അബുദാബി : പാണക്കാട് സയ്യിദ് മുഹമ്മദലി ശിഹാബ് തങ്ങളുടെ സ്മരണാർത്ഥം മുസ്ലിം ലീഗ് സംസ്ഥാന കമ്മറ്റി നടപ്പിലാക്കുന്ന ബൈത്തുൽ റഹമ ഭവന പദ്ധതി യുടെ ഭാഗ മായി ആയഞ്ചേരി പഞ്ചായത്ത്‌ കെ എം സി സി അബുദാബി കമ്മറ്റി, പഞ്ചായ ത്തിൽ ഒരു നിർധന കുടുംബത്തിന് വീട് വെച്ച് നൽകാൻ തീരുമാനിച്ചു.
ആറ് ലക്ഷം രൂപ ചെലവിട്ട് ആയഞ്ചേരി പഞ്ചായത്ത്‌ മുസ്ലിം ലീഗ് കമ്മറ്റി യുമായി സഹകരിച്ചു നടത്തുന്ന ഭവന പദ്ധതി യുടെ ശിലാ സ്ഥാപന കർമ്മം ആഗസ്ത് അവസാന വാര ത്തിൽ നടക്കും. ഇത് സംബന്ധിച്ചു ചേര്‍ന്ന യോഗ ത്തിൽ ശറഫുദ്ധീൻ മംഗലാട് അധ്യക്ഷത വഹിച്ചു. ഗ്രാമ പഞ്ചായ ത്തിലെ മാനവ വിഭവ ശേഷി യുടെ വികസനം ലക്ഷ്യം വെച്ച് നടപ്പിലാക്കുന്ന ‘ലൈവ് ആയഞ്ചേരി’ സമഗ്ര – വിദ്യാഭ്യാസ പദ്ധതി യുടെ പ്രവർത്തനം യോഗം വിലയിരുത്തി.
അബ്ദുൽ ലതീഫ് കടമേരി, മുഹമ്മദ് പി. കെ, ഹമീദ് വി. പി, ബഷീർ പൊക്ലാറത്ത് എന്നിവര്‍ സംസാരിച്ചു. അബ്ദുൽ ബാസിത് കായക്കണ്ടി സ്വാഗതവും സഈദ് മുക്കടത്തും വയൽ നന്ദിയും പറഞ്ഞു .
