ദോഹ : ഖത്തറിലെ ഡി. പി. എസ്. മോഡേണ് സ്കൂള് വിദ്യാര്ത്ഥിനി സ്കൂള് ബസില് ശ്വാസം മുട്ടി മരിക്കാന് ഇടയായതില് സ്കൂള് മാനേജ് മെന്റ് കുറ്റക്കാരാണെന്ന് സുപ്രീം എജ്യുക്കേഷന് കൗണ്സില് നിയോഗിച്ച കമ്മിറ്റി കണ്ടെത്തി. സ്കൂള് മാനേജ് മെന്റിന്റെ അനാസ്ഥ മൂലമാണ് വിദ്യാര്ത്ഥിനി മരിച്ചതെന്നും ഇതിന് കടുത്ത ശിക്ഷയായിരിക്കും നല്കുകയെന്നും കൗണ്സില് അറിയിച്ചു. സെക്യൂരിറ്റി ഡിപ്പാര്ട്ട് മെന്റിന്റെ അന്വേഷണത്തിന് ശേഷമായിരിക്കും ശിക്ഷ പ്രഖ്യാപിക്കുകയെന്നും കൗണ്സില് അറിയിച്ചു.
കഴിഞ്ഞ തിങ്കളാഴ്ചയാണ് രാജസ്ഥാന് സ്വദേശിനിയായ കെ. ജി. വിദ്യാര്ത്ഥിനി മരിച്ചത്.
ഇന്ത്യയില് തെരുവു കുട്ടികള്ക്ക് വിദ്യാഭ്യാസ സ്ഥാപനങ്ങള് നടത്തുന്ന നവ് ജ്യോതി ഫൗണ്ടേഷന് പിന്തുണ തേടി കിരണ് ബേദി ദുബായില് എത്തി. ഇന്ത്യയില് തെരുവില് ഉപേക്ഷിക്ക പ്പെടുകയോ, വിദ്യാഭ്യാസ സാഹചര്യം ഇല്ലാതെ വളരുകയോ ചെയ്യുന്ന കുട്ടികളെ ദത്തെടുക്കാന് യു. എ. ഇ. യിലെ പലരും മുന്നോട്ട് വരുമെന്നാണ് തന്റെ പ്രതീക്ഷയെന്ന് കിരണ് ബേദി വാര്ത്താ സമ്മേളനത്തില് പറഞ്ഞു.
