 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : കലാ സാംസ്കാരിക കൂട്ടായ്മ മെഹ്ഫിൽ ഇന്റർ നാഷണൽ സംഘടിപ്പിക്കുന്ന ‘മെഹ്ഫിൽ മേരെ സനം സീസൺ-4’ പ്രോഗ്രാം 2025 നവംബർ 22 ശനിയാഴ്ച വൈകുന്നേരം 5:30 മുതൽ ഷാർജ ഇന്ത്യൻ അസോസ്സിയേഷൻ ഹാളിൽ നടക്കും.
വിവിധ മേഖലകളിൽ മികവ് തെളിയിച്ച പ്രതിഭകളെ ആദരിക്കും. ഷോർട്ട് ഫിലിം ഫെസ്റ്റിവൽ, അവാർഡ് വിതരണം, കൂടാതെ കരോക്കെ ഗാനമേള, ഫാൻസി ഡ്രസ്സ്, മിമിക്രി, നൃത്ത നൃത്യങ്ങൾ എന്നിവ മെഹ്ഫിൽ മേരെ സനം സീസൺ-4 കൂടുതൽ ആകർഷകമാക്കും. വിവരങ്ങൾക്ക് : 050 402 1997.
- pma
അബുദാബി : ഗൾഫ് പര്യടനത്തിന്റെ ഭാഗമായി അബുദാബിയിൽ എത്തിയ മുഖ്യമന്ത്രി പിണറായി വിജയൻ യു. എ. ഇ. സഹിഷ്ണുതാ-സഹവർത്തിത്വ വകുപ്പ് മന്ത്രിയും രാജ കുടുംബാംഗവുമായ ശൈഖ് നഹ്യാൻ ബിൻ മുബാറക് അൽ നഹ്യാനെ സന്ദർശിച്ചു. അബുദാബിയിലെ കൊട്ടാരത്തില് വെച്ചായിരുന്നു ശൈഖ് നഹ്യാന് ബിന് മുബാറക് അല് നഹ്യാനും മുഖ്യമന്ത്രിയും തമ്മിലുള്ള കൂടിക്കാഴ്ച.
കേരളവും യു. എ. ഇ. യുമായുള്ള ബന്ധം കൂടുതൽ ഊഷ്മളം ആക്കുന്നതുമായി ബന്ധപ്പെട്ട കാര്യങ്ങൾ ചർച്ചയിൽ ഉയർന്നു വന്നു എന്ന് സന്ദർശനത്തിന് ശേഷം മുഖ്യമന്ത്രി ഫെയ്സ് ബുക്കിൽ കുറിച്ചു.
ശനിയാഴ്ച രാവിലെ നടന്ന കൂടിക്കാഴ്ചയിൽ സാംസ്കാരിക വകുപ്പ് മന്ത്രി സജി ചെറിയാന്, യു. എ. ഇ. യിലെ ഇന്ത്യന് അംബാസഡര് ഡോ. ദീപക് മിത്തല്, ചീഫ് സെക്രട്ടറി ഡോ. ജയതിലക്, ലുലു ഗ്രൂപ്പ് ചെയര്മാന് എം. എ. യൂസഫലി തുടങ്ങിയവർ മുഖ്യമന്ത്രിയോടൊപ്പം എത്തിയിരുന്നു.
വെള്ളിയാഴ്ച രാത്രി ഏറെ വൈകിയാണ് മുഖ്യ മന്ത്രിയും സംഘവും അബുദാബി അൽ ബത്തീൻ എയർ പോർട്ടിൽ വിമാനം ഇറങ്ങിയത്. ഇന്ത്യൻ അംബാസിഡർ ദീപക് മിത്തൽ എം. എ. യൂസഫലി, പ്രവാസി സംഘടനാ പ്രതിനിധികൾ ചേർന്ന് മുഖ്യ മന്ത്രിയെ സ്വീകരിച്ചു.
നവംബർ 9 ഞായറാഴ്ച വൈകുന്നേരം അബുദാബി സിറ്റി ഗോൾഫ് ക്ലബ്ബ് മൈതാനത്ത് സംഘടിപ്പിക്കുന്ന മലയാളോത്സവം പരിപാടിയിൽ മുഖ്യമന്ത്രി പ്രവാസി മലയാളികളെ അഭിസംബോധന ചെയ്യും. Image Credit : F B
- pma
വായിക്കുക: social-media, അബുദാബി, ഇന്ത്യന് കോണ്സുലേറ്റ്, കേരള രാഷ്ട്രീയ നേതാക്കള്, പ്രവാസി, ബഹുമതി, യു.എ.ഇ., സംഘടന
അബുദാബി : കേരള മുഖ്യമന്ത്രി പിണറായിവിജയന് അബുദാബിയിലെ മലയാളി സമൂഹം സ്വീകരണം നൽകുന്നു.
മലയാളോത്സവം എന്ന പേരിൽ 2025 നവംബർ 9 ഞായറാഴ്ച വൈകുന്നേരം ആറു മണിക്ക് അബുദാബി സിറ്റി ഗോൾഫ് ക്ലബ്ബ് മൈതാനത്ത് സംഘടിപ്പിക്കുന്ന മലയാളോത്സവം പരിപാടിക്ക് വേണ്ടിയുള്ള ഒരുക്കങ്ങൾ പൂർത്തിയായി എന്ന് സംഘാടകർ വാർത്താ സമ്മേളനത്തിൽ അറിയിച്ചു.
കേരളപ്പിറവിയുടെ എഴുപതാം വാർഷികവുമായി ബന്ധപ്പെട്ടാണ് മലയാളോത്സവം സംഘടിപ്പിക്കുന്നത്. അബുദാബി യിലെയും അൽ ഐനിലെയും അംഗീകൃത പ്രവാസി സംഘടനകളും ലോക കേരള സഭ, മലയാളം മിഷൻ എന്നിവരു ടെയും നേതൃത്വ ത്തിലുള്ള സംഘാടക സമിതിയാണ് ഒരുക്കങ്ങൾ നടത്തുന്നത്.
യു. എ. ഇ. സഹിഷ്ണുത സഹവർത്തിത്വ വകുപ്പ് മന്ത്രി ശൈഖ് നഹിയാൻ ബിൻ മുബാറക് അൽ നഹ്യാൻ മലയാളോത്സവം ഉദ്ഘാടനം ചെയ്യും.
ഇന്ത്യൻ അംബാസിഡർ ദീപക് മിത്തൽ, സാംസ്കാരിക വകുപ്പ് മന്ത്രി സജി ചെറിയാൻ, കേരള ചീഫ് സെക്രട്ടറി ജയ തിലക്, ലുലു ഗ്രൂപ്പ് മേധാവി എം. എ. യൂസഫലി മറ്റു സാംസ്കാരിക പ്രമുഖരും ചടങ്ങിൽ സംബന്ധിക്കും.
ഞായറാഴ്ച വൈകുന്നേരം 6 മണി മുതൽ തുടക്കമാവുന്ന മലയാളോത്സവം പരിപാടിയിൽ കേരളത്തനിമയും അറബ് സംസ്കൃതിയും സമന്വയിപ്പിക്കുന്ന വിവിധ കലാ പരിപാടികൾ അരങ്ങേറും.
എട്ടു വർഷങ്ങൾക്കു ശേഷം തലസ്ഥാനത്ത് എത്തുന്ന മുഖ്യമന്ത്രിയെ വരവേൽക്കാൻ അബുദാബിയിലെ പ്രവാസികൾ ആവേശത്തോടെ കാത്തിരിക്കുകയാണ്. പ്രതി സന്ധി ഘട്ടങ്ങളിൽ പ്രവാസികൾ ഉൾപ്പെടെ യുള്ള മുഴുവൻ മലയാളികളെയും ചേർത്തു പിടിച്ച മുഖ്യ മന്ത്രിയെ നേരിട്ട് കാണാനും കേൾക്കാനും ഉള്ള പ്രവാസികളുടെ സുലഭാവസരം കൂടിയാണിത് എന്നും സംഘാടകർ പറഞ്ഞു.
