അബുദാബി : മലയാള സിനിമയിലെ ഹാസ്യ നടന്മാര്‍ക്ക് കിട്ടുന്ന പരിഗണന പോലും നമ്മുടെ നാട്ടില്‍ എഴുത്തു കാര്‍ക്ക്‌ ലഭിക്കുന്നില്ല എന്ന് കേരള സാഹിത്യ അക്കാദമി അവാര്‍ഡ്‌ ജേതാവ്‌ പ്രശസ്ത ചെറുകഥാ കൃത്ത് സന്തോഷ്‌ ഏച്ചിക്കാനം അഭിപ്രായ പ്പെട്ടു. അബുദാബി ശക്തി തിയ്യറ്റേഴ്സ് സംഘടിപ്പിച്ച ‘കഥാലോകം’ പരിപാടി യില്‍ പങ്കെടുത്തു സംസാരിക്കുക യായിരുന്നു അദ്ദേഹം.
ഒരു സാഹിത്യ പരിപാടിക്ക്‌ ഇത്രയധികം ജനക്കൂട്ടത്തെ ലഭിക്കുന്നത് ഗള്‍ഫ്‌ നാടുകളില്‍ മാത്രമാണ് എന്ന് കെ. എസ്. സി. യുടെ മിനിഹാളില്‍ നിറഞ്ഞ സദസ്സിനെ അഭിമുഖീകരിച്ചു കൊണ്ട് സന്തോഷ്‌ പറഞ്ഞു. നാട്ടിലെ പ്രകടന ങ്ങള്‍ക്ക്‌ ആളുകളെ കൂലിക്ക് എടുക്കുന്നത് പോലെ സാഹിത്യ സദസ്സുകള്‍ക്കും ആളുകളെ കൂലി കൊടുത്ത്‌ വിളിച്ചിരുത്തേണ്ടി വരുന്ന ഗതികേടാണ് കേരളത്തില്‍ ഇന്നുള്ളത്‌. നിളാ നദി മെലിഞ്ഞത് പോലെ സാഹിത്യ പരിഷത്തിന്‍റെ പരിപാടികളും ഈയിടെ ശുഷ്കിച്ചതായി തീര്‍ന്നു എന്നും പറഞ്ഞു.
ശക്തി അവാര്‍ഡ്‌ കമ്മിറ്റി അംഗവും പ്രമുഖ സാഹിത്യ നിരൂപകനും, പ്രഭാഷകനു മായ ഐ. വി. ദാസിന്‍റെ നിര്യാണ ത്തില്‍ അനുശോചനം രേഖപ്പെടുത്തു വാന്‍ കേരളാ സോഷ്യല്‍ സെന്‍ററില്‍ സംഘടിപ്പിച്ച അനുശോചന യോഗ ത്തിനോട് അനുബന്ധിച്ചാണ് ‘കഥാലോകം’ അരങ്ങേറിയത്. ശക്തി പ്രസിഡന്‍റ് റഹീം കൊട്ടുകാട് അദ്ധ്യക്ഷത വഹിച്ചു. ജനറല്‍ സിക്രട്ടറി ഗോവിന്ദന്‍ നമ്പൂതിരി, കെ. എസ്. സി. പ്രസിഡന്‍റ് കെ. ബി. മുരളി, പത്മനാഭന്‍ എന്നിവര്‍ ഐ. വി. ദാസ്‌ അനുസ്മരണ പ്രഭാഷണം നടത്തി.
അബുദാബി: തന്‍റെ സര്‍ഗ്ഗ ശക്തിയെ മാനവ പുരോഗതിക്കു വേണ്ടി വിനിയോഗിച്ച പ്രതിഭാ ധനനായ കലാകാരനായിരുന്നു വയലാര്‍ രാമവര്‍മ്മ എന്ന് ശക്തിയുടെ വയലാര്‍ – ചെറുകാട് അനുസ്മരണ സമ്മേളനം അഭിപ്രായപ്പെട്ടു. ആയിശ യിലൂടെ, മാനിഷാദ യിലൂടെ, ഇമ്പമേറിയ നൂറുകണക്കിന് ചലച്ചിത്ര ഗാനങ്ങളുടെ സര്‍ഗ്ഗ സംഗീത ത്തിലൂടെ മലയാളം കൂട്ടിവായിക്കാന്‍ അറിയാത്ത വരെ പോലും ഹര്‍ഷ പുളകിതരാക്കിയ വയലാറിന്‍റെ കവിതകളില്‍ കണ്ടു വരുന്ന സ്നേഹത്തില്‍ അധിഷ്ടിത മായ ദര്‍ശനം എല്ലാ ജീവിത ദുരന്ത ങ്ങളിലും അതിജീവന ശക്തി പകരുന്ന ശമനൌഷധം ആണെന്ന് വയലാര്‍ അനുസ്മരണ പ്രഭാഷണം നടത്തിയ സഫറുള്ള പാലപ്പെട്ടി അഭിപ്രായപ്പെട്ടു.
ഷാര്‍ജ : പാം പുസ്തകപ്പുരയുടെ വാര്‍ഷിക ത്തോടനുബന്ധിച്ചു പാം സാഹിത്യ സഹകരണ സംഘം ഏര്‍പ്പെടുത്തിയ അക്ഷര തൂലിക പുരസ്കാരത്തിന് സൃഷ്ടികള്‍ ക്ഷണിച്ചു. കഥ, കവിത എന്നിവയാണ് പുരസ്കാരത്തിന് പരിഗണിക്കുക. പ്രസിദ്ധീകരിക്കാത്ത സൃഷ്ടികള്‍ മാത്രമേ മല്‍സരത്തില്‍ ഉള്‍പ്പെടുത്തുകയുള്ളൂ. മലയാള സാഹിത്യത്തിലെ പ്രമുഖ വ്യക്തികള്‍ വിധി കര്‍ത്താക്കള്‍ ആയിരിക്കും. പുരസ്കാരം ഷാര്‍ജ ഇന്‍ഡ്യന്‍ അസോസിയേഷനില്‍ നടക്കുന്ന വാര്‍ഷിക സാഹിത്യ സമ്മേളനത്തില്‍ സമ്മാനിക്കും.
