ജുബൈല്‍ : ജുബൈല്‍ ഇന്ത്യന്‍ സ്കൂള് മാനേജിംഗ് കമ്മിറ്റി ചെയര്‍മാനായി മലയാളിയായ ഇബ്രാഹിം പൊട്ടേങ്ങല്‍ തെരഞ്ഞെടുക്കപ്പെട്ടു. ഇന്ത്യന്‍ എംബസി പ്രതിനിധി അമിത്‌ മിശ്ര, സൗദി വിദ്യാഭ്യാസ മന്ത്രാലയം ഡയറക്ടര്‍ മുബാറക്‌ എന്നിവര്‍ തെരഞ്ഞെടുപ്പിന് മേല്‍നോട്ടം വഹിച്ചു. പുതിയതായി തെരഞ്ഞെടുക്കപ്പെട്ട അംഗങ്ങളുടെയും സ്ക്കൂള്‍ അധികൃതരുടെയും യോഗത്തില്‍ വെച്ച് പുതിയ ചെയര്‍മാന്‍ ഇബ്രാഹിം പൊട്ടേങ്ങല്‍ ചുമതല ഏറ്റെടുത്തു.
മലപ്പുറം പുത്തനത്താണി സ്വദേശിയായ ഇബ്രാഹിം പാലക്കാട്‌ എന്‍. എസ്. എസ്. എന്‍ജിനിയറിങ് കോളേജ്‌ പൂര്‍വ വിദ്യാര്‍ത്ഥിയാണ്. 1988ല്‍ ഇവിടെ നിന്നും ബി.ടെക്. ബിരുദം നേടിയ ഇദ്ദേഹം എം.ബി.എ. നേടിയ ശേഷം സൗദി അറേബ്യയിലെ അറേബ്യന്‍ പൈപ്പ്‌ കോട്ടിംഗ് കമ്പനിയില്‍ ഉദ്യോഗസ്ഥനായി ജോലി ചെയ്തു വരുന്നു.
ഏറെ പ്രതീക്ഷകളാണ് പുതിയ കമ്മിറ്റിയെ കുറിച്ച് രക്ഷിതാക്കള്‍ക്ക്‌ ഉള്ളത്. മലയാളി രക്ഷിതാക്കളുടെ ഐക്യ വേദി യുടെ വമ്പിച്ച പിന്തുണയാണ് ഇബ്രാഹിം പൊട്ടേങ്ങല്‍ നയിച്ച പാനലിനെ വിജയിപ്പിച്ചത്. സ്ക്കൂളിന്റെ വിദ്യാഭ്യാസ നിലവാരം മെച്ചപ്പെടുത്തുന്നതിന് മുന്‍ഗണന നല്‍കുന്ന പുതിയ കമ്മിറ്റി ഇതിനായി വിദഗ്ദ്ധരായ അദ്ധ്യാപകരെ നിയമിക്കുവാന്‍ ഉദ്ദേശിക്കുന്നു. സ്ക്കൂളിന് സ്വന്തമായ കെട്ടിടം നിര്‍മ്മിക്കുവാനും പുതിയ കമ്മിറ്റിക്ക്‌ ഉദ്ദേശമുണ്ട് എന്ന് ഐക്യവേദി അറിയിച്ചു.
Advertisement:
We maintain Water-Cooled Chillers and Air-Cooled Chillers so efficiently that you will get guaranteed energy savings. Save up to 30% of your electricity bill just by leaving the maintenance of your HVAC equipment to us.
Call: 050 5448596
eMail:
For placing ads, write to :
അബുദാബി : അബുദാബിയിലെ സണ്‍റൈസ്‌ ഇംഗ്ലീഷ്‌ പ്രൈവറ്റ്‌ സ്ക്കൂളിലെ വിദ്യാര്‍ത്ഥികള്‍ സി. ബി. എസ്. ഇ. പത്താം തരം പരീക്ഷയിലും മികച്ച പ്രകടനം കാഴ്ച വെച്ചതായി സ്കൂള് പ്രിന്‍സിപ്പല്‍ സി. ഇന്ബനാഥന് അറിയിച്ചു. പരീക്ഷയ്ക്കു ഹാജരായ മുഴുവന്‍ വിദ്യാര്‍ത്ഥികളും വിജയിക്കുകയും പതിനൊന്നാം തരത്തിലേയ്ക്ക് പ്രവേശനത്തിനുള്ള യോഗ്യത നേടുകയും ചെയ്തു.
അബുദാബി : മാര്‍ച്ച് 2010 ലെ സി. ബി. എസ്. ഇ. പന്ത്രണ്ടാം ക്ലാസ്‌ പരീക്ഷയില്‍ തങ്ങളുടെ വിദ്യാര്‍ത്ഥികള്‍ ഉയര്‍ന്ന വിജയം കരസ്ഥമാക്കിയതായി അബുദാബിയിലെ സണ്‍റൈസ്‌ ഇംഗ്ലിഷ് പ്രൈവറ്റ്‌ സ്ക്കൂള്‍ പ്രിന്‍സിപ്പല്‍ സി. ഇന്ബനാഥന് അറിയിച്ചു. സയന്‍സ് വിഭാഗത്തില്‍ 92.2 ശതമാനം മാര്‍ക്കോടെ ഷെറിന്‍ എലിസബത്ത്‌ ജോണ്‍ ഒന്നാം സ്ഥാനത്തും കൊമ്മേഴ്സ് വിഭാഗത്തില്‍ ലിയ സന്തോഷ്‌ ജേക്കബ്‌ 88.8 ശതമാനം മാര്‍ക്കോടെ ഒന്നാം സ്ഥാനത്തും എത്തിയതായി അദ്ദേഹം അറിയിച്ചു.
അബുദാബി: സി. ബി. എസ്. ഇ. പത്താം തരം പരീക്ഷ എഴുതിയ 45 വിദ്യാര്‍ത്ഥി കളും ഉയര്‍ന്ന ഗ്രേഡുകള്‍ കരസ്ഥമാക്കി അബുദാബി അല്‍നൂര്‍ ഇന്ത്യന്‍ ഇസ്ലാമിക്‌ സ്കൂള് മുന്നില്‍ നില്‍ക്കുമ്പോള്‍ അതില്‍ ഒന്നാം സ്ഥാനം നേടിയ നാഫില അബ്ദുല്‍ ലത്തീഫിന് വിജയത്തിന്റെ ഇരട്ടി മധുരം. സമസ്ത കേരള ഇസ്ലാം മത വിദ്യാഭ്യാസ ബോര്‍ഡിന്‍റെ 2008 – 2009 പൊതു പരീക്ഷയില്‍, സമസ്ത യ്ക്കു കീഴില്‍ പ്രവര്‍ത്തിക്കുന്ന യു. എ. ഇ. യിലെ മദ്രസ കളില്‍ പത്താം തരം പരീക്ഷയില്‍ ഒന്നാം റാങ്ക് നേടി നാഫില അബ്ദുല്‍ ലത്തീഫ് ഉന്നത വിജയം കരസ്ഥമാക്കി യിരുന്നു. ബ്ലാങ്ങാട് ഖത്തീബ് ആയിരുന്ന മര്‍ഹൂം എം. വി. ഉമര്‍ മുസ്ലിയാരുടെ പൌത്രിയും അബുദാബിയില്‍ ജോലി ചെയ്യുന്ന എം. വി. അബ്ദുല്‍ ലത്തീഫിന്‍റെ മകളു മാണ് നാഫില.
