അക്കാഫ് ഓണാഘോഷം : പ്രചാരണ പൊതു യോഗം സെപ്റ്റംബർ മൂന്നിന്

August 22nd, 2022

logo-akcaf-ePathram
ദുബായ് : കേരളത്തിലെ കോളേജുകളിലെ പൂർവ്വ വിദ്യാര്‍ത്ഥി കളുടെ യു. എ. ഇ. യിലെ സംഘടന അക്കാഫ്, 2022 സെപ്റ്റംബർ 25 ന് സംഘടിപ്പിക്കുന്ന മെഗാ ഓണാഘോഷ പരിപാടി വിജയിപ്പിക്കാനും അക്കാഫിന്‍റെ ഭാഗമായി പ്രവർത്തി ക്കുവാനും കൊടുങ്ങല്ലൂർ കെ. കെ. ടി. എം. ഗവണ്മെന്‍റ് കോളേജ് അലുംനി യു. എ. ഇ. ചാപ്റ്റർ യോഗം തീരുമാനിച്ചു.

akcaf-onam-2022-co-ordination-kktm-collage-ePathram

ഓണാഘോഷ പരിപാടികൾ വിജയിപ്പിക്കുന്നതിന് നജീബ് മതിലകം ചീഫ് കോഡിനേറ്ററായി ഏഴംഗ സംഘാടക സമിതി രൂപം നൽകി. പ്രസിഡണ്ട് ഷാജി അബ്ദുൽ കാദർ അദ്ധ്യക്ഷത വഹിച്ചു. സെപ്റ്റംബർ മൂന്നിന് ഇതിനായി പ്രത്യേക പൊതു യോഗം അക്കാഫ് ഹാളിൽ ചേരും. ഭാരവാഹികൾ അക്കാഫ് പ്രതിനിധി കളുമായി ചർച്ചകൾ നടത്തി അഫിലിയേഷൻ പൂർത്തിയാക്കി.

യോഗത്തിൽ എം. കെ. ഷാജഹാൻ, അജിത് പോള ക്കുളത്ത്, നജീബ് മതിലകം, അനിൽ കുമാർ, ബിജു നാഥ്, അനസ് മാള, സലിം ബഷീർ, സുനിൽ രാജ് എന്നിവർ പങ്കെടുത്തു. ജനറൽ സെക്രട്ടറി രമേഷ് നായർ ചെന്ത്രാപ്പിന്നി സ്വാഗതവും ട്രഷറർ അഷ്‌റഫ് കൊടുങ്ങല്ലൂർ നന്ദിയും പറഞ്ഞു.

- pma

വായിക്കുക: , , , , ,

അഭിപ്രായം എഴുതുക »

ആസാദി കാ അമൃത് മഹോത്സവ് ലുലുവിൽ

August 17th, 2022

lulu-group-youssafali-inaugurate-lulu-utsav-2022-ePathram
അബുദാബി : ഇന്ത്യൻ സ്വാതന്ത്ര്യ ദിന ആഘോഷ ങ്ങളുടെ ഭാഗമായി ഗള്‍ഫിലെ ലുലു ശാഖകളിൽ വര്‍ണ്ണാഭമായ പരി പാടികളോടെ ‘ഇന്ത്യ ഉത്സവ്’ ആഘോഷിച്ചു. ആസാദി കാ അമൃത് മഹോത്സവിന്‍റെ ഭാഗമായി ഒരുക്കുന്ന ഇന്ത്യാ ഉത്സവ് യു. എ. ഇ. തല ഉദ്ഘാടനം, അബുദാബി അൽ വഹ്ദ മാളിൽ ഇന്ത്യന്‍ സ്ഥാനപതി സഞ്ജയ് സുധീര്‍ നിർവ്വഹിച്ചു. ലുലു ഗ്രൂപ്പ് ചെയര്‍മാനും മാനേജിംഗ് ഡയറക്ടറുമായ എം. എ. യൂസഫലി, ലുലു ഗ്രൂപ്പ് സി. ഇ. ഒ. സെയ്ഫീ രുപാവാല, അര്‍ച്ചന ആനന്ദ് തുടങ്ങിയവരും ലുലു ഗ്രൂപ്പ് ഉന്നത ഉദ്യോഗസ്ഥരും സംബന്ധിച്ചു.

ആസാദി കാ അമൃത് മഹോത്സവ് നടക്കുന്ന ചരിത്ര പരമായ ഈ വേളയില്‍ ലുലു ഗ്രൂപ്പ് തങ്ങളുടെ ഷോപ്പു കളില്‍ ഇന്ത്യ ഉത്സവ് ആഘോഷിക്കുന്നതില്‍ സന്തോഷം ഉണ്ട് എന്ന് സഞ്ജയ് സുധീര്‍ പറഞ്ഞു. ഇന്ത്യയും യു. എ. ഇ. യും തമ്മിലുള്ള വ്യാപാര ബന്ധം കൂടുതല്‍ ഊഷ്മളമാക്കാന്‍ ഇത് ഉപകരിക്കും എന്നും അദ്ദേഹം കൂട്ടിച്ചേര്‍ത്തു.

ഇന്ത്യ സാമ്പത്തിക ശക്തിയായി അതി വേഗം വളര്‍ന്നു കൊണ്ടിരിക്കുകയാണ്. പ്രധാനമന്ത്രി നരേന്ദ്ര മോഡി യുടെ വിദേശ നയം ഇന്ത്യ- ജി. സി. സി. ബന്ധം കൂടുതല്‍ ദൃഡമാക്കുവാന്‍ സഹായിക്കും എന്നും എം. എ. യൂസഫലി പറഞ്ഞു.

വര്‍ഷം തോറും 5,000 കോടി രൂപയുടെ ഉല്‍പ്പന്നങ്ങള്‍ ലുലു ഗ്രൂപ്പ് ഇന്ത്യയില്‍ നിന്ന് ഇറക്കുമതി ചെയ്യുന്നുണ്ട്. ഇന്ത്യ ഉത്സവിന്‍റെ ഭാഗമായി ഹൈപ്പര്‍ മാര്‍ക്കറ്റുകളില്‍ വിവിധ സാംസ്‌കാരിക പരിപാടികളും നിരവധി പ്രതിഭകളെ പങ്കെടുപ്പിച്ചു കൊണ്ടുള്ള കലാ പരിപാടി കളും സംഘടിപ്പിക്കും എന്നും ലുലു ഗ്രൂപ്പ് മാര്‍ക്കറ്റിംഗ് ആന്‍ഡ് കമ്മ്യൂണിക്കേഷന്‍സ് ഡയറക്ടര്‍ വി. നന്ദ കുമാര്‍ പറഞ്ഞു.

ലുലുവിന്‍റെ 235 ഹൈപ്പര്‍ മാര്‍ക്കറ്റുകളിലാണ് സ്വാതന്ത്ര്യ ദിന ആഘോഷങ്ങള്‍ നടത്തുന്നത്. മറ്റു ഗള്‍ഫ് രാജ്യങ്ങളിലെ ലുലു ഉത്സവ് അതാതു രാജ്യ ങ്ങളിലെ ഇന്ത്യന്‍ സ്ഥാനപതിമാര്‍ ഉദ്ഘാടനം ചെയ്തു.

- pma

വായിക്കുക: , , , , , , , , , , ,

അഭിപ്രായം എഴുതുക »

മാർത്തോമാ യുവ ജന സഖ്യം സ്വാതന്ത്ര്യ ദിനാഘോഷം ശ്രദ്ധേയമായി

August 17th, 2022

india-s-75-th-independence-day-marthoma-yuvajana-sakhyam-ePathram
അബുദാബി: ഭാരതത്തിന്‍റെ എഴുപത്തി അഞ്ചാം സ്വാതന്ത്ര്യ ദിന ആഘോഷം വിപുലമായ പരിപാടി കളോടെ അബുദാബി മാർത്തോമാ യുവജന സഖ്യം സംഘടിപ്പിച്ചു. അബുദാബി മാർത്തോമാ ദേവാലയ അങ്കണത്തിൽ വികാരി റവ. ജിജു ജോസഫ് ദേശീയ പതാക ഉയർത്തി.

തുടർന്ന് ദേവാലയ അങ്കണത്തിൽ നിന്നും സ്വാതന്ത്ര്യ ദിന റാലി നടത്തി. സ്വാതന്ത്ര്യ സമര സേനാനികളുടെ വേഷത്തിൽ അണിഞ്ഞൊരുങ്ങിയ കുട്ടികൾ സ്വാതന്ത്ര്യ ദിന റാലിയിൽ അണി നിരന്നത് ആഘോഷങ്ങളുടെ മാറ്റ് കൂട്ടി. സമ്മേളനത്തിൽ അബുദാബി മാർത്തോമാ യുവജന സഖ്യം പ്രസിഡണ്ട് റവ. ജിജു ജോസഫ് സമ്മേളനം ഉദ്ഘാടനം ചെയ്തു. സഖ്യം വൈസ് പ്രസിഡണ്ട് റവ. അജിത്ത് ഈപ്പൻ അദ്ധ്യക്ഷത വഹിച്ചു.

marthoma-yuvajana-sakhyam-independence-day-2022-ePathram

റവ. മോൻസി പി. ജേക്കബ് സ്വാതന്ത്ര്യ ദിന സന്ദേശം നൽകി. സഖ്യം ഗായക സംഘം ദേശ ഭക്‌തി ഗാനങ്ങൾ ആലപിച്ചു. ഇന്ത്യയിലെ വിവിധ സംസ്ഥാനങ്ങളുടെ നൃത്ത രൂപ ങ്ങൾ സഖ്യം വനിതാ വിഭാഗ ത്തിന്‍റെ നേതൃത്വ ത്തില്‍ അവതരിപ്പിച്ചു. സഖ്യം സെക്രട്ടറി സാംസൺ മത്തായി, ജയൻ എബ്രഹാം, ജേക്കബ് വർഗ്ഗീസ്, ദിപിൻ പണിക്കർ, സൂസൻ ബോബി തുടങ്ങിയവർ പ്രസംഗിച്ചു.

- pma

വായിക്കുക: , , , , , , ,

അഭിപ്രായം എഴുതുക »

മാൾ മില്യണയർ നറുക്കെടുപ്പിൽ തമിഴ്നാട് സ്വദേശിക്ക് ഒരു മില്ല്യണ്‍ ദിർഹം സമ്മാനം

August 16th, 2022

lulu-mall-millionaire-2022-ePathram
അബുദാബി : ലുലു ഗ്രൂപ്പിന്‍റെ നേതൃത്വത്തില്‍ നടന്നു വന്നിരുന്ന മാൾ മില്യണയർ നറുക്കെടുപ്പിൽ സെൽവ റാണി ഡാനിയൽ ജോസഫ് എന്ന തമിഴ്നാട് സ്വദേശിക്ക് ഒരു മില്ല്യണ്‍ ദിർഹം സമ്മാനം ലഭിച്ചു. അവധിക്കു നാട്ടിൽ പോയ സെൽവ റാണിയെ സമ്മാന വിവരം അറിയിക്കാൻ അധികൃതർ ഫോണിൽ വിളിച്ചെങ്കിലും കിട്ടിയിരുന്നില്ല.

managers-with-lulu-mall-millionaire-2022-ePathram

മാൾ മില്യണയർ സമ്മാനം സ്വീകരിച്ച അരുൾ ശേഖർ ആന്‍റണി സാമിയോടൊപ്പം ലുലു മാള്‍ മാനേജര്‍മാര്‍

ലുലു ഹൈപ്പര്‍ മാര്‍ക്കറ്റില്‍ നിന്നും മാളിലെ മറ്റു സ്റ്റോറു കളില്‍ നിന്നും കഴിഞ്ഞയാഴ്ച സെൽവ റാണി സാധനങ്ങള്‍ വാങ്ങിച്ചപ്പോള്‍ കിട്ടിയ 80 കൂപ്പണുകള്‍ നറുക്കെടുപ്പില്‍ റജിസ്റ്റര്‍ ചെയ്തിരുന്നു. അതില്‍ ഒന്നിനാണ് പത്തു ലക്ഷം ദിർഹം സമ്മാനം കരസ്ഥമാക്കിയാത്.

കൂപ്പണുകളില്‍ ഭാര്യയുടെ ഫോണ്‍ നമ്പര്‍ ആയിരുന്നു നൽകിയിരുന്നത് എന്നും അവർ നാട്ടിൽ പോയപ്പോൾ യു. എ. ഇ.യിലെ സിം കാര്‍ഡ് മാറ്റി. അതിനാലാണ് ഫോണിൽ വിളിച്ചിട്ട് കിട്ടാതിരുന്നത് എന്നും സമ്മാനം സ്വീകരിച്ചു കൊണ്ട് ഭർത്താവ് അരുൾ ശേഖർ ആന്‍റണി സാമി പറഞ്ഞു.

രണ്ടു വർഷത്തെ ഇടവേളക്കു ശേഷമാണ് മാൾ മില്യണയർ ലുലു വീണ്ടും തുടങ്ങിയത്. മെഗാ പ്രൈസ് കൂടാതെ ആഴ്ച തോറും നടത്തുന്ന നറുക്കെടു പ്പിലൂടെ 25,000 ദിർഹവും സമ്മാനമായി നൽകുന്നുണ്ട്.

അബുദാബി സാംസ്കാരിക – ടൂറിസം വകുപ്പിന്‍റെ റീട്ടെയിൽ പ്ലാറ്റ്ഫോം ആയ റീട്ടെയിൽ അബുദാബി യുടെ സഹകരണത്തോടെയാണ് ലുലു മാൾ മില്യണയർ സമ്മാന പദ്ധതി നടപ്പാക്കുന്നത്.

- pma

വായിക്കുക: , , , , , , ,

അഭിപ്രായം എഴുതുക »

ഇന്‍സൈറ്റ് 2022 : സമ്മര്‍ ക്യാമ്പിന് ഉജ്ജ്വല തുടക്കം

August 16th, 2022

insight-2022-islamic-center-summer-camp-ePathram
അബുദാബി : ഇന്ത്യന്‍ ഇസ്ലാമിക് സെന്‍ററിന്‍റെ നേതൃത്വത്തില്‍ കുട്ടികള്‍ക്കായി ഒരുക്കുന്ന ദശ ദിന സമ്മര്‍ ക്യാമ്പിന് ഉജ്ജ്വല തുടക്കം. ഇന്‍സൈറ്റ് 2022 എന്ന പേരില്‍ കെ. ജി. തലം മുതല്‍ ഹയര്‍ സെക്കണ്ടറി വരെയുള്ള കുട്ടികള്‍ക്കായി വിവിധ സെക്ഷനു കളിലായി നടക്കുന്ന ക്യാമ്പില്‍ ഇരുന്നൂറോളം പേര്‍ പങ്കെടുക്കുന്നുണ്ട്.

ലീഡര്‍ഷിപ്പ് ആന്‍ഡ് സോഫ്ട് സ്കില്‍ ഡെവലപ്പ്മെന്‍റ്, ബിഹേവിയറല്‍ എന്‍റിച്ച്മെന്‍റ്, ഇന്‍റര്‍ പേഴ്സണല്‍ സ്കില്‍, പബ്ലിക് സ്പീക്കിംഗ്, ആര്‍ട്ടിഫിഷ്യല്‍ ഇന്‍റലിജന്‍സ്, സോഷ്യല്‍ മീഡിയ എത്തിക്സ്, മോറല്‍ സ്കൂളിംഗ് തുടങ്ങി ഒട്ടേറെ വൈവിധ്യ വിഷയങ്ങളാണ് ‘ഇന്‍സൈറ്റ് 2022’ ക്യാമ്പ് കൈകാര്യം ചെയ്യുന്നത്.

വിദ്യാഭ്യാസ – സാമൂഹ്യ – ബോധവത്കരണ രംഗ ങ്ങളിലെ ഇരുപത്തി അഞ്ചിലധികം പ്രമുഖരാണ് സെഷനുകള്‍ നിയന്ത്രിക്കുന്നത്. പ്രമുഖ വിദ്യാഭ്യാസ പ്രവര്‍ത്തകനും ചിന്തകനുമായ ഡോക്ടര്‍ സലീല്‍ ചെമ്പയിലാണ് ക്യാമ്പ് ഡയറക്ടര്‍.

ഇന്ത്യന്‍ ഇസ്ലാമിക് സെന്‍റര്‍ ഓഡിറ്റോറിയത്തില്‍ നടന്ന ഉദ്ഘാടന സംഗമം മെഡിയോര്‍- എല്‍. എല്‍. എച്ച്. ഹോസ്പിറ്റല്‍സ് ഓപ്പറേഷന്‍ ഡയറക്ടര്‍ ഡോ. നവീന്‍ ഹൂദ് അലി ഉദ്ഘാടനം ചെയ്തു.

കെ. എം. സി. സി. നേതാക്കളായ യു. അബ്ദുല്ലാ ഫാറൂഖി, മുഹമ്മദ് കുഞ്ഞി, മുസ്തഫ വാഫി, ഡോ. അബൂബക്കര്‍ കുറ്റിക്കോല്‍, അമീര്‍ ഫക്രുദ്ദീന്‍ തുടങ്ങിയവര്‍ ആശംസകള്‍ നേര്‍ന്നു. ഇസ്ലാമിക് സെന്‍റര്‍ ആക്ടിംഗ് പ്രസിഡണ്ട് എം. ഹിദായത്തുള്ള അദ്ധ്യക്ഷത വഹിച്ചു. ശിഹാബുദ്ദീന്‍, ശിഹാബ് കരിമ്പനോട്ടില്‍ എന്നിവര്‍ സംബന്ധിച്ചു.

-വാര്‍ത്ത അയച്ചത് : അബ്ദുല്‍ ബാസിത്

- pma

വായിക്കുക: , , , , , ,

അഭിപ്രായം എഴുതുക »


« Previous Page« Previous « ലുലുവില്‍ ഇന്ത്യാ ഉത്സവ് ആഗസ്റ്റ് 15 മുതല്‍
Next »Next Page » മാൾ മില്യണയർ നറുക്കെടുപ്പിൽ തമിഴ്നാട് സ്വദേശിക്ക് ഒരു മില്ല്യണ്‍ ദിർഹം സമ്മാനം »



  • ലോഗോ പ്രകാശനം ചെയ്തു
  • കെ. എസ്. സി. ഈദ് ആഘോഷം ‘പെരുന്നാൾ നിലാവ്’ അരങ്ങേറി
  • കണ്ണൂർ ജില്ലാ കെ. എം. സി. സി. ഒരുക്കിയ ‘ഈദ് സംഗമം’ ശ്രദ്ധേയമായി
  • ഇമ ഇഫ്‌താർ വിരുന്നും കുടുംബ സംഗമവും
  • ഫാദേഴ്‌സ് എന്‍ഡോവ്‌മെന്റ് പദ്ധതി : ഡോ. ഷംഷീര്‍ വയലില്‍ അഞ്ച് ദശ ലക്ഷം ദിര്‍ഹം നല്‍കി
  • അബുദാബി മലയാളീസ് ഒരുക്കിയ ‘നൂറിഷ് റമദാൻ’ ശ്രദ്ധേയമായി
  • ഭരണാധികാരികൾക്ക് റമദാൻ ആശംസകൾ നേർന്ന് സലാം പാപ്പിനിശ്ശേരി
  • മുഹമ്മദ് ബിൻ സായിദ് ഫൗണ്ടേഷൻ ഫോർ ഹ്യുമാനിറ്റി സ്ഥാപിതമായി
  • ഇ. കെ. നായനാർ മെമ്മോറിയൽ ഫുട് ബോൾ : ഷാബിയ-നാദിസിയ മേഖലകൾ ചാമ്പ്യന്മാർ
  • സൗഹൃദ സ്നേഹ സംഗമമായി സമൂഹ നോമ്പുതുറ
  • ഇഖ്‌വ ഇഫ്‌താർ സൗഹൃദ സംഗമം
  • അനോര ഗ്ലോബൽ പുതിയ ഭരണ സമിതി
  • പത്തനംതിട്ട ജില്ലാ കെ. എം. സി. സി. റമദാൻ റിലീഫിന് തുടക്കമായി
  • ഇ. കെ. നായനാർ സ്മാരക റമദാൻ ഫുട് ബോൾ ടൂർണ്ണ മെന്റ് ശനിയാഴ്ച മുസ്സഫയിൽ
  • അബുദാബി മലയാളീസ് മെഡിക്കൽ ക്യാമ്പ് സംഘടിപ്പിച്ചു
  • ജ്വാല ഉത്സവ് 2025 ബ്രോഷർ പ്രകാശനം ചെയ്തു
  • കേരള സോഷ്യൽ സെന്റർ ഇഫ്‌താർ സംഗമം
  • ഐ. ഐ. സി. ഹോളി ഖുര്‍ആന്‍ : ബ്രോഷർ പ്രകാശനം ചെയ്തു
  • ഉപന്യാസ മത്സരം : സൃഷ്ടികൾ ക്ഷണിച്ചു
  • ഇഫ്താർ സംഗമവും അവാർഡ് ദാനവും സംഘടിപ്പിച്ചു



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine