അബുദാബി : ലോക കപ്പ് ക്രിക്കറ്റ് തുടങ്ങിയതോടെ യു. എ. ഇ. മാർക്കറ്റിൽ ക്രിക്കറ്റ് അനുബന്ധ ഉത്പന്നങ്ങള്‍ക്ക് വിപണി യിൽ മികച്ച മുന്നേറ്റം എന്ന് പ്രമുഖ ഹൈപ്പർ മാർക്കറ്റ് ശൃംഗല യായ ലുലു ഗ്രൂപ്പ് എക്‌സിക്യുട്ടീവ് ഡയറക്ടര്‍ എം. എ. അഷ്‌റഫ് അലി അറിയിച്ചു.
ലോക കപ്പിനെ ആവേശ ത്തോടെ സ്വീകരിക്കുന്ന ക്രിക്കറ്റ് പ്രേമി കളാണ് യു. എ. ഇ. യില്‍ കൂടുതലും. അത് കൊണ്ട് തന്നെ ഇവരെ മുന്നില്‍ കണ്ട് ജഴ്സികളും മറ്റു ക്രിക്കറ്റ് അനുബന്ധ ഉത്പന്നങ്ങളും ഒരുക്കി യിട്ടുണ്ട്.
ലുലുവിന്റെ എല്ലാ പ്രധാന ഹൈപ്പര്‍ മാര്‍ക്കറ്റുകളിലും യു. എ. ഇ. ഇന്ത്യ, ഓസ്‌ട്രേലിയ, പാകിസ്ഥാന്‍, ബംഗ്ലാദേശ്, ഇംഗ്ലണ്ട്, ശ്രീലങ്ക, ദക്ഷിണാഫ്രിക്ക, അഫ്ഘാനിസ്ഥാന്‍, സ്‌കോട്ട്‌ലന്‍ഡ് അയര്‍ലന്‍ഡ്, സിംബാബ്വേ തുടങ്ങി മുഴുവന്‍ ടീമുകളുടെയും ജെഴ്‌സികള്‍ വില്പന യ്ക്കുണ്ട്.
മിഡില്‍ ഈസ്റ്റിലെ ലുലുവിന്റെ നൂറിലധികം ശാഖകളിലൂടെ ക്രിക്കറ്റ് ഉത്പന്നങ്ങള്‍ എല്ലാവരിലേക്കും എത്തുമെന്ന് ബന്ധപ്പെട്ടവര്‍ അറിയിച്ചു.
