അല്‍ഐന്‍ : തണല്‍ സംസ്‌കാരിക വേദി യുടെ ആഭിമുഖ്യ ത്തില്‍ ഇന്ത്യന്‍ സോഷ്യന്‍ സെന്ററില്‍ ‘ഡാന്‍സ് ഫെസ്റ്റ് -2012’ സംഘടിപ്പിക്കുന്നു. ജനുവരി 20, 27 തീയതി കളിലാണ് മത്സരങ്ങള്‍ നടക്കുക. 12 വയസിന് താഴെയുള്ളവര്‍ ജൂനിയര്‍ വിഭാഗ ത്തിലും മുകളി ലുള്ളവര്‍ സീനിയര്‍ വിഭാഗ ത്തിലുമായിരിക്കും മത്സരിക്കുക. ഒരു ടീമില്‍ അഞ്ച് മുതല്‍ പത്ത് വരെ അംഗങ്ങള്‍ ആകാവു ന്നതാണ്. മലയാളം, തമിള്‍, ഹിന്ദി ഭാഷകള്‍ ഉള്‍പ്പെട്ടിട്ടുള്ള ഗാന ങ്ങള്‍ക്ക് ചുവടൊപ്പിച്ച സിനിമാറ്റിക്ക് ഡാന്‍സു കളാണ് ടീമുകള്‍ അവതരി പ്പിക്കേണ്ടത്.
ഡാന്‍സ് ഫെസ്റ്റ്- 2012 വിജയിപ്പി ക്കുവാനായി കാസിം ചാവക്കാട്, സത്താര്‍ നീലേശ്വരം, അമീര്‍ കലാഭവന്‍ എന്നിവര്‍ ഓര്‍ഗനൈസര്‍മാരായുള്ള കമ്മിറ്റിക്കും രൂപം കൊടുത്തിട്ടുണ്ട്. വിജയികള്‍ക്ക് പുരസ്‌കാരങ്ങളും ഒരു ലക്ഷം ഇന്ത്യന്‍ രൂപ യുടെ ക്യാഷ് പ്രൈസു കളുമാണ് സമ്മാനിക്കുക. കൂടുതല്‍ വിവരങ്ങള്‍ക്കും രജിസ്‌ട്രേഷനുമായി 050 722 40 50, 050 753 03 92 എന്നീ നമ്പറുകളില്‍ ബന്ധപ്പെടാവുന്നതാണ്.
