ആരോഗ്യ പരിശീലന – കൺസൾട്ടൻസി മേഖലയിലെ വൻ മുന്നേറ്റവുമായി ആർ. പി. എം.

January 20th, 2024

response-plus-medica-signing-contract-with-prometheus-for-strategic-acquisition-ePathram

അബുദാബി: ആഗോള പ്രീ-ഹോസ്പിറ്റൽ മെഡിക്കൽ രംഗത്തെ ഏറ്റവും വലിയ സേവന ദാതാക്കളിൽ മുന്നിലെത്താനുള്ള വൻ ചുവടുവയ്പ്പുമായി മലയാളി നേതൃത്വത്തിലുള്ള റെസ്പോൺസ് പ്ലസ് ഹോൾഡിംഗ്‌സ് (ആർ. പി. എം.).

യുദ്ധ മേഖലകളിലേത് അടക്കം അടിയന്തര മെഡിക്കൽ സേവനങ്ങൾക്ക് പരിശീലനവും കൺസൾട്ടൻസി സേവന ങ്ങളും നൽകുന്ന യു. കെ. കമ്പനി പ്രോമിത്യൂസ് മെഡിക്കലിൻ്റെ ഏറ്റെടുക്കൽ ആർ. പി. എം. പ്രഖ്യാപിച്ചു. നൂതന എമർജൻസി മെഡിക്കൽ സാങ്കേതിക വിദ്യകളും പ്രത്യേക പരിശീലനവും നൽകുന്ന സേഫ്‌ ഗാർഡ് മെഡിക്കലിൻ്റെ ഭാഗമായിരുന്നു പ്രൊമിത്യൂസ്.

പ്രവാസി സംരംഭകൻ ഡോ. ഷംഷീർ വയലിൽ സ്ഥാപിച്ച റെസ്‌പോൺസ് പ്ലസ് ഹോൾഡിംഗ് പി. ജെ. എസ്‌. സി. യുടെ ഭാഗമാണ് ആർ. പി. എം. അബുദാബി സെക്യൂരിറ്റീസ് എക്സ്ചേഞ്ചിൽ ലിസ്റ്റ് ചെയ്തിരിക്കുന്ന കമ്പനി യു. എ. ഇ. യിലെയും സൗദി അറേബ്യ യിലെയും ഏറ്റവും വലിയ പ്രീ-ഹോസ്പിറ്റൽ മെഡിക്കൽ സേവന ദാതാവാണ്.

അടിയന്തര മെഡിക്കൽ സേവനങ്ങൾ നൽകുന്ന കമ്പനികൾക്ക് പരിശീലനവും കൺസൾട്ടൻസി സേവനങ്ങളും നൽകുന്ന ആഗോള കമ്പനിയാണ് പ്രോമിത്യൂസ് മെഡിക്കൽ. രണ്ട് പ്രമുഖ ആരോഗ്യ സേവന ദാതാക്കളെ ഒരുമിപ്പിക്കുന്ന ഏറ്റെടുക്കൽ പ്രതിരോധ, എണ്ണ-വാതക മേഖലകളിലെ പ്രധാന കമ്പനികൾക്ക് സമഗ്ര മെഡിക്കൽ കവറേജ് ലഭ്യമാക്കാൻ ആർപിഎമ്മിന്‌ വഴിയൊരുക്കും.

Image Credit: FB Page

- pma

വായിക്കുക: , , , , ,

അഭിപ്രായം എഴുതുക »

ബുർജീൽ റോയൽ ആശുപത്രിയിൽ അത്യാഹിത വിഭാഗം തുറന്നു

January 15th, 2024

24-7-emergency-department-opened-alain-burjeel-royal-hospital-ePathram
അൽ ഐൻ : ബുർജീൽ റോയൽ ആശുപത്രിയിൽ 24 മണിക്കൂറും പ്രവർത്തിക്കുന്ന പുതിയ എമർജൻസി ഡിപ്പാർട്ട് മെൻറ്‌ തുറന്നു പ്രവർത്തനം ആരംഭിച്ചു. ആരോഗ്യ മന്ത്രാലയത്തിലെ അത്യാഹിത വിഭാഗം എക്സിക്യൂട്ടിവ് ഡയറക്ടർ ഡോ. സാലിഹ് ഫാരിസ് അൽ അലി ഉദ്ഘാടനം ചെയ്തു.

