അബുദാബി : മലയാള ഭാഷയെ പ്രോത്സാഹി പ്പിക്കുന്നതിന്റെ ഭാഗമായി അബുദാബി കോലായ സാഹിത്യ കൂട്ടായ്മ ഏര്‍പ്പെടുത്തിയ സമ്മാനങ്ങള്‍ വിതരണം ചെയ്തു. അബുദാബി കേരള സോഷ്യല്‍ സെന്റര്‍ നടത്തിയ യുവജനോത്സവം 2011-12ലെ മലയാള സാഹിത്യ വിഭാഗ ത്തില്‍ പങ്കെടുത്ത എല്ലാവര്‍ക്കും കോലായ സാഹിത്യ കൂട്ടായ്മ സമ്മാനം നല്‍കുക യായിരുന്നു.
കെ. എസ്. സി. യില്‍ നടന്ന ചടങ്ങ് കെ. എസ്. സി. ജനറല്‍ സെക്രട്ടറി അഡ്വ. അന്‍സാരി സൈനുദ്ദീന്‍ ഉദ്ഘാടനം ചെയ്തു. കവി അസ്മോ പുത്തന്‍ചിറ അദ്ധ്യക്ഷത വഹിച്ചു.
കെ. എസ്. സി ജീവ കാരുണ്യ വിഭാഗം സെക്രട്ടറി ശരീഫ് കാളാച്ചാല്‍, ആശ സബീന, ഇ. പി. സുനില്‍, ഷാബു, അജി രാധാകൃഷ്ണന്‍, ശരീഫ് മാന്നാര്‍, സാബു പോത്തന്കോട്, എന്നിവര്‍ സമ്മാന ദാനം നിര്‍വഹിച്ചു. ഫൈസല്‍ ബാവ സമ്മാന ദാന ചടങ്ങ് നിയന്ത്രിച്ചു. അമ്പതിലധികം കുട്ടികളാണ് യുവജനോത്സവ ത്തില്‍ കഥാ രചന, കവിതാരചന, കഥ പറയല്‍, കവിത ചൊല്ലല്‍, ലേഖനം, പ്രസംഗം എന്നീ വിഭാഗ ങ്ങളിലായി മത്സരിച്ചത്.
ഷാര്‍ജ : യുവ കലാ സാഹിതി യു. എ. ഇ. വാര്‍ഷിക പ്പതിപ്പ് ഏപ്രില്‍ 27 വെള്ളിയാഴ്ച ഷാര്‍ജ ഇന്ത്യന്‍ അസോസിയേഷനില്‍ വെച്ച് പ്രശസ്ത സാഹിത്യകാരനും കേരള ഭാഷാ ഇന്‍സ്റ്റിറ്റിയൂട്ടിന്റെ മുന്‍ ഡയറക്ടറുമായ ഡോ. പി. കെ. പോക്കര്‍ പ്രകാശനം ചെയ്യും. പ്രശസ്ത സംഗീതജ്ഞന്‍ ഉസ്താദ് അലി അക്ബര്‍ ഖാന്റെ മകളും എഴുത്തു കാരിയുമായ ലജോ ഗുപ്ത ആദ്യ പ്രതി ഏറ്റു വാങ്ങും. ചടങ്ങില്‍ യു. എ. ഇ. യിലെ മാധ്യമ – സാംസ്‌കാരിക മേഖല യിലെ പ്രമുഖര്‍ പങ്കെടുക്കും.
അബുദാബി : ശക്തി തിയ്യേറ്റേഴ്‌സിന്റെ ആഭിമുഖ്യ ത്തില്‍ ഏപ്രില്‍ 23 തിങ്കളാഴ്ച മുതല്‍ പ്രതിമാസ സംവാദ ത്തിന് തുടക്കം കുറിക്കുന്നു. ‘ബഹു സംസ്‌കാരത്തിന്റെ മാനങ്ങള്‍’ എന്ന വിഷയത്തെ ആസ്പദമാക്കി സംഘടിപ്പിച്ചിരിക്കുന്ന സംവാദം, കേരള ഭാഷാ ഇന്‍സ്റ്റിറ്റിയൂട്ട് ഡയറക്ടരായിരുന്ന പ്രശസ്ത എഴുത്തുകാരന്‍ ഡോ. പി. കെ. പോക്കര്‍ നിയന്ത്രിക്കും.
