മാൾ മില്യണയർ നറുക്കെടുപ്പിൽ തമിഴ്നാട് സ്വദേശിക്ക് ഒരു മില്ല്യണ്‍ ദിർഹം സമ്മാനം

August 16th, 2022

lulu-mall-millionaire-2022-ePathram
അബുദാബി : ലുലു ഗ്രൂപ്പിന്‍റെ നേതൃത്വത്തില്‍ നടന്നു വന്നിരുന്ന മാൾ മില്യണയർ നറുക്കെടുപ്പിൽ സെൽവ റാണി ഡാനിയൽ ജോസഫ് എന്ന തമിഴ്നാട് സ്വദേശിക്ക് ഒരു മില്ല്യണ്‍ ദിർഹം സമ്മാനം ലഭിച്ചു. അവധിക്കു നാട്ടിൽ പോയ സെൽവ റാണിയെ സമ്മാന വിവരം അറിയിക്കാൻ അധികൃതർ ഫോണിൽ വിളിച്ചെങ്കിലും കിട്ടിയിരുന്നില്ല.

managers-with-lulu-mall-millionaire-2022-ePathram

മാൾ മില്യണയർ സമ്മാനം സ്വീകരിച്ച അരുൾ ശേഖർ ആന്‍റണി സാമിയോടൊപ്പം ലുലു മാള്‍ മാനേജര്‍മാര്‍

ലുലു ഹൈപ്പര്‍ മാര്‍ക്കറ്റില്‍ നിന്നും മാളിലെ മറ്റു സ്റ്റോറു കളില്‍ നിന്നും കഴിഞ്ഞയാഴ്ച സെൽവ റാണി സാധനങ്ങള്‍ വാങ്ങിച്ചപ്പോള്‍ കിട്ടിയ 80 കൂപ്പണുകള്‍ നറുക്കെടുപ്പില്‍ റജിസ്റ്റര്‍ ചെയ്തിരുന്നു. അതില്‍ ഒന്നിനാണ് പത്തു ലക്ഷം ദിർഹം സമ്മാനം കരസ്ഥമാക്കിയാത്.

കൂപ്പണുകളില്‍ ഭാര്യയുടെ ഫോണ്‍ നമ്പര്‍ ആയിരുന്നു നൽകിയിരുന്നത് എന്നും അവർ നാട്ടിൽ പോയപ്പോൾ യു. എ. ഇ.യിലെ സിം കാര്‍ഡ് മാറ്റി. അതിനാലാണ് ഫോണിൽ വിളിച്ചിട്ട് കിട്ടാതിരുന്നത് എന്നും സമ്മാനം സ്വീകരിച്ചു കൊണ്ട് ഭർത്താവ് അരുൾ ശേഖർ ആന്‍റണി സാമി പറഞ്ഞു.

രണ്ടു വർഷത്തെ ഇടവേളക്കു ശേഷമാണ് മാൾ മില്യണയർ ലുലു വീണ്ടും തുടങ്ങിയത്. മെഗാ പ്രൈസ് കൂടാതെ ആഴ്ച തോറും നടത്തുന്ന നറുക്കെടു പ്പിലൂടെ 25,000 ദിർഹവും സമ്മാനമായി നൽകുന്നുണ്ട്.

അബുദാബി സാംസ്കാരിക – ടൂറിസം വകുപ്പിന്‍റെ റീട്ടെയിൽ പ്ലാറ്റ്ഫോം ആയ റീട്ടെയിൽ അബുദാബി യുടെ സഹകരണത്തോടെയാണ് ലുലു മാൾ മില്യണയർ സമ്മാന പദ്ധതി നടപ്പാക്കുന്നത്.

- pma

വായിക്കുക: , , , , , , ,

അഭിപ്രായം എഴുതുക »

