ദുബായ് : കഴിഞ്ഞ ഏഴു വര്‍ഷമായി ദുബായിലെ സാംസ്കാരിക രംഗത്ത് പ്രവര്‍ത്തിച്ചു വരുന്ന സ്വരുമ ദുബായ് പുതിയ ഭാരവാഹികളെ തെരഞ്ഞെടുത്തു. പ്രസിഡണ്ട് ഹസൈനാര്‍. പി. എടച്ചാക്കൈ, ജനറല്‍ സെക്രട്ടറി സുബൈര്‍ വെള്ളിയോട്, ട്രഷറര്‍ ലത്തീഫ് തണ്ഡലം, വൈസ് പ്രസിഡന്‍റ് : ജലീല്‍ ആനക്കര, മജീദ്‌ വടകര, അസീസ്‌ തലശ്ശേരി, ജോയന്റ് സെക്രട്ടറി : പ്രവീണ്‍ ഇരിങ്ങല്‍, സുബൈര്‍ പറക്കുളം, ജാന്‍സി ജോഷി എന്നിവരാണ് പുതിയ ഭാരവാഹികള്‍.
ലീഗല്‍ അഡ്വൈസര്‍ സലാം പാപ്പിനിശ്ശേരി, മീഡിയ സെക്രട്ടറി സുമ സനല്‍, പബ്ലിക്‌ റിലേഷന്‍സ് മുജീബ്‌ കോഴിക്കോട്‌, ഓഡിറ്റ്‌ : സജി ആലപ്പുഴ, ജലീല്‍ നാദാപുരം, രക്ഷാധികാരികള്‍: എസ്. പി. മഹമൂദ്, വി. പി. ഇബ്രാഹിം, സ്വരുമയുടെ പോഷക സംഘടനയായ സ്വരുമ വിഷന്‍ ചെയര്‍പേഴ്‌സണ്‍ റീനാ സലിം, ഡയറക്ടര്‍ സക്കീര്‍ ഒതളൂര്‍ എന്നിവരെയും തെരഞ്ഞെടുത്തു.
പുതിയ കമ്മറ്റി യുടെ ആദ്യ പരിപാടി യായി സോനാപൂര്‍ ലേബര്‍ ക്യാമ്പില്‍ ഫെബ്രുവരി 18 വെള്ളിയാഴ്ച ബര്‍ദുബായ് ബദറുല്‍ സമ മെഡിക്കല്‍ സെന്‍ററുമായി സഹകരിച്ച് ഒരു സൌജന്യ മെഡിക്കല്‍ ക്യാമ്പ്‌ നടത്തുന്നതായിരിക്കും എന്ന് ഭാരവാഹികള്‍ അറിയിച്ചു.
വിശദ വിവരങ്ങള്‍ക്ക് : സുബൈര്‍ വെള്ളിയോട് 050 25 42 162
ദുബായ്; യു. എ. ഇ. യിലെ യുവ പ്രവാസി കള്‍ക്കായി സീതി സാഹിബ് വിചാര വേദി യു. എ. ഇ. ചാപ്റ്റര്‍ പ്രസംഗ മത്സരം സംഘടിപ്പിക്കുന്നു. 35 വയസ്സിനു താഴെ പ്രായമുള്ളവര്‍ക്ക് പങ്കെടുക്കാം. ദുബായ് കെ. എം. സി. സി. ഹാളില്‍ ഫെബ്രുവരി 18 വെള്ളിയാഴ്ച നടക്കുന്ന മത്സരത്തില്‍ പങ്കെടുക്കാന്‍ ആഗ്രഹിക്കുന്നവര്‍ കൂടുതല്‍ വിവരങ്ങള്‍ക്ക് ഇസ്മയില്‍ ഏറാമല (0552796530) എന്ന നമ്പറിലോ, seethisahibvicharavedhi അറ്റ്‌ gmail ഡോട്ട് com എന്ന ഈമെയിലിലോ ബന്ധപ്പെടുക. പേരുകള്‍ ഫെബ്രുവരി 10 നു മുമ്പായി ലഭിച്ചിരിക്കണം. വിജയികള്‍ക്ക് മാര്‍ച്ച്‌ 11 നു ഷാര്‍ജ യില്‍ നടക്കുന്ന സമ്മേളനത്തില്‍ സമ്മാനദാനം നടത്തും