അലൈൻ, മുസഫ, അബുദാബി യുടെ വിവിധ പ്രദേശങ്ങളിൽ നിന്നും വാഹന സൗകര്യം ഏർപ്പെടുത്തിയിട്ടുണ്ട്.
സംഘാടക സമിതി ചെയർമാൻ അഡ്വക്കേറ്റ് അൻസാരി സൈനുദ്ദീൻ, വൈസ് ചെയർമാൻ ഇ. കെ. സലാം, രക്ഷാധികാരി റോയ് ഐ. വർഗീസ്, കോഡിനേറ്റർ കെ. കൃഷ്ണകുമാർ, കേരള സോഷ്യൽ സെൻറർ പ്രസിഡണ്ട് ടി. കെ. മനോജ്, മലയാളി സമാജം പ്രസിഡണ്ട് സലിം ചിറക്കൽ, ഇന്ത്യ സോഷ്യൽ സെൻറർ പ്രസിഡണ്ട് ജയചന്ദ്രൻ നായർ, ലോക കേരള പി. വി. പത്മനാഭൻ, മലയാളം മിഷൻ ചെയർമാൻ എ. കെ. ബീരാൻ കുട്ടി തുടങ്ങിയവർ വാർത്താ സമ്മേളനത്തിൽ പങ്കെടുത്തു.
- pma
അബുദാബി : വേൾഡ് മലയാളി കൗൺസിൽ (WMC) അബുദാബി പ്രൊവിൻസ് ‘ഒരു വട്ടം കൂടി’ എന്ന പേരിൽ അൽ റഹബ ഫാമിൽ സംഘടിപ്പിച്ച ഈ വർഷത്തെ ഓണാഘോഷം ശ്രദ്ധേയമായി.
WMC അബുദാബി പ്രൊവിൻസ് പ്രസിഡണ്ട് ഷരീഫ് അഞ്ചൽ അദ്ധ്യക്ഷത വഹിച്ചു. ഗ്ലോബൽ പ്രസിഡണ്ട് ജോൺ മത്തായി ഉദ്ഘാടനം ചെയ്തു. NRK ഫോറം പ്രസിഡണ്ട് ഇ. എ. ഹക്കീം, മറ്റു നേതാക്കൾ ക്രിസ്റ്റഫർ വർഗീസ്, ശശി ആർ, നായർ, ജോൺസൺ തളച്ചല്ലൂർ, മനോജ് ശങ്കർ എന്നിവർ ആശംസകൾ നേർന്നു.
വിവിധ മേഖലകളിലെ സമഗ്ര സംഭാവനകൾ മുൻ നിർത്തി WMC അംഗങ്ങളായ എം. എം. ഷബീർ, ഇ. എ. ഹക്കീം, ജയപ്രകാശ്, ഡോ. ജയപാൽ എന്നിവരെ ആദരിച്ചു.
ഷിജു പ്രിയേടം, ബിജു ശ്രീവരാഹം, സിബിൻ ചുനക്കര, ഷംല, ആൻസി, അശ്വിൻ ബിജു, വിഷ്ണു രാജ് നേതൃത്വം നൽകി WMC മ്യൂസിക് ക്ലബ്ബ് അവതരിപ്പിച്ച ഗാനമേള, ഓണപ്പാട്ടുകൾ, മാവേലി എഴുന്നെള്ളത്ത്, ചെണ്ടമേളം, അനില ഷബീർ നേതൃത്വം നൽകിയ പൂക്കളം, വനിതാ വിഭാഗത്തിന്റെ നേതൃത്വത്തിൽ താലപ്പൊലി, കുട്ടികളുടെ വിവിധ നൃത്ത നൃത്യങ്ങൾ എന്നിവ ‘ഒരു വട്ടം കൂടി’ ഓണാഘോഷത്തിന് മാറ്റു വർദ്ധിപ്പിച്ചു.
- pma
വായിക്കുക: onam, world-malayalee-federation, ആഘോഷം, പ്രവാസി, സംഘടന
അബുദാബി : കോഴിക്കോട് തിക്കോടിയിലെ പുറക്കാട് കേന്ദ്രമായി പ്രവർത്തിച്ചു വരുന്ന ശാന്തി സദനം ഇൻസ്റ്റിറ്റ്യൂട്ട് ഓഫ് റിഹാബിലിറ്റേഷൻ & അഡ്വാൻസ് സ്റ്റഡീസ് (siras) സിറാസ് അബുദാബി ചാപ്റ്ററിൻ്റെ നേതൃത്വത്തിൽ മുസഫ സനയ്യയിലെ റെയിൻബോ ഹോട്ടലിൽ കൺവെൻഷൻ സംഘടിപ്പിച്ചു.
ഓട്ടിസം ബാധിച്ച കുഞ്ഞുങ്ങളുടെയും ഭിന്ന ശേഷി ക്കാരുടെയും പുനരധിവാസത്തിനും സമഗ്ര വികസന ത്തിനും വേണ്ടിയുമുള്ള വിവിധ പദ്ധതികൾ ഏകോപിപ്പിച്ചു കൊണ്ട് പ്രവർത്തിക്കാൻ ഗൾഫിലെ എല്ലാ പ്രദേശങ്ങളിലും സിറാസിന്റെ കൂട്ടായ്മകൾ രൂപീകരിക്കുന്നതിന്റെ ഭാഗമായിട്ടാണ് അബുദാബി യിൽ കൺവെൻഷൻ സംഘടിപ്പിച്ചത്.
മുതിർന്ന സാമൂഹിക പ്രവർത്തകനും സിറാസ് ചെയർമാനുമായ പി. എം. മൊയ്തു അദ്ധ്യക്ഷത വഹിച്ചു. വൈസ് ചെയർമാൻ റെയിൻബോ ബഷീർ ഉൽഘാടനം ചെയ്തു. സിറാസ് സെക്രട്ടറി ഹമീദ് എം. ടി., സിറാസ് ദുബായ് കോഡിനേറ്റർ മൊയ്തീൻ പട്ടായി എന്നിവർ സിറാസിന്റെ പ്രവർത്തനങ്ങളെ വിശദീകരിച്ചു.
വിവിധ സാമൂഹിക കൂട്ടായ്മകളെ പ്രതിനിധീകരിച്ച് ഷാജുമോൻ പുലാക്കൽ, Dr. ഷീബ അനിൽ, ജിഷാ മുഹമ്മദ്, അബ്ദുൽ ബാസിത്, സി. വി. ഷാഫി, അമീർ കല്ലമ്പലം, പി. എം. അബ്ദുൽ റഹിമാൻ തുടങ്ങിയവർ പങ്കെടുത്തു സംസാരിച്ചു. സിറാസ്നെ കുറിച്ച് കൂടുതൽ അറിയുവാനും ഇതോടൊപ്പം ചേർന്ന് പ്രവർത്തിക്കുവാനും താല്പര്യമുള്ളവർ ബന്ധപ്പെടുക : +971 55 872 5806 (P. M. Moidu).
- pma
വായിക്കുക: social-media, അബുദാബി, ആരോഗ്യം, കുട്ടികള്, ജീവകാരുണ്യം, പൂര്വ വിദ്യാര്ത്ഥി, പ്രവാസി, യു.എ.ഇ., സംഘടന, സാമൂഹ്യ സേവനം, സാമ്പത്തികം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