അദ്ധ്യാപകർക്ക് ജോലി : ഒഡെപെക് വഴി സ്കൂളുകളിലേക്ക് നിയമനം

July 23rd, 2022

cbse-logo-epathram
അബുദാബി : ഫിസിക്കൽ എഡ്യൂക്കേഷൻ (പ്രൈമറി & സെക്കൻഡറി ലെവൽ), ഹിന്ദി (പ്രൈമറി), മലയാളം, ഇസ്ലാമിക്. എഡ്യുക്കേഷൻ (സെക്കൻഡറി), അറബിക് (സെക്കൻഡറി) വിഷയങ്ങളിൽ അബുദാബിയിലെ സി.ബി. എസ്. സി. സ്‌കൂളിൽ അദ്ധ്യാപകര്‍ക്ക് ജോലി ഒഴിവുകള്‍ എന്ന് സംസ്ഥാന സര്‍ക്കാര്‍ പബ്ലിക് റിലേഷന്‍ വകുപ്പ് വാര്‍ത്താ കുറിപ്പില്‍ അറിയിച്ചു. ഇംഗ്ലീഷ്, ഹിന്ദി ഭാഷകള്‍ കൈകാര്യം ചെയ്യുവാനുള്ള പരിജ്ഞാനം നിര്‍ബ്ബന്ധം.

പ്രസ്തുത ജോലികളിലേക്ക് നിയമനത്തിനായി സംസ്ഥാന സർക്കാരിന് കീഴിലുള്ള ODEPEC (Overseas Development and Employment Promotion Consultants Ltd) മുഖേനയാണ് അപേക്ഷ ക്ഷണിച്ചിരിക്കുന്നത്. അതത് വിഷയങ്ങളിൽ ബിരുദം / ബിരുദാനന്തര ബിരുദവും സി. ബി. എസ്. ഇ. സ്‌കൂളിൽ കുറഞ്ഞത് രണ്ട് വർഷത്തെ അദ്ധ്യാപന പരിചയവും ഉണ്ടായിരിക്കണം.

ലൈബ്രേറിയൻ തസ്തികയിലേക്ക് ലൈബ്രറി സയൻസിൽ ബിരുദവും സി. ബി. എസ്. ഇ. സ്‌കൂളിൽ രണ്ട് വർഷത്തെ അദ്ധ്യാപന പരിചയവും അഭികാമ്യം. സപ്പോർട്ട് സ്റ്റാഫ് തസ്തികക്ക് അപേക്ഷിക്കുന്നവരുടെ മിനിമം വിദ്യാഭ്യാസ യോഗ്യത പത്താം ക്ലാസ്സ് വിജയിച്ചിരിക്കണം.

ടീച്ചർ അസിസ്റ്റന്‍റ് ഒഴിവിലേക്ക് പന്ത്രണ്ടാം ക്ലാസ് വിജയിച്ചവർക്ക് അപേക്ഷിക്കാം. പ്രായം 45 വയസ്സ്. എല്ലാ തസ്തികകൾക്കും ഇംഗ്ലീഷിലും ഹിന്ദിയിലുമുള്ള ആശയ വിനിമയ പാടവം നിർബ്ബന്ധം.

കൂടുതൽ വിവരങ്ങൾക്ക് ഒഡെപെക് വെബ് സൈറ്റ് സന്ദർശിക്കുക. (ഫോൺ) : 0471-23 29 44 1 & 0471-23 29 44 2, +91 77364 96574.

ആകർഷകമായ ശമ്പളം, സൗജന്യ താമസം, എയർ ടിക്കറ്റ്, മെഡിക്കൽ അലവൻസ് തുടങ്ങി യു. എ. ഇ. നിയമങ്ങൾ അനുസരിച്ചുള്ള ആനുകൂല്യങ്ങൾ ലഭിക്കും. താത്പര്യമുള്ള ഉദ്യോഗാർത്ഥികൾ ജൂലായ് 31 ന് മുമ്പ് വിശദമായ ബയോഡേറ്റ jobs @ odepc. in എന്ന ഇ- മെയില്‍ വിലാസത്തിൽ അയക്കണം.

 

- pma

വായിക്കുക: , , , , , , , ,

അഭിപ്രായം എഴുതുക »

ഷിൻസോ ആബെ നെഞ്ചേറ്റിയ സുവർണ്ണ നിറമുള്ള നെഹ്‌റു ജാക്കറ്റ്

July 12th, 2022

shinzo-abe-with-dr-shamsheer-vayalil-ePathram
ദുബായ് : ഇന്ത്യയെയും ഇന്ത്യക്കാരെയും എന്നും സ്നേഹിച്ച ജപ്പാൻ മുൻ പ്രധാനമന്ത്രി ഷിൻസോ ആബെയുമായി കൂടിക്കാഴ്ച നടത്തിയ അനുഭവം പങ്കു വെച്ച് ഡോ. ഷംഷീർ വയലിൽ.

