അബുദാബി : കേരള സോഷ്യൽ സെന്റർ (കെ. എസ്. സി.) 2022-23 വര്‍ഷത്തെ ഭരണ സമിതിയിലേക്ക് പുതിയ ഭാര വാഹികളെ തെരഞ്ഞെടുത്തു. വി. പി. കൃഷ്ണ കുമാര്‍ (പ്രസിഡണ്ട്), ഷെറിൻ വിജയൻ (ജനറല്‍ സെക്രട്ടറി), നികേഷ് വലിയവളപ്പിൽ (ട്രഷറർ), റോയ് ഐ. വർഗ്ഗീസ് (വൈസ് പ്രസിഡണ്ട്) എന്നിവരാണ് പ്രധാന ഭാരവാഹികള്‍.
കെ. ബി. ജയന്‍ (ഓഡിറ്റര്‍), ടി. പി. അയൂബ് അസിസ്റ്റന്‍റ് ഓഡിറ്റര്‍), സുനിൽ ഉണ്ണികൃഷ്ണൻ, ലതീഷ് ശങ്കർ, നിഷാം, പ്രദീപ് കുമാർ, റഫീഖ് ചാലിൽ, ഇ. എസ്. ഉബൈദുള്ള, റഷീദ്, സജീഷ്, കെ. സത്യൻ, ഷബിൻ എന്നിവരെ പ്രവർത്തക സമിതി അംഗങ്ങളായും തെരഞ്ഞെടുത്തു.
ദുബായ് : ഏറ്റവും വലിയ ജനാധിപത്യ രാജ്യമായ ഇന്ത്യയില്‍ ഭരണ ഘടനാ തത്വങ്ങൾ ലംഘിക്കപ്പെട്ടു കൊണ്ടിരിക്കുകയാണ് എന്നും കേരളത്തിന്റെ മുഖ്യധാര യിൽ ജനാധിപത്യ പ്രശ്നങ്ങൾ ഉയർത്തിക്കൊണ്ട്, അരികുവൽക്കരിക്കപ്പെട്ട ജന വിഭാഗ ങ്ങൾക്ക് വേണ്ടി അവരുടെ പ്രശ്നങ്ങൾക്ക് കൂടുതൽ ദൃശ്യത നൽകിക്കൊണ്ട് സംഘ പരിവാർ ശക്തികളോട് യാതൊരു വിട്ടു വീഴ്ചക്കും തയ്യാറാകാതെ കഴിഞ്ഞ 9 വർഷമായി പ്രവര്‍ത്തിക്കുന്ന മീഡിയ വൺ ചാനലിന്‍റെ ലൈസെൻസ് വരെ റദ്ദു ചെയ്ത നടപടി യിലൂടെ ഭരണ കൂടം രാജ്യത്ത് അഭിപ്രായ സ്വാതന്ത്ര്യം തടസ്സപ്പെടുത്തിക്കൊണ്ട് ഭരണ ഘടനാ ലംഘനം നടത്തുകയാണ് എന്നും പ്രമുഖ രാഷ്ട്രീയ നിരീക്ഷകൻ സി. കെ. അബ്ദുൽ അസീസ് ആരോപിച്ചു.
