ഷാര്‍ജ : പ്രവാസികള്‍ക്ക്‌ വോട്ടവകാശം നല്‍കാനുള്ള മന്‍മോഹന്‍ സിംഗ് സര്‍ക്കാരിന്റെ നടപടികള്‍ എന്തുകൊണ്ടും അഭിനന്ദനം അര്‍ഹിക്കുന്നതാണെന്ന് എം. മുരളി എം. എല്‍. എ. അഭിപ്രായപ്പെട്ടു. നോണ്‍ റെസിഡന്റ് മാവേലിക്കര അസോസിയേഷന്‍ (നോര്‍മ) യു.എ.ഇ. തനിക്കും മാവേലിക്കര ബിഷപ്‌ മൂര്‍ കോളേജ് പ്രിന്‍സിപ്പലും പ്രമുഖ പരിസ്ഥിതി പ്രവര്‍ത്തകനുമായ ഡോ. മാത്യു കോശി പുന്നയ്ക്കാടിനും നല്‍കിയ സ്വീകരണത്തില്‍ മറുപടി പ്രസംഗം നടത്തുകയായിരുന്നു എം. മുരളി.
പ്രവാസികള്‍ക്ക്‌ വോട്ടവകാശം നല്‍കുക വഴി ഇന്ത്യന്‍ ജനാധിപത്യം കൂടുതല്‍ ശക്തിപ്പെടുമെന്നും എം. മുരളി അഭിപ്രായപ്പെട്ടു.
പ്രസിഡണ്ട് മേരി ദാസന്‍ തോമസിന്റെ അദ്ധ്യക്ഷതയില്‍ ഷാര്‍ജ ഇന്‍ഡ്യന്‍ അസോസിയേഷന്‍ പ്രസിഡണ്ട് കെ. ബാലകൃഷ്ണന്‍ സമ്മേളനം ഉല്‍ഘാടനം ചെയ്തു. ബിസിനസ് 24/7 എഡിറ്റര്‍ ഭാസ്കര്‍ രാജ്, ജി. മോഹന്‍ദാസ്‌, പോള്‍ ജോര്‍ജ്‌ പൂവത്തേരില്‍, വര്‍ഗീസ്‌ ജോര്‍ജ്‌, കെ. കെ. ഷാജി എന്നിവര്‍ പ്രസംഗിച്ചു.
രാധാകൃഷ്ണ പിള്ള, വേണു ജി. നായര്‍, സി. കെ. പി. കുറുപ്പ്, രാജേഷ്‌ ഉണ്ണിത്താന്‍, അജയ്‌ കുറുപ്പ്, ടി. കെ. ജോര്‍ജ്‌, രാജേന്ദ്ര നാഥന്‍, ജോര്‍ജ്‌ മുത്തേരി, കോശി ഇടിക്കുള എന്നിവര്‍ നേതൃത്വം നല്‍കി.
എം. മുരളി എം. എല്‍. എ. യ്ക്ക് ജി. മോഹന്‍ ദാസും, ഡോ. മാത്യു കോശി പുന്നയ്ക്കാടിനെ പ്രശസ്ത സിനിമാ നിര്‍മ്മാതാവ്‌ കെ. വി. മധുസൂദനനും പൊന്നാട അണിയിച്ചു ആദരിച്ചു.
നോര്‍മ കുടുംബാംഗങ്ങളുടെ കുട്ടികളുടെ കലാ പരിപാടികളും ഉണ്ടായിരുന്നു.
ദുബായ് : ഇശൈ ജ്ഞാനി ഇളയരാജയുടെ ആദ്യ ചലച്ചിത്രേതര ആല്‍ബമായ “ഹൌ ടു നെയിം ഇറ്റ്‌” ദുബായില്‍ ഒരു സംഘം കലാകാരന്മാര്‍ ആവിഷ്കരിച്ചു. ദുബായ് ഫ്ലോറ ഗ്രാന്‍ഡ്‌ ഹോട്ടലില്‍ നടന്ന ദര്‍ശന യു.എ.ഇ. സംഗമം – 2010ലാണ് ഈ അപൂര്‍വ സംഗീതാനുഭവം യു.എ.ഇ. യിലെ സംഗീത പ്രേമികള്‍ക്ക്‌ അനുഭവവേദ്യമായത്. കരോക്കെയുടെ സഹായമില്ലാതെ ലൈവ് ആയി ഇത്തരമൊരു സംഗീത പരിപാടി ഗള്‍ഫ്‌ മേഖലയില്‍ തന്നെ ഇതാദ്യമായിട്ടാണ്.
