 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : 2023 യു. എ. ഇ. യുടെ സുസ്ഥിരതാ വർഷം (ഇയർ ഓഫ് സസ്റ്റൈനബിലിറ്റി) എന്ന് പ്രസിഡണ്ട് ശൈഖ് മുഹമ്മദ് ബിൻ സായിദ് അൽ നഹ്യാൻ.
ഐക്യ രാഷ്ട്ര സഭയുടെ ആഗോള കാലാവസ്ഥ വ്യതിയാന ഉച്ച കോടി ‘കോപ് 28 ന്‍റെ ആതിഥേയർ എന്ന നിലയിൽ യു. എ. ഇ. യുടെ പങ്ക് നിറവേറ്റാൻ പ്രതിജ്ഞാ ബദ്ധമായിരിക്കും എന്ന് അദ്ദേഹം ട്വീറ്റ് ചെയ്തു. 2023 നവംബർ 30 മുതൽ ഡിസംബർ 12 വരെ ദുബായ് എക്സ്പോ സിറ്റിയിലാണ് ഉച്ചകോടി നടക്കുക.
- pma
അബുദാബി : നാഷണല്‍ മീഡിയാ ഓഫീസ് ചെയർ മാനായി ശൈഖ് സായിദ് ബിൻ ഹംദാൻ ബിൻ സായിദ് അൽ നഹ്യാനെ നിയമിച്ചു കൊണ്ട് യു. എ. ഇ. പ്രസിഡണ്ട് ശൈഖ് മുഹമ്മദ് ബിൻ സായിദ് അൽ നഹ്യാൻ ഉത്തരവ് പുറപ്പെടുവിച്ചു. മന്ത്രി പദവിയുള്ള കാബിനറ്റ് റാങ്കോടെയാണ് നിയമനം.
അബുദാബി ഗവൺമെൻ്റ് മീഡിയ ഓഫീസിന് പകരമാണ് പുതിയ നാഷണല്‍ മീഡിയാ ഓഫീസ് എന്ന സ്ഥാപനം രൂപീകരിച്ചിട്ടുള്ളത്. ക്രിയേറ്റീവ് മീഡിയ അഥോറിറ്റിയും അബുദാബി മീഡിയ കമ്പനിയും ഇതിന്‍റെ കീഴിൽ പ്രവർത്തിക്കും.
രാജ്യത്തെ മാധ്യമ നിയമങ്ങളും ചട്ടങ്ങളും നിർദ്ദേശി ക്കുക, വികസിപ്പിക്കുക, അവലോകനം ചെയ്യുക, രാജ്യത്തിന്‍റെ മാധ്യമ കാഴ്ചപ്പാടും സന്ദേശവും ഏകോപിപ്പിച്ച് പ്രസിദ്ധം ചെയ്യുക, പ്രാദേശിക – രാജ്യാന്തര മാധ്യമ മേഖലയെ ശക്തിപ്പെടുത്തുക, രാജ്യതാൽപര്യം സംരക്ഷിക്കുക, രാജ്യത്തെ മാധ്യമ വ്യവസായത്തെ നയിക്കാൻ വൈദഗ്ധ്യമുള്ള തലമുറയെ ശാക്തീകരിക്കുക, മാധ്യമങ്ങൾക്ക് ഇടയിൽ സഹകരണം വർദ്ധിപ്പിക്കുക എന്നിവയാണ് പ്രധാന ദൗത്യങ്ങള്‍. സ്വദേശത്തും വിദേശത്തുമുള്ള യു. എ. ഇ. യുടെ മാധ്യമ വിവരണങ്ങൾ തയ്യാറാക്കുക, വിലയിരുത്തുക, അവലോകനം ചെയ്യുക എന്നിവ നാഷണല്‍ മീഡിയാ ഓഫീസിന്‍റെ ഉത്തരവാദിത്വമാണ്.
- pma
വായിക്കുക: social-media, അബുദാബി, നിയമം, ബഹുമതി, മാധ്യമങ്ങള്‍, യു.എ.ഇ.
മസ്കത്ത് : ഒമാനിലെ ഇന്ത്യൻ സോഷ്യൽ ക്ലബ്ബ് മലയാള വിഭാഗം പ്രഖ്യാപിച്ച പ്രവാസ കൈരളി സാഹിത്യ പുരസ്കാരം കെ. ആർ. മീരക്ക്. കേന്ദ്ര സാഹിത്യ അക്കാദമി പുരസ്കാരവും, വയലാർ അവാർഡും ലഭിച്ച ‘ആരാച്ചാർ’ എന്ന നോവല്‍ തന്നെയാണ് പ്രവാസ കൈരളി സാഹിത്യ പുരസ്കാരത്തിനായി തെരഞ്ഞെടുക്കപ്പെട്ടത്.
