അബൂദാബി: യു. എ. ഇ. യില് ബ്ലാക്ക്ബെറി സര്വ്വീസുകള്ക്ക് നിയന്ത്രണം ഏര്പ്പെടുത്തു വാന് ഉള്ള തീരുമാനം പിന്വലിച്ചു. ഒക്ടോബര് 11 മുതല് ബ്ലാക്ക്ബെറി ക്കുള്ള നിയന്ത്രണം പ്രാബല്യത്തില് വരുമെന്ന് പ്രഖ്യാപിച്ചിരുന്നു. എന്നാല് ഒക്ടോബര് 11 ന് ശേഷവും എല്ലാ സര്വ്വീസുകളും തുടരും എന്ന് ടെലി കമ്യൂണിക്കേഷന്സ് റഗുലേറ്ററി അതോറിറ്റി (ട്രാ) അറിയിച്ചു.
ബ്ലാക്ബെറി യിലൂടെ ഉള്ള ഇ-മെയില്, വെബ് ബ്രൌസിംഗ്, മെസഞ്ചര്, സോഷ്യല് നെറ്റ് വര്ക്കിംഗ് എന്നിവ നിര്ത്തലാക്കുവാന് ആയിരുന്നു ആഗസ്റ്റ് ഒന്നിന് തീരുമാനിച്ചിരുന്നത്. എന്നാല് ബ്ലാക്ക്ബെറി യുടെ സേവനം പൂര്ണ്ണമായും യു. എ. ഇ. നിയമ ങ്ങള്ക്ക് വിധേയ മാക്കുന്നത് സംബന്ധിച്ച് ടെലി കമ്യൂണിക്കേഷന്സ് റഗുലേറ്ററി അതോറിറ്റി മുന്നോട്ടു വെച്ച നിര്ദ്ദേശങ്ങള് ബ്ലാക്ക്ബെറി നിര്മ്മാതാക്കളായ കാനഡ യിലെ റിസര്ച്ച് ഇന് മോഷന് (റിം) അംഗീകരിച്ച സാഹചര്യത്തിലാണ് നിയന്ത്രണം ഏര്പ്പെടുത്താനുള്ള തീരുമാനം പിന്വലിച്ചത്.
ബ്ലാക്ക്ബെറി സര്വ്വീസുകള് യു. എ. ഇ. യില് നിരീക്ഷിക്കാന് സംവിധാനം ഇല്ലാത്ത സാഹചര്യത്തില് ഇത് രാജ്യ സുരക്ഷക്ക് കടുത്ത ഭീഷണി ഉയര്ത്തുവാന് സാദ്ധ്യത ഉണ്ടെന്നുള്ള നിഗമനത്തിലായിരുന്നു തീരുമാനം. ബ്ലാക്ക്ബെറി യുടെ സംവിധാനം അനുസരിച്ച് എല്ലാ സര്വ്വീസുകളും ‘റിം’ സ്ഥാപിച്ച കേന്ദ്രീകൃത സര്വ്വറി ലൂടെയാണ് പോകുന്നത്. അതു കൊണ്ട് ബ്ലാക്ക്ബെറി ഫോണുകളിലൂടെ യുള്ള ഒരു സന്ദേശ കൈമാറ്റവും നിരീക്ഷിക്കാന് സാധിക്കാത്ത സാഹചര്യമാണ് ഉണ്ടായിരുന്നത്. ഇക്കാര്യത്തില് ‘ട്രാ’ നല്കിയ നിര്ദ്ദേശങ്ങള് ‘റിം’ പാലിക്കാത്ത സാഹചര്യത്തിലാണ് ഒക്ടോബര് 11 മുതല് നിയന്ത്രണം ഏര്പ്പെടുത്തുമെന്ന് പ്രഖ്യാപിച്ചത്.
എന്നാല്, ഗള്ഫ് മേഖലയിലെ ഏറ്റവും വലിയ മൊബൈല് ഫോണ് വിപണിയെന്ന നിലയിലും ലോകത്തെ പ്രമുഖ വ്യാപാര കേന്ദ്രം എന്ന നിലയിലും യു. എ. ഇ. യില് നിയന്ത്രണം ഉണ്ടാകുന്നത് തങ്ങളെ പ്രതികൂലമായി ബാധിക്കും എന്നുള്ളത് ‘റിം’ തിരിച്ചറിഞ്ഞതാണ് ‘ട്രാ’ മുന്നോട്ടു വെച്ച നിര്ദ്ദേശങ്ങള് സ്വീകരിക്കാന് അവരെ നിര്ബന്ധിത രാക്കിയത്. നേരത്തെ, സൗദി അറേബ്യ യിലും ഇതേ രീതിയില് ബ്ലാക്ക്ബെറി നിയന്ത്രണ നീക്കം ഒഴിവാക്കി യിരുന്നു.
ദുബായ് : പ്രവാസികള്ക്ക് വോട്ടവകാശം ഉറപ്പാക്കുന്ന ബില് ലോക് സഭ കഴിഞ്ഞ ദിവസം അംഗീകരിച്ചുവെങ്കിലും ഇത് ഭാഗികമായി മാത്രമേ തങ്ങളുടെ ആവശ്യത്തിന്റെ പൂര്ത്തീകരണം ആവുന്നുള്ളൂ എന്നാണ് പ്രവാസികള് കരുതുന്നത്. പല രാജ്യങ്ങളിലെയും പൌരന്മാര് അവരുടെ ഗള്ഫില് ഉള്ള എംബസികളില് ചെന്ന് വോട്ടു രേഖപ്പെടുത്തുന്നത് പോലെ ഇന്ത്യാക്കാര്ക്കും വോട്ടു രേഖപ്പെടുത്തുവാന് ഉള്ള സംവിധാനം നടപ്പിലാകുമ്പോള് മാത്രമേ പ്രവാസി വോട്ടവകാശം എന്ന ആശയം സമ്പൂര്ണ്ണം ആവുകയുള്ളൂ എന്നാണു ഭൂരിഭാഗം പ്രവാസികളും e പത്രം നടത്തിയ സര്വേയില് അഭിപ്രായപ്പെട്ടത്.
അബൂദാബി : ആഗസ്റ്റ് 15 (ഞായറാഴ്ച) മുതല് തലസ്ഥാനത്ത് സില്വര് ടാക്സി കളുടെ നിരക്ക് വര്ദ്ധിപ്പിക്കുന്നു. നിലവില് 1000 മീറ്റര് യാത്രക്കാണ് ഒരു ദിര്ഹം ഈടാക്കുന്നത്. ഇനി മുതല് 750 മീറ്ററിന് ഒരു ദിര്ഹം എന്ന നിരക്കില് ഈടാക്കുവാനാണ് ടാക്സി റഗുലേറ്ററി അതോറിറ്റി യുടെ തീരുമാനം. ആദ്യ 250 മീറ്റര് ദൂരത്തേക്കുള്ള നിശ്ചിത ചാര്ജ്ജ് രാവിലെ 6 മണി മുതല് രാത്രി 9.59 വരെ മൂന്ന് ദിര്ഹമായും രാത്രി 10 മുതല് പുലര്ച്ചെ 5.59 വരെ 3.60 ആയും തുടരും. നിരക്കു വര്ദ്ധന പേരിനു മാത്രം ആണെന്നും ഹ്രസ്വദൂര യാത്ര കള്ക്ക് ഒന്നോ രണ്ടോ ദിര്ഹം മാത്രമാണ് വര്ദ്ധിക്കുക എന്നും സെന്റര് ഫോര് റഗുലേഷന് ഓഫ് ട്രാന്സ്പോര്ട്ട് ബൈ ഹയര് കാര്സ് ( TransAD ) അധികൃതര് വ്യക്തമാക്കി. എമിറേറ്റിലെ ഏഴ് ടാക്സി ഫ്രാഞ്ചൈസികള് നേരിട്ടിരുന്ന നഷ്ടം കുറക്കാന് നിരക്ക് വര്ദ്ധന സഹായിക്കും എന്നും അധികൃതര് അറിയിച്ചു.
അബുദാബി : അബുദാബിയില് ജോലി ചെയ്യുന്ന മലയാളി ഡ്രൈവര് മാര്ക്കായി ജീവ കാരുണ്യ പ്രവര്ത്തന രംഗത്ത് ഒരു കൂട്ടായ്മ രൂപീകരിക്കുന്നു. വിവിധ രാജ്യങ്ങളില് നിന്നും ഗള്ഫില് എത്തിയ ഡ്രൈവര് മാര്ക്കായി നിയമ പരിരക്ഷയും സാമ്പത്തിക പിന്തുണയും ലഭ്യമാക്കുവാനായി സംഘടന കളും കൂട്ടായ്മകളും സജീവമായി പ്രവര്ത്തിക്കുമ്പോള് മലയാളി ഡ്രൈവര്മാര് പ്രശ്നങ്ങളില് പെടുമ്പോള് സ്വയ രക്ഷയ്ക്കും നിയമ സഹായ ത്തിനുമായി നെട്ടോട്ടം ഓടുകയാണ് പതിവ്. ഇതിന് അല്പമെങ്കിലും പരിഹാരം കാണുവാനും അപകട ത്തില് പ്പെടുന്ന സുഹൃത്തു ക്കളുടെ കുടുംബങ്ങള്ക്ക് കഴിയുന്ന രീതിയില് സഹായം എത്തിക്കു വാനും ഉദ്ദേശിച്ചു കൊണ്ട് ഒരു കൂട്ടായ്മ രൂപീകരി ച്ചിരിക്കുന്ന വിവരം അബുദാബി യിലെ എല്ലാ മലയാളി ഡ്രൈവര് മാരെയും അറിയിക്കുന്നു. അബുദാബി യിലെ പ്രഗല്ഭരായ നിയമ വിദഗ്ദ്ധര് ഈ കൂട്ടായ്മക്ക് വേണ്ടുന്ന നിയമ സഹായങ്ങള് നല്കുന്നുണ്ട്. വിശദമായ തീരുമാനങ്ങള് അറിയിക്കു ന്നതിനായി ആഗസ്റ്റ് 6 വെള്ളിയാഴ്ച വൈകുന്നേരം 5 മണിക്ക് എല്ലാവരും അബുദാബി യില് ഒത്തു കൂടുന്നു. ഈ കൂട്ടായ്മ യില് ചേരാന് താല്പര്യമുള്ള സുഹൃത്തുക്കള് ഈ നമ്പരു കളില് ബന്ധപ്പെടുക 050 88 544 56 – 050 231 63 65
