി രാമൻ നായർ,
ചെയർമാൻ : അഡ്വ. അൻസാരി സൈനുദ്ധീൻ, വൈസ് ചെയർമാൻമാർ : സലിം ചിറക്കൽ, എ. കെ. ബീരാൻ കുട്ടി, റോയ് വർഗ്ഗീസ്, ടി. കെ. മനോജ്. അജിത് ജോൺസൺ, നിർമ്മൽ ചിയ്യാരത്ത്, സൂരജ് പ്രഭാകർ, എം. കെ. സജീവൻ, ഇ. കെ. സലാം, പി. ചന്ദ്രശേഖരൻ, ഷുക്കൂറലി കല്ലിങ്കൽ, ഹമീദ് പരപ്പ, പി. എം. ഫാറൂക്ക്, പി. എം. ഹമീദലി.
കൺവീനർമാർ : വി. പി. കൃഷ്ണകുമാർ, ഷെറീൻ വിജയൻ, സഫറുള്ള പാലപ്പെട്ടി, ടോമിച്ചൻ, ഫസൽ കുന്ദംകുളം, ടി. കെ. അബ്ദുസ്സലാം, കെ. വി. രാജൻ, ഇഖ്ബാൽ എന്നിവര്‍.
കേരള സോഷ്യൽ സെന്‍ററിൽ വിളിച്ചു ചേർത്ത സംഘാടക സമിതി രൂപീകരണ യോഗത്തിൽ കെ. എസ്. സി. പ്രസിഡണ്ട് വി. പി. കൃഷ്ണ കുമാർ അദ്ധ്യക്ഷത വഹിച്ചു. അബുദാബിയിലെ വിവിധ അംഗീകൃത – സാംസ്കാരിക സംഘടനാ സാരഥികളും കൂട്ടായ്മ കളുടെയും പ്രതിനിധികൾ പങ്കെടുത്തു.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