2023 ജനുവരി 27 വെള്ളിയാഴ്ച വൈകുന്നേരം 6 മണിക്ക് മസ്കത്ത് റൂവിയിലെ അൽഫലാജ് ഹാളിൽ ഒരുക്കുന്ന ‘സർഗ്ഗ സംഗീതം 2023’ എന്ന പരിപാടിയിൽ വെച്ച് മലയാളം വിഭാഗം കൺവീനർ പി. ശ്രീകുമാർ പുരസ്കാരം സമ്മാനിക്കും.
പിന്നണി ഗായകൻ ഉണ്ണി മേനോൻ നയിക്കുന്ന ഗാനമേള ‘സർഗ്ഗ സംഗീതം 2023’ പരിപാടിയുടെ ഭാഗമായി അരങ്ങേറും. പ്രവേശനം പാസ്സ് മൂലം നിയന്ത്രിക്കും.
ജനുവരി 28 ശനിയാഴ്ച മലയാള വിഭാഗം ഹാളിൽ വച്ച് സാഹിത്യ വിഭാഗം നയിക്കുന്ന സാഹിത്യ ചർച്ചയിലും കെ. ആർ. മീര പങ്കെടുക്കും.
- pma
ദുബായ് : യു. ജി. സി. പരീക്ഷയിൽ ഉന്നത റാങ്ക് നേടിയ തിക്കോടി സ്വദേശിനി ഫഹീമയെ യു. എ. ഇ. പാലൂർ മഹല്ല് കമ്മിറ്റി ആദരിച്ചു. ദുബായിൽ നടന്ന ചടങ്ങിൽ യു. എ. ഇ. പാലൂർ മഹല്ല് കമ്മിറ്റി പ്രസിഡണ്ട് എ. കെ. അബ്ദുൽ റസാഖ് ഹാജി മെമെന്‍റോ സമ്മാനിച്ചു. ഗഫൂർ ടി. കെ. അദ്ധ്യക്ഷത വഹിച്ചു. ഷഹനാസ് തിക്കോടി, നിസാർ കുനിയിൽ, ഫാരിസ് തിക്കോടി, റമീസ്‌, ഫസൽ കാട്ടിൽ, പി. വി. നിസാർ, എൻ. കെ. ഇസ്മായിൽ, സമീർ എന്നിവർ സംസാരിച്ചു.
- pma
വായിക്കുക: കുട്ടികള്‍, പൂര്‍വ വിദ്യാര്‍ത്ഥി, പ്രവാസി, ബഹുമതി, വിദ്യാഭ്യാസം, സംഘടന
അബുദാബി : സാംസ്‌കാരിക കൂട്ടായ്മ ഗ്രീന്‍ വോയ്‌സ് അബുദാബിയുടെ മാധ്യമശ്രീ, ഹരിതാക്ഷര പുരസ്കാരങ്ങൾ പ്രഖ്യാപിച്ചു. ദൃശ്യ മാധ്യമ വിഭാഗ ത്തില്‍ ഹാഷ്മി താജ് ഇബ്രാഹിം, ജമാലുദ്ദീൻ, അച്ചടി മാധ്യമ വിഭാഗത്തില്‍ ഐസക് പട്ടാണി പ്പറമ്പില്‍, ഓണ്‍ ലൈന്‍ മാധ്യമ വിഭാഗ ത്തിൽ നിസാര്‍ സെയ്ത്, റേഡിയോ വിഭാഗത്തില്‍ മിനി പത്മ എന്നിവർക്കും മാധ്യമശ്രീ പുരസ്കാരങ്ങളും സൈനുല്‍ ആബിദീന് ഹരിതാക്ഷര പുരസ്കാരവും സമ്മാനിക്കും.
മാധ്യമ, കലാ സാഹിത്യ മേഖലകളിൽ നടത്തുന്ന സജീവ ഇടപെടലുകൾക്കാണ് ഗ്രീൻ വോയ്‌സ് പുരസ്കാരങ്ങൾ നൽകി വരുന്നത്. അബുദാബിയില്‍ സംഘടിപ്പിക്കുന്ന സ്നേഹ പുരം പരിപാടിയില്‍ വെച്ച് പുരസ്കാരങ്ങൾ സമ്മാനിക്കും.
- pma
വായിക്കുക: green-voice, ബഹുമതി, സംഘടന, സാംസ്കാരികം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