പ്രവാസ സംരംഭകർക്കും നിക്ഷേപകർക്കും ജപ്പാനുമായി മികച്ച ബന്ധം ഉണ്ടാക്കുവാന്‍ അവസരം നൽകിയ ആബെ യുമായി അടുത്ത് ഇടപഴകിയ അനുഭവത്തിലൂടെ അദ്ദേഹ ത്തിന് ഇന്ത്യക്കാരോട് ഉണ്ടായിരുന്ന സ്നേഹവും സുദൃഢ ബന്ധവും വ്യക്തമാക്കുകയാണ് പ്രവാസി സംരംഭകനായ ഡോ. ഷംഷീർ വയലിൽ.

ഇന്ത്യാ സന്ദർശന വേളയിൽ സമ്മാനിച്ച സുവർണ്ണ നിറമുള്ള ജാക്കറ്റാണ് ഷിൻസോ ആബെയുടെ ഇന്ത്യാ സ്നേഹത്തിന്‍റെ പ്രതീകമായി ഡോ. ഷംഷീറിന്‍റെ മനസ്സില്‍ എത്തുന്നത്.

2015 ഡിസംബറിലായിരുന്നു ഇന്ത്യ ജപ്പാൻ ഉഭയകക്ഷി ബന്ധം ശക്തമാക്കി ആബെ യുടെ ത്രിദിന സന്ദർശനം. ജപ്പാനുമായി മെഡിക്കൽ, സാങ്കേതിക രംഗങ്ങളിൽ സഹകരണ സാദ്ധ്യതകൾ ചർച്ച ചെയ്യാനായി ലഭിച്ച അവസരം അദ്ദേഹവുമായി ആദ്യ ദിനം തന്നെ കൂടിക്കാഴ്ച നടത്താൻ ഡോ. ഷംഷീറിന്‌ വഴിയൊരുക്കി.

ഡൽഹിയിൽ നടന്ന കൂടിക്കാഴ്ച യിൽ അദ്ദേഹത്തിന് ആശംസകൾ നേർന്ന് എന്ത് സമ്മാനിക്കും എന്നായിരുന്നു ഡോ. ഷംഷീറി ന്‍റെ ആലോചന. ആബെയുടെ പിതാ മഹന്മാർക്ക് ഇന്ത്യ യുമായി ഉണ്ടായിരുന്ന ബന്ധത്തെക്കുറിച്ചു വായിച്ച ഓർമ്മ യിൽ നിന്നാണ് സുവർണ്ണ നിറമുള്ള ഒരു നെഹ്‌റു ജാക്കറ്റ് സമ്മാനമായി തെരഞ്ഞെടുക്കാൻ ഡോ. ഷംഷീർ തീരുമാനിച്ചത്.

ഇന്ത്യയുടെ ആദ്യ പ്രധാന മന്ത്രി ജവഹർലാൽ നെഹ്‌റു ആബെയുടെ മാതൃ പിതാമഹനായ അന്നത്തെ ജാപ്പനീസ് പ്രധാന മന്ത്രി നോബുസുകെ കിഷിയെ ന്യൂഡൽഹിയിൽ നൽകിയ സ്വീകരണത്തില്‍ എം. പി. മാർക്ക് പരിചയ പ്പെടുത്തിയത് ഇങ്ങനെയായിരുന്നു:

“ഇത് ജപ്പാന്‍റെ പ്രധാന മന്ത്രിയാണ്, ഞാൻ ഏറ്റവും ബഹുമാനിക്കുന്ന രാജ്യമാണിത്.” ആ കണ്ണിയിൽ നിന്നൊരാൾ വീണ്ടും ഇന്ത്യയില്‍ എത്തുമ്പോൾ കാലത്തിന്‍റെ സുവർണ്ണ സ്മരണ പുതുക്കുന്ന സമ്മാനം തന്നെയാകട്ടെ എന്നാ യിരുന്നു ഡോ. ഷംഷീ റിന്‍റെ മനസ്സിൽ. സുവർണ്ണ നിറമുള്ള ജാക്കറ്റു മായി ഷിൻസോ ആബെയെ സന്ദർശിച്ച ഡോ. ഷംഷീർ അദ്ദേഹ വുമായുള്ള കൂടിക്കാഴ്ചക്ക് ശേഷമാണ് സമ്മാനപ്പൊതി കയ്യിൽ എടുത്തത്.

എന്താണ് എന്നറിയാനുള്ള ആബെ യുള്ള ആകാംക്ഷ മനസ്സിലാക്കിയ ഡോ. ഷംഷീർ തന്നെ ജാക്കറ്റ് പുറത്തെടുത്തു. “സുവർണ്ണ നിറമുള്ള ജാക്കറ്റ് കണ്ടപ്പോഴേ അദ്ദേഹത്തിന് കൗതുകമായി. ഇപ്പോൾ തന്നെ ധരിച്ചു നോക്കാം എന്ന് അദ്ദേഹം പറഞ്ഞു. ധരിച്ചിരുന്ന വെള്ള ഷർട്ടിനു മുകളിൽ ജാക്കറ്റ് ധരിക്കാനായി അദ്ദേഹം എന്‍റെ സഹായം തേടി.

ജാക്കറ്റ് ധരിച്ച് ഏറെ സന്തോഷ ത്തോടെ ഫോട്ടോ എടുക്കാനായി അദ്ദേഹം പോസ് ചെയ്തു. വീണ്ടും കാണാം എന്നുള്ള പ്രതീക്ഷ പങ്കു വെച്ച് ഇറങ്ങുമ്പോഴും ജാക്കറ്റ് അദ്ദേഹം അഴിച്ചു മാറ്റിയില്ല. ഇന്ത്യക്കും ജപ്പാനും ഇടയിലെ സ്നേഹ ത്തിന്‍റെ പ്രതീകമായി തോന്നി അദ്ദേഹത്തിന്‍റെ ഈ പ്രതികരണം,” ഡോ. ഷംഷീർ ഓർക്കുന്നു.

- pma

വായിക്കുക: , , , ,

അഭിപ്രായം എഴുതുക »

സാന്‍ഡ് ഡിജിറ്റല്‍ ബാങ്ക് ഡയറക്ടർ ബോർഡിൽ എം. എ. യൂസഫലി അംഗം

July 4th, 2022

sheikh-muhammed-present-abudhabi-award-yusuffali-ePathram
അബുദാബി : യു. എ. ഇ. യുടെ ആദ്യ ഡിജി റ്റൽ ബാങ്കായ സാന്‍ഡ് ബാങ്കിന്‍റെ ഡയറക്ടർ ബോർഡ് മെംബറായി ലുലു ഗ്രൂപ്പ് ചെയര്‍ മാനും അബുദാബി ചേംബർ ഓഫ് കോമ്മേഴ്സ് വൈസ് ചെയർമാനുമായ എം. എ. യൂസഫലിയെ തെരഞ്ഞെടുത്തു.

ദുബായ് ബുർജ് ഖലീഫ ഉൾപ്പെടുന്ന ഇമാർ ഗ്രൂപ്പ്, ഓന്‍ലൈന്‍ വ്യാപാര സ്ഥാപനം നൂണ്‍ എന്നിവയുടെ ചെയർമാൻ മുഹമ്മദ് അൽ അബ്ബാര്‍, സാൻഡ് ഡിജിറ്റൽ ബാങ്ക് ചെയര്‍മാനാണ്.

യുവാക്കളെയാണു ബാങ്ക് ലക്ഷ്യമിടുന്നത്. യുവാക്ക ളുടെ വർദ്ധിച്ചു വരുന്ന ഇന്‍റർനെറ്റ് ഉപയോഗവും ആധുനിക വിവര സാങ്കേതിക വിദ്യ യുടെ വളർച്ചയും ഡിജിറ്റൽ ബാങ്കിംഗ് മേഖലക്ക് കൂടുതൽ പ്രചാരം ലഭിക്കാൻ കാരണം ആയെന്നും എം. എ. യൂസഫലി പറഞ്ഞു. ഇനി ഡിജിറ്റൽ ബാങ്ക് യുഗമാണ് വരാനുള്ളത്. പരമ്പരാഗത ബാങ്ക് ഇട പാടുകളെ അപേക്ഷിച്ച് ഡിജിറ്റൽ ബാങ്കിംഗ് ഇടപാടുകൾ എളുപ്പവും തടസ്സം ഇല്ലാത്തതുമാണ് എന്നും അദ്ദേഹം പറഞ്ഞു.

- pma

വായിക്കുക: , , , , , , , ,

അഭിപ്രായം എഴുതുക »

സപ്ലൈകോ ശബരി പ്രീമിയം ചായ ഇനി ഗ​ള്‍ഫി​ലും

June 25th, 2022

minister-anil-release-sabari-tea-in-uae-ePathram
അബുദാബി: പ്രമുഖ ഭക്ഷ്യവിതരണ ശൃംഖല ബി – ഫ്രഷ് ഫുഡ്‌സ്, ശബരി ചായപ്പൊടി യു. എ. ഇ. വിപണിയിൽ അവതരിപ്പിച്ചു. സംസ്ഥാന ഭക്ഷ്യ – സിവിൽ സപ്ലൈസ് വകുപ്പു മന്ത്രി അഡ്വ. ജി. ആർ. അനില്‍, സിവിൽ സപ്ലൈസ് കോർപ്പറേഷൻ ചെയർമാനും എം. ഡി. യുമായ ഡോ. സഞ്ജീബ് പട് ജോഷി ഐ. പി. എസ്., ശബരി പ്രീമിയം ടീ യുടെ ജി. സി. സി. യിലെ അംഗീകൃത വിതര ണക്കാരായ ബി – ഫ്രഷ് ഫുഡ്‌സ് ജനറൽ ട്രേഡിംഗ് കമ്പനി മാനേജിംഗ് ഡയറക്ടർ പി. വി. അബ്ദുൾ നിസ്സാർ, ജനറൽ മാനേജർ എ. എൻ. നഷീം, മാർക്കറ്റിംഗ് മാനേജർ സലിം ഹിലാൽ, ലുലു ഗ്രൂപ്പ് സി. ഇ. ഒ. സെയ്‌ഫി രൂപവാല, ചീഫ് കമ്യുണിക്കേഷൻ ഓഫീസർ വി. ഐ. സലിം, റീജ്യണൽ ഡയറക്ടർ ടി. പി. അബൂബക്കർ, യു. എ. ഇ. വാണിജ്യ രംഗത്തെ പ്രമുഖരും മാധ്യമ പ്രവർത്തകരും ചടങ്ങിൽ സംബന്ധിച്ചു.

b-fresh-supplyco-sabari-tea-ePathram

സപ്ലൈകോ ഉൽപ്പന്നമായ ശബരി പ്രീമിയം ടീ ആദ്യമായാണ് ഗള്‍ഫ് രാജ്യങ്ങളിലേക്ക് എത്തുന്നത്. അധികം വൈകാതെ അരി, സുഗന്ധ വ്യഞ്ജന ങ്ങൾ, മസാലകള്‍ ഉൾപ്പെടെ കേരളത്തിന്‍റെ സ്വന്തം ഉല്‍പ്പന്നങ്ങളെ അതിന്‍റെ തനിമയോടെ പ്രവാസി മലയാളികളുടെ അടുത്തേക്ക് എത്തിക്കുന്ന ശ്രമങ്ങൾക്ക് സപ്ലൈകോ തുടക്കം കുറിച്ചു എന്നും ശബരി ചായപ്പൊടി വിപണിയില്‍ ഇറക്കിക്കൊണ്ട് മന്ത്രി ജി. ആര്‍. അനില്‍ അറിയിച്ചു.

indian-media-with-minister-anil-sabari-ePathram

കേരളത്തിൽ നിന്നും പ്രതിമാസം 20 ടൺ തേയിലയാണ് സപ്ലൈകോ യു. എ. ഇ. യിൽ എത്തിക്കുക. ഇത് ക്രമാനുഗതമായി വർദ്ധിപ്പിക്കും. ഭാവിയിൽ ഇതു 100 ടൺ ആയി ഉയർത്താന്‍ കഴിയും എന്നാണ് പ്രതീക്ഷ. പ്രവാസി മലയാളികളുടെ സഹകരണം മാത്രം ഉണ്ടായാല്‍ ശബരി ചായക്ക് വിപണി കയ്യടക്കുവാന്‍ കഴിയും. പ്രവാസി സംരംഭകരുടെ സഹായത്തോടെ സപ്ലൈകോയുടെ മറ്റു ഉൽപ്പന്നങ്ങളും വിദേശ വിപണിയിൽ എത്തിക്കുവാനും കഴിയും എന്നും മന്ത്രി പറഞ്ഞു.

minister-g-r-anil-pma-rahiman-supplyco-sabari-tea-ePathram

ശബരി തേയിലപ്പൊടി കൂടാതെ ശബരി ടീ ഗ്രാന്യൂള്‍സ്, ശബരി ടീ ബാഗ് എന്നിവയും ഉടന്‍ തന്നെ വിപണിയില്‍ എത്തിക്കും എന്ന് ബി – ഫ്രഷ് ജനറൽ മാനേജർ എ. എൻ. നഷീം അറിയിച്ചു.

sabari-tea-in-uae-ePathram

കേരളത്തിൽ മാത്രം ലഭ്യമാവുന്ന മറയൂർ ശർക്കര, കോയിൻ ബിസ്ക്കറ്റ്സ്, കുട്ടനാട് അരി എന്നിവ ബി – ഫ്രഷ് വിതരണം ചെയ്യുന്ന ഉൽപ്പന്നങ്ങളാണ്.

- pma

വായിക്കുക: , , ,

അഭിപ്രായം എഴുതുക »


« Previous Page« Previous « പ്രധാനമന്ത്രി ജൂണ്‍ 28 ന് യു. എ. ഇ. യില്‍
Next »Next Page » എല്‍. എല്‍. എച്ച്. ആശുപത്രിയില്‍ മാ ക്ലിനിക്ക് – ലിറ്റിൽ സ്റ്റാർ പീഡിയാട്രിക് ക്ലിനിക്ക് ആരംഭിച്ചു »



  • ലോഗോ പ്രകാശനം ചെയ്തു
  • കെ. എസ്. സി. ഈദ് ആഘോഷം ‘പെരുന്നാൾ നിലാവ്’ അരങ്ങേറി
  • കണ്ണൂർ ജില്ലാ കെ. എം. സി. സി. ഒരുക്കിയ ‘ഈദ് സംഗമം’ ശ്രദ്ധേയമായി
  • ഇമ ഇഫ്‌താർ വിരുന്നും കുടുംബ സംഗമവും
  • ഫാദേഴ്‌സ് എന്‍ഡോവ്‌മെന്റ് പദ്ധതി : ഡോ. ഷംഷീര്‍ വയലില്‍ അഞ്ച് ദശ ലക്ഷം ദിര്‍ഹം നല്‍കി
  • അബുദാബി മലയാളീസ് ഒരുക്കിയ ‘നൂറിഷ് റമദാൻ’ ശ്രദ്ധേയമായി
  • ഭരണാധികാരികൾക്ക് റമദാൻ ആശംസകൾ നേർന്ന് സലാം പാപ്പിനിശ്ശേരി
  • മുഹമ്മദ് ബിൻ സായിദ് ഫൗണ്ടേഷൻ ഫോർ ഹ്യുമാനിറ്റി സ്ഥാപിതമായി
  • ഇ. കെ. നായനാർ മെമ്മോറിയൽ ഫുട് ബോൾ : ഷാബിയ-നാദിസിയ മേഖലകൾ ചാമ്പ്യന്മാർ
  • സൗഹൃദ സ്നേഹ സംഗമമായി സമൂഹ നോമ്പുതുറ
  • ഇഖ്‌വ ഇഫ്‌താർ സൗഹൃദ സംഗമം
  • അനോര ഗ്ലോബൽ പുതിയ ഭരണ സമിതി
  • പത്തനംതിട്ട ജില്ലാ കെ. എം. സി. സി. റമദാൻ റിലീഫിന് തുടക്കമായി
  • ഇ. കെ. നായനാർ സ്മാരക റമദാൻ ഫുട് ബോൾ ടൂർണ്ണ മെന്റ് ശനിയാഴ്ച മുസ്സഫയിൽ
  • അബുദാബി മലയാളീസ് മെഡിക്കൽ ക്യാമ്പ് സംഘടിപ്പിച്ചു
  • ജ്വാല ഉത്സവ് 2025 ബ്രോഷർ പ്രകാശനം ചെയ്തു
  • കേരള സോഷ്യൽ സെന്റർ ഇഫ്‌താർ സംഗമം
  • ഐ. ഐ. സി. ഹോളി ഖുര്‍ആന്‍ : ബ്രോഷർ പ്രകാശനം ചെയ്തു
  • ഉപന്യാസ മത്സരം : സൃഷ്ടികൾ ക്ഷണിച്ചു
  • ഇഫ്താർ സംഗമവും അവാർഡ് ദാനവും സംഘടിപ്പിച്ചു



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine