അബുദാബി : ബലി പെരുന്നാളിനോട് അനുബന്ധിച്ചു നടക്കുന്ന ആഘോഷ പരിപാടി കള്‍ക്കിടെ അപകടങ്ങള്‍ ഉണ്ടാവാനുള്ള സാധ്യത കളെ മുന്നില്‍ കണ്ടു കൊണ്ട് അബുദാബി പോലീസ് അത്യാഹിത വിഭാഗ ത്തിന്റെ പ്രവര്‍ത്തനങ്ങളും ഊര്‍ജിതമാക്കുന്നു.
പൊതു ജനങ്ങള്‍ തിങ്ങി ക്കൂടുന്ന സ്ഥലങ്ങളിലും ആഘോഷ പരിപാടികള്‍ നടക്കുന്ന ഇടങ്ങളിലും എല്ലാ സജ്ജീകരണങ്ങളോടു കൂടി സുരക്ഷാ ഉദ്യോഗസ്ഥരെയും ആംബുലന്‍സും സജ്ജമാക്കും എന്ന് അബുദാബി പോലീസ് പൊതു ജന സുരക്ഷാ വിഭാഗ ത്തിന്റെ ഡയറക്ടര്‍ ലഫ്റ്റ്‌നന്‍റ് കേണല്‍ മുഹമ്മദ് ഇബ്രാഹിം അല്‍ അമീരി അറിയിച്ചു.
ആഘോഷ വേളകളില്‍ വാഹനങ്ങള്‍ പാര്‍ക്ക് ചെയ്യാനായി ആളുകള്‍ നിയമ ങ്ങള്‍ ലംഘിക്കുന്നതും മറ്റും സര്‍വ്വ സാധാരണ മാണ്. ഇത് പ്രധാന റോഡുകളിലും മറ്റും ഗതാഗത ക്കുരുക്ക് ഉണ്ടാക്കുകയും വലിയ തോതിലുള്ള അപകട ങ്ങളിലേക്ക് വഴി വെക്കാവുന്ന സാഹചര്യങ്ങള്‍ സൃഷ്ടിക്കപ്പെടുന്നത് നിയന്ത്രിക്കാനുമായിട്ടാണ് പോലീസ് ഉദ്യോഗസ്ഥര്‍ പ്രവര്‍ത്തനം കൂടുതല്‍ ഊര്‍ജിത പ്പെടുത്തുന്നത്.
