ദുബായ്: മലയാളി അക്കൗണ്ടന്റ് വേലൂര് ചാരമംഗലം സി. കെ. ശശികുമാറി (47) നെ കൊലപ്പെടുത്തിയ കേസില് മലയാളി ഡ്രൈവര് തൃശ്ശൂര് ചൂണ്ടല് സ്വദേശി നവാസിനു (35) ദുബായ് കോടതി വധശിക്ഷ വിധിച്ചു. ശമ്പളത്തെ ചൊല്ലിയുള്ള തര്ക്കമാണ് കൊലയില് കലാശിച്ചത്. കഴിഞ്ഞ വര്ഷം ജൂലായിലാണ് കേസിന് ആസ്പദമായ സംഭവം ഉണ്ടായത്. ദുബായ് കരാമ ഫയര് സ്റ്റേഷനടുത്തുള്ള താമസ സ്ഥലത്ത് വെച്ചാണ് ശശികുമാറിനെ നവാസ് ചുറ്റിക കൊണ്ട് തലയ്ക്കടിച്ചും കത്തി കൊണ്ട് കുത്തിയും കൊലപ്പെടുത്തിയത്. കഴുത്തിനും ഹൃദയത്തിനുമേറ്റ മാരകമായ മുറിവുകളാണ് മരണ കാരണമെന്നാണ് ഫോറന്സിക് വിദഗ്ധരുടെ നിഗമനം. കൊല നടക്കുന്ന ദിവസം ശശികുമാര് താമസ സ്ഥലത്ത് തനിച്ചായിരുന്നു. കൃത്യത്തിനു ഉപയോഗിച്ച കത്തിയും ചുറ്റികയും പൊലീസ് കണ്ടെടുത്തു. ശശി കുമാര് ജോലി ചെയ്തിരുന്ന സ്ഥാപനത്തില് ഡ്രൈവറായിരുന്നു നവാസ്. എന്നാല് നവാസ് കോടതിയില് കുറ്റം നിഷേധിച്ചു. സ്വരക്ഷയ്ക്കാണ് കൊല നടത്തിയതെന്ന് അദ്ദേഹം വാദിച്ചു. വിധിക്കെതിരെ 15 ദിവസത്തിനകം നവാസിന് അപ്പീല് പോകാം.
ദുബായ് : ഒരുമ ഒരുമനയൂര് ദുബായ് കമ്മിറ്റി പുതിയ ഭാരവാഹികളെ തിരഞ്ഞെടുത്തു.
ദുബായ് : കേരള മാപ്പിള കലാ അക്കാദമി ദുബായ് ചാപ്റ്റര് പുതിയ കമ്മിറ്റി തെരഞ്ഞെടുത്തു. പ്രസിഡന്റ് : നാസര് പരദേശി, സെക്രട്ടറി : മുനീര് പരപ്പനങ്ങാടി, ഓര്ഗനൈസിംഗ് സെക്രട്ടറി : നവാസ് കുഞ്ഞിപള്ളി, ട്രഷറര് : യു. പി. സി. ഇബ്രാഹിം, വൈസ് പ്രസിഡണ്ടുമാര് : അബ്ദുറഹിമാന് പടന്ന, ഷംസുദ്ദീന് ബ്രൗണ്സ്റ്റാര്. ജോയിന്റ്റ് സെക്രട്ടറിമാര് : അബ്ദുള്ളകുട്ടി ചേറ്റുവ, സെയ്ത്മുഹമ്മദ്, ഷംസുദ്ദീന് കണ്ണൂക്കര.
