അബുദാബി : 14 ശതമാനം മുതല്‍ 17 ശതമാനം വരെ ജല – വൈദ്യുതി നിരക്ക് വര്‍ദ്ധി പ്പിച്ചു കൊണ്ട് ഫെഡറല്‍ ഇലക്‌ട്രിസിറ്റി ആന്‍ഡ് വാട്ടര്‍ അതോറിറ്റി (ഫേവ) ഉത്തരവിറക്കി. യു. എ. ഇ. പൗരന്മാരുടെ വീടുകള്‍ക്ക് നിരക്ക് വര്‍ദ്ധനവ്‌ ബാധകമല്ല.
ഫേവ ജല – വൈദ്യുതി വിതരണം നടത്തുന്ന അബുദാബി, അജ്മാന്‍, ഉമ്മുല്‍ഖുവൈന്‍, റാസല്‍ഖൈമ, ഫുജൈറ, കിഴക്കന്‍ തീര പ്രദേശ ങ്ങള്‍ തുടങ്ങിയ ഭാഗ ങ്ങളില്‍ നിരക്ക് കൂടും.
താമസ, വ്യാവസായിക, വാണിജ്യ, ഗവണ്‍മെന്റ് മേഖല കളില്‍ നിരക്ക് വര്‍ദ്ധന ബാധകം ആണെന്ന് ഫേവ വ്യക്തമാക്കി. യു. എ. ഇ. യിലെ ജല, വൈദ്യുത ഉപഭോഗ തോത് ഉയരുന്ന സാഹചര്യ ത്തിലാണ് നിരക്ക് വര്‍ദ്ധിപ്പിക്കുന്നത് എന്ന് ഫേവ സൂചിപ്പിച്ചു.