അൽഐൻ സിറ്റി മുനിസിപ്പാലിറ്റി ജനറൽ മാനേജർ അലി ഖലീഫ അൽ ഖുംസി, ആംബുലൻസ് വിഭാഗം മേധാവി ലഫ്. കേണൽ സെയ്ഫ് ജുമാ അൽ കഅബി, ബുർജീൽ ഗ്രൂപ്പ് സി. ഇ. ഒ. ജോൺ സുനിൽ, ഉന്നത ഉദ്യോഗസ്ഥർ, ഡോക്ടർമാർ, മറ്റു പൗര പ്രമുഖരും സംബന്ധിച്ചു.

വിദഗ്ധരായ മെഡിക്കൽ സംഘം നേതൃത്വം നൽകുന്ന ബുർജീൽ റോയൽ ആശുപത്രിയിൽ അത്യാഹിത വിഭാഗത്തിൽ 25 കിടക്കകൾ ഉൾപ്പെടെ അത്യാധുനിക ചികിത്സാ സൗകര്യങ്ങൾ ഉൾപ്പെടുന്നു. Burjeel Royal Hospital 

- pma

വായിക്കുക: , , , , , ,

അഭിപ്രായം എഴുതുക »

മില്ലേനിയം ഹോസ്പിറ്റൽ മുസ്സഫയിൽ തുറക്കുന്നു

January 15th, 2024

ahalia-group-new-millennium-hospital-in-shabiya-mussfah-ePathram
അബുദാബി : അത്യാധുനിക സംവിധാനങ്ങളോടെ മുസ്സഫ ഷാബിയ (9) യിൽ മില്ലേനിയം ഹോസ്പിറ്റൽ തിങ്കളാഴ്ച മുതൽ തുറന്നു പ്രവർത്തനം ആരംഭിക്കുന്നു. സ്ത്രീകൾക്കും കുഞ്ഞുങ്ങൾക്കും വേണ്ടിയുള്ള പ്രത്യേക പരിചരണ വിഭാഗം ഇരുപത്തിനാലു മണിക്കൂറും പ്രവർത്തിക്കുന്നു എന്നുള്ളത് മില്ലേനിയം ഹോസ്പിറ്റലിൻ്റെ സവിശേഷതയാണ്.

പ്രസവ ശുശ്രൂഷ രംഗത്ത് പതിറ്റാണ്ടുകളുടെ പരിചയമുള്ള ഡോക്ടർ ഫാത്തിമ ഹാഷിം, ഡോക്ടർ ഗോമതി പൊന്നുസാമി എന്നിവർ നേതൃത്വം നൽകുന്ന ഗൈനോക്കോളജി വിഭാഗവും ഡോക്ടർ എൽസയ്ദ് നേതൃത്വം നൽകുന്ന ശിശുരോഗ വിഭാഗവും മില്ലേനിയം ഹോസ്പിറ്റലിൽ പ്രവർത്തിക്കും.

എല്ലാ വിഭാഗങ്ങളിലും പരിചയ സമ്പന്നരായ ഡോക്ടർമാരുടെ സേവനവും കിടത്തി ചികിത്സാ സൗകര്യത്തിനായി അൻപതിൽ അധികം കിടക്ക കളും ഒരുക്കിയാണ് നവീന സംവിധാനങ്ങളോട് കൂടിയ മില്ലേനിയം ഹോസ്പിറ്റൽ തുറക്കുന്നത്. ഇതിൽ 20 കിടക്കകൾ നവജാത ശിശുക്കളുടെ പ്രത്യേക പരിചരണത്തിനു തയ്യാറാക്കിയിരിക്കുന്നു.

