 |
 |
 |
 |
 |
 |
 |
 |
 |
 |
 |
 |
 |
 |
അബുദാബി: ഇസ്ലാമിക പുതു വര്‍ഷ പിറവി (മുഹര്‍റം) പ്രമാണിച്ചു നവംബര്‍ 15 വ്യാഴാഴ്ച രാജ്യത്തെ മന്ത്രാലയ ങ്ങള്‍ക്കും സര്‍ക്കാര്‍ മേഖല സ്ഥാപന ങ്ങള്‍ക്കും അവധി ആയിരിക്കും എന്ന് ഫെഡറല്‍ അതോറിറ്റി പ്രഖ്യാപിച്ചു. സ്വകാര്യ മേഖല കള്‍ക്കും ഇതേ ദിവസം അവധി ആയിരിക്കും എന്ന് തൊഴില്‍ മന്ത്രി സഖര്‍അല്‍ ഖോബാഷ്‌ അറിയിച്ചു.
ഭരണാധി കാരികളായ ശൈഖ് ഖലീഫ ബിന്‍ സായിദ് അല് നഹ്യാന്, ശൈഖ് മുഹമ്മദ് ബിന്‍ റാഷിദ്‌ അല് മക്തൂം മറ്റു വകുപ്പു മന്ത്രിമാരും ഇസ്ലാമിക വര്‍ഷ പിറവി ആശംസ അറിയിച്ചു.
-അബൂബക്കര്‍ പുറത്തീല്‍ – അബുദാബി
- pma
അബുദാബി : 2012 ജനുവരി മുതല്‍ സെപ്തംബര്‍ അവസാനം വരെയുള്ള ഒന്‍പതു മാസത്തിനുള്ളില്‍ അബുദാബി വിമാനത്താവളം വഴി യാത്ര ചെയ്തവരുടെ എണ്ണത്തില്‍ 20.7 ശതമാനം വര്‍ദ്ധനവ്‌. ഈ ഒന്‍പതു മാസത്തിനിടെ 10.9 മില്യന്‍ യാത്രക്കാരാണ് വിമാനത്താവളം വഴി യാത്ര ചെയ്തിട്ടുള്ളത്. കഴിഞ്ഞ വര്‍ഷം ഇതേ കാലയളവില്‍ യാത്രചെയ്തത് 9 മില്യന്‍ യാത്രക്കാരായിരുന്നു എന്നും അബുദാബി എയര്‍പോര്‍ട്ട് കമ്പനി(അഡാക്) വാര്‍ത്താ കുറിപ്പില്‍ അറിയിച്ചു.
1.2 മില്യന്‍ യാത്രക്കാര്‍ സെപ്റ്റംബര്‍ മാസ ത്തില്‍ മാത്രമായി യാത്ര ചെയ്തു. കഴിഞ്ഞ വര്‍ഷത്തെക്കാള്‍ 14.5 ശതമാനം വളര്‍ച്ച കൈവരിച്ചു. ഈ വര്‍ഷം 413,000 ടണ്‍ കാര്‍ഗോയും അബുദാബി വിമാന ത്താവളംവഴി കൊണ്ടു പോയിരുന്നു. കഴിഞ്ഞ വര്‍ഷത്തേ ക്കാള്‍ 18.2 ശതമാനം വളര്‍ച്ചയും കൈവരിച്ചിട്ടുണ്ട്. 10057 വിമാനങ്ങള്‍ യാത്രക്കാരെ കൊണ്ടു പോകുകയും വരികയും ചെയ്തു. അതും കഴിഞ്ഞ വര്‍ഷ ത്തേക്കാള്‍ 8.4 ശതമാനമാണ് വളര്‍ച്ച. കാര്‍ഗോ കഴിഞ്ഞ വര്‍ഷത്തെ ക്കാള്‍ 25 ശതമാനം വളര്‍ച്ചയുമുണ്ട്.
അബുദാബി യുടെ വളര്‍ച്ച യുടെ ഭാഗമായാണ് വിമാന ത്താവളത്തിലൂടെയുള്ള യാത്ര ക്കാരുടെ വര്‍ദ്ധനവിന് കാരണം.
-അയച്ചു തന്നത് : അബൂബക്കര്‍ പുറത്തീല്‍ – അബുദാബി
- pma
അബുദാബി: തിങ്കളാഴ്ച ഉച്ചക്ക് രണ്ടര മണിക്ക് അബുദാബിയില്‍ ആഞ്ഞു വീശിയ ശക്തമായ പൊടിക്കാറ്റ് നഗര ത്തിന്റെ പല ഭാഗങ്ങളെയും കനത്ത പൊടിപടല ങ്ങളില്‍ മുക്കി. ഹൈവേകളില്‍ വാഹന വേഗത കുറക്കേണ്ടി വന്നു. കാല്‍നട യാത്രക്കാര്‍ക്കും പ്രയാസമുണ്ടായി.
ടൂറിസ്റ്റ്‌ ക്ലബ്‌ ഏരിയ യില്‍ പണി നടക്കുന്ന കെട്ടിട ത്തില്‍ നിന്ന് വസ്തുക്കള്‍ താഴേക്കു പറന്നു വരിക യായിരുന്നു എന്നു സമീപത്തെ താമാസക്കാരായ വടകര സ്വദേശി നാസര്‍ അത്തിക്കോളി, കണ്ണൂര്‍ സ്വദേശി റിയാസ്‌ എന്നിവര്‍ പറഞ്ഞു.
ടൂറിസ്റ്റ്ക്ലബ്‌ ഏരിയ കൂടാതെ പാസ്പ്പോര്‍ട്ട് റോഡ് (അല് ഫലാഹ് ) ഹംദാന്‍ ഇവിടങ്ങളിലും മുസ്സഫ യിലുമാണ് പൊടിക്കാറ്റ് കൂടുതലും ജനങ്ങളെ വലച്ചത്. ശക്തമായി പൊടി ഉണ്ടായതിനാല്‍ അബുദാബി മാളിനു മുന്‍വശത്തു പല വാഹനങ്ങളും നിര്‍ത്തിയിടുകയും ചെയ്തു. വാഹന ങ്ങള്‍ക്ക് മുന്നില്‍ കൂടി പൊടി പടലങ്ങള്‍ പറക്കുന്ന തിനാല്‍ മുന്‍വശം കാണുവാന്‍ വളരെ പ്രയാസപ്പെട്ടു
സര്‍ക്കാര്‍ സ്ഥാപന ങ്ങളില്‍ ജോലി ചെയ്യുന്നവര്‍ പുറത്തിറങ്ങാന്‍ പറ്റാതെ ഓഫിസുകളില്‍ തന്നെ കഴിച്ചുകൂട്ടി. വാഹന ഗതാഗതം തടസ്സപ്പെട്ടത്‌ ഒഴിച്ചാല്‍ മറ്റു നാശനഷ്ട ങ്ങള്‍ ഒന്നും റിപ്പോര്‍ട്ട് ചെയ്തിട്ടില്ല.
-അബൂബക്കര്‍ പുറത്തീല്‍ – അബുദാബി
- pma
അബുദാബി: ബലി പെരുന്നാള്‍ ആഘോഷത്തോട് അനുബന്ധിച്ച് വാഹന യാത്രക്കാര്‍ക്കായി അബുദാബി പോലീസ് മിഠായി പൊതികള്‍ വിതരണം ചെയ്തു. നഗര ത്തിലും പുറത്തുമുളള വിവിധ റോഡുകളില്‍ പെരുന്നാള്‍ ആശംസകള്‍ നേര്‍ന്നു കൊണ്ടാണ് മധുരം വിതരണം ചെയ്തത്.
പൊതുജന ബോധവല്‍കരണ ത്തിന്റെ ഭാഗമായി ഡ്രൈവര്‍മാര്‍ക്ക് നിര്‍ദ്ദേശങ്ങള്‍ നല്കി.
സുരക്ക്കായുള്ള സീറ്റ് ബെല്‍റ്റുകള്‍ ധരിക്കുക, മൊബൈല്‍ സംഭാഷണം ഒഴിവാക്കുക, പത്ത് വയസ്സിനു താഴെയുള്ള കുഞ്ഞുങ്ങളെ മുന്‍ സീറ്റില്‍ ഇരുത്താതിരിക്കുക, വാഹനങ്ങള്‍ തമ്മിലുള്ള ദൂരം പാലിക്കുക, കാല്‍ നട യാത്രക്കാരെ മാനിക്കുക, സീബ്ര ക്രോസിംഗു കളില്‍ റോഡ് മുറിച്ചു കടക്കാന്‍ സൗകര്യം ചെയ്തു കൊടുക്കുക, പാര്‍ക്കുകള്‍ക്ക്‌ അടുത്തു സംയമനം പാലിച്ചു കൊണ്ട് വാഹനം ഓടിക്കുക, ഡ്രൈവിംഗിനിടെ മന:സാന്നിധ്യം നഷ്ട പ്പെടാതിരിക്കുക തുടങ്ങിയവ കൃത്യമായി പാലിക്കണമെന്ന് നിര്‍ദേശിച്ച പോലീസ് ഉദ്യോഗസ്ഥര്‍ പെരുന്നാള്‍ ആശംസകള്‍ കൂടാതെ ‘നിങ്ങളുടെ സുരക്ഷയ്ക്ക്’ എന്ന ക്യാമ്പയിനെ കുറിച്ചും വിവരിച്ചു കൊടുക്കുകയും ചെയ്തു.
-അയച്ചു തന്നത് : അബൂബക്കര്‍ പുറത്തീല്‍ – അബുദാബി
- pma
അബുദാബി : ശൈഖ് സായിദ് വലിയ പള്ളി യില്‍ നടന്ന ബലി പെരുന്നാള്‍ നിസ്കാര ത്തില്‍ ഭരണാധി കാരികളും പൗരപ്രമുഖരും പങ്കെടുത്തു.
അബുദാബി കിരീടാവകാശിയും യു. എ. ഇ. ഡെപ്യൂട്ടി സുപ്രീം കമാണ്ടറുമായ ശൈഖ് മുഹമ്മദ് ബിന്‍ സായിദ് അല് നഹ്യാന്, ഉപ പ്രധാന മന്ത്രിയും ആഭ്യന്തര മന്ത്രിയുമായ ശൈഖ് സൈഫ്‌ ബിന്‍ സായിദ് അല് നഹ്യാന്, ശൈഖ് സൈഫ്‌ ബിന്‍ മുഹമ്മദ് അല് നഹ്യാന്, ശൈഖ് സുറൂര്‍ ബിന്‍ മുഹമ്മദ് അല് നഹ്യാന്, ശൈഖ് ഹസ്സ ബിന്‍ സായിദ് അല് നഹ്യാന്, ശൈഖ് സയീദ് ബിന്‍ സായിദ് അല് നഹ്യാന്, ശൈഖ് നഹ്യാന് ബിന്‍ സായിദ് അല് നഹ്യാന്, ശൈഖ് തഹനൂന്‍ ബിന്‍ സായിദ് അല് നഹ്യാന്, ശൈഖ് ദിയാബ്‌ ബിന്‍ സായിദ് അല് നഹ്യാന്, ഒമര്‍ ബിന്‍ സായിദ് അല് നഹ്യാന്, ഡോക്റ്റര്‍ സുല്‍ത്താന്‍ ബിന്‍ ഖലീഫ അല്നഹ്യാന്‍, ഉന്നത വിദ്യാഭ്യാസ ഗവേഷണ മന്ത്രി ശൈഖ് നഹ്യാന് ബിന്‍ മുബാറക്‌ അല് നഹ്യാന്, പൊതു മരാമത്തു മന്ത്രി ശൈഖ് ഹംദാന്‍ ബിന്‍ മുബാറക്‌ അല് നഹ്യാന്, ഉന്നത പട്ടാള മേധാവികള്‍, ഉന്നത പോലീസ് മേധാവികള്‍, സുരക്ഷാ ഉദ്യോഗസ്ഥര്‍, അറബ്, ഇസ്ലാമിക്‌ രാജ്യ ങ്ങളിലെ പ്രമുഖര്‍ തുടങ്ങിയവര്‍ പങ്കെടുത്തു.
രാജ്യ ത്തിന്റെമ ഒട്ടുമിക്ക സ്ഥല ങ്ങളില്‍ നിന്നും ഒട്ടേറെപ്പേര്‍ പെരുന്നാള്‍ നിസ്കാര ത്തിനായി എത്തി ച്ചേര്‍ന്നിരുന്നു. പ്രസിഡന്റിന്റെ മതകാര്യ ഉപദേഷ്ടാവ് അലി അല് ഹാശ്മി പെരുന്നാള്‍ നിസ്കാര ത്തിനു നേതൃത്വം നല്കി.
-അയച്ചു തന്നത് : അബൂബക്കര്‍ പുറത്തീല്‍ – അബുദാബി
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
