 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : എമിറേറ്റ്സ് റോഡിന്റെ പേര് ഷൈഖ് മുഹമ്മദ് ബിന്‍ സായിദ് റോഡ് എന്നാക്കി യു. എ. ഇ. വൈസ് പ്രസിഡന്റും പ്രധാന മന്ത്രിയും ദുബായ് ഭരണാധി കാരിയുമായ ഷൈഖ് മുഹമ്മദ് ബിന്‍ റാഷിദ് അല്‍ മക്തൂം ഉത്തരവു പുറപ്പെടുവിച്ചു.
വികസന പദ്ധതികള്‍ ഉള്‍പ്പെടെ രാജ്യത്തിനു നല്‍കുന്ന സേവന ങ്ങള്‍ മാനിച്ചാണ് അബുദാബി കിരീടാവ കാശി ജനറല്‍ ഷൈഖ് മുഹമ്മദിന്റെ പേരു നല്‍കുന്നത്.
അബുദാബി യില്‍ തുടങ്ങി വിവിധ എമിറേറ്റുകളെ ബന്ധിപ്പിച്ച് റാസല്‍ഖൈമ യിലാണ് എമിറേറ്റ്സ് റോഡ് അവസാനിക്കുന്നത്.
- pma
അബുദാബി : പ്രമുഖ നൃത്താദ്ധ്യാപിക പ്രിയ മനോജിന്റെ ശിക്ഷണ ത്തില്‍ നൃത്തം അഭ്യസിച്ച 23 കുട്ടികളുടെ അരങ്ങേറ്റം ഇന്ത്യാ സോഷ്യല്‍ സെന്ററില്‍ നടക്കും.
2013 ജനുവരി 4 വെള്ളിയാഴ്ച വൈകീട്ട് 6 മണിക്ക് അരങ്ങേറുന്ന ‘ഭരതാഞ്ജലി’ യില്‍ മുഖ്യാതിഥി ആയി ഇന്ത്യന്‍ എംബസ്സി സാംസ്കാരിക വിഭാഗം സെക്കന്റ് സെക്രട്ടറി അനുജാ ചക്രവര്‍ത്തി പങ്കെടുക്കും.
ലൈവ് ഓര്‍ക്കസ്ട്ര യുടെ അകമ്പടി യോടെ അരങ്ങില്‍ എത്തുന്ന ‘ഭരതാഞ്ജലി 2013’ ഭരത നാട്യം, മോഹിനി യാട്ടം, കുച്ചിപ്പുടി എന്നീ ശാസ്ത്രീയ നൃത്ത രൂപ ങ്ങളുടെ സമ്മോഹനം ആയിരിക്കും.
- pma
വായിക്കുക: കുട്ടികള്‍, നൃത്തം
അബുദാബി : കേരളാ സോഷ്യല്‍ സെന്റര്‍ സംഘടിപ്പിച്ച നാടകോത്സവ ത്തില്‍ അബുദാബി നാടക സൗഹൃദം അവതരിപ്പിക്കുന്ന ‘പിരാന’ എന്ന നാടകം 2013 ജനുവരി 3 വ്യാഴാഴ്ച രാത്രി 8 മണിക്ക് അരങ്ങേറും.
സമകാലിക ഇന്ത്യന്‍ സമൂഹത്തിന്റെ നേര്‍ക്കാഴ്ച കളുമായി അരങ്ങില്‍ എത്തുന്ന പിരാന, നാടക പ്രേമി കള്‍ക്ക് നവ്യാനുഭവ മായി തീരും എന്ന് സംഘാടകര്‍ പ്രതീക്ഷിക്കുന്നു.
‘ചായില്യം’ എന്ന സിനിമ യിലൂടെ I F F K 2012 ലെ മികച്ച നവാഗത സംവിധായക നുള്ള അവാര്‍ഡ് കരസ്ഥമാക്കിയ പ്രമുഖ നാടക പ്രവര്‍ത്ത കനായ മനോജ്‌ കാന യാണ് പിരാന യുടെ രചനയും സംവിധാനവും നിര്‍വ്വഹി ച്ചിരിക്കുന്നത്.
കഴിഞ്ഞ വര്‍ഷത്തെ നാടകോത്സവ ത്തില്‍ മികച്ച നാടകം അടക്കം അഞ്ചു അവാര്‍ഡുകള്‍ നേടിയ ആയുസ്സിന്റെ പുസ്തകം അവതരി പ്പിച്ചത് നാടക പ്രവര്‍ത്ത കരുടെ കൂട്ടായ്മ യായ നാടക സൌഹൃദം ആയിരുന്നു.
- pma
വായിക്കുക: കേരള സോഷ്യല്‍ സെന്റര്‍, നാടകം
ദുബായ് : ദുബായ് കെ. എം. സി. സി. യുടെ ഐ-സ്മാർട്ട് വിംഗിന്റെ ആഭിമുഖ്യത്തിൽ കുട്ടികളുടെ പഠന കളരി സംഘടിപ്പിക്കുന്നു. “ചങ്ങാത്തം” എന്ന പേരിൽ സംഘടിപ്പിക്കുന്ന ഈ പരിപാടി 2013 ജനുവരി 1 പുതുവൽസര ദിനത്തിൽ ദുബൈ അൽ ബറാഹയിലെ കെ. എം. സി. സി. ആസ്ഥാനത്ത് വെച്ചാണ് നടക്കുക. രാവിലെ 9 മണി മുതൽ ഉച്ചയ്ക്ക് 1 മണി വരെയാണ് സമയം. കുട്ടികൾക്ക് വേണ്ടിയുള്ള കളികൾ, മൽസരങ്ങൾ, വ്യക്തിത്വ വികസന ക്ലാസുകൾ, വിദ്യാഭ്യാസ സംബന്ധമായ ക്ലാസുകൾ എന്നിവ ഉണ്ടായിരിക്കും. റജിസ്ട്രേഷന് 04 2727773, 050 4591048 എന്നീ നമ്പരുകളിൽ ബന്ധപ്പെടുക.
(അയച്ചു തന്നത് : മുഹമ്മദ് വെട്ടുകാട്)
- ജെ.എസ്.
വായിക്കുക: കുട്ടികള്‍, കെ.എം.സി.സി., വിദ്യാഭ്യാസം
ദുബായ് : മലയാള കവിതയെ അറബ് ലോകത്തിന് പരിചയപ്പെടുത്തിയ കവി ഡോ. ഷിഹാബ് അല്‍ ഗാനെം ടാഗോർ സമാധാന സമ്മാനത്തിന് അർഹനായി. ഈ ബഹുമതി ലഭിക്കുന്ന ആദ്യ അറബ് വംശജനാണ് അദ്ദേഹം. ടാഗോർ ഉദ്ബോധിപ്പിച്ചത് പോലെ കവിതയിലൂടെയും അതിന്റെ തർജ്ജമയിലൂടെയും മനുഷ്യത്വം, സ്നേഹം, സമാധാനം എന്നീ മൂല്യങ്ങൾ ഉയർത്തി പിടിച്ച് മാനുഷിക മൂല്യങ്ങളിലെ അവബോധം വികസിപ്പിക്കുകയും ചെയ്തതാണ് അദ്ദേഹത്തെ ഈ ബഹുമതിക്ക് അർഹനാക്കിയത്.
കുമാരനാശാന്‍ മുതല്‍ മലയാള കവിതയിലെ ഇളം തലമുറയില്‍ പെട്ടവരെ വരെ അറബ് സാഹിത്യ ലോകത്തിന് പരിചയപ്പെടുത്തിയ ഗാനെം ഇന്ത്യൻ കവികളുമായി അടുത്ത ബന്ധമാണ് പുലര്‍ത്തുന്നത്.
മിര്‍സാ ഗാലിബും ടാഗോറും മുതല്‍ 1969-ല്‍ ജനിച്ച സല്‍മ വരെയുള്ള മുപ്പതോളം കവികളുടെ 77 കവിതകളുള്‍പ്പെടുന്ന ഒരു കവിതാ സമാഹാരം അദ്ദേഹം അറബിയിലേക്ക് പരിഭാഷപ്പെടുത്തി. ഈ ബൃഹദ്‌സമാഹാരത്തില്‍ മലയാളത്തിന്റെ സാന്നിദ്ധ്യവും ശ്രദ്ധേയമാണ്‌. കക്കാട്‌, അയ്യപ്പപ്പണിക്കര്‍, ആറ്റൂര്‍, കടമ്മനിട്ട, സച്ചിദാനന്ദന്‍, കെ. ജി. ശങ്കരപ്പിള്ള, ബാലചന്ദ്രന്‍ ചുള്ളിക്കാട്‌ എന്നിവരാണ്‌ മലയാളത്തില്‍ നിന്നുള്ള കവികള്‍.
അലി സര്‍ദാര്‍ ജാഫ്രി, കൈഫി ആസ്‌മി, മുന്‍ പ്രധാനമന്ത്രി വാജ്‌പേയ്‌ തുടങ്ങിയവരുടെ കവിതകളും ഈ സമാഹാരത്തിലുണ്ട്‌. വിവിധ ഭാരതീയ ഭാഷകളിൽ എഴുതപ്പെട്ടിട്ടുള്ള കവിതകളുടെ ഇംഗ്ലീഷ്‌ പരിഭാഷകളെ അടിസ്ഥാനപ്പെടുത്തിയാണ്‌ അദ്ദേഹം ഈ വിവര്‍ത്തനം നിര്‍വഹിച്ചത്.
അതേ സമയം ജയന്ത മഹാപത്ര, കമലാ സുരയ്യ (മാധവിക്കുട്ടി) തുടങ്ങിയവരുടെ ഇംഗ്ലീഷ്‌ ഭാഷയിൽ എഴുതപ്പെട്ടിട്ടുള്ള കവിതകള്‍ നേരിട്ടു തന്നെ അറബിയിലേയ്‌ക്ക്‌ പരിഭാഷപ്പെടുത്തിയതും ഈ സമാഹാരത്തില്‍ ഉള്‍പ്പെടുത്തിയിട്ടുണ്ട്‌.
സംസ്‌ക്കാരങ്ങള്‍ തമ്മില്‍ സംഘര്‍ഷങ്ങളല്ല സംഭാഷണങ്ങളാണ്‌ നടക്കേണ്ടത്‌ എന്ന അവബോധമാണ്‌ ഇത്തരമൊരു സംരംഭത്തിന്‌ തന്നെ പ്രേരിപ്പിച്ചതെന്ന്‌ ഡോ. ഗാനെം പറയുന്നു. ഇതിനു മുമ്പ്‌ മലയാളത്തില്‍ നിന്നുള്ള ഒരു കൂട്ടം കവിതകള്‍ അറബിയിലേയ്‌ക്ക്‌ പരിഭാഷപ്പെടുത്തി ആനുകാലികങ്ങളിലും പുസ്തക രൂപത്തിലും പ്രസിദ്ധീകരിച്ചിട്ടുള്ള ഡോ. ഗാനെമിന്റെ കവിതകളുടെ മലയാള വിവര്‍ത്തനം കറന്റ്‌ ബുക്‌സ്‌ പ്രസിദ്ധീകരിച്ചിട്ടുണ്ട്.
റൂർക്കി സർവകലാശാലയിൽ നിന്നും വാട്ടർ റിസോഴ്സസ് എഞ്ജിനിയറിങ്ങിൽ ബിരുദം നേടിയ അദ്ദേഹം പിന്നീട് സ്കോട്ട്ലൻഡ് സർവകലാശാലയിൽ നിന്നും ഇലക്ട്രിക്കൽ മെക്കാനിക്കൽ എന്നീ ഇരട്ട എഞ്ജിനിയറിങ്ങ് ബിരുദവും കരസ്ഥമാക്കി. 2003ൽ മുഹമ്മദ് ബിൻ റാഷിദ് ടെക്നോളജി പാർക്കിന്റെ മാനേജിങ്ങ് ഡയറക്ടറായി വിരമിച്ച ഡോ. ഗാനെം ഇപ്പോൾ പൂർണ്ണമായും പുസ്തകങ്ങളുടെ ലോകത്താണ്.
50 ഓളം പുസ്തകങ്ങളും നിരവധി കവിതകളും പ്രസിദ്ധീകരിച്ചിട്ടുള്ള ഡോ. ഗാനെം 2013 മെയ് 6 ന് കൊൽക്കത്തയിൽ വെച്ച് നടക്കുന്ന ചടങ്ങിൽ സമ്മാനം ഏറ്റുവാങ്ങും.
- ജെ.എസ്.
വായിക്കുക: കവിത, ബഹുമതി, സാംസ്കാരികം, സാഹിത്യം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