ദുബായ് : പാലക്കാട്‌ എന്‍. എസ്. എസ്. എന്‍ജിനീയറിംഗ് കോളജ്‌ പൂര്‍വ വിദ്യാര്‍ത്ഥികളുടെ ആഗോള സംഘടനായ ദര്‍ശന യുടെ യു.എ.ഇ. ചാപ്റ്റര്‍ സംഘടിപ്പിച്ച കുടുംബ സംഗമം ദര്‍ശന യു.എ.ഇ. സംഗമം 2010 ദുബായ് ഫ്ലോറ ഗ്രാന്‍ഡ്‌ ഹോട്ടലില്‍ വെച്ച് നടന്നു. ദര്‍ശന എക്സിക്യൂട്ടിവ്‌ കമ്മിറ്റി അംഗവും അധ്യക്ഷനുമായ അരുണന്‍ ടി. എന്‍. സംഗമം ഉദ്ഘാടനം ചെയ്തു. മനു രവീന്ദ്രന്‍ സ്വാഗതം പറഞ്ഞു.
അബുദാബി : കല അബുദാബി യുടെ 2010 -11 ലെ കമ്മിറ്റി തിരഞ്ഞെടുപ്പ് നടന്നു. പ്രസിഡന്‍റ് അമര്‍ സിംഗ് വലപ്പാട്, ജനറല്‍ സെക്രട്ടറി മോഹന്‍ പിള്ള, ട്രഷറര്‍ മോഹന്‍ ദാസ് ഗുരുവായൂര്‍, എന്നിവരെയും രക്ഷാധികാരി കളായി ഡോ. മൂസ്സ പാലക്കല്‍, നാരായണന്‍ നായര്‍ എന്നിവരെയും തിരഞ്ഞെടുത്തു. മറ്റു ഭാര വാഹിക ളായി ടി. പി. ഗംഗാധരന്‍, ജനാര്‍ദ്ദന ദാസ് കുഞ്ഞി മംഗലം, പി. പി. ദാമോദരന്‍, സുരേഷ് കാടാച്ചിറ (വൈസ് പ്രസിഡന്‍റ്), ബഷീര്‍, ദിനേഷ് ബാബു, പ്രമോദ് ജി. നമ്പ്യാര്‍ (ജോ. സെക്രട്ടറി), ക്രയോണ്‍ ജയന്‍ (കലാ വിഭാഗം സെക്രട്ടറി), ഗോപാല്‍ (ബാല വേദി കണ്‍വീനര്‍), സോണിയാ വികാസ് (വനിതാ വിഭാഗം കണ്‍വീനര്‍) എന്നിവ രേയും മറ്റു ഇരുപത് അംഗ എക്‌സിക്യൂട്ടീവ് കമ്മിറ്റി യെയും തെരഞ്ഞെടുത്തു.
ദുബായ് : പൊന്നാനി എം. ഇ. എസ്. കോളേജ് അലുംമിനി യു. എ. ഇ. ചാപ്റ്ററിന്റെ ആഭിമുഖ്യത്തില്‍ ജൂണ്‍ പതിനെട്ട് വെള്ളിയാഴ്ച മൂന്നു മണി മുതല്‍ ദുബായ് ഗുസൈസിലുള്ള അല്‍ ഹസന്‍ ഓഡിറ്റോറിയത്തില്‍ (പഴയ സായദ് യൂനിവേഴ്സിറ്റി ക്യാമ്പസ്‌) വെച്ച് വിവിധ കലാ – കായിക പരിപാടികളോടെ വാര്‍ഷിക ആഘോഷ പരിപാടികള്‍ (പൊന്‍ ഫെസ്റ്റ് 2010) സംഘടിപ്പിക്കുന്നു.
