 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : കേരളാ സോഷ്യല്‍ സെന്‍റർ സംഘടിപ്പിക്കുന്ന യു. എ. ഇ. തല സിനിമാറ്റിക് ഗ്രൂപ്പ് ഡാൻസ് മത്സരം ‘DAZZLING STARS’ എന്ന പേരിൽ ഒക്ടോബർ 28 ശനിയാഴ്ച വൈകുന്നേരം 3.30 മുതൽ സെൻറർ അങ്കണത്തിൽ അരങ്ങേറും.
പരിപാടിയിൽ മുഖ്യ അതിഥിയായി പ്രശസ്ത നർത്തകനും സിനിമാ താരവുമായ റംസാൻ മുഹമ്മദ്, നർത്തകിയും വേൾഡ് റെക്കോഡ് ജേതാവുമായ വീണ ശ്രീധർഷ് എന്നിവർ സംബന്ധിക്കും.
വിവിധ എമിറേറ്റുകളിൽ നിന്നുള്ള 38 ടീമുകൾ പങ്കെടുക്കുന്ന ഈ മത്സരം കാണികൾക്ക് വേറിട്ട അനുഭവം ആയിരിക്കും എന്ന് സംഘാടകർ അറിയിച്ചു.
- pma
വായിക്കുക: ആഘോഷം, കുട്ടികള്‍, കേരള സോഷ്യല്‍ സെന്റര്, നൃത്തം, പ്രവാസി, സംഗീതം, സംഘടന
അബുദാബി : പാലക്കാട്‌ ജില്ലാ കെ. എം. സി. സി. ഇന്ത്യൻ ഇസ്ലാമിക് സെന്‍ററിൽ സംഘടിപ്പിച്ച സർഗ്ഗോത്സവ്-2023 കലാ സാഹിത്യ മത്സരങ്ങളിൽ കോങ്ങാട്, മണ്ണാർക്കാട്, പട്ടാമ്പി മണ്ഡലം കെ. എം. സി. സി. കമ്മിറ്റികൾ യഥാക്രമം ഒന്നും രണ്ടും മൂന്നും സ്ഥാനങ്ങൾ കരസ്ഥമാക്കി. ജില്ലയിലെ വിവിധ മണ്ഡലം കമ്മിറ്റികളെ പ്രതിനിധീകരിച്ചു നൂറോളം പ്രതിഭകൾ അഞ്ചോളം വേദികളിലായി മാറ്റുരച്ച പരിപാടി, മികച്ച സംഘാടനം കൊണ്ടും മത്സരങ്ങളുടെ നിലവാരം കൊണ്ടും വേറിട്ടതായി. ഷൊർണൂർ, തൃത്താല, ഒറ്റപ്പാലം മണ്ഡലങ്ങളും മത്സര പങ്കാളികൾ ആയിരുന്നു.
അബുദാബി ഇന്ത്യൻ ഇസ്ലാമിക് സെന്‍റർ പ്രസിഡണ്ട് പി. ബാവ ഹാജി സമാപന സമ്മേളനം ഉൽഘാടനം ചെയ്തു. പാലക്കാട്‌ ജില്ലാ കെ. എം. സി. സി. പ്രസിഡണ്ട് ഷിഹാബ് കരിമ്പനോട്ടിൽ അദ്ധ്യക്ഷത വഹിച്ചു. കെ. എം. സി. സി. നേതാക്കളും സംസ്ഥാന – ജില്ലാ – മണ്ഡലം ഭാരവാഹികളും സെന്റര് ഭാരവാഹികളും ചടങ്ങില്‍ സംബന്ധിച്ചു. സർഗ്ഗോത്സവ്-2023 പരിപാടിയുടെ ഭാഗമായി വനിതകൾക്ക് വേണ്ടി മെഹന്തി മത്സരവും കുട്ടികൾക്കായി കളറിംഗ് മത്സരവും സംഘടിപ്പിച്ചിരുന്നു.
- pma
അബുദാബി : കേരള സോഷ്യല്‍ സെന്റര് സംഘടിപ്പിച്ച ഓണസദ്യ ആയിരങ്ങളുടെ പങ്കാളിത്തം കൊണ്ട് ജനകീയോത്സവമായി. കുരുത്തോലയില്‍ തീര്‍ത്ത തോരണങ്ങളും വാഴക്കുലകളും കൊണ്ട് അലങ്കരിച്ച സെന്റര് അങ്കണത്തില്‍ തികച്ചും കേരളീയ അന്തരീക്ഷ ത്തില്‍ ഒരുക്കിയ ഓണ സദ്യയിൽ 3000 ത്തോളം പേര്‍ പങ്കെടുത്തു. വനിതകൾ ഉൾപ്പെടെ ഇരുനൂറ്റി അമ്പതോളം പ്രവര്‍ത്തകര്‍ ഓണ സദ്യയുടെ പിന്നണിയില്‍ പ്രവര്‍ത്തിച്ചു.
ഇന്ത്യന്‍ എംബസ്സിയിലെ ഡെപ്യൂട്ടി ചീഫ് ഓഫ് മിഷൻ എ. അമർനാഥ്, അബുദാബി പോലീസ് പ്രതിനിധികൾ, വ്യാപാര പ്രമുഖർ, പൊതു പ്രവർത്തകർ തുടങ്ങി സമൂഹത്തിന്‍റെ വിവിധ മേഖലകളിലുള്ളവര്‍ പങ്കെടുത്തു.
അബുദാബിയിലെ പ്രശസ്ത പാചക വിദഗ്‌ദൻ കണ്ണൻ നായരാണ് സദ്യ ഒരുക്കിയത്. സെന്റര് മാനേജിംഗ് കമ്മിറ്റി അംഗങ്ങള്‍, വളണ്ടിയേഴ്‌സ്, വനിതാ വിഭാഗം, ബാലവേദി അംഗങ്ങളും നേതൃത്വം നൽകി.
- pma
വായിക്കുക: onam, ആഘോഷം, കുട്ടികള്‍, കേരള സോഷ്യല്‍ സെന്റര്, പ്രവാസി, സംഘടന, സാംസ്കാരികം
അബുദാബി: കുടുംബ കൂട്ടായ്മ പയസ്വിനി അബുദാബി യുടെ ഓണാഘാഷം ‘ഓണച്ചിന്തുകൾ-2023’ വേറിട്ട കലാ പരിപാടികൾ കൊണ്ട് ശ്രദ്ധേയമായി. മുസ്സഫ ഷൈനിംഗ് സ്റ്റാര്‍ സ്കൂളില്‍ വെച്ച് നടന്ന ആഘോഷ പരിപാടികള്‍ ഐ. എസ്. സി. ജനറൽ സെക്രട്ടറി പ്രദീപ് കുമാർ ഉത്ഘാടനം ചെയ്തു. അബുദാബിയിലെ സാമൂഹിക സാംസ്കാരിക സംഘടനാ സാരഥികളും പയസ്വിനി ഭാരവാഹികളും സംസാരിച്ചു.
വേണു നാദം ഗാനാലാപന മത്സരത്തിൽ യു. എ. ഇ. തലത്തിൽ ജൂനിയർ വിഭാഗത്തിൽ ഒന്നാം സ്ഥാനം കിട്ടിയ അഞ്ജലി വേണു ഗോപാലിന് പയസ്വിനിയുടെ ഉപഹാരം സമ്മാനിച്ചു. പയസ്വിനി അംഗങ്ങൾ അവതരിപ്പിച്ച കോൽക്കളി ഏറെ ശ്രദ്ധിക്കപ്പെട്ടു. ശിങ്കാരി മേളത്തോടു കൂടിയുള്ള മാവേലി എഴുന്നള്ളത്ത്‌, തിരുവാതിര, കുട്ടികളുടെ നൃത്ത നൃത്യങ്ങൾ തുടങ്ങി വിവിധ കലാ പരിപാടികൾ അരങ്ങേറി.
പയസ്വിനി പ്രസിഡണ്ട് ശ്രീജിത്ത് കുറ്റിക്കോൽ അദ്ധ്യക്ഷത വഹിച്ചു. അനന്യ സുനിൽ പ്രാർത്ഥന ഗാനം ആലപിച്ചു. പയസ്വിനി രക്ഷാധികാരി ജയകുമാർ പെരിയ, ടി. വി. സുരേഷ്‌ കുമാർ, ആർട്സ് സെക്രട്ടറി ഉമേഷ് കാഞ്ഞങ്ങാട് എന്നിവർ സംസാരിച്ചു. സെക്രട്ടറി ദീപ ജയകുമാർ സ്വാഗതവും ട്രഷറര്‍ വാരിജാക്ഷൻ ഒളിയത്തടുക്ക നന്ദിയും പറഞ്ഞു. ഡോക്ടർ ആതിര, സുധീഷ് എന്നിവർ അവതാരകർ ആയിരുന്നു.
- pma
വായിക്കുക: expat, ആഘോഷം, കുട്ടികള്‍, പൂര്‍വ വിദ്യാര്‍ത്ഥി, പ്രവാസി, സംഘടന
അബുദാബി : ഇന്ത്യൻ ഇസ്ലാമിക് സെന്റര് അബുദാബി ചെസ് ക്ലബ്ബുമായി ചേർന്നു സെന്റര് അങ്കണത്തില്‍ സംഘടിപ്പിക്കുന്ന ഓപ്പൺ ചെസ് ടൂര്‍ണ്ണമെന്‍റ് 2023 ഒക്ടോബര്‍ 14 ശനിയാഴ്ച രാവിലെ 10 മണിക്ക് തുടക്കമാവും. 16 വയസ്സിനു താഴെയുള്ളവര്‍ക്കു അണ്ടർ 16, മുതിര്‍ന്നവര്‍ക്കായി ഓപ്പണ്‍ കാറ്റഗറിയിലുമായി മത്സരങ്ങള്‍ നടക്കും.
അണ്ടർ 16 മത്സരങ്ങള്‍ രാവിലെ 10 മണി മുതൽ ഉച്ചക്ക് ഒരു മണി വരെയും ഓപ്പൺ വിഭാഗത്തില്‍ ഉള്ള മത്സരങ്ങള്‍ വൈകുന്നേരം 5 മണി മുതൽ രാത്രി 10 വരെ നടക്കും. ഇരുപതോളം രാജ്യങ്ങളില്‍ നിന്നുള്ള നാനൂറോളം പേര്‍ ഓപ്പണ്‍ ചെസ് ടൂര്‍ണ്ണമെന്‍റില്‍ മാറ്റുരക്കും.
പുതുതലമുറയെ ചെസ്സിലേക്ക് ആകർഷിക്കുന്നതിന്‍റെ ഭാഗമായിട്ടാണ് അണ്ടർ 16 മത്സരങ്ങൾക്ക് പ്രാധാന്യം നൽകുന്നത് എന്ന് അബുദാബി ചെസ് ക്ലബ്ബ് എക്സി ക്യൂട്ടീവ് ഡയറക്ടർ സഈദ് അഹമ്മദ് അല്‍ ഖൂരി പറഞ്ഞു.
അബുദാബി ചെസ് ക്ലബ് മുഖ്യ പരിശീലകൻ ബോഗ്ദാൻ, സെന്‍റർ വൈസ് പ്രസിഡണ്ട് ഇബ്രാഹിം ബഷീർ, ജനറൽ സെക്രട്ടറി അഡ്വ. കെ. വി. മുഹമ്മദ് കുഞ്ഞി, ട്രഷറർ ഹിദായത്തുല്ല, ചീഫ് കോഡിനേറ്റർ പി. ടി. റഫീഖ്, സ്പോർട്സ് സെക്രട്ടറി ജലീൽ കാര്യാടത്ത് എന്നിവരും വാര്‍ത്താ സമ്മേളനത്തില്‍ സംബന്ധിച്ചു.
- pma
വായിക്കുക: chess, islamic-center-, കുട്ടികള്‍, പ്രവാസി, വിദ്യാഭ്യാസം, സംഘടന
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