തരം ഹെൽത്ത് ഇൻഷ്വറൻസുകളും മില്ലേനിയം ഹോസ്പിറ്റൽ സ്വീകരിക്കും എന്നും മെഡിക്കൽ ഡയറൿടർ ഡോക്ടർ വി. ആർ. അനിൽ കുമാർ അറിയിച്ചു. അദ്ദേഹത്തെ കൂടാതെ സ്ത്രീ രോഗ വിദഗ്ദരായ ഡോക്ടർ ഫാത്തിമ ഹാഷിം, ഡോക്ടർ ഗോമതി പൊന്നുസാമി, ശിശുരോഗ വിദഗ്ദൻ ഡോക്ടർ എൽസയ്ദ് അയൂബ് രഖാ എന്നിവരും വാർത്ത സമ്മേളനത്തിൽ സംബന്ധിച്ചു.

- pma

വായിക്കുക: , , , , , , , , ,

അഭിപ്രായം എഴുതുക »

ഇ- സിഗരറ്റുകൾക്ക് നിരോധനം : നിയമം വീണ്ടും കർശ്ശനമാക്കി ഒമാൻ

January 11th, 2024

sultanate-of-oman-banned-e-cigarettes-and-e-sheesha-ePathram
മസ്കത്ത് : ഇലക്ട്രോണിക് സിഗരറ്റ്, ശീഷ, അനുബന്ധ സാധനങ്ങളും ഒമാനിൽ നിരോധിച്ച് ഉപഭോക്തൃ സംരക്ഷണ അഥോറിറ്റി (Consumer Protection Authority) നിലവിലുള്ള നിയമം (No. 698/2015) കൂടുതൽ കർശ്ശനമാക്കി പിഴ തുക വർദ്ധിപ്പിക്കുകയും ചെയ്തു കൊണ്ടാണ് ഉപഭോക്തൃ സംരക്ഷണ അഥോറിറ്റി പുതിയ നിയമം (N0. 756/2023) നടപ്പിലാക്കുന്നത്.

ഇ- സിഗരറ്റുകൾ, ശീഷ എന്നിവയുടെ ഉപയോഗത്തിന് നേരത്തെ 500 റിയാൽ പിഴയായി ഈടാക്കിയിരുന്നു. ഇപ്പോൾ പിഴത്തുക ഇരട്ടിയാക്കി. നിയമ ലംഘകർക്ക് 2,000 റിയാല്‍ വരെ പിഴ ലഭിക്കാവുന്ന കുറ്റകൃത്യം ആണിത്. പിടിച്ചെടുക്കുന്ന ഇ-സിഗരറ്റുകൾ, ഇ- ഹുക്ക മറ്റു അനുബന്ധ സാധനങ്ങൾ എന്നിവ അധികാരികൾ നശിപ്പിക്കുകയും ചെയ്യും. LaW

- pma

വായിക്കുക: , , , , ,

അഭിപ്രായം എഴുതുക »

50 കുട്ടികൾക്ക് സൗജന്യ ഹൃദയ സർജറികൾ പ്രഖ്യാപിച്ച് ഡോക്ടർ ഷംഷീർ വയലിൽ

January 5th, 2024

vps-group-dr-shamsheer-vayalil-with-lulu-group-m-a-yusuf-ali-ePathram
അബുദാബി : പ്രവാസ ജീവിതത്തിൽ 50 വർഷം പിന്നിട്ട എം. എ. യൂസഫലിയുടെ സമാനതകൾ ഇല്ലാത്ത പ്രവർത്തനങ്ങൾക്ക്‌ ആദരവുമായി നിർദ്ധനരായ 50 കുട്ടികൾക്ക് സൗജന്യ ഹൃദയ സർജറികൾ പ്രഖ്യാപിച്ച് പ്രവാസി സംരംഭകൻ ഡോക്ടർ ഷംഷീർ വയലിൽ.

സ്വന്തം ജീവിതത്തിലൂടെ സമൂഹത്തിന് മാതൃകയായി മാനവികമായ ജീവ കാരുണ്യ പ്രവർത്തനങ്ങളിൽ ഏർപ്പെടുകയും ചെയ്ത എം. എ. യൂസഫലിയിൽ നിന്നുള്ള പ്രചോദനമായാണ് കുട്ടികൾക്കും കുടുംബ ങ്ങൾക്കും ആശ്വാസകരമാകുന്ന പദ്ധതി പ്രഖ്യാപിച്ചത്.

ജന്മനാലുള്ള ഹൃദയ രോഗങ്ങൾ അനുഭവിക്കുന്ന 50 കുട്ടികൾക്കാണ് സൗജന്യമായി സർജറികൾ നൽകുക. ഇത്തരം കേസുകളിൽ ശസ്ത്ര ക്രിയക്ക് ഭാരിച്ച ചെലവ് വരുന്നതിനാൽ പ്രതിസന്ധിയിൽ ആവുന്ന നിർദ്ധന കുടുംബങ്ങൾക്ക് പ്രതീക്ഷയും കൈത്താങ്ങും ആയി തീരും പുതിയ സംരംഭം.

എം. എ. യൂസഫലിയുടെ മൂത്ത മകളും വി. പി. എസ്. ഹെൽത്ത് കെയർ വൈസ് ചെയർ പേഴ്സണുമായ ഡോ. ഷബീന യൂസഫലി യുടെ ഭർത്താവായ ഡോ. ഷംഷീർ വയലിൽ മിഡിൽ ഈസ്റ്റിലെ പ്രമുഖ ഹെൽത്ത് കെയർ ഗ്രൂപ്പ് ബുർജീൽ ഹോൾഡിംഗ്‌സ് സ്ഥാപകനും ചെയർമാനുമാണ്.

കുരുന്നുകൾക്ക് വേണ്ടിയുള്ള കാരുണ്യ പദ്ധതി, ആയിരങ്ങൾക്ക് സ്നേഹ സ്പർശമേകുന്ന ലുലു ഗ്രൂപ്പ് ചെയർമാൻ എം. എ. യൂസഫലി യുടെ സേവന നിരതമായ ജീവിതത്തിൻ്റെ സന്ദേശം പുതു തലമുറ യിലേക്ക് പകരാൻ വഴിയൊരുക്കും.

വി. പി. എസ്. ഹെൽത്ത് കെയർ ഗ്രൂപ്പിൻ്റെ യു. എ. ഇ. യി ലെയും ഇന്ത്യയിലെയും ഒമാനിലെയും ആശുപത്രി കളിലൂടെയാണ് പദ്ധതി നടപ്പാക്കുക.

dr-shamsheer-dr-shabeena-yusuffali-with-m-a-yusuffali-and- wife-shabira-yusuffali-ePathram

മനുഷ്യത്വ പരമായ ഇടപെടലുകൾ കുടുംബത്തിൻ്റെ തന്നെ ഭാഗമാണ് അതേ പാതയിലൂടെ എം. എ. യൂസഫലിയുടെ യു. എ. ഇ. യിലെ അര നൂറ്റാണ്ട് അടയാളപ്പെടുത്താനാണ് ശ്രമം എന്നും ഡോ. ഷംഷീർ പറഞ്ഞു. വെല്ലുവിളികൾ നേരിടുന്ന കുട്ടികളോടും കുടുംബങ്ങളോടും ഉള്ള സ്നേഹത്തിൻ്റെയും കരുതലിൻ്റെയും ഭാഗമായി പദ്ധതി മാറട്ടെ.

കുട്ടികളുടെ സർജറിയും ചികിത്സയും ഏറ്റെടുക്കുന്നതിലൂടെ അതിരുകൾ ഇല്ലാതെ സ്വപ്നം കാണാനും വളരാനും അവർക്ക് അവസരം ലഭിക്കട്ടെ എന്നും അദ്ദേഹം പ്രതീക്ഷ പങ്കു വച്ചു.

ആഗോള സംരംഭകനായ എം. എ. യൂസഫലി യുടെ ജൈത്ര യാത്രയുടെ തുടക്കം 1973 ഡിസംബർ 31 ന് ദുബായിലെ റാഷിദ് പോർട്ടിൽ ഇറങ്ങിയതോടെയാണ്. ചെറിയ തുടക്കത്തിലൂടെ വളർച്ചയിലേക്ക് നടന്നു കയറിയ അദ്ദേഹത്തിൻ്റെ യു. എ. ഇ. യിലെ അര നൂറ്റാണ്ട് കാലത്തെ പ്രവാസ ലോകവും ഭരണാധി കാരികളും ഏറെ ആദരവോടെയാണ് കാണുന്നത്.

ജീവ കാരുണ്യ പ്രവർത്തനങ്ങളിലൂടെ നിരവധി പേർക്ക് ആശ്വാസമായ യൂസഫലിയോടുള്ള ആദരവായി കുടുംബത്തിൽ നിന്ന് തന്നെയുള്ള പുതിയ പദ്ധതി വിവിധ രാജ്യങ്ങളിലെ കുട്ടികൾക്ക് സഹായ ഹസ്തമേകും.

- pma

വായിക്കുക: , , , , , ,

അഭിപ്രായം എഴുതുക »


« Previous Page« Previous « ഭരത് മുരളി നാടകോത്സവം ‘മരണ ക്കളി’ അരങ്ങേറി
Next »Next Page » മാമുക്കോയ സ്മാരക പുരസ്‌കാരം വിനോദ് കോവൂരിന് സമ്മാനിക്കും »



  • അടുത്ത വർഷം പകുതിയോടെ ഇ-ഇൻവോയ്സ് നിർബന്ധമാക്കും
  • കെ. എസ്. സി. ഒപ്പന മത്സരം സംഘടിപ്പിച്ചു
  • ഇയർ ഓഫ് കമ്മ്യൂണിറ്റി ക്യാമ്പയിൻ പോസ്റ്റർ അനാച്ഛാദനം ചെയ്തു
  • മനുഷ്യരെ ഒന്നായി കണ്ട മാര്‍പാപ്പ: അബുദാബി കെ. എം. സി. സി.
  • മാർപാപ്പയുടെ വിയോഗത്തിൽ രാഷ്ട്ര നേതാക്കൾ അനുശോചിച്ചു
  • രണ്ടാമത് മാമുക്കോയ പുരസ്കാരം പ്രഖ്യാപിച്ചു
  • എം. കെ. അബ്ദുൽ റഹ്‌മാൻ : കർമ്മ ഭൂമികയിൽ തന്നെ മടക്കയാത്ര
  • ആരോഗ്യ മേഖലയുടെ ചരിത്രവും ഭാവിയും പങ്കു വച്ച് ഡോ. ജോര്‍ജ്ജ് മാത്യു
  • ഡ്രൈവിംഗിനിടെ മൊബൈൽ ഫോൺ ഉപയോഗം : കണ്ടു പിടിക്കുവാൻ എ. ഐ. ക്യാമറകൾ
  • ഉംറ തീര്‍ത്ഥാടനം ഏപ്രില്‍ 29 മുതല്‍ ഹാജിമാര്‍ക്ക് മാത്രം
  • വീട് ഇല്ലാത്ത പ്രവാസിക്ക് വീട് നിർമ്മിച്ച് നൽകുന്നു
  • രാജപുരം ഹോളിഫാമിലി ഹയർ സെക്കൻഡറി സ്കൂൾ കൂട്ടായ്മ പുതിയ കമ്മിറ്റി
  • ലോഗോ പ്രകാശനം ചെയ്തു
  • കെ. എസ്. സി. ഈദ് ആഘോഷം ‘പെരുന്നാൾ നിലാവ്’ അരങ്ങേറി
  • കണ്ണൂർ ജില്ലാ കെ. എം. സി. സി. ഒരുക്കിയ ‘ഈദ് സംഗമം’ ശ്രദ്ധേയമായി
  • ഇമ ഇഫ്‌താർ വിരുന്നും കുടുംബ സംഗമവും
  • ഫാദേഴ്‌സ് എന്‍ഡോവ്‌മെന്റ് പദ്ധതി : ഡോ. ഷംഷീര്‍ വയലില്‍ അഞ്ച് ദശ ലക്ഷം ദിര്‍ഹം നല്‍കി
  • അബുദാബി മലയാളീസ് ഒരുക്കിയ ‘നൂറിഷ് റമദാൻ’ ശ്രദ്ധേയമായി
  • ഭരണാധികാരികൾക്ക് റമദാൻ ആശംസകൾ നേർന്ന് സലാം പാപ്പിനിശ്ശേരി
  • മുഹമ്മദ് ബിൻ സായിദ് ഫൗണ്ടേഷൻ ഫോർ ഹ്യുമാനിറ്റി സ്ഥാപിതമായി



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine