ഐ. എസ്. സി. യൂത്ത് ഫെസ്റ്റിവല്‍ ജനുവരി 20 മുതല്‍ 22 വരെ

January 14th, 2023

isc-uae-open-youth-festival-2023-ePathram
അബുദാബി : ഇന്ത്യ സോഷ്യല്‍ & കള്‍ച്ചറല്‍ സെന്‍റര്‍ സംഘടിപ്പിക്കുന്ന ഐ. എസ്. സി. – യു. എ. ഇ. തല ഓപ്പണ്‍ യൂത്ത് ഫെസ്റ്റിവല്‍ 2023 ജനുവരി 20 ന് (വെള്ളി) തുടക്കമാവും. മൂന്നു ദിവസങ്ങളിലായി നടക്കുന്ന യൂത്ത് ഫെസ്റ്റിവലില്‍ വിവിധ കലാ വിഭാഗങ്ങളിലായി യു. എ. ഇ. യിലെ എല്ലാ എമിറേറ്റുകളിലേയും ഇന്ത്യന്‍ സ്കൂളുകളില്‍ നിന്നുമായി നാനൂറോളം വിദ്യാര്‍ത്ഥികള്‍ പങ്കെടുക്കും എന്ന് ഐ. എസ്. സി. ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.

press-meet-isc-uae-open-youth-festival-2023-ePathram

പ്രായത്തിന്‍റെ അടിസ്ഥാനത്തില്‍ കിഡ്‌സ് (3-6 വയസ്സ്), സബ് ജൂനിയര്‍ (7-9 വയസ്സ്), ജൂനിയര്‍ (10-12 വയസ്സ്), സീനിയര്‍ (13-15 വയസ്സ്), സൂപ്പര്‍ സീനിയര്‍ (16-18 വയസ്സ്) എന്നിങ്ങനെ അഞ്ച് കാറ്റഗറികളിലാണ് മല്‍സരങ്ങള്‍ അരങ്ങേറുക.

പങ്കെടുക്കാന്‍ ആഗ്രഹിക്കുന്ന കുട്ടികൾ ജനുവരി16 നു മുൻപായി ഓണ്‍ ലൈന്‍ ലിങ്ക്, സ്‌കൂളുകള്‍ വഴി, ഐ. എസ്. സി. വെബ് സൈറ്റ് വഴിയും റജിസ്റ്റര്‍ ചെയ്യാം.

വിജയികള്‍ക്ക് ഒന്നും രണ്ടും മൂന്നും സ്ഥാനങ്ങളില്‍ വ്യക്തിഗത സമ്മാനങ്ങള്‍ക്കു പുറമേ പോയിന്‍റ് അടിസ്ഥാന ത്തില്‍ ഐ. എസ്. സി. പ്രതിഭ-2023, ഐ. എസ്. സി. തിലക് – 2023 എന്നീ പുരസ്കാരങ്ങളും സമ്മാനിക്കും.

ഭരതനാട്യം, മോഹിനിയാട്ടം, കുച്ചിപ്പുടി, സെമി ക്ലാസിക്കല്‍, ഫോക്ക് ഡാന്‍സ്, ഒഡീസി, കഥക്, തുടങ്ങിയ നൃത്ത ഇനങ്ങളും  കര്‍ണാട്ടിക്, ഹിന്ദുസ്ഥാനി, ലളിത ഗാനം, സിനിമാ ഗാനങ്ങള്‍ (കരോക്കെ), ഇന്‍സ്ട്രുമെന്‍റ് (വാദ്യോപകരണ സംഗീതം), മോണോ ആക്ട്, ഫാന്‍സി ഡ്രസ്സ്, ഡ്രോയിംഗ്, പെയിന്‍റിംഗ് തുടങ്ങിയ മല്‍സര ഇനങ്ങള്‍ ഇന്ത്യാ സോഷ്യല്‍ സെന്‍ററിന്‍റെ അഞ്ച് വേദികളിലായി അരങ്ങേറും.

ഐ. എസ്. സി. പ്രസിഡണ്ട് ഡി. നടരാജന്‍, ജനറല്‍ സെക്രട്ടറി പി. സത്യബാബു, ട്രഷറര്‍ ലിംസണ്‍ കെ. ജേക്കബ്, ലിറ്റററി സെക്രട്ടറി ദീപക് കുമാര്‍ ഡാഷ്, യൂത്ത് ഫെസ്റ്റിവൽ പ്രായോജക പ്രതിനിധികളായ ഭവന്‍സ് സ്‌കൂള്‍ ചെയര്‍മാന്‍ സൂരജ് രാമചന്ദ്രന്‍, മെഡിയോര്‍ & എല്‍. എല്‍. എച്ച്. ഹോസ്പിറ്റല്‍ ഓപ്പറേഷന്‍സ് ഡയറക്ടര്‍ ഡോ. നവീന്‍ ഹൂദ് അലി, അഹല്യ ഹോസ്പിറ്റല്‍ ബിസിനസ്സ് ഡവലപ്പ് മെന്‍റ്  മാനേജര്‍ ഹരിപ്രസാദ് എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.

- pma

വായിക്കുക: , , , , , , , , ,

അഭിപ്രായം എഴുതുക »

ഭരതനാട്യം അരങ്ങേറ്റവും വാദ്യ മേള സായാഹ്നവും

January 5th, 2023

krishna-sreejith-natya-dance-training-institute-ePathram
അബുദാബി : പ്രമുഖ നര്‍ത്തകി കലാമണ്ഡലം കൃഷ്ണ ശ്രീജിത്തിന്‍റെ കീഴില്‍ പ്രവര്‍ത്തിച്ചു വരുന്ന മുസ്സഫ യിലെ നാട്യ ഡാന്‍സ് ട്രെയിനിംഗ് ഇന്‍സ്റ്റിറ്റ്യൂട്ടിലെ വിദ്യാര്‍ത്ഥികളുടെ ഭരതനാട്യം അരങ്ങേറ്റവും നാട്യയുടെ വാര്‍ഷിക ആഘോഷവും 2023 ജനുവരി 7 ശനിയാഴ്ച വൈകുന്നേരം 4 മണി മുതല്‍ അബുദാബി ഭവന്‍സ് സ്കൂളില്‍ അരങ്ങേറും എന്ന് നാട്യ ഭാരവാഹി കള്‍ വാര്‍ത്താ സമ്മേളനത്തില്‍ അറിയിച്ചു.

കലാമണ്ഡലം കാര്‍ത്തികേയന്‍ (വായ്പ്പാട്ട്), കലാ മണ്ഡലം കിരണ്‍ ഗോപിനാഥ് (മൃദംഗം), പത്മകുമാരി മഞ്ചേരി (വയലിന്‍), കേരള കലാ മണ്ഡലത്തിലെ ഓര്‍ക്കസ്ട്ര ടീമും പരിപാടി യില്‍ അണി നിരക്കും.

kalamandir-panchari-melam-2023-melolsavam-natya-dance-ePathram
നാട്യയുടെ സഹോദര സ്ഥാപനമായ കലാ മന്ദിര്‍ അബു ദാബിയുടെ വാദ്യ മേള സായാഹ്നം “കലാ മന്ദിര്‍ മേളോല്‍സവം 2023 പഞ്ചാരിമേളം” എന്ന പേരില്‍ അബുദാബി ഇന്ത്യന്‍ സോഷ്യല്‍ സെന്‍ററില്‍ (ISC) ജനുവരി 8 ഞായറാഴ്ച വൈകുന്നേരം 4.30 ന് കലാ നിലയം സുരേഷ് അവതരിപ്പിക്കുന്ന സിംഗിള്‍ തായമ്പകയോടെ തുടക്കം കുറിക്കും.

തുടര്‍ന്ന് അറുപതോളം വാദ്യ കലാകാരന്മാര്‍ മേള വിസ്മയം തീര്‍ക്കും. കലാമണ്ഡലം ശിവദാസ്, ഹരി അവിട്ടത്തൂര്‍ തുടങ്ങിയവര്‍ നേതൃത്വം നല്‍കും. മേളോല്‍സവത്തിലേക്ക് പ്രവേശനം സൗജന്യം ആയിരിക്കും.

പരിപാടികളെ കുറിച്ച് വിശദീകരിക്കുവാന്‍ വിളിച്ചു ചേര്‍ത്ത വാര്‍ത്താ സമ്മേളനത്തില്‍ കലാ മണ്ഡലം കൃഷ്ണ ശ്രീജിത്ത്, കലാ മന്ദിരം ശോഭാ കൃഷ്ണന്‍ കുട്ടി, കാളി കണ്ണന്‍, ബിജു അബുദാബി, ജോമോന്‍ വര്‍ഗ്ഗീസ് എന്നിവര്‍ സംബന്ധിച്ചു.

- pma

വായിക്കുക: , , ,

അഭിപ്രായം എഴുതുക »

കേരളോത്സവത്തിന് വെള്ളിയാഴ്ച കൊടി ഉയരും

December 30th, 2022

kerala-social-center-keralotsav-2022-ePathram
അബുദാബി : പ്രവാസി മലയാളികളുടെ സംഗമ വേദിയായ അബുദാബി കേരള സോഷ്യല്‍ സെന്‍ററില്‍ 2022 ഡിസംബര്‍ 30 വെള്ളിയാഴ്ച മുതല്‍ മൂന്നു ദിവസം നീണ്ടു നില്‍ക്കുന്ന കേരളോത്സവം ആഘോഷിക്കും. അമ്പതാം വാര്‍ഷികം ആഘോഷിക്കുന്ന കെ. എസ്. സി. യുടെ അങ്കണത്തില്‍ അരങ്ങേറുന്ന ഈ വര്‍ഷത്തെ കേരളോത്സവം പ്രവാസി കളുടെ കലാ സാംസ്‌കാരിക ആഘോഷമാക്കി മാറ്റുന്നതിനുള്ള ഒരുക്കങ്ങള്‍ പൂര്‍ത്തിയായി എന്നും ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.

ksc-keralolsavam-2022-press-meet-ePathram

ഒന്നാം സമ്മാനം ഇരുപത് പവൻ സ്വർണ്ണം ഉൾപ്പെടെ 101 ആകർഷകമായ സമ്മാനങ്ങള്‍ കേരളോത്സവ ത്തില്‍ പങ്കാളികള്‍ ആവുന്നവര്‍ക്കായി ഒരുക്കിയിട്ടുണ്ട്. പത്തു ദിര്‍ഹം വിലയുള്ള കേരളോത്സവ പ്രവേശന കൂപ്പണില്‍ സമാപന ദിവസമായ ജനുവരി 1 നു നടക്കുന്ന നറുക്കെടുപ്പിലെ ആദ്യ വിജയിക്ക് 160 ഗ്രാം സ്വര്‍ണ്ണവും കൂടാതെ മറ്റു 100 പേര്‍ക്ക് വില പിടിപ്പുള്ള വിവിധ സമ്മാനങ്ങളും നല്‍കും.

ഗൃഹാതുരത്വം വിളിച്ചോതുന്ന, കേരള തനിമ യുള്ള ഭക്ഷണ വിഭവങ്ങൾ ലഭ്യമാകുന്ന നാടൻ തട്ടു കടകൾ, പ്രശസ്തരായ കലാകാരൻമാർ പങ്കെടുക്കുന്ന നൃത്ത സംഗീത പരിപാടികൾ, വനിതകൾ ഉൾപ്പെടുന്ന ചെണ്ട മേളം, കുട്ടികൾക്കായി അണിയിച്ചൊരുക്കിയ വിവിധ ങ്ങളായ കളികൾ, സയൻസ് കോർണർ, പുസ്‌തക മേള, മറ്റു വാണിജ്യ സ്റ്റാളുകൾ എന്നിവയാണ് കേരളോത്സവ ത്തിന്‍റെ പ്രധാന ആകർഷണം. ഇന്ത്യൻ കുടുംബങ്ങൾ ഉൾപ്പെടെ സ്വദേശികളും വിദേശികളുമായ പതിനായിരത്തില്പരം ആളുകളെയാണ് കേരളോത്സവ ത്തിലേക്ക് പ്രതീക്ഷിക്കുന്നത്.

സമാപന ദിവസം ജനുവരി 1 നു പ്രശസ്ത ജന പ്രിയ ഗായകൻ അതുൽ നറുകര നേതൃത്വം നല്‍കുന്ന ഗാനമേള അരങ്ങേറും.

കൊവിഡ് സൃഷ്ടിച്ച രണ്ടു വർഷത്തെ പ്രതി സന്ധിക്ക് ശേഷമാണ് ഇങ്ങിനെയൊരു ജനകീയോത്സവം സംഘടിപ്പിക്കുന്നത് എന്നും കെ. എസ്. സി. പ്രസിഡണ്ട് വി. പി. കൃഷ്ണ കുമാര്‍, ജനറല്‍ സെക്രട്ടറി ഷെറിൻ വിജയന്‍, ട്രഷറര്‍ നികേഷ്, കണ്‍വീനര്‍ അഡ്വ. അന്‍സാരി സൈനുദ്ധീൻ, വൈസ് പ്രസിഡണ്ട് റോയ് വര്‍ഗ്ഗീസ്, അഹല്യ മെഡ്‌ സീനിയർ ഓപ്പറേഷൻ മാനേജർ സൂരജ് പ്രഭാകര്‍ എന്നിവര്‍ വാര്‍ത്താ സമ്മേളനത്തില്‍ സംബന്ധിച്ചു.

- pma

വായിക്കുക: , , , , , , ,

അഭിപ്രായം എഴുതുക »

വടകര പ്രവാസോത്സവം ശ്രദ്ധേയമായി

December 4th, 2022

pravasolsvam-2022-vatakara-nri-forum-20-th-anniversary-ePathram
ദുബായ് : വടകര എൻ. ആർ. ഐ. അസ്സോസിയേഷന്‍ ഇരുപതാം വാർഷിക ആഘോഷങ്ങളുടെ ഭാഗമായി ദുബായില്‍ സംഘടിപ്പിച്ച ‘പ്രവാസോത്സവം -2022’ പ്രവാസ ഭൂമികയിലെ വേറിട്ട അനുഭവമായി.

സാംസ്‌കാരിക ഘോഷ യാത്രയിൽ കുട്ടികളും മുതിര്‍ന്നവരും അണി നിരന്നു. വടകരയുടെ തനതു ശില്പങ്ങൾ, മുത്തുക്കുട, ചെണ്ട മേളം, മയിലാട്ടം, കരകാട്ടം, തുടങ്ങിയവ ഘോഷ യാത്രക്ക്‌ മാറ്റു കൂട്ടി.

dubai-vadakara-nri-forum-20-th-anniversary-pravasolsvam-2022-ePathram

ദുബായ് ക്രസൻ്റ് സ്‌കൂൾ അങ്കണത്തിൽ നടന്ന സാംസ്‌കാരിക സമ്മേളനം ഗ്ലോബൽ പീസ് അംബാസഡർ ഹുസൈഫ ഇബ്രാഹിം ഉദ്ഘാടനം ചെയ്തു. നബാദ്‌ അൽ ഇമാറാത് ടീ൦ ലീഡർ ഉമ്മു മർവാൻ മുഖ്യ അതിഥിയായി പങ്കെടുത്തു. പ്രസിഡണ്ട് ഇ. കെ. ദിനേശൻ അദ്ധ്യക്ഷത വഹിച്ചു. കെ. പി. മുഹമ്മദ്, അഡ്വ. സാജിദ് അബൂബക്കർ, ഡോ. മുഹമ്മദ് ഹാരിസ്, സത്യൻ എസ്. ആർ., രാജൻ കൊളാവിപ്പാലം, മോഹൻ എന്നിവർ സംസാരിച്ചു. സാമൂഹ്യ സാംസ്‌കാരിക വ്യവസായ പ്രമുഖരെ ചടങ്ങിൽ ആദരിച്ചു. ജനറൽ സെക്രട്ടറി മനോജ് കെ. വി. സ്വാഗതവും ട്രഷറർ അഡ്വ. മുഹമ്മദ് സാജിദ് നന്ദിയും പറഞ്ഞു.

വടകരയുടെ പഴയ ഓർമ്മകളെ തൊട്ടുണർത്തുന്ന ദേശക്കാഴ്ചകളുടെ ദൃശ്യാവിഷ്കാരവും വടകരയെ മലബാറിൽ അടയാളപ്പെടുത്തുന്ന അഞ്ചു വിളക്കിന്‍റെ രൂപ കല്പനയും തങ്ങളുടെ പഴയ കാലത്തിലേക്ക് ഒരു തിരിച്ചു നടത്ത മായിരുന്നു. വടകരയുടെ പഴമയുടെ തനതു ആവിഷ്കാരങ്ങളും ക്ഷേത്ര ങ്ങളും പള്ളികളും അനുബന്ധ കാഴ്ചകളുടെ ഫോട്ടോ പ്രദർശനം പ്രവാസി കളെ നാട്ടോർമ്മയിലേക്ക് നയിച്ചു. പുരാതനമായ വടകര ചന്തയുടെ പുനരാവിഷ്കരണം ഏറെ ശ്രദ്ധേയമായി.

കോൽക്കളി, തിരുവാതിര, നൃത്തങ്ങൾ, സിനിമാറ്റിക്ക് ഡാൻസ്, ലഘു നാടകം, പ്രശസ്ത ഗായകർ താജുദ്ധീൻ വടകര, അജയ് ഗോപാൽ, മുനവ്വർ, ഹർഷ ചന്ദ്രൻ എന്നിവ രുടെ നേതൃത്വത്തിൽ ഗാനമേള തുടങ്ങിയ വിവിധ കലാ പരിപാടികള്‍ അരങ്ങേറി .

ഇക്ബാൽ ചെക്യാട്, ഭാസ്കരൻ, സിറാജ് ഒഞ്ചിയം, രജീഷ്, മുഹമ്മദ് ഏറാമല, ജിജു കാർത്തികപ്പള്ളി, മൊയ്‌തു കുറ്റ്യാടി, സുഷി കുമാർ, പുഷ്പരാജ്, മൂസ കോയമ്പ്രം, അസീസ് പുറമേരി, എസ്. പി. മഹമൂദ്, ചന്ദ്രൻ കൊയി ലാണ്ടി, ഷാജി, മൊയ്‌തു പേരാമ്പ്ര, സലാം ചിത്രശാല, നൗഫൽ കടിയങ്ങാട്, അനിൽ കീർത്തി, ബഷീർ മേപ്പയൂർ,സ്വപ്‌നേഷ് തുടങ്ങിയവർ നേതൃത്വം നൽകി. പ്രോഗ്രാം കമ്മറ്റി കൺവീനർ റമൽ നാരായണൻ, യാസിർ, രമ്യ, സൂരജ് പി. കെ., ജിനു കെ. എം. തുടങ്ങിയവർ പരിപാടികള്‍ നിയന്ത്രിച്ചു.

- pma

വായിക്കുക: , , , , , , , , , , ,

അഭിപ്രായം എഴുതുക »

വടകര എൻ. ആർ. ഐ. ഫോറം ‘പ്രവാസോത്സവം -2022’ ഞായറാഴ്ച

November 27th, 2022

pravasolsvam-2022-vatakara-nri-forum-20-th-anniversary-ePathram
ദുബായ് : യു. എ. ഇ. യിലെ വടകര എൻ. ആർ. ഐ. ഫോറം കൂട്ടായ്മയുടെ ഇരുപതാം വാർഷിക ആഘോഷ ങ്ങളുടെ ഭാഗമായി ഒരുക്കുന്ന ‘പ്രവാസോത്സവം-2022’ നവംബര്‍ 27 ഞായറാഴ്ച 3 മണി മുതല്‍ ദുബായ് ഖിസൈസിലെ ക്രസൻ്റ് സ്കൂൾ അങ്കണത്തിൽ നടക്കും.

വടകരയുടെ ദേശമുദ്രയായ ‘അഞ്ചു വിളക്കി’ന് സമീപം ആരംഭിക്കുന്ന ചിര പുരാതനമായ വടകര ആഴ്ച ചന്തയുടെ പുനഃസൃഷ്ടിയാണ് പ്രവാസോത്സവത്തിന്‍റെ പ്രധാന ആകർഷണീയത.

വൈകുന്നേരം 4 മണിക്ക് നടക്കുന്ന ഘോഷ യാത്രയിൽ വടകരയുടെ തനതു ശില്പങ്ങൾ, മുത്തുക്കുട, ചെണ്ട മേളം, മയിലാട്ടം, കരകാട്ടം എന്നിവ അണി നിരക്കും. ഇതോടൊപ്പം കുട്ടികൾക്കായി ചിത്ര രചന മത്സരവും കുടുംബിനികൾക്കായി പായസ മത്സരവും നടക്കും.

തുടർന്ന് നടക്കുന്ന സാംസ്‌കാരിക സമ്മേളനം ഗ്ലോബൽ പീസ് അംബാസഡർ ഹുസയ്‌ഫ ഇബ്രാഹിം ഉത്ഘാടനം ചെയ്യും. സാമൂഹ്യ സാംസ്‌കാരിക രംഗ ങ്ങളിലെ പ്രമുഖര്‍ പങ്കെടുക്കും. വിവിധ മേഖല കളില്‍ വ്യക്തി മുദ്ര പതിപ്പിച്ചവരെ ആദരിക്കും.

ഒപ്പം കടത്തനാടിൻ്റെ തനതു കലാ പരിപാടികൾ കളരിപ്പയറ്റ്‌, കോൽക്കളി, വടക്കൻ പാട്ട്, തച്ചോളി പാട്ടുകൾ, നൃത്ത നൃത്യങ്ങൾ അവതരിപ്പിക്കും. പ്രശസ്ത ഗായകർ താജുദ്ധീൻ വടകര, അജയ് ഗോപാൽ, മുനവ്വർ, ഹർഷ ചന്ദ്രൻ എന്നിവരുടെ നേതൃത്വത്തിൽ ഗാന മേളയും അരങ്ങേറും.

- pma

വായിക്കുക: , , , , , , ,

അഭിപ്രായം എഴുതുക »

4 of 1934510»|

« Previous Page« Previous « സെന്‍റ് ജോർജ്ജ് ഓർത്തഡോൿസ്‌ കത്തീഡ്രല്‍ കൊയ്ത്തുത്സവം നവംബർ 27 ന്
Next »Next Page » എനര്‍ജി വോയ്സസ് 2023 : യു. എ. ഇ. പൗരന്മാര്‍ക്ക് കാലാവസ്ഥാ വ്യതിയാന ബോധ വത്കരണ കാമ്പയിന്‍ »



  • ലോഗോ പ്രകാശനം ചെയ്തു
  • കെ. എസ്. സി. ഈദ് ആഘോഷം ‘പെരുന്നാൾ നിലാവ്’ അരങ്ങേറി
  • കണ്ണൂർ ജില്ലാ കെ. എം. സി. സി. ഒരുക്കിയ ‘ഈദ് സംഗമം’ ശ്രദ്ധേയമായി
  • ഇമ ഇഫ്‌താർ വിരുന്നും കുടുംബ സംഗമവും
  • ഫാദേഴ്‌സ് എന്‍ഡോവ്‌മെന്റ് പദ്ധതി : ഡോ. ഷംഷീര്‍ വയലില്‍ അഞ്ച് ദശ ലക്ഷം ദിര്‍ഹം നല്‍കി
  • അബുദാബി മലയാളീസ് ഒരുക്കിയ ‘നൂറിഷ് റമദാൻ’ ശ്രദ്ധേയമായി
  • ഭരണാധികാരികൾക്ക് റമദാൻ ആശംസകൾ നേർന്ന് സലാം പാപ്പിനിശ്ശേരി
  • മുഹമ്മദ് ബിൻ സായിദ് ഫൗണ്ടേഷൻ ഫോർ ഹ്യുമാനിറ്റി സ്ഥാപിതമായി
  • ഇ. കെ. നായനാർ മെമ്മോറിയൽ ഫുട് ബോൾ : ഷാബിയ-നാദിസിയ മേഖലകൾ ചാമ്പ്യന്മാർ
  • സൗഹൃദ സ്നേഹ സംഗമമായി സമൂഹ നോമ്പുതുറ
  • ഇഖ്‌വ ഇഫ്‌താർ സൗഹൃദ സംഗമം
  • അനോര ഗ്ലോബൽ പുതിയ ഭരണ സമിതി
  • പത്തനംതിട്ട ജില്ലാ കെ. എം. സി. സി. റമദാൻ റിലീഫിന് തുടക്കമായി
  • ഇ. കെ. നായനാർ സ്മാരക റമദാൻ ഫുട് ബോൾ ടൂർണ്ണ മെന്റ് ശനിയാഴ്ച മുസ്സഫയിൽ
  • അബുദാബി മലയാളീസ് മെഡിക്കൽ ക്യാമ്പ് സംഘടിപ്പിച്ചു
  • ജ്വാല ഉത്സവ് 2025 ബ്രോഷർ പ്രകാശനം ചെയ്തു
  • കേരള സോഷ്യൽ സെന്റർ ഇഫ്‌താർ സംഗമം
  • ഐ. ഐ. സി. ഹോളി ഖുര്‍ആന്‍ : ബ്രോഷർ പ്രകാശനം ചെയ്തു
  • ഉപന്യാസ മത്സരം : സൃഷ്ടികൾ ക്ഷണിച്ചു
  • ഇഫ്താർ സംഗമവും അവാർഡ് ദാനവും സംഘടിപ്പിച്ചു



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine