ഉമ്മുല്‍ ഖുവൈന്‍ : എസ്. കെ. എസ്. എസ്. എഫ് ഉമ്മുല്‍ ഖുവൈന്‍ കമ്മിറ്റിയും ഇന്ത്യന്‍ ഇസ്ലാമിക് സെന്ററും സംയുക്തമായി സംഘടി പ്പിക്കുന്ന മനശാസ്ത്ര പരിശീലന വേദി മേയ് 21 വ്യാഴാഴ്ച രാത്രി 9 മണിക്ക് ഉമറുല്‍ ഖയ്യാം റസ്റ്റോറന്റ് ഹാളില്‍ വെച്ച് നടത്തുന്നു.
രക്ഷിതാക്കള്‍ക്കായി ‘നമ്മുടെ മക്കള്‍ നന്മയുടെ പൂക്കള്‍’ എന്ന പേരില്‍ ഒരുക്കുന്ന മനശാസ്ത്ര പരിശീലന വേദി യുടെ ഉത്ഘാടനം യു. എ. ഇ. എസ്. കെ. എസ്. എസ്. എഫ്. പ്രസിഡന്റ് സയിദ് ശുഐബ് തങ്ങള്‍ നിര്‍വ്വഹിക്കും.
കേരളാ ഗവര്‍ന്മെന്റ് ടെക്സ്റ്റ് ബുക്ക് കമ്മിറ്റി അംഗവും സ്കൂള് ടീച്ചേഴ്സ് ട്രെയിനറുമായ എസ്. വി. മുഹമ്മദാലി മാസ്റ്റര്‍ വിഷയം അവതരി പ്പിക്കും. മത സാംസ്കാരിക രംഗത്തെ പ്രമുഖര്‍ സംബന്ധിക്കും.
വിശദ വിവരങ്ങള്‍ക്ക് : 055 84 00 952, 050 72 61 521
അബുദാബി : മലയാളി സമാജം വനിതാ കമ്മിറ്റിക്ക് പുതിയ ഭാര വാഹി കളെ തെരഞ്ഞെടുത്തു. സമാജം പ്രസിഡന്റ് യേശു ശീലന്‍ അദ്ധ്യക്ഷത വഹിച്ചു. 25 പേര്‍ അടങ്ങുന്ന വനിതാ വിഭാഗ ത്തി ന്റെ കണ്‍വീനര്‍ ലിജി ജോബീസ്. കോ-ഓര്‍ഡിനേറ്റര്‍ മാര്‍ നൗഷി ഫസല്‍, അപര്‍ണാ സന്തോഷ്, യമുനാ ജയലാല്‍ എന്നിവ രാണ്. 
