അല് ഐന് : മാപ്പിള പ്പാട്ടു രംഗത്ത് നിറഞ്ഞു നില്ക്കുന്ന പ്രമുഖ ഗായകൻ കണ്ണൂര് ഷെരീഫിനെ അല് ഐനില് ആദരിച്ചു.
ഇന്ത്യാ സോഷ്യല് സെന്ററില് അല് ഐന് ബ്ളൂ സ്റ്റാർ സംഘടി പ്പിച്ച ‘ഇശല് ഇന് അല് ഐന്’ സംഗീത പരിപാടി യോട് അനുബ ന്ധി ച്ചാണ് കണ്ണൂര് ഷെരീഫിനെ ആദരിച്ചത്.
അല് ഐന് ഇന്ത്യ സോഷ്യല് സെന്റര് ജനറല് സെക്രട്ടറി ശശി സ്റ്റീഫന്, ബ്ളൂ സ്റ്റാർ ജനറല് സെക്രട്ടറി ആനന്ദ് പവിത്രന്, രക്ഷാധി കാരി ജിമ്മി, കലാ വിഭാഗം സെക്രട്ടറി നൗഷാദ് വളാഞ്ചേരി എന്നിവര് ചേര്ന്ന് അദ്ദേഹത്തിന് പുരസ്കാരം നല്കി.
തുടര്ന്ന് കണ്ണൂർ ഷരീഫ്, ആദില് അത്തു, സജ്ല സലിം, ഇസ്മത്ത് എന്നിവർ അണി നിരന്ന ഗാനമേളയും ഷബ്നം ഷെരീഫിന്റെ നേതൃത്വ ത്തില് ഐ. എസ്. സി. യിലെ കുട്ടികള് അണി നിരന്ന വിവിധ കലാ പരിപാടി കളും നടന്നു .
